Tíminn - 16.12.1982, Blaðsíða 5

FIMMTUDAGUR 16. DESEMBER 1982
5
fréttir
Alþingi:
NORDMENN VlUfl KflUPfl
600 TONN AF DILKAKJÖTI
— Áætlad ad markadur sé fyrir rúmlega 2700 tonn
Vill
■ Norðmenn hyggjast kaupa allt að
600 tonn af dilkakjöti á næsta ári fái þeir
tilskilin innflutningsleyfi. Verði úr þess-
ari sölu lagar það verulega stöðuna í sölu
á íslensku dilkakjöti af 1982 framleiðslu,
segir í frétt frá búvörudeild Sambands-
ins.
í tilefni af frétt Landbúnaðarráðu-
neytisins í Tímanum 15. des. sl. vill
Búvörudeild Sambandsins benda á að
þótt deildin hafi tekið 75 tonn af
stykkjuðu kjöti sem selt er til Svíþjóðar
inní uppgefið meðalútflutningsverð
lækkar það samanburðarhlutfallið að-
eins um 2%. Vantar því samt sem áður
26.8% uppá að verð það er hinn
hollenski aðili bauð fyrir íslenskt dilka-
kjöt miðað við núverandi meðalverð og
væntanlegar sölur deildarinnar.
Umsamið og afgreitt dilkakjöt í
útflutning af framleiðslu 1982 á vegum
Búvörudeildar er nú samtals um 1.550
tonn, Svíþjóð 650 tonn, Finnland 100
tonn, Danmörk 30 tonn, Luxemborg 10
'tonn, U.S.A. 7 tonn, Færeyjar750 tonn.
Rétt er að taka fram að Færeyingar gera
ekki bindandi samninga um magn en
kaupa allt það dilkakjöt er þeir hafa
þurft á að halda frá íslandi, þegar eru
afgreidd um 290 tonn.
Kaupi Norðmenn 600 tonn og 600
tonn mega fara til Efnahagsbandalagsins
auk þess sem vonir standa til að eitthvað
dilkakjöt fari til Bandaríkjanna má
áætla að markaður sé fyrir rúmlega
2.700 tonn af dilkakjöti frá 1982 fram-
leiðslu.
Gangi þetta eftir og sé útflutningsþörf
rétt áætluð 3.000 tonn virðast horfur nú
þolanlegar hvað varðar afsetningu og
markaðsntöguleika. Útflutningsverðið
mun því vera, sem áður, aðalvandinn
þ.e.a.s. ná hæsta mögulegu verði fyrir
dilkakjötið og með það markmið að
þurfa ekki að selja það á lægra verði en
Ný-Sjálenskt lambakjöt er boðið á í
nágrannalöndunum.
■ Eftir alla vinnusemina og í framhaldi af því glæsilegan basar um síðustu helgi
(þar sem þessi mynd var tekin) koma konur í Félagi framsóknarkvenna í Reykjavík
saman til síns árlega jólafundar í kvöld kl. 20.30 að Hótel Heklu. Á þessum árlegu
jólafundum skiptast konurnar á jólapökkum, flytja jólahugvekju og -sögur og drekka
saman hátíðarkafli við kertaljós, en láta að þessu sinni aila vinnu lönd og leið. Á
fundinn í kvöld eiga þær einnig von á Bergþóru Árnadóttur sem ætlar að taka lagið
og kynna plöturnar sínar. Þær konur sem eiga íslenska báninga klæðast honum
gjarnan á þessum fundum.
Tímamynd G.E.
Ákvördun borgarráðs:
GÖNGU-
BRAUTAR-
LJÖS
VIÐ KLEPP
— „Mjög nauðsynlegt fyrir
gangandi vegfarendur’%
segir Kristján Benediktsson,
borgarfulltrúi
Pylsuvagn
kominn á
Skagann
■ Mikiljólastemmingernúá Akranesi
og ekki minnkaði hún í gær er Akraborg-
in kom færandi hendi með splunkunýjan
pylsuvagn, sem sjá mun Skagamönnum
fyrir „bæjarins bestu“ pylsum jafnt um
jól sem aðra daga.
Það er Valgeir Skagfjörð, hljómlist-
armaður með meiru sem reka mun
pylsuvagninn, sem komið hefur verið
fyrir á aðaltogi bæjarins. Valgeir er
þekktur fyrir leik sinn með hljómsveit-
inni Tíbrá, en auk þess hefur hann leikið
stórt hlutverk hjá Skagaleikflokknum að
undanförnu.
ESE
■ Umferðarnefnd og borgarráð hafa
samþykkt að verða við óskum fólks á
Kleppsspítalanum að setja upp göngu-
brautarljós á Kleppsveginn þar sem
afleggjarinn að Kleppi liggur.
