Tíminn - 04.12.1982, Blaðsíða 10

LAUGARDAGUR 4. DESEMBER 1982.
bækur
(SodÍM M1 Mhsotii
mMsm
Guðni Kolbeinsson
Mömmustrákur
■ Fyrsta bók Guðna Kolbeinssonar heitir
Mömmustrákur og er nú að koma út hjá
bókaforlaginu Vöku. Þetta er að hans sögn
bók fyrir börn á öllum aldri.
Guðni Kolbeinsson las sögu sína Mömmu-
strák í Útvarpið og féll hún í góðan jarðveg
jafnt hjá þeim, sem voru sex ára og sextugir,
að sögn útgefanda.
Mömmustrákur eftir Guðna Kolbeinsson
er rúmlega hundrað síður að stærð, mynd-
skreytingar eru eftir Ragnar Lár. Prentsmiðj-
an Oddi hf. annaðist gerð bókarinnar.
Sól ég sá
- Sjálfsævsaga Steindórs
Steindórssonar frá Hlöðum
■ Bókaútgáfan Örn og Örlygur hf. hefur
gefið út bókina „Sól og sá,“ og er hún fyrta
bindi sjálfsævisögu Steindórs Steindórssonar,
náttúruvísindamanns og fyrrverandi skóla-
meistara frá Hlöðum.
( bókinni segir Steindór Steindórsson frá
uppvexti sínum, námsárumogskólastarfi. Er
höfundinum fylgt frá smalaslóðum hans og
fjárgötum heima á Hlöðum og þaðan á
skólabekk bæði í Gagnfræðaskólanum á
Akureyri, Menntaskólanum í Reykjavík og
í háskólanum í Kaupmannahöfn þar sem
Steindór opnar lesendum sýn til skemmtilegs,
fjölbreytts og ævintýraríks stúdentalífs.
Síðan liggur leiðin aftur heim og í
Menntaskólann á Akreyri þar sem Steindór
kenndi fræði sín í meira en 40 ár og stjórnaði
þessum fjölmenna skóla síðustu árin.
Bókin „Sól ég sá“ er sett, umbrotin,
filmuunnin, prentuð og bundin hjá Prent-
smiðjunni Eddu hf. Kápu hannaði Ernst
Bachmann.
Bændur
#lö* .JÓNBJARMSON
• mÁGAfíOSVÍK
bæjarmenn
LoVab.«íi ht
ftsitwiivjírjísllit
Sjafóascnx;
iti e»rðívik
Lokabindi minningaþátta Jóns Bjarnasonar
frá Garðsvik
Bændur og bæjarmenn
■ Bókaútgáfan Örn og Örlygur hf. hefur
gefið út bókina „Bændur og bæjarmenn"
eftir Jón Bjarnason frá Garðsvík. Hér er um
að ræða lokabindi minningaþátta Jóns, en
áður hafa komið út þrjár bækur: „Bænda-
blóð“, „Hvað segja bændur nú?“ og „Bændur
segja allt gott.“
I bqkinni „Bændur og bæjamenn" segir
Jón m.a. frá því er hann brá búi í Garðsvík
og fluttlst til Akureyrar. Gerðist þar með
einn af bæjarmönnum. Hann greinir frá nýju
hlutverki sínu sem hann gekk að með sama
áhuga og sveitastörfunum og frá nýjum
vinum og samferðarmönnum.
„Bændur og bæjarmenn" er sett, filmuunn-
in og prentuð hjá Prentstofu G. Benedikts-
sonar, en bundin hjá Arnarfelli hf. Sigurþór
Jakobsson hannaði kápu bókarinnar.
Magnús Kjartansson:
Frá degi til dags
Austrapistlar 1959-1971
■ Hjá MÁLI OG MENNINGU er komin
út bókin Frá degi til dags, Austrapistlar
1959-1971. A þeim árum, tímum „viðreisn-
arstjórnarinnar“, skrifaði Magnús Kjartans-
son nær daglega pistla í Þjóðviljann sem
hann kallaði Frá degi tU dags og undirritaði
Austri. Bókin er úrval af þessum pistlum
Magnúsar Kjartanssonar og hefur Vésteinn
Lúðvíksson rithöfundur valið efnið og ritar
formála.
