Tíminn - 16.12.1982, Blaðsíða 3
FIMMTUDAGUR 16. DESEMBER 1982
Láglaunabætur sendar út á
föstudag til 38 þús. launþega:
Uglauna-
MENNIRNIR
FA minnst
- ásamt þeim hæst launuðu
■ „Það er stefnt að því að
láglaunabótaávísanirnar komist í pólst
fyrir eða á föstudag, þannig að verið
getur að eitthvað af þessu verði borið út
hér í Reykjavík á föstudag, en varla fyrr
en eftir helgi á öðrum stöðum á
Iandinu“, sagði Sigurður Þorkelsson,
ríkisfchirðir, sem ásamt öðrum starfs-
mönnum fjármálaráðuneytisins hafa
verið að keppast við að ganga frá
láglaunaávísunum til þeirra samtals
38.284 manns sem rétt eiga á lág-
launabótum nú í desember;
Hámark láglaunabóta hjá barnlausum
einstaklingum — sem ekki eiga nettó
eignir yfir skattleysismörkum (326.250
kr. um áramót) - miðast við 75.000 kr.
tekjur á síðasta ári og verða um 1.850
kr. nú í desember. Bætur lækka síðan
eftir því sem laun hækkalhverfa við rúm
90.000 kr.) og einnig eftir því sem launin
lækka. Sá sem hafði t.d. 50.000 kr.
tekjur í fyrra fær um 900 kr. í
láglaunabætur. En benda má á að lægsta
taxtakaup verkamanna fyrir fulla dag-
vinnu var um 52 þús. krónur á síðasta
ári. Bætur sem reiknast undir 500
krónurn verða ekki greiddar út, þannig
að þeir sem fara að marki niður fyrir
40.000 kr. tekjur fá ekki greiddar bætur.
Hámarksbætur fyrir einstæða foreldra
(undir eignaskattsmörkurn) miðast við
10 þús . kr. hærri upphæð fyrir hvert
barn, þ.e. miðast t.d. við 95 þús. kr. hjá
foreldri með 2 börn og eru þá 2.550 kr.
Foreldri með eitt barn og 80 þús. kr.
tekjur fær hins vegar um 2.000 kr.
láglaunabætur.
Sé tekið dæmi af hjónumsemhöfðu
annað 100 þús. kr. tekjur og hitt 50 þús.,
er eiga þrjú börn og nettó eign að
upphæð 750 þús. kr., fær það þeirra sem
hærri tekjurnar hafði 1.600 kr. láglauna-
bætur en það lægra launaða engar. Þar
er það 48.750 kr. nettó eign þeirra hvors
um sig umfram skattleysismörk sem
eyðir bótarétti þess lægra launaða. Háar
tekjur annars hjóna geta líka lækkað
eða fellt niður láglaunabætur til hins, þar
sem tekjum er skipt milli þeirra við
reikning á svonefndum „skerðingar-
stofni". Tekið skal fram að allar bóta-
tölur eru hér látnar hlaupa á 50 og 100
krónum.
HEI
Matvælasending frá
íslandi til Póllands:
„Ástandið þar
er hroöalegt”
— segir Gunnlaugur Stefánsson,
sem er nýkominn úr ferð
um landið
■ - Ástandið í PóIIandi nú er vægast
sagt hræðilégt, sem dæmi má nefna að
kjötskammtur á hverja fjölskyldu í
landinu er núna 2Vi kUó, en þriðjungur
landsmanna hefur ekki einu sinni efni á
að kaupa þennan skammt, sagði Gunn-
laugur Stefánsson guðfræðingur og
starfsmaður hjálparstofnunar kirkjunn-
ar á blaðamannafundi, en Gunnlaugur
er nýkominn frá Póllandi. - Gunnlaugur
sagði ennfremur að hvarvetna í bæjum
og borgum væru langar biðraðir fyrir
utan verslanir, en þær sömu verslanir
væru gjarna nær tómar af matvöru.
Pólverjar eru ein stærsta kartöflufram-
leiðsluþjóð heimsins, en nú í ár brást
uppskeran og er skortur á kartöflum í
landinu. Helst er hægt að segja að nægt
framboö sé á grænmeti og ávöxtum. -
Fólk í landinu er greinilega mjög
óttaslegið og þreytt og þráir að friður
komist á milli hinna stríðandi afla í
landinu. Vonirnar beinast að því að
eitthvert samstarf geti komist á milli
flokks, kirkju og verkalýðssamtakanna,
sagði Gunnlaugur.
Hjálparstofnun kirkjunnar, kaþólska
kirkjan á íslandi og Alþýðusamband
íslands stóðu á síðastliðnum vetri fyrir
aðstoð við Pólverja í formi matarsend-
inga í samráði við hjálparstofnun norsku
kirkjunnar og Samkirkjuráðið í Pól-
landi, sem er samband mótmæienda-
kirkna þar. Nú á næstunni fer frá íslandi
300 tonn af kindakjöti til Póilands og um
50 tonn af síld. Hjálparstofnun kirkjunn-
ar greiðir fyrir kindakjötið að hluta en
íslenska ríkið sem greiðir það sem á
vantar í fullt afurðaverð tii bænda og er
það meginhluti kostnaðarins. Alkirkju-
ráðið greiðir flutninga og einnig greiðir
það kaupverð síldarinnar. Það kom
fr?m á fundinum að íslendingar hafa lagt
hlutfallslega mest af mörkum til Pól-
iandshjálparinnar af Norðuriöndunum
og hefði framlag ÍSlands vakið athygli og
þakklæti í landinu.
