Tíminn - 05.11.1982, Blaðsíða 3
FÖSTUDAGUR 5. NÓVEMBER 1982
■ Þeir taka á móti þér á „heimsins stærsta Aski“ Einar Oddur Ólafsson, matreiðslumeistari, Jón Snorrason,
yfirmatreiðslumaður og rekstrarstjóri og Ebnar Kristjánsson, nemi
Tímamynd Róbert
Heimsins stærsti Askur:
„Ödýrara að borða hjá
okkur en borða heima’%
— segir Karl Ottósson hjá Aski
■ Hamborgara- og skyndibitastaðir
ýmiss konar hafa mikið verið til umræðu
að undanförnu. Þykja staðir þessir
orðnir sjálfsagðir og margir þeirra mjög
vel sóttir. Einn fyrsti staður þessarar
tegundar sem opnaði á Islandi var
veitingastaðurinn Askur við Suður-
landsbraut. Það var fyrir um 16 árum og
var ekki laust við að mörgum þætti það
nokkuð hættuspil að ráðast í slíkt
ævintýri að opna grillstað á íslandi. En
Askur blómstraði þrátt fyrir hrakspámar
og í dag er fyrirtækið Askur orðið
stórveldi á íslenskum veitinga-
staðamarkaði.
Að sögn Karls Ottósonar hjá Aski þá
varð veruleg breyting á rekstri fyrirtækis-
ins árið 1980, en þá var Askur gerður
að hlutafélagi og skipti um eigendur.
Askur er í dag rekinn í sex deildum og
á eftirtöldum stöðum. Veitingastaðir á
Suðurlandsbraut 14 og Laugavegi 28.
Askpizza er til húsa á Hjarðarhaga 47,
Askborgarinn er í Völvufelli 17, en auk
þess rekur Askur Höfðakaffi að Vagn-
höfða 11 og tvo Askbíla. Við eigenda-
skiptin var jafnframt sett á stofn sérstök
kjötvinnsla þar sem allt hráefni fyrir
„Askana" er unnið. Þessi deild þróaðist
síðar út í sérstakt fyrirtæki og nefnist
það Veitingamaðurinn. Þetta fyrirtæki
er í örum vexti og er nú rekið í þrem
deildum, kjötvinnslustöð og vöruþróun-
ardeild sem starfrækt er í Breiðholti,
skyndiréttadeild sem framleiðir ham-
borgara, samlokur og fleira undir vöru-
merkinu Júmbó og þjónustudeild við
mötuneyti. Á vegum þessarar síðast
nefndu deildar er seldur matur til
stofnana og fyrirtækja. Alls vinna nú 150
- 160 manns hjá Aski og Veitingamann-
inum h.f. og samkvæmt upplýsingum
Karls Ottóssonar selja þessi fyrirtæki um
þrjú hundruð tonn af íslenskum land-
búnaðarafurðum árlega.
Tvískiptur veitingastaður
■ Sá staður sem Askur hefur lagt hvað
mesta áherslu á, er veitingastaðurinn á
Laugavegi 28. Sá staður opnaði fyrir
fimm árum síðan og segja má að hann
hafi mikla sérstöðu meðal íslenskra
veitingastaða. Eiginlega eru þarna rekn-
ir tveir veitingastaðir undir sama þaki,
segir Karl Ottósson. Frá því á morgnana
fram til klukkan 18 er reksturinn með
sjálfsafgreiðsluformi, en á kvöldin og á
sunnudögum breytir staðurinn um svip.
Önnur lýsing er notuð og staðurinn er
færður í sparifötin, auk þess sem þjónað
er til borðs. Geta gestir valið af
fjölbreyttum sérréttamatseðli og fengið
sér vín með matnum.
Verð á þeim réttum sem Askur býður
upp á er ákaflega fjölbreytilegt og má
nefna að hægt er að fá ódýra rétti dagsins
frá 59 krónum og allt upp í dýrindis
steikur s.s. Tumbauta Henry fjórða á
255 krónur. Meðal þeirra nýjunga sem
bryddað hefur verið upp á hjá Aski eru
fjölskylduhelgarnar yfir vetrarmánuð-
ina. Þá hefur verið leitast við að bjóða
fjölskyldum að borða góðan mat, undir
kjörorðinu að ódýrara sé að borða á
Aski en að borða heima. Segir Karl
Ottósson að þessar fjölskylduhelgar hafi
sannað gildi sitt með frábærri aðsókn.
Af fleiri nýjungum er það helst að
matreiðslumenn Asks á Laugaveginum
ætla að verða með óvenjulega rétti á
boðstólum á fimmtudagskvöldum í
vetur en þessi kvöld verða auglýst
sérstaklega í hvert skipti.
-ESE
Veitingahús helgarinnar:
Plötur
Plötur helgarinnar:
í blíðu og stríðu/Steinar
■ „í bb'ðu og stríðu“ nefnist ný
safnplata sem út er komin hjá Steinum
h.f. Á plötunni eru eingöngu lög af
svonefndum nýrómantískum toga og
meðal flytjenda eru stórstjörnur á
borð við Human League, Ultravox,
Yazoo og Japan.
