Tíminn - 19.11.1982, Blaðsíða 6
FÖSTUDAGUR 19. NÓVEMBER 1982
Bjarni Gríms-
son ráðinn kaup
félagsstjóri
á Þingeyri
Þingeyri: Bjami Grímsson, viðskipta-
fræðingur hjá fískveiðasjóði ís-
lands hefur nú verið ráðinn nýr
kaupfélagsstjóri hjá Kaupfélagi
Dýrfirðinga á Þingeyri. Bjarni tekur
við starfinu um næstu áramót og er
ráðinn í stað Sigurðar Kristjánssonar
sem flyst til Kaupfélags Árnesinga.
Bjarni varð stúdent frá MA árið
1975 og viðskiptafræðingur í febrúar
1981. Hann hefur unnið ýmiss störf
til lands og sjávar - m.a. leysti hann
framkvæmdastjóra Fiskiðju Sauðár-
króks af í hálft ár 1980 - en frá 1976
hefur hann starfað með námi hjá
Fiskveiðasjóði og að fullu frá námslok-
um. - HEI
Patreksfirð-
ingar fá
190 tonna
bát
Patreksfjörður: Nýtt - notað - skip
bættist f flota Patreksfirðinga nú í
síðustu viku. „Þctta er 4 ára gamall
190 tonna bátur, sem kom í fyrradag
(12.11)“, sagði Héðinn Jónsson,
útgerðarstjóri Bjargs h.f. sem keypti
skipið, en fyrirtækið átti fyrir skip
sem var úrelt.
Héðinn sagði bátinn fara- beint á
línu og verða á línuveiðum í vetur,
sem algengt er þar fyrir vestan.
Sumir fara þó á netaveiðar síðari
hluta vetrar.
Hann kvað línuveiðarnar hafa
glæðst nú síðustu vikuna, en annars
hafi þetta verið léjegt haust.
Aukið fylgi
- aukin
áhrif
framsóknar-
manna
Hafnarfjörður: „Aðalfundurinn
fagnar því að aukið fylgi Framsókn-
arflokksins í bæjarstjórnarkosning-
unum í Hafnarfirði í vor hefur orðið
til þess að auka áhrif flokksins á gang
bæjarmála, svo og fjölgun framsókn-
armanna í nefndum og ráðum á
vegum bæjarfélagsins", segir m.a. í
ályktun sem samþykkt var á aðal-
fundi Félags ungra framsóknar-
manna í Hafnarfirði sem haldinn var
nú nýlega.
- HEI
„Unnid postulín
ad undanfömu”
Búðardalur: „Að undanförnu hef ég
verið að vinna postulín á verkstæðinu
ásamt manninum mínum, sem hefur
verið með mér í þessu núna undan-
farið“, sagði Kolbrún Björgólfsdótt-
ir, leirlistamaður í Búðardal er við
forvitnuðumst um hvað nú væri efst
á baugi hjá henni um þessar mundir.
„Það sem við erum að vinna núna
er öðruvísi en oft áður. Við erum t.d.
mikið með handmótaða sparibauka
og einnig sérkennilegar stútaflöskur.
Þetta er mikið í frumformunum:
eggform, kúlur, píramidar og slíkt.
Síðan eru flöskur með löngum
hálsum, sem einnig byggjast á
frumformunum. Allir hlutirnir eru
hvítir, en skreyttir með svörtum
rissmyndum", sagði Kolbrún. Hlut-
ina kvaðst hún selja í Gallerí
Langbrók og var hún einmitt nýlega
búin að koma vænni sendingu á
markað er við töluðum við hana
nýlega.
„Já, leirinn er í hvíld í augnablik-
inu. Hins vegar hef ég mikið verið
spurð hvor ég hafi ekki Dalaleir til
sölu fyrir jólin og ég hef hugsað mér
að gera það. Meiningin er að koma
einhverju af slíkum hlutum til Reykja-
víkur fýrir jólin, sem verður þá
fyrsti Dalaleirinn sem fer til sölu fyrir
sunnan,“ sagði Kolbrún.
