Tíminn - 26.11.1982, Blaðsíða 1

— segir Jörundur í Þórskabarett
■ „Við reynum að fá gesti ineð
okkur í grínið eins mikið og hægt er
og það hefur tekist vonum framar,
allavega eru menn mjög ánægðir
með þetta og við ánægð með aðsókn,
enda alltaf fullt hér“, sagði Jörundur
Guðmundsson í samtali við Tímann,
en hann ásamt þeim Ladda, Júlíusi
Brjánssyni og Sögu Jónsdóttur sjá
Þórskabarettinn að þessu sinni. Nú
fram að áramótum verður kabarett-
inn tvær helgar í viðbót í Þórskaffi,
en síðan verður hlé gert á honum og
þráðurinn tekinn upp að nýju eftir
áramótin og haldið áfram fram á
vorið.
Þórskabarett skartar nú þremur
prógrömmum og sagði Jörundur að
raunar væru þetta tvö prógrömm,
eitt og tvö en hið þriðja væri síðan
blanda úr efni hinna tveggja.
Og umfjöllunarefnið...?
„Það er meðal annars stjórnmál
líðandi stundar, kínverskur kokkur
segir hvernig matreiða á austurlenska
rétti með tilheyrandi húllumhæi, auk
ýmissa annarra uppákoma svo dæmi
séu nefnd.“
Jörundur gat þess ennfremur að
sérstök kabaretthljómsveit væri til
■ Þórskabarett skart-
ar nú þremur pró-
grömmum, það er
prógramm eitt og tvö
en síðan er prógramm
þrjú blanda úr hinum
tveimur.
staðar það er Dansbandið auk
þriggja annarra þeirra á meðal Árna
Scheving er hann hefur útsett alla
tónlistina sem notuð er í kabarettn-
um.
Þá vildi Jörundur ennfremur geta
þess að mikið hefði verið gert í
húsinu sjálfu gagngert fyrir kaba-
rettinn eins og til dæmis að nýtt
hljóðkerfi hefði verið sett upp þannig
að allir gestir heyra það sem fram fer
á sviðinu/gólfinu burtséð frá því hvar
þeir sitja í salnum.
Aðspurður um hvort Kabarettinn
tæki breytingum frá helgi til helgar
sagði Jörundur það ekki vera í miklum
mæli. „Við endurbætum eða skjóttim
inn í stuttum atriðum ef við hæfi
þykir“ sagði hann og gat þess einnig
að sennilega yrði prógramminu
breytt verulega eftir áramótin.
- FRI.
Sýningar:
„VIÐFANGSEFNIN
ÚR MANNHEIMUM”
— segir Páll fsaksson sem opnar sýningu
í Gallerí Lækjartorg
■ Á morgun, laugardag, verður
opnuð í Gallerí Lækjartorg sýning
Páls ísakssonar en sú sýning verður
opin til 5. des. n.k. Páll er búsettur
á Selfossi og er jafnframt formaður
myndlistarfélags Árnessýslu, en þar
er óhætt að segja að myndlistarlíf sé
í miklum blóma því meðlimir félags-
ins eru um 40 talsins.
„Viðfangsefni mín eru sótt í
mannheima" sagði Páll í viðtali við
Tímann en í Galleríinu sýnir hann
eingöngu pastelmyndir.
„Mín fyrsta sýning var 1979 og
síðan hef ég verið með tvær einkasýn-
ingar auk þess sem ég hef tekið þátt
í nokkrum samsýningum. Maður
hefur alltaf teiknað frá barnsaldri,
alltaf haft þörf fyrir að koma frá mér
hlutunum á léreft og síðan þróaðist
þetta smám saman.“
Sýning Páls er sölusýning.
- FRI.
NOVEMber 1982
■ Á laugardag hefst í Listmunahús-
inu sýningin „NOVEMber 1982“
með pomp og prakt, en þetta er
sýning listamannanna Gylfa Gísla-
sonar, Hauks Dór, Jóns G. Árnason-
ar, Kristjáns Guðmundssonar,
Magnúss Tómassonar, Sigurjóns Jó-
hannssonar, Tryggva Ólafssonar og
Vilhjálms Bergssonar.
Sýningin er opin virka daga frá kl.
lOtil 18ogumhelgarfrákl. 14 til 18.
Iðnaðarmannafélagshús Suður-
nesja í Kcfiavík: Myndlistarsýning
Karvel Gráns þar sem hann sýnir 35
olíumálverk auk 35 teikninga. Sýn-
ingunni lýkur um helgina þann 28.
nóv., en hún verður opin kl. 14-22.
Háholt í Hafnarfirði: Gunnar Hjalta-
son sýnir rúmlega 100 landslags-
myndir, sem málaðar eru með vatns-
litum, pastellitum og akryl. Sýningin
er opin daglega frá kl. 14-22. Henni
lýkur um helgina.
Listasafn Einars Jónssonar: Safnið
er opið á sunnudögum og miðviku-
dögum frá kl. 13.30 til 16.00.
Ásgrímssafn: Safnið er opið þriðju-
daga, fimmtudaga og sunnudaga frá
klukkan 13.30 til 16.
Listasafn ASI: Sýning á smámyndum
eftir Nínu Tryggvadóttur verður í
Listasafni ASÍ til 24. nóvember. Opið
er þriðjudaga til föstudags frá klukk-
an 14-19 og laugardaga og sunriu-
dagafrákl. 14 til 22. Safniðerlokað
á mánudögum.
Mokka: Sýning á fornum biblíu-
myndum eftir fjóra enska listamenn.
Ásmundarsalur: Sýning á listmun-
um, skrautmunum úr silfri, útsaum
og þjóðbúningum, ofnum efnum,
veggteppum og fleiru frá Sovétlýð-
veldinu Tadsjikistan, á vegum MÍR.
■ Páll með eitt verka sinna.
Tímamynd EUa
Dagskrá ríkisf jölmidlanna 27. nóvember til 2. desember