Tíminn - 24.11.1982, Blaðsíða 6
MIÐVIKUDAGUR 24. NÓVEMBER 1982
þingfréttir!
fréttir
■ Alþingi skorar á ríkisstjórnina
að gera ítarlega könnun á tíðni,
orsökum og afleiðingum vélhjóla-
slysa í umferðinni. Þetta er þings-
ályktunartillaga flutt af Helga Seljan
og Guðrúnu Helgadóttur. Fyrsti
flutningsmaður sagði er hann mælti
fyrir tillögunni að hún væri flutt til
þess að vekja athygli löggjafans á
viðkvæmu og erfiðu vandamáli, ef
verða mætti til þess að leiðir fyndust
að því marki að fyrirbyggja slys þessi
svo sem í mannlegu valdi stendur.
Guðrún Helgadóttir sagði um öku-
menningu íslendinga, að hún væri
nokkurn veginn óþolandi og
óskiljanlegt hvernig ökumenn leyfa
sér að haga má akstri sínum í
skammdeginu. Hún lagði til að
götulögreglan yrði efld, en við núver-
andi ástand verður ekki unað.
Alexander Stefánsson
Sendum alla
löggæslu landsins
út á götur
og gatnamót
og virkjum almenningsálitid
gegn umferdarslysum
Alexander Stefánsson lýsti yfir
stuðningi við tillöguna og sagði m.a.:
Þegar maður talar við fólk í
sambandi við þau alvarlegu slys, sem
alltaf eru að ske svo til daglega nú
orðið, þá segir fólk gjarnan, það
verður að fara að gera eitthvað til
þess að koma í veg fyrir þessi slys og
auðvitað hlýtur maður að taka undir
þessa fullyrðingu, en það er spurn-
ingin, hvað á að gera? Ogég verð að
segja það alveg eins og er að mér
finnst að við gerum of lítið í
sambandi við þessi mál til þess að
vita hvort hægt er að afstýra
þessari miklu umferðarslysaöldu.
Ég held að það verði að taka höndum
saman um að gera markvissar að-
gerðir gegn umferðarslysum. Mér
hefur t.d. oftar en einu sinni komið
til hugar, hvað getur hið opinbera,
hvað getur löggjafinn gert til að hafa
frumkvæði á þessu sviði. Er ekki t.d.
eitt ráð að taka upp sérstakan dag,
sérstaka umferðadaga, eða jafnvel
viku, sem eru eingöngu ætluð í það
að vekja menn til umhugsunar um
þessi mál, fá almenning til beinna
afskipta á þessum málum með
umræðum með því að senda alla
löggæslu landsins út á götur og
gatnamót og með því að taka
sjónvarp, útvarp og aðra fjölmiðla í
notkun, eingöngu til þess að reyna
að vekja almenningsálitið til varnar
í þessum málum. Mér finnst að
þesji umferðarmál öll og umferðar-
menning okkar almennt, sé á því
stigi "að það sé ekki vanþörf að taka
okkur taki, hvert og eitt í sambandi
við þessi mál. Ég vil þess vegna, um
leið og ég lýsi stuðningi við þessa
tillögu,koma hér á framfæri, að mér
finnst' að við verðum að fylgja því
eftir, með því að reyna að hafa áhrif
á það að það verði gert eitthvert
stórátak til þess að gera tilraun til að
forða eftir því sem hægt er þessum
miklu hörmungum, sem umferðar -
slysin leiða yfir fjölda fólks í okkar
landi.
Grásleppu-
karlar fá
bætur úr
Aflatrygg-
ingasjódi
■ Lagt er til breytinga á lögum um
aflatryggingasjóð, að grásleppukarl-
ar eigi möguleika á að fá bætur úr
sjóðnum þegar illa gengur. Sjávarút-
vegsráðherra hefur mælt fyrir frum-
varpi þessa efnis, en aflabrestur var
á grásleppu í ár og urðu margir
grásleppuveiðimenn fyrir þungum
búsifjum.
