Tíminn - 15.12.1982, Blaðsíða 7

MIÐVIKUDAGUR 15. DESEMBER 1982
7
erlent yfirlit
■ Í>AÐ vakti verulega athygli, þegar
fjölmiðlar í Suður-Afríku skýrðu frá því
síðastliðinn miðvikudag (8. des.) að þá
um daginn hefðu Roelof Botha utan-
ríkisráðherra og Magnus Malan varn-
armálaráðherra komið heim frá Græn-
höfðaeyjum (Cap Verde Islands), en þar
hefðu þeir átt viðræður við fulltrúa
ríkisstjórnar Angola.
Flestir skildu þessa frétt þannig, að
viðræðumar hefðu snúizt um framtíð
Namibiu og dvöl kúbönsku hersveitanna
í Angola.
Stjórn Suður-Afríku hefur sett það
sem eitt af skilyrðum fyrir því, að hún
veiti Namibiu sjálfstæði, að Kúba flytji
heim hersveitir þær, sem hún hefur nú í
Angola, ríkisstjórninni þar til trausts og
halds.
■ Pieter W. Botha forsætisráðherra.
Rætist spádómur Mc-
Namara um S-Af riku?
Árásin í Lesotho er ills viti
Stjórn Namibiu hefur hins vegar ekki
talið sér fært að fallast á brottflutning
kúbönsku hersveitanna fyrr en tryggt
væri, að Namibia fengi fullt sjálfstæði og
her Suður-Afríku yrði fluttur þaðan.
Þetta þrátefli hefur einkum verið talið
standa í vegi þess, að samkomulag
næðist í Namibiudeilunni. Þess vegna
var umræddum viðræðum á Grænhöfða-
eyjum fagnað. Menn gerðu sér vonir
um, að þar hefði heldur þokazt í
samkomulagsátt.
ÞESSAR vonir urðu hins vegar fyrir
verulegu áfalli, þegar þær fréttir bárust
frá Maseru, höfuðborg Lesotho, næsta
dag (9. des.), að þá um nóttina hefðu
hersveitir frá Suður-Afríku ráðizt inn í
borgina og gert árás á nokkur hús, þar
sem bjuggu fjölskyldur flóttamanna frá
Suður-Afríku.
í þessari árás hefðu 30 flóttamenn
verið drepnir og auk þess sjö vegfarend-
ur, sem voru svo óheppnir að vera á
ferli, þegar árásin var gerð.
í tilkynningu, sem stjórn Suður-
Afríku gaf út eftir árásina, var því haldið
fram, að hún hefði verið gerð sökum
þess, að stjórninni hefðu borizt fregnir
af því, að skæruliðar á vegum African
National Congress hefðu safnazt saman
í Maseru og hygðust gera þaðan árásir
á blökkumannaríkin í Suður-Afríku,
Transkei og Ciski, og myrða stjórnend-
urna þar.
African National Congress eru
samtök, sem blökkumenn í Suður-
Afríku stofnuðu fyrir alllöngu til að
berjast fyrir rétti sínum. Þau hafa verið
bönnuð í Suður-Afríku síðustu árin.
Sumir meðlimir þeirra hafa því gerzt
skæruliðar og fengið þjátfun erlendis að
því talið er.
Ástæðan er sú, að Lesotho er alger-
lega upp á náðir Suður-Afríku komið.
Lesotho er umkringt suður-afríkönsku
landi á alla vegu og fjöldi landsmanna
stundar atvinnu í einu af fylkjum
Suður-Afríku, Orange Free State.
Lesotho hét áður Basutoland. Sjálf-
stæði sitt rekur Lesotho til þess að
Bretar gerðu það að nýlendu sinni um
1870 og fóru þar með nýlendustjórn til
1966. Þá var Basutolandi veitt sjálf-
stæði og tók það jafnframt upp nafnið
Lesotho.
Lesotho er um 12 þús. fermílur að
flatarmáli og íbúarnir eru taldir um 1.5
milljón. Landið er fjalllent og mestur
hluti þess erfiður til ræktunar. Landbún-
aður er þó aðalatvinnuvegurinn, en ekki
■ Lesotho.
hrekkur hann til að brauðfæða
landsmenn. Það á sinn þátt í því, að
Lesotho er enn háðara Suður-Afríku en
ella.