Aðspurð kvað hún öll námskeið
hins vegar verða að bíða fram yfir
jólin, eða þar til síðar í vetur. „Nú
eru það jólin og jólamarkaðurinn
sem rekur á eftir manni.“
■ Fyrsti „Dalaleirinn" frá Koibrúnu ■ Búðardal sem hún sendir á markað er
væntanlegur til Reykjavíkur fyrir jólin, en hingað til hefur hún selt hluti sína
beint af verkstæðinu og ekki skort viðskiptavini. Á þessari mynd sjáum við, auk
leirmuna, sýnishorn af flisum sem Kolbrún hefur gert tilraunir með að búa til
Mynd HEI
„BÆNDUR MAIA GUIl
MED UIRKAKðlUINUM”
— segir Árni G. Pétursson, hlunnindaráðunautur,
en íbúar í nágrenni Hólmavíkur kynda hús sín
með rekavið o.fl. sem til fellur
■ „Á Vestfjörðum - í nágrenni
Hólmavíkur - hafa nokkrir bændur kynt
hús sín með „lurkakötlum" um eins árs
skeið, og segja þá „mala sér gull“. Sem
brennsluefni nota þeir rekavið en einnig
má nota ýmislegt annað sem til fellur -
margskonar umbúðir og dót, tað, skán,
mó og surtarbrand", sagði Árni G.
Pétursson, hlunnindaráðunautur hjá
Búnaðarfélagi Islands, sem hafði sam-
band við Tímann í framhaldi af frásögn
um trésmiðjuna í Njarðvíkum en enga
orku hefur þurft að kaupa til upphitunar
um áraraðir.
Verð þessara katla í vor sagði Árni
hafa samsvarað 7 til 9 mánaða olíukynd-
ingarkostnaði. Eftir það eigi þeir að geta
gefið mönnum 2ja mánaða laun á ári,
spöruð útgjöld eru jú jafnvel meira virði
en samsvarandi tekjur, þar sem þau eru
skattfrjáls. Þetta sagði Árni fjölda
landsmanna geta notað sér.
„Ég sagði í vor að 6 svona katlar gæfu
tekjur á við meðal refabú, og 6.000
katlar gæfu þjóðinni eins miklar tekjur
og Álverið og Jámblendið til samans.
En nú hafa stjórnvöld snúið á mig. Áður
var það bara olían sem þau greiddu
niður, en nú eru þeir einnig farnir að
greiða niður rafmagnið og jafnvel hita-
veitur.séu þær dýrari en á meðalsvæðum.
Það er því ómögulegt að átta sig lengur
á neinum raunkostnaði í þessu þjóðfé-
lagi,“ sagði Árni.
Samt sem áður segir hann það hljóta
að vera skyldu stjórnvalda að stuðla að
Landakoti
voru
færðar
gjafir
■ St. Jósefsspítali að Landakoti var
vígður við hátíðalega athöfn 16. október
1902. Hann varð því 80 ára í síðasta
mánuði.
Afmælisins var minnst við hátíðlega
athöfn, sem fram fór í kapellu spítalans.
Við það tækifæri færði frú Unnur
Ágústsdóttir, formaður Thorvaldsens-
félagsins spítalanum kr. 100.000.- að
gjöf frá Barnauppeldissjóði til þess að
standa undir kostnaði við breytingar og
endurbætur á Barnadeild spítalans. Frú
Unnur minntist samvinnu Thorvaldsens-
félagsins og Jósefssvstra á liðnum árum
og sagði m.a.: „Árið 1896 er fyrstu
systurnar komu hingað til lands voru um
20 ár frá því að Thorvaldsensfélagið var
stofnað. Starfssaga okkar hefur gerst
hlið við hlið, við í Austurstræti þær við
Túngötu, aðeins „vík á milli vina.“
Barnadeildin hér. hefur ætíð verið
augasteinninn okkar. Hvað er í heimin-
um umkomulausara en lítið veikt bam
- vængbrotinn fugl eða holtasóley ein á
mel, hvergi nálægt stingandi strá. Allt
þetta hrópar á vernd.“
Þá afhenti Ásgeir Ólafsson, fjölum-
dæmisstjóri Lionshreyfingarinnar á ís-
landi kr. 199.154.73 til kaupa á
aðgerðarsmásjá fyrir Augndeild spítal-
ans.