Ljúkum rafvæð-
ingu dreifbýlis
■ 10 þingmenn Framsóknarflokks-
ins hafa lagt fram þingsályktunartil-
lögu um rafvæðingu dreifbýlis. Fyrsti
tlutningsmaður er Stefán Guð-
mundsson. Aðrir flutningsmenn eru
Guðmundur Bjarnason, Ólafur Þ.
Þórðarson, Jón Helgason, Þórarinn
Sigurjónsson, Ingólfur Guðnason,
Stefán Valgcirsson, Davíð Aðal-
steinsson, Páll Pétursson og Alex-
ander Stefánsson,
í' tillögunni felst að ríkisstjórnin
sjái svo til að á næstum tveim árum
verði nægilegt fjármagn tryggt svo að
Ijúka megi rafvæðingu býla í sveit-
um sem miðast við að samveita nái
til allra býla landsins með allt að 6
km. eins vírs línu samkvæmt áætlun
Orkuráðs frá 14. apríl 1982. Jafn-
framt verði gerð og lögð fram áætlun
um lausn á raforkumálum þeirra býla
sem ekki hafa verið tengd samveitu
að áætlunartímabili loknu.
í greinargerð kemur fram að árið
1971 voru 930 býli án rafmagns, en
nú er svo komið að þau býli sem
fjallað er um í þingsályktunartillög-
unni eru 25-30 talsins.
Lánasjód námsmanna vantar 40 milljónir
til að geta staðið í skilum:
mAlið í athugun
— segir f jármálarádherra
■ „Það er verið að kanna hvernig hægt er að ráða flram úr fjárþörf Lánasjóðs og þar er um þrjár leiðir að ræða,“ sagði
Ragnar Arnalds fjármálaráðherra, er Tíminn ræddi við hann í gær, en Lánasjóður íslenskra námsmanna stendur nú frammi
fyrir því að geta ekki greitt út námslán í desember að fullu vegna fjárskorts.
- í fyrsta lagi má hugsa sér beina aukafjárveitingu til sjóðsins, í öðru lagi að sjóðurinn taki lán til að brúa bilið, hluti
af starfsemi hans er fjármagnaður með lánum og það þarf að meta hvað er hagstætt að hafa það hlutfall hátt. f þriðja lagi
kemur til greina að sjóðurinn fái að fresta afborgunum af lánum sem hann á að greiða fyrir áramót, þangað til á árinu 1983.
Sigurjón Valdimarsson framkvæmdastjóri LÍN sagði í samtali við blaðið í gær að sjóðinn vantaði um 40 milljónir til að
geta brúað bilið. Meginástæðan fyrir þessum skyndilega fjárskorti væri geysileg fjölgun umsókna um haustlán frá því sem
sjóðurinn hafði gert ráð fyrir í útreikningum sínum. Hins vegar væri þess að geta að það væri afar erfitt að gera raunhæfar
spár um fjölda umsókna. Reyndin hefði verið sú undanfarin ár að aðeins um 39% þeirra sem nytu lánsréttinda samkvæmt
reglum sjóðsins hefðu sótt um haustlán undanfarin ár. Nú hefðu mun fleiri sótt um og væri kennske eðlilegast að álykta
sem svo að tekjur námsfólks hefðu verið minni hluti af framfærslu kostnaði nú en undanfarið og því fleiri orðið að grípa
til þess að fjármagna nám sitt með lánum en áður.
Sigurjón sagði að óhagstæð geogisþróun ætti sinn þátt í erfiðleikunum en fjölgun usmókna, væri meginástæðan.
- JGK.
■ Kgupfélagsstjórafundurinn sem haldinn var nú um helgina var sérstæður að þvi leyti að þetta er í fyrsta skipti sem
hver einasti kaupfélagsstjóri landsins mætti til slíks fundar, þar á meðal 4 konur sem nú gegna kaupfélagsstjórastörfum,
sem einnig er í fyrsta sinn. Töldu ýmsir þetta dæmi um að mönnum þætti ástandið framundan nú óvenju dökkt. -Tímamynd:
Róbert.
