Tíminn - 18.11.1982, Blaðsíða 18
18
DAGBÓK
ÖNNU FRANK
KÓPAVOGSLEIKHÚSIÐ
LEIKFÉLAG SELFOSS
Dagbók
Önnu Frank
Leikgerð:
Frances Goddrich og
Albert Hackeit
Þýðandi:
Sveinn Víkingur
Leikmynd og leikstjórn:
Stefán Baldursson.
Leikritið var frumsýnt
31. okt. 1982 og er
29. verkefni L.S.
Dagbók Önnu Frank
■ Það gerist nú æ tíðara, að áhugaleik-
flokkar utan af landi, komi suður með
sín verk og efni til leiksýninga, og hafa
þá einkum fengið inni í Kópavogs-
leikhúsinu, eða Félagsheimilinu á Sel-
tjarnamesi.
Þetta er skemmtileg tilbreytni og er
metin af mörgum, en það sem þó vantar
i, er að fólk á suðvesturhominu komi
og sjái þessar sýningar. Þær eru leiknar
fyrir hálftómum húsum, og standa því
sjálfsagt ilia undir ferðalaginu.
■ Ekki veit ég ástæðuna fyrir þessari
dræmu aðsókn, því oft eru á boðstólum
ágætar sýningar, eins og til að mynda
Dagbók Önnu Frank, sem Leikfélag
Selfoss sýndi s.l. mánudag suðrí Kópa-
vogi. Dagbókin á nefnilega sérstakt
erindi við heiminn um þessar mundir,
þegar þúsundir manna vcrða að fara
huldu höfði, ellegar dveljast í flótta-
mannabúðum og fangabúðúm.
Við höfum dæmin allsstaðar. í Pól-
landi, Sovétríkjunum, Afganistan,
Austurlöndum nær, Austurlöndum fjær,
og í Suður og Mið-Ameríku. Heiminum
fer nefnilega svo lítið fram, þótt tæpir
fjórir áratugir séu síðan menn stofnuðu
til Sameinuðu þjóðanna, í því skyni,
meðal annars, að Anna Frank þyrfti
ekki að skrifa meira.
Dagbók Önnu Frank, gyðingastúlk-
unnar, er annars heimsfræg bók ungrar
stúlku, er lést í fangabúðunum Bergen-
Belsen árið 1945. Mitt í einum ógeðfeld-
asta harmleik síðari tíma, a.m.k. í
Norður-Evrópu. Anna Frank var yngst 8
gyðinga, er reyndu að leynast fyrir
Gestapo á þaklofti í Amsterdam í
Hollandi í síðari heimstyrjöldinni, en
verið var að útrýma gyðingum með
kerfisbundnum hætti, þar á meðal í
Hollandi, sem hersetið var af Þjóðverj-
um.
í leikskrá er dagbókin, eða saga Önnu
rakin stuttlega og segir þar m.a. á þessa
leið:
„Á háaloftinu voru auk Önnu faðir
hennar, móðir og systir, önnur hjón og
sonur þeirra.
Auk þess var miðaldra tannlæknir,
sem kom til þeirra síðar, er Gestapo-
menn höfðu fengið augastað á honum.
Vafalaust hafa þúsundir gyðinga leynst
á öðrum stöðum.
Eftir að vistin á háaloftinu hófst, hélt
Anna áfram að færa dagbók sína, sem
hún byrjaði á á þrettánda afmælisdegi
sínum, þegar hún var enn í skóla og
óraði ekki fyrir þeim miklu raunum sem
fjölskyldan átti fyrir höndum.
Það er dagbókinni að þakka, að við
kynnumst þessu næsta ótrúlega dæmi
um viljann til að lifa og um ósérhlífni
éinstaklinga, sem útveguðu mat og
vernd.
í meira en tvö ár fóru átta manneskjur
aldrei út fyrir dyr, voru algjörlega þögul
10 stundir hvern dag meðan unnið var í
vörugeymslunni niðri, stóðu aldrei ná-
lægt glugga í dagsbirtu, fleygðu aldrei
úrgangi, sem komið gæti upp um þau,
létu aldrei vatn renna né dældu vatni í
salerni meðan einhver var niðri. Gerðu
a'drei neitt sem gæti gefið í skyn, að
háaloftið væri annað en auð birgða-
geymsla.
Ef átta manneskjum á misjöfnum aldri
og af ólíkum fjölskyldum hefði tekist að
dyljast þannig í heila viku hefði það þótt
sæta tíðindum, en að haldast þannig við
í tvö ár og einn mánuð hlyti að sýnast
fjarstæða, ef dagbókin væri ekki því til
sönnunar...."
■ Anna Frank.
Dagbókin lýsir lífinu á loftinu, hvernig
hungrið, ósamlyndið og þjáningin leikur
þetta fólk, sem þrátt fyrir allt komst
gegnum mikla þrekraun, sem á hinn
bóginn kom að litlu haldi, því aðeins
einn komst af, faðir Önnu, en hann lifði
af hörmungarnar.