Greinasafnið Elds er þörf eftir Magnus
Kjartansson birtist árið 1979, en í því safni
voru engir Austrapistlar birtir því margar
þessara dægurgreina þóttu hafa varanlegt
gildi og ættu að bíða heillar bókar.
Frá degi til dags er 274 bls. að stærð og
fylgir nafnaskrá bókinni. Hún er prentuð og
bundin í Prentsmiðjunni Odda hf. Þröstur
Magnússon sá um hönnun kápu.
OUBJÖN 8VEINSS0N
ÆVfNTÝRIB VIÐ ALHEIMSTJÖRNINA
SA6AN UM OICtlR ISHðtMAKÖKG. R08IN RAUOA. SOIKÖ
BUA. KISAN 06 AUA HIHA fUGlANA
Ævintýrið við Alheimsstjörnuna
■ Bókaútgáfan Skjaldborg á Akureyri hef-
ur sent frá sér bókina Ævintýrið við
Alheimsstjörnuna, söguna um Olgeir ís-
hólakóng, Rúbín rauða, Bríkó bláa, Kiban
ogalla hina fuglana eftir Guðjón Sveinsson.
Þetta er saga um lífið hjá fuglunum og
baráttu þeirra um völdin, en hún er
undarlega lík og barátta mannanna um auð
og völd.
Ævintýrið við Alheimstjörnina er 80 bls.,
prentuð og unnin í Prentsmiðju Björns
Jónssonar á Akureyri. Káputeikingu og
myndir hefur Sigrún Eldjárn gert.
Sögurit um Kf.
Austur-Skaftfellinga
■ Nýkomin er út bókin „Kaupfélag Austur-
Skaftfellinga sextíu ára“ eftir Pál Þorsteins-
son fyrrv. alþm. á Hnappavöllum. Félagið
átti 60 ára afmæli fyrir tveimur árum, og fór
stjórn þess fram á það við Pál að hann
skrifaði sögu félagsins fyrir árin 1945-80. Páll
varð við þessari beiðni, og er þessi bók
árangurinn. í henni er rakin á greinargóðan
og skýran hátt saga félagsins síðustu 35 árin,
greint frá framkvæmdum þess og þróun allri
með aðgengilegum og læsilegum hætti. Þessi
bók er framhald annarrar sem út kom 1950.
„Samgöngur og verslunarhættir Austur-
Skaftfellinga“ eftir Þorleif Jónsson í Hólum,
en hún rekur sögu félagsins fyrsta aldarfjórð-
unginn. Bók Páls Þorsteinssonar er prýdd
fjölda mynda og um 100 blaðsíður. Prer'un
Fulltrúaráð Framsóknarfélaganna
í Reykjavík
Fundur um frambodsmálin
verður haldinn að Hótel Heklu mánudaginn 6 des. n.k.
og hefst kl. 20.30.
Ákvörðun tekin um, hvernig haga skal vali frambjóðenda við næstu
alþingiskosningar.
Áríðandi að allir mæti.
Stjómln.
Kaupfélag
Austur-Skaftfellinga
sextíu ára

r.v.aaafaA
11
annaðist Prentsmiðjan Edda hf., en Kf.
Austur-Skaftfellinga gefur út.
JMMNNKH ONWSON
Ármann Kr. Einarsson:
Óskastcinninn
■ Ármann Kr. Einarsson hefur fyrir löngu
hlotið viðurkenningu sem barna- og ung-
lingabókahöfundur á íslandi, og bækur hans
hafa verið þýddar á mörg tungumál.
Óskasteinn kom fyrst út fyrir tveimur
áratugum, en kemur nú út í aukinni og
endurskoðaðri útgáfu Ármanns sjálfs. Bókin
var löngu uppseld og ófáanleg.
Nú hefur bókaútgáfan Vaka gefið Óska-
steininn út á ný. Teikningar í bókinni eru
eftir Halldór Pétursson. Prentun og bókband
hefur verið unnið í Odda hf.
Andrés Indriðason:
Viltu byrja með mér?
■ Viltu byrja með mér? heitir ný barna- og
unglingabók eftir Andrés Indriðason sem
Mál og menning hefur gefið út.
