Tíminn - 28.12.1982, Blaðsíða 4

ÞRIÐJUDAGUR 28. DESEMBER 1982
Alusuisse
svarar
„sam-
komulags-
grundvelli”
Hjörleifs:
HÆKKUN ARAFORKUVERDI
KEMUR EKKI TIL GREINA
— nema ad uppfylltum ákvednum skilyrðum
■ „Ég mun kynna þessi viðbrögð
Alusuisse á ríkisstjórnarfundi á morgun,
og jafnframt verða þar til athugunar
næstu skref af íslands hálfu í Ijósi hinnar
neikvæðu afstöðu Alusuisse," sagði
Hjörleifur Guttormsson, iðnaðarráð-
herra í viðtali við Tímann í gær, er hann
var spurður um afstöðu hans til svar-
skeytis Alusuisse sem barst iðnaðarráðu-
neytinu seint á Þorláksmessu en þar
kom frain að Alusuisse er með lokaðar
skrifstofur sínar til 3. janúar næstkom-
andi og dr. Miiller, sem verið hefur
aðalsamningamaður fyrirtækisins við ís-
lensk stjórnvöld verður vestanhafs allan
janúarmánuð, þannig að Alusuisse
segist ekki geta komið á næsta viðræðu-
fund við íslensk stjórnvöld fyrr en í
febrúarmánuði, en stingur upp á að
fyrirtækið sendi hingað seinni hluta
janúarmánaðar sérfræðinga sem ræða
muni við íslenska sérfræðinga málefni
varðandi verðlagningu raforku og sam-
kcppnisaðstöðu Islands innan áliðnaðar-
ins.
í skeyti Alusuisse segir jafnframt að
fyrirtækið lýsi vonbrigðum sínum með
tillögur iðnaðarráðherra um „Samkomu-
lagsgrundvöll", og greint frá því að
aðeins komi til greina af hálfu Alusuisse
að taka upp viðræður um endurskoðun
samninga um álverið, að samkomulag
hafi áður verið gert um að setja
ágreining um skattgreiðslur ísal í sér-
staka gerðardómsmeðferð samkvæmt
þeirra tillögum. Jafnframt er frá því
greint að byrjunarhækkun á raforku-
verði komi ekki til greina, nema gegn
ákveðnum skilyrðum.
„Ég met þetta svar Alusuisse sem
mjög skýrt,“ sagði Hjörleifur, „þeir
virðast telja að þeir geti boðið okkur
nánast hvað sem er og ég hef ástæðu til
að ætla að þeir brestir sem fram hafa
komið hér að undanfömu hafi áhrif á
þetta mat þeirra. Hinsvegar vænti ég
þess að það takist að berja í þessa bresti
- ég að minnsta kosti mun gera mitt til
þess. Ég hef kynnt ríkisstjórninni leiðir
og rök fyrir einhliða aðgerðir af okkar
hálfu til hækkunar á raforkuverði og þau
mál eru nú inni á borði ríkisstjórnar, án
þess að ég hafi gert tillögu um ákveðna
leið.“
-AB
Arnarflug með nýja þjónustu:
Skídamenn á eigin
vegum til 5 landa
■ Arnarflug hefur nú hafið kynningu
og sölu á skíðaferðum til Sviss, Austur-
ríkis, Þýskalands, Frakklands og Ítalíu,
þar sem boðið er upp á tugi áfangastaða
og hundruðgististaða.Er þessi þjónusta
Arnarflugs veitt, í samvinnu við ferða-
skrifstofuna ARNE í Amsterdam. Er
meiningin að hópar eða einstaklingar
fari í þessar ferðir á eigin vegum, og má
segja að möguleikarnir á ferðatilhögun
séu nánast jafnmargir og áfangastaðirn-
ir.
Lengd ferða er frjáls og hægt að bæta
við viðbótardvöl í Amsterdam eða
öðrum borgum á undan eða eftir dvöl í
skíðalöndunum. Til þess að gefa ein-
hverja verðhugmynd, má nefna að ferð
til Haute Nendaz í Sviss sem varir í tvær
vikur kostar 9.235 krónur, og er þá
miðað við að fjórir séu saman í íbúð. í
slíku verði er innifalið flug til Amster-
dam og heim aftur, bílaleigubíll allan
tímann, 4 gistinætur í Amsterdam, og
svo að sjálfsögðu gistingin í Haute
Nendaz. Er markmið Arnarflugs með
þessari nýju þjónustu að auka svigrúm
það sem íslenskir skíðamenn hafa,
þegar þeir ferðast til annarra landa til
þess að iðka íþrótt sína, en með þessari
tilhögun fá þeir möguleika til sjálfstæðra
skíðaferða eigin vegum.