Aðrir urðu hungurmorða í fangabúð-
um nasista, ellegar fóru í gasklefana. 1.
ágúst ritaði Anna Frank í síðasta sinn í
dagbók sína, en 4. sama mánaðar fann
lögreglan felustaðinn og sendi fólkið í
dauðann.
En dagbókin bjargaðist, og þegar
Otto Frank, faðir hennar, kom til
Amsterdam, fann hann engan á lífi, nema
dagbókina, sem síðan hefur lifað sem
bókmenntaverk og minningabók um
hina hræðilegu atburði.
Er það mál manna, að enginn önnur
bók um stríðið, hafi haft eins mikil áhrif
ná afhjúpað grimmdina á eins áhrifa
mikinn hátt og þessi bók, og var hún þó
skrifuð af barni.
Anna Frank frá Selfossi
Dagbók Önnu Frank hefur komið út
í íslenskri þýðingu sér Sveins Víkings og
sagan hefur verið leikin og kvikmynduð.
Þannig að ætla má að flestir hafi með
einhverju móti kynnst þessu verki áður.
En eigi að síður var sýning Leikfélags
Selfoss undir leikstjórn Stefáns Baldurs-
sonar áhrifamikil.
Leikfélagið á Selfossi hefur áður sýnt,
að það er fært um að sviðsetja erfið og
alvarleg verk, og hróður þeSs vex með
þessari sýningu.
Leikritið gerist í 10 atriðum, en að
auki er lesið úr dagbókinni beint milli
atriða. Þannig er þræðinum haldið. Hið
ógnvekjandi umhverfi er einnig túlkað.
Bæði með sviðsleik og eins með leik-
hljóðum. Öll þessi ógn, sem ýmist er
niðri í húsinu, eða á götunum.
Við þessar aðstæður birtist hið mann-
lega eðli.
Suma leikendur þekkjum við nú
orðið, eftir margar sýningar, eins og til
að mynda Sigurgeir Hilmar Friðþjófs-
son, sem er ágætur leikari.
Önnu Frank leikur Guðrún Krist-
mannsdóttir og tekst henni það sérlega
vel, en örðugt er víst alltaf að fá rétta
stúlku í það hlutverk.
Stefán Baldursson, lætur hófsemi í
leik, sitja í fyrirrúmi, en leggur þeim
mun meiri áherslu á textann, sem er rétt
stefna. Og þessi sýning verðskuldaði
húsfylli.
Með helstu hlutverk í leiknum fara:
Sigurgeir Hilmar Friðþjófsson, Sigríður
Karlsdóttir, Guðrún Kristmannsdóttir,
Þuríður Helgadóttir, Gunnar Kristáns-
son, Björg Mýrdal, Halldór Páll Hall-
dórsson, Rúnar Lund, Pétur Pétursson
og Kristín Steinþórsdóttir.
flokksstarf
Reykjanes
Kjördæmisþing framsóknarmanna í Reykjaneskjördæmi verður
haldið í Skiphól Hafnarfirði sunnudaginn 28. nóv. n.k. og hefst kl. 10
f.h.
Stjórnir framsóknarfélaganna í kjördæminu eru minntar á að kjósa
fulltrúa á þingið.
Dagskrá auglýst síðar. Stjórnin.
Vegna skoðanakönnunar
á Suðurlandskjördæmi
Á 23. Kjördæmisþingi Framsóknarflokksins i Suðurlandskjördæmi
sem haldið var í Vík 30. okt. s.l. var ákveðið að efna til
skoðanakönnunar vegna framboös til Alþingiskosninga. Skoðana-
könnunin fer fram á auka kjördæmisþingi með tvöföldum fjölda
fulltrúa og verður þingið haldið í félagsheimilinu Hvoli Hvolsvelli
laugard. 4. des. n.k. og hefst kl. 13,30. Auk tilnefningar frambjóðenda
frá framsóknarfélögunum er öllum flokksbundnum framsóknar-
mönnum heimilt að bjóða sig fram enda fylgi meðmæli 10-20
flokksbundinna framsóknarmanna.
Framboð þurfa að berast til formanns kjörstjórnar Ingva Ebenhards-
sonar Víðivöllum 18, á Selfossi, í síðasta lagi fyrir 30. nóv. n.k.
Kjörstjórnin.
Prófkjör framsóknarmanna á
Austurlandi— Framboð
Kjördæmisþing Kjördæmissambands framsóknarmanna á Austur-
Iandi þann 24. og 25. september ákvað að fram fari prófkjör um
framboð flokksins I kjördæminu við næstu alþingiskosningar.
Framboðsnefnd flokksins hefur nú ákveðið að framboðsfrestur verði
til 10. desember næstk.
