Tíminn - 14.11.1982, Blaðsíða 2

SUNNUDAGUR 14. NÓVEMBER 1982.
■Ragnar Lár myndlistarmaður.
Tímamynd: Ella.
Gjörningur í
Norræna husiniu
■ Gjömingur verður í Norrænahúsinii
laugard. 13. nóv. n.k. kl. 8.30. Þarkoma
fram sameiginlega listamennimir Bat -
Yosef, Haukur og Hörður, Elías Da-
víðsson og Orthulf Prunner.
Hugmyndin er að þrjár listgreinar;
myndlist, hreyfilist og tónlist renni
saman í eina heild.
Bat-Yosef, sem nýverið hélt myndlist-
arsýningu í Gallery Lækjartorgi, hefur
frá árinu 1964 unnið að því að tengja
saman ólíkar listgreinar. Sýningar af því
tagi sem hún hefur átt fmmkvæði að,
hafa verið sýndar á nútímalistasöfnum,
í París á fjórða alþjóða Biennale árið
1965, í Bilbouquet leikhúsinu 1966 og
víða annars staðar til dagsins í dag.
Hlutverk sitt í gjörningum sem þessum
skýrir Bat-Yosef á þann hátt, að með
málun umbreyti hún hinu þekkta í hið
óþekkta, hinu persónulega í hið ópers-
ónulega. Tvíburabræðurnir Haukur og
Hörður sem meðal annars eru þekktir
fyrir hreyfilist sína, taka fyrir í þessum
gjörning formfræðilega könnun á hreyf-
ingu sem afmarkast af litahreyfingum.
Bat-Yosef mun mála þá bræður sem
síðan sýna hreyfilist á mörkum hins
þekkta og óþekkta, við tónlist eftir Elías
Davíðsson og Orthulf Prunner. Tónlistin
er samin fyrir íslenska steina eða réttar
sagt hljóðfæri sem Elías hefur sett
saman úr íslenskum steinum og kallar
Steinaspil.
Elías Davíðsson starfar sem kerfis-
fræðingur en hefur fengist við tónsmíðar
frá unga aldri. Hann hefur samið bæði
hefðbundna og leikræna tónlist, sem
hefur verið flutt hérlendis og erlendis.
Orthulf Prunner er stærðfræðingur að
mennt en starfar sem organisti við
Háteigskirkju og kennir auk þess tónlist
og stærðfræði.
Um Steinaspilið segir höfundurinn
Elías Davíðsson: í sumar uppgötvaði ég
að unnt væri að spila tónlist á íslenska
steina. Ég fór í nokkrar ferðir í
steinatínslu og hef komið mér upp
fjölskrúðugu steinasafni sem nær yfir
tæplega þrjár áttundir.
Steinaspilið er ekki fastmótað hljóð-
færi, heldur breytilegt að lögun og
samsetningu. Steinana má leggja lausa
á trélista með álímdu þéttigúmmíi, en
listamir liggja þvert yfir trékassa, sem
myndar hljómbotn.
Einnig má leggja steinana á grasfleti
í húsasundum, í þröngum dölum eða við
fjallshlíð, Slá má steinana (eða klappa)
með marimbakjuðum eða bara með
öðrum steinum.
Sármjólk með sultu
á sunnudaginn
■ Barnaleikritið Súrmjólk með sultu
verður sýnt á sunnudag kl. 15 í
Alþýðuleikhúsinu Hafnarbíói. Hér er
um að ræða gamanleik fyrir yngstu
áhorfendurna sem gerist í eldhúsi
„venjulegrar" fjölskyldu einn sunnu-
dagsmorgun og sýnir að jafnvel í
eldhúsi geta leynst ævintýri, enda er
undirtitill leikritsins „ævintýri í alvörú.“
Sýningar eru nú að nálgast á sjötta
tuginn og fer þeim brátt að fækka. Það
eru því að verða síðustu forvöð að sjá
þetta vinsæla leikrit.
Ragnar Lár sýnir
á sér nýja hlið
Opnar sýningu með abstraktverkum í dag
■ „Fyrir þá sem telja mikilvægt að
skilgreina alla hluti gæti ég sagt að þessi
myndverk væru lýrískar abstraktsjónir
með landslagsívafi“ sagði Ragnar Lár
myndlistarmaður í samtali við Helgar-
Tímann. Ragnaropnar í dag, laugardag,
kl. 15 sýningu á 35 myndverkum í
Gallerí Lækjartorgi. Hann sýnir þar
teikningar og myndir unnar í olíu og
með vatnslitum.
„Ég hef alltaf verið fígúratífur í minni
myndlist" sagði Ragnar, „en nú þegar
mjög er áberandi að abstraktmálarar eru
farnir að mála fígúratíft þá fer ég hina
leiðina og mála absrakt. Þetta eru fyrstu
abstraktverkin sem ég sýni opinberlega
og þau eru öll unnin á þessu ári.“
Ragnar Lár hefur unnið að auglýsinga-
gerð á Aku|-eyri s.l. 4 ár, en er nú hættur
þeim starfa, og ætlar að helga sig
myndlistinni ef unnt er. Síðasta sýning
Ragnars var í Eden í Hveragerði í fyrra,
en undanfarin ár hefur hann haldið
fjölmargar sýningar úti á landi. Aftur á
móti er nokkur tími frá því hann sýndi
síðast í Reykjavík. Fyrsta málverkasýn-
ing hans var í Ásmundarsal árið 1956.
Fyrir jól koma út tvær bækur sem
Ragnar hefur myndskreytt: Mömmu-
■ strákur eftir Guðna Kolbeinsson og.
Veisla í snjóhúsinu eftir Hreiðar Stefáns-
son.
Listamaðurinn verður á sýningarstað,
Gallerí Lækjartorgi, alla daga milli kl.
17 og 18 meðan á sýningunni stendur,
en henni lýkur 21. nóv. GM
Úrvalið er frá
Nú eru fyrirliggjandi hjá hjólbarðasölum um land allt Bridgestone
diagonal (ekki radial) vetrarhjólbaróar.
25 ára reynsla Bridgestone á íslandi sannar öryggi og endingu.
Geriö samanburð á veröi og gæöum.
Mjólkuidagsneftid
í húsi Osta ogsmjörsölunnar, Ritmhálsi 2
Kynning veröur á nýjustu framleiösluvörum mjólkursamlaganna og boðnar bragöprufur.
Einnig verða neytendakönnun og atkvæðagreiðsla.
Maikaóur Fjölbreytt úrval af ís- og ostanýjungum á kynningarverði.
Hátíðaboió Kynnt verða þrjú hátíðaborð auk partíborðs. Bæklingar með
munu liggja frammi.
Hlutavelta verður í gangi allan tímann og verða vinningar
m.a. ýmsar mjólkurafurðir.
Okeypis aðgangur Opið laugardag og sunnudag frá
kl. 13 - 20.