Tíminn - 03.12.1982, Blaðsíða 13
FÖSTUDAGUR 3. DESEMBER 1982.
21
íþróttir
■ Keppnin í úrvalsdeildinni heldur
áfram af fullum krafti nú um helgina. I
kvöld leika ÍBK og Fram í Keflavík og
hefst sá leikur kiukkan 20.00. Búast má
við skemmtilegum baráttuleik þessara
tveggja liða, sem bæði hafa sýnt ágæta
leiki á keppnistímabilinu.
Á sunnudagskvöld klukkan 19.00
leika svo ÍR og Njarðvík í Hagaskóla.
Sá leikur gæti orðið mjög skemmtilegur,
enda þótt Njarðvíkingar séu öllu sigur-
stranglegri fyrirfram. En Pétur Guð-
mundsson sýndi það á móti KR-ingum
um síðustu helgi að hann gæti fleytt
ÍR-ingum langt gegn Njarðvík.
Einn leikur verður í kvöld í 1.
deildinni, þá mætast Grindavík og ÍS og
fer sá leikur fram í Njarðvík og hefst
klukkan 20.00.
Tveir leikir verða háðir í 1. deild
kvenna. Á laugardag klukkan 15.30
leika UMFN og ÍS í Njarðvík og á
sunnudagskvöld klukkan 20.30 leika
síðan KR og ÍR í Hagaskóla. KR
stúlkurnar eru í efsta sæti í 1. deild
kvenna.
Loks verður einn leikur í 2. deild
D-riðli, en þar leika SE og Sindri á
heimavelli SE klukkan 14.00 á laugar-
dag.
■ Jón Pétur Jónsson var markahæstur Valsmanna í leiknum gegn Fram.
■ Hér treður Pétur Guðmundsson knettinum í körfuna hjá KR-ingum. Tekst
honum og félögum hans í ÍR að vinna sinn annan sigur gegn Njarðvík?
TEKST ÍR-INGUM
HANN VERÐUR A
T0PPNUM Á HM
Segir Bobby Robson um
Sammy Lee
■ „Sammy Lee verður einn besti
leikmaðurinn í næstu heimsmeistara-
keppni í knattspymu.“ segir Bobby
Robson landliðsþjálfari Englands.
„Það að hann lék jafn vel og raun
bar vitni í sínum fyrsta A-landsleik
fyrir England sýnir að hann býr yfir
óvenjumiklum hæfileikum. Enn hon-
um þarf að fara fram til að verða
meðal þeirra bestu, en allar kringum-
stæður gefa tilefni til að honum takist
að uppfylla þær vonir sem við hann
em bundnar.“
„Það er annar leikmaður sem sýnt
hefur góð tilþrif með landsliðinu og
komið á óvart. Það er Gary Mabbut.
Hann sýndi er hann lék sinn fyrsta
landsleik á móti Vestur-Þjóðverjum
að hann lofar góðu, en á móti
Grikkjum sló hann alfarið í gegn.
Þetta getur hann þrátt fyrir, að hann
eigi við sykursýki að stríða og verður
hann að fá daglega lyf til að halda
henni í ske(jum.“
Háskólinn
skólameistari
1982
■ Nýlega lauk Skólamóti KSÍ í
knattspyrnu 1982. í karlaflokki
kepptu 24 lið ■ 6 riðlura. Sigurvegarar
í ríðlunum urðu Menntaskólinn við
Sund, Iðnskólinn í Reykjavík, Há-
skóli Islands, Fjölbrautaskóli Suður-
nesja, Fjölbrautaskóli Ármúla og
Menntaskólinn í Reykjavík.
í undanúrslitum sigraði Ármúla-
skóli Fjölbraut á Suðurn. 4-0, og
Iðnskólinn vann MS 1-0.
Ármúlaskóli burstaði Iðnskólann
síðan 12-0 og MR tapaði fyrir liði
Háskólans 3-2. Til úrslita léku því
Háskólinn og Ármúlaskóli og sigraði
Háskólinn 3-0. Margir þekktir knatt-
spyrnumenn úr 1. deild leika með
Háskólaliðinu, en uppistaða þess var
úr KR.
VALSMENN VIUA FETA
í FÓTSP0R ENSKRA
Leggja til ad 3 stig verdi veitt fyrir sigur
■ Stjórn knattspymudeildar Vals legg-
ur til, að lið hljóti 3 stig fyrir sigur í
deildarkeppninni í knattspymu. Þessi
tillaga verður borin undir atkvæði á
þingi KSÍ, sem, haldið verður nú um
helgina. Vilja Valsmenn þar með taka
upp sömu reglu og Englendingar hafa
notað um skeið.
Þeir rökstyðja tillögu sína á þann veg,
að hún stafi fyrst og fremst af minnkandi
aðsókn að leikjum. Og með þessari
reglu neyðast þjálfarar til að leggja meiri
áherslu á sóknarleik.
Þeir Valsmenn segja, að mótrök í
þessu sambandi séu að lið reyni að skora
eitt mark, pakki síðan í vörn og reyni
þannig að ná þremur stigum. En þeir
álíta, að það ætti ekki síður að gera
leikina spennandi, því allt geti jú gerst
í knattspyrnu.