Það þarf víst engum blöðum um það
að fletta að það er nýrómanttkin sem
á mest upp á pallborðið hjá unnendum
popptónlistar í dag. Human League og
Ultravox hafa notið feikna vinsælda í
finum „krcdsum" um tveggja til
þriggja ára skeið og síðar hafa aðrar
hljómsveitir eins og OMD, Japan,
Depechc Mode, Flock of Seagulls og
Yazoo gert það feiki gott. Reyndar er
frami Yazoo ævintýralegur og nú er
Sýningar helgarinnar:
þessi bresk/franski dúett það „heit-
asta“ sem fram hefur komið lengi.
AUar þessar hljómsveitir eiga lag á „í
blíðu og stríðu" og af öðrum hljóm-
sveitum má nefna að Baraflokkurinn
á eitt lag á plötunni. Midge Ure á
sömuleiðis eitt og það á einnig við um
hina athyglisverðu hljómsveit Iceho-
use. — ESE.
„Enn að koma
okkur á óvart”
■ Sýning á smámyndum eftir Nínu
Tryggvadóttur, myndlistarkonu, sem
lést áríð 1968, verður opnuð í Listasafni
alþýðu við Grensásveg á morgun, laug-
ardag klukkan 14.00. Sýningin stendur
til 28. nóvember og verður opin frá
klukkan 14-19 þriðjudaga til föstudaga
en um helgar frá 14-22. Lokað á
mánudögum.
„Nína hefði orðið sjötug á næsta ári
ef henni hefði enst aldur, en hún lést
1968, aðeins 55 ára gömul. Þótt hún
bvggi flest sín fullorðinsár í miðstöðvum
menningarinnar úti í heimi, London,
París, og New York, hafa fáir listamenn
verið eins bundnir íslenskum uppruna
sínum í listsköpun og hugarfari, því hin
alþjóðlega myndlist hennar grundvallast
í íslenskri náttúru," segir Hrafnhildur
Schram, listfræðingur, í sýningarskrá.
Hrafnhildur heldur áfram: „Til fslands
sótti hún styrk sinn samtímis því sem
hún nærðist á erlendum straumum í
nútímalistinni. Hún lærði af bestu lista-
mönnum samtíðarinnar, breyttist stöð-
ugt en þekktist samt á augabragði. Þótt
hún nýtti sér erlendar nýjungar í listum
tókst henni oftast að varðveita sjálfstæði
sitt og persónuleg einkenni.
Jafnvel eftir að sigurinn var unninn og
viðurkenningar hlóðust að henni var
hún eins frjálslynd og leitandi í list sinni
og áður, þegar á móti blés. Svo mikill
var áhuginn í leit hennar að nýjum
tjáningarformum að einn miðill nægði
henni ekki. Sviðið sem hún spannaði var
breitt; að því leyti hafa fáir íslenskir
listamenn staðið henni á sporði. Samt
gerði hún sér ævinlega far um að skilja
eðli efnisins sem hún hafði milli hand-
anna, það skyldi fyrst og fremst þjóna
hugmyndinni.
Á þessari sýningu er Nína enn að
koma okkur á óvart, fæstar myndirnar
hafa verið sýndar áður. Þær eru nýjar
hliðar á þessum margbrotna persónu-
leika og listamanni" segir Hrafnhildur.
Ásmundasalur
Sýning á listmunum og nytjahlutum frá
Tadsijkistan, einu af Mið-Asíulýðveld-
um Sovétríkjanna, var opnuð í Ásmund-
arsal við Freyjugötu í gærkvöldi.
Listmunahúsið:
„Rokk í Frakklandi" nefnist sýning á 24
myndspjöldum frá Frakklandi. Jafn-
framt fer kynning á rokktónlist í
Frakklandi síðustu 25 árin.
Norræna húsið:
Norski listamaðurinn Bjöm Björneboe
heldur sýningu um þessar mundir. Á
sýningunni eru 23 kolteikningar og 28
tússmyndir. Hún stendur til 17. nóv-
ember.
Djúpið:
Sýning Magneu Hallmundardóttur á
vatnslitamyndum skúlptúrum og teikn-
ingum lýkur um helgina.
Kjarvalsstaðir:
Thorvaldsensýningin stendur enn. í
vestursalnum fer fram sýning „Norðan
7“. Húsið er opið frá 14 til 22.
Mokka:
Enskar biblíumyndir frá 18. öld eru til
sýnis á Mokka.
Listasafn Einars Jónssonar:
Safnið er opið miðvikudaga og sunnu-
daga frá kl. 13.30 til 16.
Árbæjarsafn:
Opið samkvæmt umtali. Upplýsingar í
síma 84412 milli klukkan 9 og 10 virka
daga.
Höggmyndasafn Ásmundar Sveinsson-
ar:
Opið þriðjudaga, fimmtudaga og laugar-
daga frá klukkan 14.-16.
