Tíminn - 14.07.1983, Blaðsíða 5
Vinargreiði Alberts við stuðningsmenn sína eða eðlileg fyrirgreiðsla?
,1/ISSI AÐ SlAlfSðGÐU AÐ UPP
MYNDUHOMA GAGNRÝMSRADMR”
Albert Guðmundsson, fjármálaráðherra.
Tímamynd: Ari
— segir Albert Guðmundsson fjármálaráðherra um
á söluskatti af Tívolfínu á Miklatúni
■ „Ég felldi þennan söluskatt niður af
Tívolíinu á Miklatúni, því ég taldi það
vera mjög góða tilbreytingu fyrir börn
og unglinga i Reykjavík, að eiga þess
kost að njóta svona skemmtunar yfir
sumartimann, eftir langan og strangan
vetur, auk þess sem ég er og hef alltaf
verið hlynntur framtaki einstaklinganna
og verið á móti því að allur kostnaður og
áhætta af svona löguðu hvíli að öllu leyti
á einstaklingum, en ríkið geti alltaf tekið
sinn skerf hvernig sem allt veltist hjá
öðrum í þjóðfélaginu,“ sagði Albert
Guðmundsson fjármálaráðherra í sam-
tali við Tímann í gær, er hann var
spurður hverjar ástæðurnar hefðu verið
fyrir því að hann ákvað að fella niður
söluskatt af Tívolíinu sem haldið var á
Miklatúni frá því um miðjan júní, og
fram til síðustu helgar.
„Úr því að þarna var framtak sem
áður hefur reynst sæmilegt t.d. í sam-
bandi við vörusýningar, en nú var ekki
vörusýilíng , til þess að standa undir
hallanum, auk þess sem 20% gengisfell-
ing skall yfir sem gerði róðurinn fyrir
aðstandendur Tívolísins ennþá erfiðari,
þá fannst mér bæði rétt og sjálfsagt að
fella niður söluskattinn - nægir voru
erfiðleikarnir samt,“ sagði fjármálaráð-
herra jafnframt.
Albert sagðist jafnframt hafa viljað
stuðla að því að hægt væri að hafa
aðgang í Tívolíið og einstök leiktæki
eins ódýran og hægt væri, heldur en að
þetta yrði einhver einkaskemmtun fyrir
þá sem hefðu mikla peninga. Hann
sagði: „Það eru barnafjölskyldur sem
hafa einkum sótt þennan stað, og það
eru yfirleitt sömu fjölskyldurnar sem eru
fjárlitlar. Börn eru alltaf börn, hvort
sem þau eiga fjársterka foreldra eða
ekki. Þegar eitt barn sér annað fara í
ákvörðun hans um nidurfellingu
leiktæki úr leiktæki, vill það einnig, og
það get ég ósköp vel skilið. - Maður
hefur sjálfur verið barn, líka átt börn og
líka haft fjármuni handa á milli. þannig
að mér fannst bara að í þetta skipti vildi
ég nota það fordæmi sem mér var sagt
að væri fyrir hendi.“
Albert var spurður hvað hann vildi
segja um gagnrýnisraddir sem heyrst
hafa og sagt að hann hefði cinkum og sér
í lagi fellt niður söluskattinn af þessu
Tívolífyrirtæki þar sem mjög eindregnir
stuðningsmenn hans úr kosningabarátt-
unni, Pétur Sveinbjarnarson, svo og
Þorvaldur Mawby, sem jafnframt er.
tengdasonur hans, væru forsvarsmenn
þessa fyrirtækis og sagði hann þá:
„Ég er búinn að gera miklu stærri hluti
fyrir kaupfélög og samvinnuhreyfinguna
síðan ég kom hingað, heldur en þetta.
Ef ég á að vera hræddur við að gera það
sem ég tel að sé rétt, þá er eitthvað
öðruvísi en ég hefði talið að það ætti að
vera. Að sjálfsögðu vissi ég að upp
myndu koma gagnrýnisraddir, og það
yrði um það talað að tengdasonur minn
væri einn af aðstandendum þessa fyrir-
tækis, en hann var nú svo tiltölulega
nýkominn inn í þetta, 'að ég áttaði mig
ekki á því strax. En það er alveg sama
hvað maður gerir, það eru alltaf uppi
gagnrýnisraddir sem deila á mann fyrir
hvaðeina. Til dæmis var harðlega deilt á
mig í DV um daginn fyrir að hafa lækkað
tolla, þar sem sagt var að tollalækkun á
matvöru, búsáhöldum og ávöxtum væri
bara blekking! Það er því alveg sama
hvað maður gerir, allt er gagnrýnt."
Albert var spurður hvort hann myndi
beita sér fyrir því í framtíðinni að
söluskattur af svona skemmtunum yrði
felldur niður, og sagði hann þá: „Ja, ég
útiloka það ekkert, ef það er á vegum
• íslenskra aðila alfarið og ábyrgð, eins og
var í þessu tilfelli, en hitt er annað mál
að ég ætla heldur ekkert að vera að
skapa neitt fordæmi með þessu. Það
þýðir ckkert fyrir hvern sem cr að koma
og segja, þetta var gert þarna, og því á
að gera það aftur. Ég mun skoða hvert
einstakt tilfelli í réttu samhengi á þeirri
stundu sem ég þarf að taka ákvörðun."
-AB
Hugmyndir sjávarútvegsráðherra um ráðstöfun gengismunar:
„HLUTUR SJÓMANNA ER
FYRIR BORÐ BORINN”
■ „Ef þetta er rétt þá tel ég að okkar
hlutur hafi veriö fyrir borð borinn,“
sagði Óskar Vigfússon, formaður Sjó-
mannasambandsins, þegar Tíminn
spurði hann álits á fréttum um hugmynd-
ir sjávarútvegsráðherra um ráðstöfun
gengismunar.
Hugmyndir ráðherra, sem hann
kynnti á ríkisstjórnarfundi í fyrradag,
munu vera á þá Iund að meginhluti
gengismunar, 300 af 500 milljónum
króna, gangi til Stofnfjársjóðs fiskiskipa
í því skyni að mæta hækkun á skuldum
flotans vegna gengisfellingarinnar, um
100 milljónir fari í olíusjóð fiskiskipa og
um 60 milljónir fari til loðnubræðslu og
loðnuskipa og afgangurinn til gæðamála
og í lífeyrissjóði sjómanna.
„í viðræðum við ráðherra gerðum við
honum grein fyrir því að við teljum
okkur sjómcnn eiga hlut í þessum geng-
ismunasjóði. Það mikla áfall sem útgerð-
in varð fyrir í sambandi við loðnuveiðar
nær einnig til sjómanna," sagði Óskar
Vigfússon.
„Ég get ekki sagt annað en að ráðherra
hafi tekið vel í þessa málaleitan okkar,
en síðan höfum við ekkert frá honum
heyrt,“ sagði Óskar enn freniur. „Við
vitum ekki nákvæmlcga hver upphæðin
er sem virðist eiga að fara í lífeyrissjóð
sjómanna-, en það er þó ljóst að okkar
hlutur er fyrir borð borinn."
GM
ST0RGLÆSILEG
ÁSERIFENDA-
GETRAUN!
Núdrögumvið 15. júlí.
HUSTJALD OG ALLAN VIÐLEGUÚTBÚNAÐ
að verðmæti 35.000 kr.
Frá SP0RTVAL Laugavegi 116.
AÐALSKRIFSTOFA - SÍÐUMÚLA 15 - RÉYKJAVÍK