Lesotho hefur kært Suður-Afríku til
Öryggisráðsins vegna innrásarinnar, en
ekki er búizt við sérstökum aðgerðum
af hálfu þess. Tilgangur Lesotho með
kærunni er vafalaust einkum sá að vekja
athygli á umræddum atburði í von um
að síður verði um endurtekningu að
ræða.,
VAFALÍTIÐ mun þessi innrás
Suður-Afríkumanna í varnarlaust land,
'eins og Lesotho, sem reynir að fara að
vilja þeirra í öllu, verða til þess að auka
fjandskapinn í öðrum ríkjum Afríku
gegn kynþáttakúguninni í Suður-Afríku.
Óneitanlega rifjar þessi atburður það
upp, að fyrir nokkkrum vikum eða í
október, flutti Robert McNamara, fyrrv.
varnarmálaráðherra í Bandaríkjunum
og fyrrv. framkvæmdastjóri Alþjóða-
bankans, ræðu í Witwatersrand-háskól-
anum í Jóhannesarborg, þar sem hann
sagði, að á síðasta áratugi þessarar aldar
gæti kynþáttadeilan í Suður-Afríku orð-
ið álíka hættuefni fyrir friðinn í heimin-
■ Robert McNamara.
um og ástandið í Austurlöndum nær um
þessar mundir.
McNamara reiknaði með, að hinum
svörtu ríkjum Afríku hefði þá vaxið svo
fiskur um hrygg, að þau gætu lagt til
vopnaðrar atlögu gegn Suður-Afríku, ef
ekki hefði fengizt nein lausn á kynþátta-
málinu.
Ef svo færi, að blökkumannaríkin
bæru hærri hlut í þessari viðureign og
tækju að þjarma að hvíta kynstofninum,
rnyndu Bandaríkin og ýms Evrópuríki
ekki telja sig geta staðið aðgerðalaus
hjá, heldur álitu sér skylt að reyna að
skakka leikinn.
Þessi viðvörun McNamara vakti verð-
skuldaða athygli víða um heim, og hún
hefur áreiðanlega ekki farið framhjá
valdamönnum Suður-Afríku. Ýmislegt
bendir til, að þeir geri sér hættuna ljósa.
Til þess benda m.a. viðræðurnar á
Grænhöfðaeyjum. Þá hefur Pieter W.'
Botha forsætisráðherra beitt sér fyrir
aðgerðum, sem gætu verið fyrsta spor í
rétta átt, t.d. með því að auka réttindi
fólks af indverskum ættum. Þetta sætir
þó mikilli mótspyrnu margra hvítra
manna. Þv( er sú hætta fyrir hendi, að
slíkar ráðstafanir komi of seint.
Þórarinn Pórarinsson,
ritstjóri, skrifar
INNKAUPASTOFNUN RÍKISINS
BORGARTÚNI 7 SÍMI 26844 PÓSTHÓLF 1441 TELEX 2006
Frá Menntaskólanum
við Hamrahlíð
Valdagur í dagskóla verður fimmtudagur 16.
desember. í öldungadeild verða einkunnir afhent-
ar og prófúrlausnir sýndar föstudaginn 17.
desember kl. 17 til 19. Innritun í öldungadeild fyrir
vorönn verður miðvikudaginn 15. desember til
föstudags 17. desember kl. 16 til 19.
Brautskráning stúdenta verður laugardaginn 18.
desember kl. 14.
Rektor
Arnarflug hf.
Útgáfa
jöfnunarhlutabréfa
Á síðasta aðalfundi Arnarflugs hf. var ákveðið að 6,5 falda hlutafé
félagsins meö útgáfu jöfnunarhlutabréfa. Samkvæmt ákvæði til
bráðabirgða I samþykktum félagsins eru eldri hlutabréf í félaginu hér
með innkölluð og verða afhent ný hlutabréf í þeirra stað að viðbættri
framangreindri jöfnun. Afhending hlutabréfanna fer fram á skrifstofu
félagsins að Lágmúla 7, Reykjavík, dagana 14/12 til 31/1’83 og á
sama tima verður hluthöfum greiddur arður vegna ársins 1981.
Reykjavík,
Stjórn Arnarflugs hf.
Bókín er 428 blaðsíður í vönduðu bandi.
I henni eru 20 kaflar, teikningar og kort
Fæst hjá bóksölum um land allt
Dreifing í síma 85088
Tilboð óskast
Til sölu:
1. Notuð offset prentvél „Multilith 1250 HS“. Hámarksstærð blaða
297x431 mm.
2. Notaður Repromaster “Littlejohn type 170".
Tilboðsgögn og nánari upplýsingar á skrifstofu vorri að Borgartúni 7.
Tilboðum skal skila á skrifstofu vora fyrir kl. 11:00 f.h. 28. desember,
1982.

rili^
w
S\^
svipur lands og þjóöar í máli og
myndum eftir Hjálmar R Bárðarson,