Þá verður borin undir þingið tillaga
frá framkvæmdastjórn KSÍ, um að
félagaskiptagjald fylgi umsókn um fé-
lagaskipti. Skuli gjaldið vera 200 krónur
og breytist um hver áramót í samræmi
við hækkanir á aðgöngumiðaverði í 1.
deild.
Tillagan miðar að því, að koma í veg
fyrir að verið sé að senda ótímabærar
tilkynningar um félagaskipti, sem síðar
verði afturkallaðar. Þetta gerist stundum
nokkrum sinnum.
Knattspyrnudeild Þróttar ber upp
tillögu þess efnis, að félagaskipti leik-
manna í 1. aldursflokki séu óheimil frá
1. febrúar til 30. september ár hvert.
Þá má nefna tillögu þess efnis, að
leikur íslands- og bikarmeistara ár hvert
verði háður áður en íslandsmót 1.
aldursflokks hefst. Og helst skal leikið
á grasi sé þess nokkur kostur. Er það
mat tillöguflytjenda sem eru laga- og
reglugerðarnefnd KSÍ að ekki sé nægur
áhugi á þessum leik þegar hann fari fram
um miðjan júní.
Knattspyrnudómarasamband {slands
leggur til, að dómarar fái greidd laun
fyrir að dæma. Verði þau 1200,1000 og
500 krónur eftir því í hvaða deild er
dæmt.
Að lokum má nefna tillögu frá
Knattspyrnudeild Vals, um að KSÍ ráði
blaðafulltrúa í hlutastarf til að bæta
umfjöllun um leiki og eins til að
auðvelda íþróttafréttariturum upplýs-
ingaöflun.
Þingið verður haldið á Hótel Loft-
leiðum og hefst klukkan 10.00 á
laugardag. Nálægt 220 manns munu sitja
þingið og þar af 170 með atkvæðisrétt.
sh
KSÍ fékk
100.000
■ Stjórn Afreksmannasjóðs ISI
hefur nýlega veitt KSÍ 100.000 króna
styrk vegna góðrar frammistöðu
landsliðsins á liðnu árí. Kemur sú
fjárhæð sér án efa mjög vel, þar sem
fjárhagur sambandsins hefur verið
mjög þröngur að undanförnu.
GÍFURLEG SPENNA
VAR IINDIR LOKIN
Er Valur sigradi Fram 17-16 í 1. deild f handbolta
■ Valsmenn sigruðu Framara í 1. deild
Islandsmótsins í handknattleik í gær-
kvöldi með 17 mörkum gegn 16. I fyrri
hálfleik náðu Valsarar góðri forystu,
10-5 í hálfleik, en þeir voru nærri búnir
að missa þá forystu niður í seinni hálfleik
en náðu þó sigrí á einu marki.
Valsmenn náðu strax í upphafi leiksins
tveggja marka forystu en Gunnar Gunn-
arsson jafnaði með tveimur mörkum.
Valsarar náðu að breyta stöðunni úr 4-4
í 8-4 sér í vil og eins og áður var sagt
var staðan 10-5 í hálfleik.
Danski þjálfari Framara Bent Ny-
gárd hefur örugglega lesiðlexíuna yfir
sínum mönnum í hálfleik, því þeir komu
mun hressari til hans og minnkuðu
muninn strax niður í þrjú mörk með
mörkum Hannesar Leifssonar. En þá
var komið að Jóni Pétri Jónssyni úr Val
að skora en eftir fylgdu þrjú mörk frá
Fram og staðan orðin 11-10 Val í vil. Nú
gat allt gerst en Framarar nýttu sér það
ekki og Valsarar náðu á ný þriggja
marka forystu 13-10 og síðan 15-12. En
leikmenn Fram voru ekki af baki dottnir
og tókst aftur að minnka muninn niður
í eitt mark, 15-14 og 16-15. Leikurinn
endaði 17-16 Valsmönnum í vil.
Sigur Valsmanna hékk því á bláþræði
alveg fram á síðustu sekúndur. Ekki var
hann burðugur leikurinn í fyrri hálfleik
en skánaði til muna í seinni hálfleik,
ekki síst vegna meiri mótstöðu frá Fram.
Bestir leikmanna Vals voru Gunnar
Lúðvíksson og Einar markvörður Þor-
varðarson. Hjá Fram voru skástir þeir
Gunnar Gunnarsson sem meiddist í leik
fyrri hálfleiks og varð að yfirgefa
leikvöllinn og síðan Hannes Leifsson í
seinni hálfleik.
Mörk Fram skoruðu: HannesLeifsson
5 (Öll í seinni hálfleik.), Gunnar
Gunnarsson 3, Hermann Björnsson 3,
Dagur Jónasson 2, Björn Eiríksson 2 og
Egill Jóhannesson 1.
Mörk Vals skoruðu: Jón Pétur Jóns-
son 4, Þorbjörn Jensson 3, Gunnar
Lúðvíksson 3, Steindór Gunnarsson 2,
Jakob Sigurðsson 2, Þorbjörn Guð-
mundsson 1.
Dómarar voru Ingvar Viktorsson og
Hjálmar Sigurðsson. Dæmdu þeir leik-
inn ágætlega.
BH
AD VINNA UMFN?
Keflavfk og Fram leika íkvöld