Formaður yfirstjórnar spítalans Óttarr
Möller tilkynnti að gefandi, sem ekki
vildi láta nafns síns getið, hefði gefið
spítalanum stjórnstöð á Gjörgæsludeild
að fjárhæð kr. 555.000,-
Þegar spítalanum eru gefin tæki, er
venja að fella niður öll aðflutningsgjöld
og er því verðmæti gjafa þessara fyrir
spítalann meira en tvöfaldar þær tölur,
sem nefndar eru hér á undan.
Loks flutti yfirlæknir spítalans, Ólafur
Örn Arnarson ræðu.
Að kvöldi hins 16. október hélt
Starfsmannaráð spítalans árshátíð sína,
sem sérstaklega var helguð afmælinu.
því að við nýtum öll þau verðmæti sem
fyrirfinnast í landinu sjálfu. „En sé öllu
sífellt jafnað út - þannig að menn þurfi
kannski ekki að borga nema 20 þús. kr.
fyrir upphitun sem raunverulega kostar
■ Ámi G. Pétursson
60 þúsund á ári - þá hvetur það menn
auðvitað ekki til þess að leggja mikla
vinnu af mörkum til að afla sér ódýrari
eldiviðar. Þeir gætu þá frekar kosið að
horfa á sjónvarpið en að hafa fyrir því
að spara þessi 40 þús. kr. á ári sem það
kostar þjóðfélagið að hita upp húsin
þeirra,“ sagði Árni. Hann benti á í þessu
sambandi að árið 1932 voru 1.114 jarðir
á íslandi taldar hafa hlunnindi af reka,
samkvæmt fasteignamati og ekki sé
nokkur ástæða til að ætla að sá reki hafi
minnkað. Hins vegar hafi íslendingar
ekki fylgst með brennslu á föstu elds-
neyti í s.l. 40 ár. „Olían varð svo ódýr
að mönnum fannst jafnvel ekki taka því
að hafa fyrir að sækja spýtur í fjöru
jafnvel þó þær væru við bæjardymar.“
Sem hlunnindaráðunautur hjá Búnað-
arfélagi íslands er það í verkahring Árna
að hvetja bændur til að nýta sér betur
hlunnindi jarða sinna, reka jafnt sem
önnur. í því skyni hóf hann að kynna
sér hvaða katlar myndu vera heppileg-
astir og varð ákveðin gerð af dönskum
kötlum fyrir valinu. Sagði Árni um 10-12
slíka katla þegar komna til landsins og
8 til viðbótar í pöntun. Þeim sem kynnu
að hafa áhuga vildi hann benda á að
Danir hafa þegar tilkynnt 5% verðhækk-
un um áramót.
„Mér finnst það alveg dæmalaust
tómlæti hjá stjórnvöldum að hafa ekki
hugsað meira út í þessi mál. Ég stakk
t.d. upp á því eitt sinn að sanngjarnt
væri að láta menn hafa olíustyrkinn
fyrsta árið eftir að þeir keyptu katlana,
til þess að hjálpa þeim að fjármagna
þetta. En það komst auðvitað ekkert
áleiðis.
En mér finnst að stjórnvöld eigi að
koma eitthvað á móts við þá menn sem
vilja leggja út í þetta í stað þess að jafna
allt út og drepa með því niður þann
áhuga manna á að nýta sér þau hlunnindi
sem þeir hafa við hendina“.
-HEI
■ Alls bárust Landakotsspítala að gjöf á afmælinu andvirði kr. 860.000.- Þegar
gefin eru tæki til spítalans er venja að feUa niður öll aðflutningsgjöld og er því
verðmæti þessara gjafa fyrir spítalann meira en tvöföld þessi upphæð. Þama
þakkar Óttarr Möller gefendum, og ávarpar sérstaklega fuiltrúa Thorvaldsensfé-
lagsins, sem gaf við þetta tækifæri 100.000 krónur. Unnur Ágústsdóttir aflienti
gjöfina.
■ Óttarr MöUer, formaður yfirstjómar Landakotsspítala tekur við gjöf Lions-
hreyfingarinnar, sem Asgeir Olafsson afhenti.