Tíminn - 29.12.1982, Blaðsíða 13

MIÐVIKUDAGUR 29. DESEMBER 1982
21
■ Hér má sjá sprengjubirgðir fyrir „stórskotaliðið", risaflugelda frá Fiskakletti.
Verð þeirra er frá 55-75 kr.
KR selur
flugelda
á fimm
stödum
■ Yfir 40 manns vinna í sjálfboðaliðsvinnu á
tvískiptri vakt við að undirbúa og standa að
sölu á flugeldum og öðrum slíkum vörum til
hátíðabrigða um áramótin. Sölustaðir eru fimm
og selt verður fram til klukkan 16 á gamlársdag.
KR er eitt þeirra íþróttafélaga, sem versla mest
við slysavarnadeildirnar (björgunarsveitirnar).
Á vegum KR eru fjórar stærðir af
„fjölskyldupökkum". Það eru: Barnapoki, sem
kostar 250 krónur. í þeim poka er ekkert sem
springur, heldur blys og stjörnuljós og fleira
þess háttar. Þá er Sparipokinn á 400 krónur og
„Bæjarins besti" á 550 og síðar Tröllapoki á
950 krónur. Ef keypt er fyrir 29. des. þá er 10%
afsláttur gefinn.
■ Tveir af fjórum „fjölskyldupökkum“ KR.
Þcssir kosta 400 og 550 krónur. Ef borið er
saman verð nú og í fyrra má sjá muninn á því,
að þá hefðu svipaðir pakkar kostað 175 og 270
krónur.
■ Einar Ólafsson frá Björgunarsveitinni Fiskakletti í Hafnarfirði kynnir flugelda-
varning, sem þeir hafa á boðstólum.
■ Fjórar björgunarsveitir hér á „suð-
vestur horninu" hafa samvinnu um
innflutning og sölu á flugeldum og
blysum um hver áramót. Það eru
Björgunarsveitimar Fiskaklettur í Hafn-
arfirði, Kyndill í Mosfellssveit, Þorbjörn
í Grindavík og Sigurvon í Sandgerði.
Sveitirnar flytja sjálfar inn sína flugelda
og blys beint frá Kína, Englandi og
Þýskalandi. Innflutningsfyrirtæki þeirra
heitir SVD-flugeldar.
Fyrst var ætlunin að björgunarsveit-
irnar flyttu eingöngu inn vörur fyrir sig,
en svo kom það í ljós, að verðið var
hagstætt, og þá fóru fleiri félög að falast
eftir innkaupum hjá þeim. Nú er svo
komið, að umsvifin hafa aukist svo á sl.
þremur árum, að björgunarsveitirnar
selja orðið alls 66 aðilum, íþróttafé-
lögum og slysavarnadeildum. „Þetta er
'orðin heilmikil heildsala hjá okkur",
sagði Einar Ólafsson, forsvarsmaður
flugeldasölunnar hjá Björgunarsveitinni
Fiskakletti.
Þýsku flugeldarnir, sem björgunar-
sveitirnar selja, eru sérstaklega öruggir
í notkun, því að á kveiknum er öryggi,
sem byrja verður á að taka af - áður
en kveikt er í flugeldinum. Það er því
síður hætta á að kviknað geti í fleiri'
flugeldum af slysni, eins og stundum
hefur komið fyrir, ef óvarlega hefur
verið farið að.
Björgunarsveitirnar flytja
sjálfar inn flugeldavörur
— medal annars beint frá Kína
■ Ein aðaluppistaðan í fjáröflun fyrir
Hjálparsveit skáta í Reykjavík hefur í
áratug verið flugeldasala fyrir áramótin.
Landssamband Hjálparsveita skáta er
innflytjandi á flugeldum og blysum
erlendis frá, en hjálparsveitirnar eru
einnig með flugeldavörur frá innlendum
aðila, þ.e. Flugeldaiðjunni Þórsmörk í
Garðabæ. Það eru einkum Joker-blysin
frá Þórsmörk, sem eru vinsæl. Það má
halda á þeim, ef farið er eftir leiðbeining-
um. Einnig eru þar framleiddar Venus-
rakettur og margt fleira.
Sérstakt „stjörnuljósatilboð" er hjá
Hjálparsveit skáta. Hægt er að fá í
einum pakka fyrir 100 krónur: 2 pk. af
litlum stjörnuljósum á 8.00, 2. pk. á
15.00 og 1 pk. á 85 krónur. Á venjulegu
verði í lausasölu yrði þetta samtals 131
króna. Afslátturinn er því 31 króna, ef
keypt er þetta stjömuljósabúnt.
Fjölskyldupakkarnir frá Hjálparsveit-
unum er á 490 krónur og 350 krónur. Á
pökkunum eru mjög góðar áminningar
til þeirra sem ætla að „skjóta árið út“.
Þar stendur m.a. „Standið vel frá, þegar
rakettu er skotið upp - Farið eftir
leiðbeiningum - Notið stöðuga undir-
stöðu - Geymið skotelda fjarri eldi og
aldrei í vasa - Ærslist aldrei með
skotelda - Kælið brunasár - og svo er
símanúmer sjúkrabíls og Slökkviliðs
Reykjavíkur 11100 - og síðan stendur
Gleðilegt ár!“ Með þeirri áramóta-
kveðju er Hjálparsveit skáta að vonast
til, að þessir flugeldar og blys verði til
ánægju og gleði, og fullrar varkárni
verði gætt.

v •
■ SVD-flugeidapakkar frá Björgunarsveitinni á 200, 380 og 600 krónur pakkinn eftir stærð.