Tíminn - 28.11.1982, Blaðsíða 7
SUNNUDAGUR 28. NÓVEMBER 1982
7
bækur
Dagbók úr Húsinu
■ Setberg sendir frá sér þessa dagana
nýja bók eftir Guðmund Daníelsson
rithöfund, en hún heitir „Dagbók úr
Húsinu".
Fyrir réttum aldarþriðjungi bjó
Guðmundur og fjölskylda hans í Húsinu
á Eyrarbakka um 17 mánaða skeið. Þá
var þessi dagbók skrifuð. Tilefni og
innihaldi bókarinnar verður best lýst
með orðum höfundarins sjálfs úr inn-
gangi verksins:
„Það var einn síðasta dag ársins 1946
að mér barst í pósti þykk bók í svörtu
alskinni. Hún var komin um hnöttinn
þveran, úr annarri heimsálfu, frá
Winnipeg. Bókin var hvorki skrifuð né
prentuð, nema á öftustu síðu var dagatal
fyrir næsta ár. Pappírinn í henni var
rjómagulur, þunnur og þéttur og greini-
lega góður til að skrifa á hann. Framan
á kápuna var nafnið mitt þrykkt með
gullnu letri í svart og lungamjúkt leðrið.
„Mér er trúlega ætlað að skrifa eitthvað
í þessa bók,“ hugsaði ég. „Kannski
gætið það orðið hústafla eða svona
skýrsla um tilveru mína frá degi til dags
jafnharðan og hún þokast fram, ágrip
þess sem ég aðhefst, hrafl úr því sem
mér dettur í hug, brot af því sem fram
við mig kemur. Kannski ætti ég að skrifa
drög að hversdagslífi lítillar fjölskyldu,
sem bisar við að lifa lífi sínu, eins og hitt
fólkið í landinu."
Bókin er 220 blaðsíður og er þetta 43.
bók Guðmundar Daníelssonar.
FRÁSÖGN UM
MARGBOÐAÐ
MORÐ
„Frásögn um margboðað
morð“
■ Út er komin hjá Iðunni nýjasta
skáldsaga sagnaskáldsins frá Kólumbíu,
Gabriels Garcia Marquez sem hlaut
bókmenntaverðlaun Nóbels á þessu
hausti. Sagan nefnist Frásögn um marg-
boðað morð. Guðbergur Bergsson þýddi
söguna og er þetta þriðja skáldsaga
höfundarins sem Guðbergur hefur þýtt
á íslensku. Hinar voru Hundrað ára
einsemd og Liðsforingjanum berst aldrei
bréf. Frásögn um margboðað morð kom
út á frummáli í fyrra og hefur þegar verið
þýdd á tjölda tungumála.
Gabriel Garcia Marquez er fæddur
árið 1928. í seinni tíð hefur hann búið í
útlegð í Mexíkó og París. Hann aflaði
sér heimsfrægðar með skáldsögunni
Hundrað ára einsemd og síðan hefur
frægð hans farið vaxandi, uns sænska
akademían ákvað í síðasta mánuði að
velja hann til að hljóta bókmenntaverð-
laun Nóbels í ár. Frásögn um margboðað
morð er 140 blaðsíður að stærð. Oddi
prentaði.
HJÖRTUR
PÁLSSON
,enéci-
dans
Sofendadans
Ljóðabók eftir Hjört Pálsson
■ Hjörtur Pálsson hefur sent frá sér nýja
ljóðabók, Sofendadans, og er það þriðja
Ijóðabók skáldsins. Útgefandi er Almenna
bókafélagið. 1 bókinni eru 42 Ijóð um margs
konar efni ýmist í rímuðu eða órímuðu formi.
Sofendadans er 78 bls. að stærð og unnin
í Prentsmiðju Hafnarfjarðar.
Árin dásamlegu
■ Almenna bókafélagið hefur sent frá sér
bókina Árin dásamlegu (Die wunderbaren
Jahre) eftir austur-þýska skáldið og rithöf-
undinn Reiner Kunze.
Kunze þykir afar viðfelldinn og hógvær
höfundur - að minnsta kosti vestan
jámtjalds. í hinni íslensku kynningu bókar-
innar er hann sagður hafa hlotið margs konar
bókmenntalega viðurkenningu bæði í heima-
landi sínu og utan þess og verk hans séu nú
gefin út á um 20 þjóðtungum. Þá segir í
kynningunni:
„Árin dásamlegu komu fyrst út 1976. Þau
fjalla um líf æskufólks í þáverandi heimalandi
höfundar." „Bók mín er ekki pólitískt
plagg," hefur Kunze sagt um þetta verk.
„Hún er ekki hugsuð sem árás á einn eða
neinn. Ég er ekki óvinur Alþýðulýðveldisins.
Ég er óvinur lyginnar."
Þýðandi Björn Baldursson ritar nokkur
aðfaraorð um höfundinn.
Árin dásamlegu er 126 bls. að stærð,
pappírskilja, og unnin í Prentsmiðjunni
Hólum.
Mál og menning:
í Dyflinni
■ Mál og menning hefur sent frá ser í
íslenskri þýðingu Sigurðar A. Magnússonar
smásagnasafnið Dubliners eftir James Joyce
. og er titill bókarinnar á íslensku í Dyflinni.
Er þetta í fyrsta sinn sem verk eftir James
Joyce birtist í íslenskri þýðingu, og er
útgáfunni ætlað að vera virðingarvottur við
höfundinn á aldarafmæli hans um leið og
íslenskum lesendum gefst kostur á að
kynnast þessum öndvegishöfundi. Á bókar-
kápu segir m.a.:
„Smásagnasafnið í Dyflinni er æskuverk
James Joyce (1882-1941) sem hann samdi
rúmlega tvítugur. Þessar sögur jafnast auð-
vitað ekki á við hin stóru skáldverk hans,
Ulysses og Finnegans Wake, en þær eru
miklum mun aðgengilegri og geta að ýmsu
leyti talist lykill að skáldskaparheimi þessa
írska ritsnillings... Enda þótt í Dyflinni sé
æskuverk er hér margar meistarasmíðar að
finna, t.d. lokasöguna, Framliðnir, sem
skipar heiðurssess meðal evrópskra smá-
sagna á þessari öld.“
í safninu er fimmtán smásögur og ritar
þýðandinn, Sigurður A. Magnússon,
inngang. Bókin er 227 bls. að stærð, prentuð
og bundin í Odda. Hilmar Þ. Helgason gerði
kápun.
Gulllínan frá
Jólatilboð
sem hljómar vel
Marantz DC350. Hljómtækjasamstæða með öllu
1. Magnari 25 x 2 wött
2. Segulbandstæki dolby metal
3. Útvarp, allar bylgjur
Verð kr. 17.700
stgr.
Útborgun kr. 3.000
4. Plötuspilari fullkominn
5. Skápar
6. Tveir súper hátalarar
Merki unga fólksins
Sérverslun með hljóm-
tæki, heimilistæki,
tölvur
Skipholti 19
sími 29800