Aðalpersóna bókarinnar er Elías, þrettán
ára gamall, sem er að byrja í sjöunda bekk.
Fyrir tilviljun lendir hann við borð þar sem
er autt sæti við hlið hans, og að sjálfsögðu
er Hildur látin setjast þar þegar hún kemur
ný í bekkinn.
Þetta er þriðja unglingabók Andrésar.
Fyrsta bók hans, Lyklabarn, fékk barna-
bókaverðlaun Máls og menningar 1979 og
önnur bók hans, Polli er ekkert blávatn, sem
gefin var út í fyrra fékk barnabókaverðlaun
Fræðsluráðs Reykjavíkur,
Viltu byrja með mér? er myndskreytt af
Önnu Cynthiu Leplar og hún hefur einnig
gert kápuna. Bókin er 202 bls., prentuð og
bundin í Prentsmiðjunni Hólum hf.
Frumskógardrengurinn Njagwe
■ Frumskógardrengurinn Njagwe heitir
barna- og unglingabók, sem nýkomin er ut
hjá Bókaútgáfunni Skjaldborg.
í formála segir höfundurinn, Karen Herold
Olsen, m.a. svo: „Njagwe er ekki skáld-
sagnapersóna, heldur býr í Afríku enn þann
dag f dag. Ég þekkti hann náið í nokkurn
KAREM MÉR01.D OtSEN
FRUMSKÓGARDRENGURINN
l>t>A6i bok hlaui miKlar vtnsa>ldir t Oan-
mörku þetjat htin kom þ<tt u! Htin keldtsl
sl'ttit upp og var endurprenluö. Þe«a er
saga urr alriska Irtimskogatdreitgiort
NjagAx , ftc-tn bnutl lil mcnnirt og lök scr
nalniö Pelur
tíma og umgekkst hann, er hann ákvað að
yfirgefa æskustöðvarnar í þeim tilgangi að
brjótast til mennta. Saga þessi er skrifuð á
forsendum þeirra atvika, sem þá gerðust.
Það er von mín, lesandi góður, að þegar þú
Iest um Njagwe og tekur þátt í áhyggjum
hans og erfiðleikum, gleði hans og sorgum,
vonbrigðum hans og sigrum, að þú skiljir
betur þær aðstæður, sem hann varð að búa
við.“ Þýðandi bókarinnar er Jóhanna Guð-
mundsdóttir frá Lómatjörn.
Frumskógardrengurinn Njagwe er 150
bls., prentuð og unnin í Prentsmiðju Björns
Jónssonar. Káputeiking er gerð á Auglýs-
ingastofu Einars Pálma.
DAVIDBEAIY
Flugsveitin 507
■ Út ef komin hjá Bókaútgáfunni Skjald-
borg spennusagan Flugsveit 507 eftir David
Beaty í íslenskri þýðingu Gissurar O.
Erlingssonar.
„Flugsveitin 507 fjallar um viðureign
breskrar flugsveitar og áhafnar þýska skipsins
Groningen í síðari heimsstyrjöldinni. Margir
úr Flugsveit 507 láta lífið í viðureigninni við
Groningen, en að lokum tekst þeim að
granda skipinu," segir á bókarkápu.
Flugsveitin 507 er 268 bls. Prentun og
vinnslu annaðist Prentsmiðja Björns Jóns-
sonar.
Astrid Lindgren:
Leynilögreglumaöurinn
Karl Blómkvist
■ Hjá Máli og Menningu er komin út bókin
Leynilögreglumaðurinn Karl Blómkvist eftir
Astrid Lindgren. Þetta er önnur útgáfa
þýðingar Skeggja Ásbjarnarsonar, en bókin
kom fyrst ut á frummálinu 1946, og nokkrum
árum sfðar í islenskri þýðingu, en hefur verið
ófáanleg um langt skeið.
Bókin segir frá ævintýrum Kalla Blómkvist
og félaga hans, Andra og Evu-Lottu.
Bókin ér 172 bls. að stærð og með fjölda
mynda eftir Evu Laurell. llon Wikland gerði
káputeikinguna.
LeynUögreglumaðurinn Karl Blómkvist er
unnin í Repró og Formprenti hf, en bundin
í Bókfelli.