„Rökin fyrir þessu eru fyrst og fremst
þau að SVR biðskýlið er sunnan við
Kleppsveginn sem er orðinn mikil hrað-
akstursgata og sjúklingar og starfsfólk
þarf að fara yfir þessa götu til að komast
út og í strætisvagn sagði Kristján
Benediktsson borgarfulltrúi í sasmtali
við Tímann en hann flutti tillögu um
þessi göngubrautarljós í borgarstjórn
fyrir um einum og hálfum mánuði síðan.
„Við þetta bætist einnig að starfsfólk
á Kleppi hefur skóladagheimili þar og
sum börnin á því heimili eru í, Lang-
holtsskólanum og þurfa að fara þama á
milli þannig að það er mjög nauðsynlegt
að koma þarna upp frekara umferðar-
öryggi en nú er fyrir gangandi vegfar-
endur“ sagði Kristján.
Uppsetning Ijósanna hefst á næsta ári.
FRI
Fimm tonnum af
hausum hent á
ösku haugana
■ Suðurnesjatíðindi greina frá því á
forsíðu í dag að fimm tonnum af hertum
þorskhausum hafi nýlega verið hent á
sorphaugana í Keflavík vegna þess að
vart hafi orðið við maur í hausunum.
Þessir hertu þorskhausar sem þarna
var hent voru frá fiskverkun Birgis og
Árna í Keflavík og er verðmæti þessa
magns talið um 90 þúsund krónur.
Eigendur fiskverkunarinnar eru báðir
fiskmatsmenn.
Þeir aðilar sem Tíminn ræddi við í
gærkvöld hafa aldrei heyrt getið um
maur sem lagst hafi á skreið eða hausa,
en maðkur og púpur eru aftur á móti vel
þekkt fyrirbrigði.
Framsókn
niður
■ Litlu munaði að sú viljayfirlýsing
kæmi frant á Alþingi í gær að
Framsóknarflokkurinn yrði lagður
niður. Svo varð þó ckki cn Eyjölfur
Konráð lýsti því yfir að hann vildi
lcggja Frantkvæmdastofnun niður.
Við atkvæðagreiðslu um framlag til
Byggðasjóðs í sambandi við fjárlagaaf-
greiðslu lagði Vilmundur Gylfason til
að greidd yrðu scratkvæði um framlag
til Byggöasjóðs. Er hann gerði grein
fyrir atkvæði sínu sagði hann að sá
fjárlagaliöur væri tákn um samtrygg-
ingu og pólitíska spillingu og vildi
lcggja Framkvæmdastofnun niður.
Eyjólfur Konráð gcrði einnig grcin
fyrir atkvæði sínu og sagði: „Eins og
ég hef margoft sagt í þessum ræðustól
hef ég lagt til að leggja ætti Framsókn-
arí....“ Þcgar hér var komið skellihló
þingheimur og ræðumaður sagðist
náttúrlega ciga við Framkvæmdastofn-
un, en bætti við að sín vegna mætti
leggja Framsóknarflokkinn niðureinn-
'g-
Skyldi verða friðvænlegra meðal
sjálfstæðismanna í Norðurlandskjör-
dæmi vestra cf þingmanninum yrði að
ósk sinni?
Tveir
metsöluhöfundar
ARFURINN
0'S/tfr
m
SUÐRI
ARFURINN
DESMOND BAGLEY þekkja allir. Frá því
fyrsta skáldsaga hans kom út 1963, hefur ver-
ið beðið eftir hverri nýrri bók frá hans hendi.
Nýjasta skáldsaga hans kom út í Bretlandi á
miðju þessu ári. Hún er þegar komin út hér á
landi og heitir ARFURINN. Sagan gerist að
mestu í Kenya og er hlaðin spennu og æsandi
atburðarás. „Bagley er bæði gáfaðurog frum-
legur spennusagnahöfundur. Hann er meist-
ari í sinni grein“. Sunday Times. Slíkar um-
sagnir eru algengastar um bækur Desmond
Bagleys í öllum þekktustu blöðum heims.
DICK
FRANCIS
HÆTTUSPIL
HÆTTUSPIL
DICK FRANCIS, sem er breskur að þjóðerni
eins og Bagley, er þekktur og vinsæll höfund-
ur í enskumælandi löndum og seljast bækur
hans í milljónum eintaka. Hann hefur hlotið
lofsamlega dóma og fengið verðlaun úr ýms-
um sjóðum. í fyrra gaf SUÐRI út fyrstu skáld-
sögu Dick Francis á íslensku, ENGIN MISK-
UNN, og hlaut hún frábærar viðtökur eins og
vænta mátti. Nú er komin út ný skáldsaga eftir
Dick Francis, HÆTTUSPIL, og er ekki að efa
að þeir sem kunna að meta skemmtilega og
hraða atburðarás, muni falla hún vel í geð.
Desmond Bagley og Dick Francis eru höfundar sem standa fyrir sínu
SUÐRI
Afgreiðsla: Reynimel60 . Símar 27714 og 36384.
Pósthólf 1214 . 121 Reykjavík.