Tíminn - 08.12.1982, Blaðsíða 20

Opið virka daga
9-19.
Laugardaga 10-16
H
HEDD
Skemmuvegi 20 Kopavogi
Simar (91)7 75 51 & 7 80 30
Varahlutir
Mikið úrval
Sendum um land allt
Ábyrgð á öllu
Kaupum nýlega
bíla til niðurrifs
Gagnkvæmt
tryggingaféJag
V-
labriel
HÖGGDEYFAR
QJvarahlutir
Armiila 24
Sfmi 36510

HEF STUNDflÐ ÚTIilF OG
UÚSMYNDUN FRfl ÆSKU
Rætft við Hjálmar R. Bárðarson um nýja Ijósmyndabók hans
■ Það má segja að ég hafi
stundað náttúruskoðun alveg frá
því að ég var strákur, þegar ég
var að alast upp á Isafirði
stundaði ég mikið útiveru og var
einatt uppi á fjöllum um helgar.
Ahuginn fyrir náttúruskoðun og
Ijósmyndun kviknaði því
snemma og sumarið 1939 ferðað-
ist ég einn um Strandirnar með
myndavélina. Ég gekk úr Jökul-
fjörðum til Aðalvíkur og síðan
suður Hornstrandir til Stein-
grímsfjarðar og þaðan yfir í
Djúp. Þetta þótti merkilegt
ferðalag því þetta var áður en
svona gönguferðir komust í
tísku. Ég gerði mér ekki grein
fyrir því þá að innan skamms
myndi allt þetta svæði leggjast í
auðn. Þess vegna tók ég minna
ella af mannlífsmyndum, en ein-
beitti mér að náttúrulífsmynd-
um.
Hjálmar R. Bárðarson skipaskoð-
unarstjóri og kunnur Ijósmyndari er um
þessar mundir að gefa út nýja bók með
eigin Ijósmyndum. Hann lýsti þannig
upphafi ferils síns sem Ijósmyndari í
viðtali við Tímann.
Hvert er svo framhaldið hjá þér á
þessu sviði?
Ég fór til náms í Danmörku og var
þar öll stríðsárin. Þá ferðaðist ég mikið
um landið með ljósmyndavélina og skrif-
aði um Ijósmyndun í dönsk og sænsk
blöð og hélt fyrirlestra hjá áhugamanna-
félögum um ljósmyndun. Ég skrifaði
líka kennslubók í Ijósmyndun á dönsku
sem ég nefndi „Table top“ og fjallar um
gerð inniljósmynda og uppstillinga-
mynda. Það var mikill áhugi á þeim þætti
ljósmyndunar í Danmörku á þeim tíma
vegna þess að víða var bannað að taka
myndir úti vegna hernámsins. Ég var
gerður heiðursmeðlimur í samtökum
danskra áhugaljósmyndara og tók mikið
af myndum í blöð þeirra.
Síðan heldur þú áfram ljósmyndun
eftir heimkomuna af fullum krafti.
Ég hélt áfram að vinna að Ijósmyndun
og gaf út mína fyrstu Ijósmyndabók á
íslandi árið 1953. Hún var nefnd íslands
■ Hjálmar R. Bárðarson með nýju bókina.
Tímamynd Róbert
farsælda frón og fékk ágætar móttökur,
var endurútgefin árið eftir. 1965 kom
svo út bókin ísland, Ijósmyndabók með
stuttum texta og var gefin út á 6
tungumálum. Hún var endurútgefin árið
1970. 1971 kom svo út bókin „fs og
eldur, andstæður íslenskrar náttúru."
Hún hefur þrívegis verið gefin út á ensku
og tvívegis á þýsku. Þessar bækur hafa
farið afar víða um heiminn og fengið
mjög góðar viðtökur.
Og nú er komin út ein enn og sú
víðamesta. Hvað getur þú sagt mér um
hana?
Þessi nýja bók ber heitið „ísland,
svipur lands og þjóðar,“ og í henni eru
um 600 Ijósmyndir ásamt ýmsum
kortum, sem ég hef ýmist gert sjálfur
eða fengið afnot af. Hún er annars
þannig upp byggð að fyrst fjalla ég um
fund íslands og þar velti ég fyrir mér því
sem stundum er kallað „landnám fyrir
landnám" hugsanlegar ferðir grískra og
írskra manna hingað og um möguleikana
á því að írar hafi haft hér búsetu. Ég
fullyrði ekkert um þessi efni en velti fyrir
mér heimildum sem gefa þetta til kynna.
Síðan fjalla ég um víkingana og land-
námið og í þriðja kaflanum tek ég
jarðsöguna til meðferðar og skýri hana
í máli og myndum út frá landrekskenn-
ingunni. Ég tel að hún sé almennt svo
viðurkennd af fræðimönnum að það sé
réttlætanlegt að ganga út frá henni þegar
jarðsagan er rakin. Ég tel líka að saga
íslendinga sé svo nátengd sögu þjóðar-
innar að þetta tvennt verði ekki aðskilið.
Eftir að hafa fjallað um jarðsöguna rek
ég þjóðsöguna í sérstökum kafla og
síðan fer ég hringferð um landið, fer um
hvern landshlutann á fætur öðrum og
fjalla um hann í myndum og texta.
Síðustu kaflarnir fjalla um Surtsey og
myndun hennar og þróun lífríkis þar og
um Heimaey, þar sem saga gossins og
enduruppbyggingarinnar er rakin.
Nú skrifar þú sjálfur allan texta. Þú
hlýtur að hafa orðið að setja þig vel inn
í ýmsar fræðigreinar utan þíns sérsviðs.
Ég hef lengi haft mikinn áhuga á
jarðfræði, m.a. annars starfað mikið í
Jöklarannsóknafélaginu og Surtseyjar-
félaginu. Ég hef raunar líka lagt nokkuð
stund á að kynna mér sögu og fornleifa-
fræði, einkum allt sem varðar forsögu
íslands og landnám. Það sem ég skrifa í
þessa.bók er afrakstur þessa áhuga. Ég
vil geta þess að kaflann um forsöguna
og landnámið las Kristján heitinn Eld-
járn yfir fyrir mig og féllst á það orðalag
sem þar er notað, en hann var allra
manna fróðastur um þau efni.
Hefur þú unnið allar myndirnar
sjálfur?
Ég hef sjálfur unnið allar svarthvítu
myndirnar en látið vinna litmyndirnar af
fagmönnum. Einnig hef ég sjálfur gert
alla útlitsteikningu af bókinni, þannig að
tryggt yrði að heildarsvipur hennar og
uppbygging væri eins og ég hugsaði í
upphafi.
JGK