Ásgrímssafn:
Nú stendur yfir haustsýning á verkum
Ásgríms. Safnið er opið sunnudaga
þriðjudaga og fimmtudaga frá klukkan
13.30 til 16.
sjónvarp
Sunnudagur
7. nóvember
16.00 Sunnudagshugvekja Séra Kristinn
Ágúst Friðfinnsson flytur.
16.10 Húsið á sléttunni. Nýr flokkur.
Fyrsti þáttur. Samheldni - fyrri hluti
Framhald fyrri þátta um Ingallshjónin og
daetur þeirra. Þýöandi Óskar ingimars-
son.
17.00 Grikkir hinir fornu. Nýr flokkur.
Fyrsti þáttur. Upphafið Breskur mynda-
flokkur i fjórum þáttum sem rekur sögu
hellenskrar menningar pg þau áhrif sem
hún hefur haft á öllum sviðum á
hugsunarhátt og listir i vestrænum
heimi. í þáttunum er einnig brugðiö upp
mörgum atriðum úr griskum harm-
leikjum. Þýðandi og þulur Gylfi Pálsson.
18.10 Stundin okkar
18.50 Hlé
19.45 Fréttaágrip á táknmáli
20.00 Fréttir og veður
20.25 Auglýsingar og dagskrá
20.35 Sjónvarp næstu viku
20.50 Glugginn Þáttur um listir; menningar-
mál og fleira. Dagskrárgerð: Áslaug
Ragnars, Sveinbjörn I. Baldvinsson,
Andrés Indriðason og Kristin Pálsdóttir.
21.40 Schulz í herþjónustu Fimmti þáttur
um ævintýri Gerhards Schulz i heims-
styrjöldinni. Efni fjórða þáttar: Schulz
kemst til Parisar. Þjóðverjar eru í
sigurvímu en strlðið heldur áfram.
Schulz finnur nýjar leiðir til að nýta
falspeningana. Hann er sendur til
Júgóslavíu til vopnakaupa en hafnar f
fangabúðum. Þýðandi Dóra Hafsteins-
dóttir.
22.30 Er enginn sem skllur mig? Fyrri
hiuti. Mynd sem írska sjónvarpið lét gera
í tilefni af 100 ára ártíð skáldjöfursins
James Joyce. Rakinn er aeviferiil skáids-
■ Thor Vilhjálmsson, rithöfundur
flytur sunnudagserindi.
ins og rætt við ættingja hans og
samferðamenn. Þýðandi Óskar Ingi-
marsson.
23.30 Dagskrárlok.
útvarp
Sunnudagur
7. nóvember
8.00 Morgunandakt
8.10 Fréttir
8.15 Veðurfregnir. Fonjstugr. dagbl.
(útdr.).
8.35 Morguntónleikar
10.00 Fréttir. 10.10 Veðurfregnir
10.25 Út og suður Þáttur Friðriks Páls
Jónssonar.
11.00Messa í Selfosskirkju. (hljoðr. 24.
þ.m.)
12.00 Hádegistónleikar '
12.10 Dagskrá. Tónleikar.
12.20 Fréttir. 12.45 Veðurfregnir. Tilkyrm-
ingar. Tónleikar.
13.20 Berlfnarfílharmónían 100 ára II.
þáttur: „Óvenjuleg stofnun". Kynnir:
Guðmundur Giisson.
14.00 Lelkrit: „SiSasti tangó i Salford“
eftlr Peter Whalley. Þýðandi: Krlstrún
Eymundsdóttir. Leikstjóri: Baldvin
Halldórsson.
14.50 Kaffitiminn.
15.15 Kópavogsbrauri7. Þáttur um ung-
lingaheimili ríkisins. Umájón: Sigmar B.
Hauksson, Ámi Stelán Jónsson og
Gunnar Hrafn Birgisson.
16.00 Fréttir. Dagskrá. 16.15 Veðurfregnir.
16.20 Hugleiðingar um Ijóð Elytis og
annan grfskan skáldskap Thor Vil-
hjálmsson rithöfundur flytur sunnudags-
erindi.
18,00 Það var og...Umsjón: Þráinn Bertels-
son.
18.20Tónleikar. Tilkynningar.
18.45 Veðurfregnir. Dagskrá kvöldsins.
19.00 Kvöldfréttir. Tilkynningar.
19.25 Veistu svarið? - Spurningaþáttur
útvarpsins á sunnudagskvöldi.
20.00 Sunnudagsstúdíóið - Útvarp unga
fólksins.
20.45 Gðmul tónlist. Ásgeir Bragason
kynnir.
21.30 Dagskrá á Hallgrfmshátið í Hall-
grímskirkju, Saurbæ, 22. ágúst s.l.
22.00 Tónleikar
22.15 Veðurfregnir. Fréttir. Dagskrá morg-
undagsins. Orð kvöldsins
22.35 „Skáldið á Þröm“ eftlr Gunnar M.
Magnúss Baldvin Halldórsson les (8).
23.00 Kvöldstrenglr.
23.45 Fréttir. Dagskrárlok.