Tíminn - 26.11.1982, Blaðsíða 1
„Helgarpakkirm” fylgir Tímanum í dag
TRAUST OG
FJÖLBREYTT
FRÉTTABLAÐ
Föstudagur 26. nóvember 1982
270. tölublað - 66. árghangur '
Þyrla hrapar í miðri Reykjavlk með þremur mönnum:
KRAFTAVERK ER AÐ MENNIRN-
IR SKYLDU SLEPPA LIFANDI
„Hélt mig vera búinn að athuga allar aðstæður’% sagði flugmaðurinn, en
Ráðist inn í íbúð f Hátúni 10 í gærkveldi:
FULLORÐIN KONA FYR-
IR HROTTALEGRI ÁRAS
— Slegin með krepptum hnefa í andlitið og lá í blóði sínu meðan
árásarmaðurinn rændi um tvö þúsund krónum
þyrlan lenti
íloftnetsvír
sem strengd-
ur var á milli
Sjónvarpsins
og Tónabfós
■ „Eg taldi mig vera búinn að
athuga allar aðstæður en þegar
við flugum á miili Sjónvarpshúss-
ins og Tónabíós lentum við á
vírsnúru sem strengd var milli
húsanna. Mér fannst eins og
eitthvað hefði brotnað og við
féllum til jarðar.“
Þannig greindi Bogi Agnars-
son, flugmaður þyrlunnar sem
hrapaði við Sjónvarpshúsið við
Laugaveg, frá atburðum í viðtali
við Tímann skömmu eftir slysið.
Að sögn Boga þá taldi hann sig
hafa verið búinn að athuga allar
aðstæður áður en hann flaug á
milli húsanna, en eins og hann
segir sjálfur þá var það ekki
nægilega vel gert.
- Vírinn hefur líklega lent í aðalskrúf-
unni, en strax eftir höggið fór þyrlan að
snúast til hægri og þrátt fyrir að ég reyndi
að halda henni stöðugri valt hún yfir sig
og brotlenti svo á öðru skíðinu. Tíminn
náði tali af tveim sjónarvottum að
slysinu og sagðist þeim svo frá:
- Við sáum þegar þyrlunni fataðist
flugið og ég hélt að hún myndi lenda á
okkur, sagði Kári Jónasson, sem fyrstur
varð á vettvang. Kári sagðist hafa verið
hræddastur við að þyriuflakið spryngi í
loft upp á meðan hann var að hjálpa
mönnunum út úr flakinu.
Sigurður Þorri Sigurðsson, starfsmað-
ur Sjónvarpsins var staddur við glugga í
Sjónvarpshúsinu er hann heyrði hávað-
ann.
- Þetta var eins og það hefði orðið
sprenging beint fyrir ofan okkur og
síðan sá ég hvar þyrlan steyptist fram
yfir húsið. Það var ótrúlegt að mennirnir
skyldu sleppa lifandi úr þessu slysi.
Þyrlan sem hrapaði bar einkennisstaf-
ina TF-ATH og var hún í eigu Albínu
Thordarson, arkitekts. Var þyrlan í
leigu hjá Sjónvarpinu, en samkvæmt
upplýsingum Tage Ammendrup hjá
Sjónvarpinu var verið að gera kynning-
armynd fyrir Stundina okkar. Var það
verk rétt nýhafið er óhappið varð, en
ásamt flugmanninum voru þeir Valdimar
Leifsson og Örn Sveinsson, kvikmynda-
tökumaður með í þyrlunni.
sjá nánar bls. 3
-ESE
■ Hrottaleg árás var gerð á konu á
sjötugsaldri í gærkvöld. Var ráðist á
konuna í íbúð hennar í Hátúni 10 í
háhýsi Oryrkjabandalagsins, hún slegin
með krepptum hnefa í andlitið og meðan
hún lá þar í blóði sínu, rændi árásar-
maðurinn veski hennar sem í voru
tæplega tvö þúsund krónur.
Það var laust upp úr klukkan átta í
gærkvöld að dyrabjöllunni hjá gömlu
konunni var hringt og fór hún til dyra
og opnaði. Skipti þá engum togum að
maður ruddist inn í íbúðina, sló konuna
miklu höggi í andlitið og lét síðan
greipar sópa. Auk peninganna missti
gamla konan ýmsa persónulega muni
sem einnig voru í veskinu. Meiðsli
konunnar reyndust það alvarleg að flytja
varð hana á slysadeild í gærkvöldi. Hún
var illa leikin í andliti og í gærkvöld var
ekki vitað hvort bein í andlitinu hefði
brotnað eða hvort sjón konunnar hefði
skaddast.
Þetta er önnur árásin sem gerð er á
gamlar konur á tveim dögum, en í
fyrrakvöld var hálfsjötug kona felld í
götuna á Skólavörðustíg af grímuklædd-
um manni og rænd. - ESE