Hér með er auglýst eftir framboðum í prófkjörið.
Hvert framboð skal stutt stuðningsyfirlýsingu minnst 25 flokksmanna.
Framboðum skal skilað til formanns framboðsnefndar Þorvalds
Jóhannssonar Seyðisfirði, eða varaformanns Friðriks Kristjánssonar
Höfn, sem veita allar nánari upplýsingar.
Prófkjör fer fram eftir reglum sem samþykktar voru á kjördæmisþingi
f september síðastliðnum.
Prófkjörsdagur mun verða aoglýstur síðar.
Framboðsnefnd.
Framsóknarfélag Miðneshrepps
heldur aðalfund sinn fimmtudaginn 18. nóv. 1982 kl. 20.30 í húsi
Verkalýðsfélags Miðneshrepps.
Dagskrá:
1. Venjuleg aðalfundarstörf.
2. Lagabreytingar.
3. Skráning nýrra félaga.
4. Kosning fulltrúa á kjördæmisþing.
5. Önnur mál.
Framsóknarfólk mætið vel og stundvíslega.
Undirbúningsnefndin.
Njarðvík — Aðalfundur
Framsóknarfélags Njarðvíkur verður haldinn í Framsóknarhúsinu
Keflavík sunnudaginn 21. nóv. kl. 14.00. 3. önnurmál
Dagskrá: 1. Venjuleg aðalfundarstörf
2. Kosningfulltrúaákjördæmisþingið Stjórnin.
Bingó
Félag ungra framsóknarmanna heldur bingó n.k. sunnudag kl. 14.30
að Hótel Heklu Rauðarárstíg 18. puF Reykjavík
Félag framsóknarkvenna í Reykjavík
Félag framsóknarkvenna í Reykjavík heldur almennan félagsfund
laugardaginn 20. nóv. kl. 15, að Rauðarárstíg 18.
Dagskrá: Skýrt frástörfumflokksþings.
Rætt um væntanlegan basar og störf félagsins.
Stjórnin
Kópavogur
Freyja félag Framsóknarkvenna auglýsir jólaföndur í húsi Framsókn-
arfélaganna í Kópavogi Hamraborg 5 mánudaginn 29. nóv kl. 20.00
og laugardaginn 4. des. kl. 14.00. Þátttaka tilkynnist fyrir 27. nóv til
Guðrúnar s. 41708, Þórhöllu s. 41726 og Ingu s. 45918.
Nýir bílar — Notaðir bílar
ÞÚ KEMUR -
æOG SEMUR
Opið laugardaga kl. 10-16.
BÍLASALAN BLIK s/f
Leitid
upplýsinga
SlÐUMÚLA 3-5-105 REYKJAVÍK
SlMI: 86477
FIMMTUDAGUR 18. NÓVEMBER 1982
Kvikmyndir
Sími78900
Salur 1
Frumsýnir spennu-
myndina
SNÁKURINN
(Venom)
Venom er ein spenna frá upphafi
til enda, tekin í London og leikstýrð
af Piers Haggard. Þetta er mynd
fyrir þá sem unna góðum spenn-
umyndum. Mynd sem skilur mikið
eftir.
Aðalhlutverk: Oliver Reed,
Klaus Kinski, Susan George,
Sterling Hayden, Sarah Miles,
Nicol Williamson.
Myndin er tekin í Dolby og sýnd
i 4 rása sterio.
Sýnd kl. 5,7,9 og 11.
Bönnuð börnum innan 16 ára.
Salur 2
Svörtu Tígrisdýrin
GOOD
GUYS
WEAR
BLACK
CHUCK
NORRIS
is
JohnT.
BOOKER
Hörkuspennandi amerísk spennu-
mynd með úrvalsleikaranum
Chuck Norris. Norris hefur sýnt'
það og sannað að hann á þennan
heiður skilið, þvi hann leikur nú i
hverri myndinni á fætur annarri.
Hann er margfaldur karate-
meistari.
Aðalhlutverk: Chuck Norrts, Dana
Andrews, Jim Backus.
Sýnd kl. 5, 7,9 og 11
Bönnuð börnum Innan 14 ára
Salur 3 ■
Number One
Hér er gert stólpagrín at hinum
frægu James Bond myndum.
Charies Bind er númereitt i bresku
leyniþjónustunni og er sendur tif
Ameriku til að hafa upp á týndum
diplomat.
Aðalhlutverk: Gareth Hunt, Nick
Tate.
Sýndkl. 5,7,9 og 11.
Salur 4
Hæ pabbi
Sýnd kl. 5 og 7
Atlantic City
Aðalhlutverk: Burt Lancaster,
Susan Sarandon og Michel
Plccoli Sýndkl. 9og11
Bönnuð innan 12 ára
Salur 5____________
Being There
Sýnd kl. 9
(9. sýningarmánuður)