AB
■ |
~
k
Skeide
fiskþvottavéiar
SAMBAND ISLENZKRA SAMVINNUFELAGA
@ Sjávarafurðadeild
SAMBANDSHÚSINU RVÍK, SÍMI 28200
■ Á annan jóladag var mikið um að vera í íþróttahöllinni í Laugardal. Um daginn
var haldin jólatrésskemmtun og sóttu hana um 600 manns. Um kvöldið var
unglingadansleikur og léku Stuðmenn fyrir dansi. Túkst skemmtunin afar vel og var
unglingunum til mikils sóma. Báðar skemmtanirnar voru á vegum Æskulýðsráðs
Reykjavíkurborgar. Tímamynd: Róbert
íbúar á norð-austurlandi misstu
af sjónvarpi vegna fannfergis
um hátfdarnar:
Glugginn var viða
eina útgönguleiðin
■ Á Raufarhöfn var 20 cm djúpur
snjór á aðfangadag og 40 cm bættust
síðan við yfir hátíðamar, þannig að þar
var í gær um 60 cm þykkur snjór að sögn
Hafliða Jónssonar á Veðurstofunni.
Að sögn Gunnars Hilmarssonar, sveit-
arstjóra á Raufarhöfn var einnig tölu-
verður skafrenningur frá því á aðfanga-
dagskvöld og fram á annan, þannig að
snjórinn er þar víða upp í þakskegg á
húsunum. Nágranni Gunnars varð að
skríða út um glugga á húsi sínu til að
komast út og uppi undir ásnum kvað
hann menn hafa farið út um efri
hæðimar beint út á skaflana.
„Mönnum fannst það þó öllu verra -
þar sem allir þurftu að halda sig heima
- að missa alveg af sjónvarpsdagskránni
bæði á jóladag og á annan dag jóla“,
sagði Gunnar. Vegna ísingar á endur-
varpsstöðinni á Heiðarfjalli á Langanesi
höfðu menn ekkert sjónvarp séð á
Raufarhöfn frá því a‘ aðfangadagskvöld.
Kvaðst Gunnar halda að það sama ætti
við um Þórshöfn og Bakkafjörð. Ekkert
sjónvarp var heldur á þessum stöðum
sunnudags- og mánudagskvöldið síðustu
helgina fyrir jól.
- HEI.
Berjast fyrir betri skil-
yrðum til náms og þroska
■ Stofnuð hafa verið ný samtök,
SÁUM, en það er skammstöfun á hinu
eiginlega heiti: Samtök áhugafólks um
uppeldis- og menntamál. Formlegur
stofnfundur samtakanna var haldinn að
Hótel Heklu 6. nóvember sl. Stjórn
SÁUM skipa: Ólafur Proppé (formað-
ur), Hafþór Guðjónsson (varaformað-
ur), Bogi Arnar Finnbogason, Bjarni
Ólafsson, Kristrún ísaksdóttir, Erla
Kristjánsdóttir, Magnús J. Magnússon,
Kristín S. Kvaran og Sigrún Aðalbjarn-
ardóttir. Stofnfélagar SÁUM eru um
150 manns, aðallega foreldrar, kennarar
og fóstrur.
Markmið SÁUM er að virkja sem
flesta sem hafa áhuga á uppeldis- og
menntamálum í því skyni að berjast fyrir
betri skilyrðum til náms og þroska, bæði
innan uppeldis- og menntastofnana og
utan þeirra.
Samtökin eru opin öllum sem áhuga
hafa á uppeldis- og menntamálum. í
lögum samtakanna er gert ráð fyrir að
féiagsmenn sem búa úti á landi, geti
stofnað sérdeildir í tengslum við samtök-
in.
Fyrsti almenni félagsfundur SÁUM
verður haldinn í Sjómannaskólanum
laugardaginn 11. desember nk. kl. 14.
Meginefni þessa fundar verða skipulags-
og útgáfumál samtakanna en þó einkum
starfsemistarfshópa. Barnagæsla verður
á staðnum.