Sem dæmi um efnahagsörðugleika
Pólverja nefndi Gunnlaugur Stefánsson
það að af 9000 kjúklingabúum sem voru
í landinu hefðu nú 6000 hætt starfsemi
sinni vegna skorts á fóðurvörum og þau
sem enn starfa eiga við mikla örðugleika
að etja. Jóhannes Siggeirsson hagfræð-
ingur hjá ASÍ sagði að þar væri um að
ræða gott dæmi um þann vítahring scm
pólskt efnahagslíf væri statt í, viðskipta-
bann í kjölfar setningar herlaganna
hefði komið hart niður á framleiðendum
ílandinu, m.a. starfaði þessikornskortur
þar af. Þetta gerði svo Pólverjum enn
erfiðara fyrir að koma efnahagslífinu í
gang á ný og enn verr í stakk búna til
að rfsa undir þeim gríðarlegu erlendu
skuldum sem liggja á þeim eins og mara.
JGK
/Q R\KKAKA . ,
g/artland
Ástin blómstrar á
öllum aldursskeiöum
ÞÆR ERU SPENNANDI f ÁR,
SKEMMTISÖGURNAR FRÁ SKUGGSJÁ!
Barbara Cartland
Ástin blómstrar á öllum
aldursskeiðum
Eftir lát konu sinnar segir Malcolm Worthing-
ton skilið við starf sitt í utanríkisþjónustunni og
fer til Miðjarðarhafsins í þeim tilgangi að gleyma
fortíðinni og hefja nýtt líf. Þar verða tvær konur
á vegi hans og þær eru ólíkar eins og dagurinn
og nóttin. Elísabet er fínleg, lífsglöð og óeigin-
gjörn og kennir honum að elska á ný. Marcia er
há og grönn, fögur og fönguleg, en Malcolm
metur hana einskis. En þegar Marcia er að því
komin að hverfa að fullu úr lífi hans, ske óvæntir
atburðir, sem Malcolm hafði ekki séð fyrir...
Theresa Charles
við systurnar
Althea er fögur, alvörugefin og mjög gáfuð og
stjórnar yngri systur sinni, full afbrýðisemi og
öfundar. Rósamunda er lífsglöð og skemmtileg,
aðlaðandi og kærulaus, en full af mannlegri
hlýju. Adrían er aðstoðarprestur föður þeirra og
þær eru báðar ástfangnar af honum. Hann kvæn-
ist Altheu. Cecil er frændi Adríans, glæsilegur
og sjálfsöruggur. Hann kvænist Rósamundu.
Þessar systur voru mjög ólíkar, en áttu þó svo
margt sameiginlegt í fari sínu, að mennirnir, sem
urðu á vegi þeirra hrifust af þeim báðum.
Sigge Stark
Skógarvörðurinn
Anna frá Hlíð var sautján ára og mjög þögul
og fáskiptin. Hún tjáði engum hug sinn, heldur
hélt sig út af fyrir sig, rölti ein um skóginn með
hundinum sínum, sem í raun var hennar eini
félagi. En einn indælan sumardag, þegar sólin
hellti geislum sínum yfir skóginn, fjöllin og mýr-
arnar, hitti hún skógarvörðinn nýja. Þessi sumar-
dagur festist henni í minni sem einn mesti
hamingjudagurinn í lífi hennar, enda þótt hann
bæri í senn með sér sorg, biturleika og tár...
Else-Marie Nohr
Hver er ég?
Eva Birk er að undirbúa brúðkaup siti og
Henriks Borg, þegar hún fær þær óvæntu upp-
lýsingar, að af vígslunni geti ekki orðið, þar sem
hún sé þegar gift öðrum manni. Eva verður að
sjálfsögðu skelfingu lostin. Hún hafði orðið fyrir
bifreiðarslysi og þjáðst af minnisleysi um tíma,
en þegar hún tekur að kanna málið, kemst hún
að því að hún er þegar gift, og það manni sem
henni er ákaflega ógeðfelldur, — og að með
þessum manni á hún þriggja ára gamla dóttur...
Erik Nerlöe
Hvítklædda brúdurin
Karlotta var á leið til kirkjunnar þar sem Jesper
og veizlugestirnir biðu hennar. Hún var klædd í
brúðarkjólinn hvíta, með fagran brúðarvönd í
fanginu og fyrir brúðarvagninn voru spenntir
tveir fagrir gæðingar. En hún komst aldrei alla
leið til kirkjunnar, — og enginn vissi um mennina
tvo, sem í brúðarvagninum sátu og óku á brott
með Karlottu, tvo illskeytta menn, sem til alls
voru vísir. Og þar með fékk Benedikta Liljen-
krona möguleika til að vinna ástir Jespers á ný...
Francis Durbridge
Með kveðju frá Cregory
Fáir útvarpsþættir hafa vakið jafnmikla
spennu meðal íslenzkra útvarpshlustenda sem
Gregory-þættirnir sællar minningar. Með kveðju
frá Gregory er sagan sem þessir æsilegu þættir
voru byggðir á, — og sagan er ekki síður
spennandi. Hvervarhann þessi leyndardómsfulli
glæpamaður, sem skildi eftir orðsendinguna
„Með kveðju frá Gregory,“ ritaða með rauðu
bleki, sem minnti óhugnanlega á blóð, og festi
á fórnarlömb sín? — Það kostar vökunótt að
byrja lestur þessarar bókar.