Húsavíkurflotinn
að stöðvast?
■ Enn situr allt við það
sama í málefnum útgerðar-
innar á Húsavík. Sem
kunnugt er þá hafa út-
gerðarmenn í bænum boð-
að að þeir muni stöðva
skip sín um næstu helgi,
þar sem að olíudeild Kaup--
félags Þingeyinga hefur
tekið fyrir frekari af-
greiðslu á olíu til útgerðar-
innar nema gegn stað-
greiðslu. Er þetta gert
vegna skulda sem taldar
eru nema um sex milljón-
um króna.
Tómas Árnason, við-
skiptaráðherra sem jafn-
framt gegnir störfum sjá-
varútvegsráðherra í fjar-
veru Steingríms Her-
mannssonar, varðist í gær
allra frétta af þessu máli,
en þá hafði það ekki verið
tekið fyrir á ríkisstjórnar-
fundi. Tómas sagði að eng-
in ákvörðun hefði verið
tekin í málinu, en það sem
útgerðarmenn á Húsavík
hafa mest kvartað yfir er
að olíumálin hafi ekki ver-
ið tekin inn í fyrirhugaða
skuldbreytingu.
Blaðburðarbörn
óskast;
Tímann
vantar ^ \
fólk til
blaðburðari
í I? lýSmm

Garðabæ
sími: 44876
Sími: 86300
O
•miTWH.ISMIxe. T.M.IUfl.
dropar
Davíð fetar
í fótspor
Sigurjóns
■ Á sunnudaginn fer fram
árleg athöfn á Austurvelli í
Reykjavík, þegar tendrað
verður jólatré því sem
Oslóbúar gefa Reykvíkingum.
Undanfarin ár hefur það kom-
ið í hlut Sigurjóns Péturssonar,
forseta borgarstjórnar, að taka
við trénu. Nú bregður hins
vegar svo við að Albert Guð-
mundsson, sem gegnir embætti
forseta borgarstjórnar, verður
fjarri góðu gamni, því Davíð
Oddsson, borgarstjóri, ætlar
sér það hlutverk, og mun því
feta í fótspor Sigurjóns Péturs-
sonar.
Hjörleifur ætlar að
taka Alusuisse í
bakaríið
■ Þá eru álviðræðurnar hafn-
ar að nýju og stöðugt lumar
Hjörleifur Guttormsson, iðn-
aðaráðherra á nýjum og
óvæntum trompum. Fyrri við-
ræður voru í Ráðherra-
bústaðnum við Tjarnargötu,
en nú hefur Hjörleifur ákveðið
að viðræðumar verði í gömlu
Rúgbrauðsgerðinni við Borg-
artún. Þykir mönnum því
einsýnt um að Hjörleifur ætli
að taka Ragnar Halldórsson,
Muller og allt Alusuisse -
gengið rækilega í bakaríið.
Það á svo eftir að koma í Ijós
hver bakar hvern.
„Bráðsmitandi
vitleysa“
■ Hin aldna stjórnmála-
kempa Björn Pálsson á Löngu-
mýri hefur enn sem fyrr á-
kvcðnar skoðanir á pólitíkinni
og pólítíkusunuin sjálfum. Er
það haft eftir áreiðanlegum
heimildum að Birni lítist ekki
meira en svo á þingmennina í
dag og eitt er víst að hann
hefur ekki mikið álit á Vil-
mundi Gylfasyni og fyrir-
huguðu bandalagi jafnaðar-
mann.
Nýlega á Björn að hafa sagt
eftirfarandi um þessar helstu
hræringar í pólitíkinni: „Það
ætla víst allir vitleysingar
bæjaríns að kjósa þennan
Villa. Já það er öruggt að
ekkert er eins smitandi og
vitleysan, nema ef ske kynni
bráðsmitandi inflúensa.“
Og um úrslitin í prófkjöri
Sjálfstæðismanna í Reykjavík
sagði Björn: - Og ekki er
vitleysan minnst á þeim bæ.
Þar höfnuðu menn Geir Hall-
grímssyni og líklega var það
bara vegna þess að hann hefur
aðeins meiri vitglóru en þeir
sem við hann kepptu.
Krummi ...
...mælir með því að forráða-
menn olíufélaganna taki sér
kollega sína hjá gosdrykkja-
verksmiðjunum til fyrirmynd-
ar, þannig að „rússneska hrá-
olían“ sem við köllum bensín
lækki sem fyrst.