Árlegum kaupfélagsstjórafundi lokið:
Fjármagnskostnaður oft
hærri en launagreiðslur
— hjá kaupfélögunum — fjárhagserfið-
leikar ákaflega miklir
■ Algengt mun nú orðið að fjármagns-
kostnaður kaupfélaganna ■ landinu
nemi hærri upphæðum en allar launa-
greiðslur þeirra, að því er fram kom á
kaupfélagsstjórafundi er haldinn var í
Reykjavík nú um helgina.
„Það var mjög þungt í mönnum
hljóðið varðandi horfurnar framundan,
raunar það svartasta sem ég man eftir á
slfkum fundum“, sagði Eysteinn Sig-
urðsson frá Fræðsludeild Sambandsins.
Komið hafi fram að fjárhagserfiðleikar
séu nú ákaflega miklir, eins og hjá
öðrum rekstri í landinu. Jafnframt eigi
félagsmenn orðið erfiðara með að standa
í skilum, sem geri reksturinn enn þyngri.
Vegna hins gífurlega fjármagnskostn-
aðar - þar sem nær öll lán eru nú orðin
verðtryggð - virðasl menn nú almennt
vera orðnir hræddir við allt sem heitir
fjárfesting, þannig að hann verkar lam-
andi á aliar framkvæmdir félaganna.
„Horfurnar eru þannig að menn virðast
orðnir verulega hræddir og tala um stór
vandamál“, sagði Eysteinn.
- HEI
Líf og Land:
Vísindaþing um næstu helgi
■ Samtökin Líf og Land gangast fyrir
ráðstefnu undir heitinu Maður og vísindi
að Kjarvalsstöðum um næstu helgi, 27.
og 28. nóvember. Þar verða flutt 21
erindi um sögu og stöðu vísinda á
Islandi. Auk erinda verða umræður um
vísindi og samfélag fyrri daginn og
pallborðsumræður síðari daginn.
Ráðstefnan hefst kl. 10 árdegis á
laugardag með ávörpum Jóns Óttars
Ragnarssonar og Sturlu Friðrikssonar.
Síðan flytur Björn Sigfússon erindi um
sögu vísinda á íslandi, Sveinbjörn
Björnsson talar um sögu raunvísinda og
verkfræði, Ingi Sigurðsson talar umsögu
hugvísinda, Þórólfur Þórlindsson um
sögu félagsvísinda, Ólafur Björnsson
um sögu hagvísinda og loks talar Jón
Steffensen um sögu læknisfræði fyrir
daga embættislækna.
Eftir hádegi talar Áslaug Brynjólfs-
dóttir um vísindi og skólakerfið, Vil-
hjálmur Lúðvíksson um fjármögnun
vísinda, Guðmundur Magnússon um
skipulagingu fagþekkingar, Þorsteinn
Vilhjálmsson um hugmyndafræði vís-
inda, Guðmundur Einarsson um tækni-
þróun og samfélag og loks Einar K.
Guðfinnsson um vísindi og stjórnmál.
Kl. 16 hefjast umræður og stjórnar
Gunnar Kristjánsson þeim, en Sigurður
Blöndal flytur lokaorð.
Á sunnudag hefst ráðstefnan kl. 13 og
verða þá flutt erindi um vísindi og
velmegun: Jóhann Már Maríusson talar
um nýtingu orku, Björn Dagbjartsson
um nýtingu sjávarfangs, Björn Sigur-
björnsson um nýtingu landgæða, Gylfi
Einarsson um nýtingu jarðefna, Ágúst
Valfells um vísindi, tækni, auðlindir og
efnahag, Magnús Magnússon um nýja
stóriðju, Margrét Guðnadóttir um nýt-
ingu sérþekkingar, Páll Theodórsson
um tölvuvæðingu í íslensku þjóðfélagi
og loks talar Jónas Haralz almennt um
vísindi og velmegun.
Kl. 16 hefjast pallborðsumræður um
viðfangsefni þingsins og stjórnar þeim
Sigmundur Guðbjarnarson. Þinginu
verður síðan slitið um kl. 18 og gerir það
formaður Lífs og Lands, Kristinn Ragn-
arsson arkitekt.
Vísindaþingið er öllum opið og veit-
ingar á boðstólum. - GM.