Tíminn - 20.07.1983, Blaðsíða 7
MIÐVIKUDAGUR 20. JÚLÍ 1983
umsjón: B.St. og K.L.
■ Dolly Dollar trcystir ekki á brjóstastærðina eingöngu.
DOLIY ÆTU\R AÐ LÆRA
AD BAKA PI2ZUR
-HLVONAROGVARA
■ Dolly Dollar er ekki nema
tvítug, en hefur þegar getið sér
orð sem lcikkona. Reyndar
þykir hennar stærsti kostur
vera ógnvekjandi brjósta-
stærð, en málið þar yfir er 115
cm. En þó aö þessi líkamsvöxt-
ur hafí orðið henni til fram-
dráttar á leiklistarsviðinu, get-
ur hann líka haft ókosti í för
með sér. Jafnvægispunkturinn
hlýtur nefnilega að vera á
talsvert öðrum slóðum en hjá
öðrum léttvægari konum.
Kannski er þetta ástæðan til
þeirrar yfirlýsingar Dolly, að:
- Maður getur ekki staðið á
öðrum fæti. Reyndar hafði hún
annað í huga. Dolly virðist
ekki vera neitt flón og hún
gerir sér grein fyrir því, að
leiklistarframinn getur verið
fallvaltur. Hún hefur því í huga
að koma sér upp annarri at-
vinnu meðfram. Hún hefur nú
hafíð leit í Múnchen að hent-
ugu húsnæði til að opna pi/.zu-
stað, ásamt sambýlismanni
sínum, ítalanum Angelo Car-
boni. Þau hafa nokkuð á-
kveðnar hugmyndir um hvem-
ig hann eigi að vera, notalegur
og hlýlegur og ekki of stór.
Þau hafa sem sé hugsað sér að
reka hann sem fjölskyldufyrir-
tæki og sjá sjálf um matreiðslu
og framreiðslu.
Angelo er sjálfur útlærður
pizzumeistri, en Dolly á eftir
að tileinka sér sitthvað í kúnst-
inni. En hún er áhugasamur
nemandi og undir handleiðslu
góðs kennara ætti hún fljótlega
að vera búin að ná tökum á
pizzugerðinni.
tökum áhugamanna um kvik-
myndagerð," sagði Guðbjörn.
„Við höfum tekið þátt í árlegri
kvikmyndahátíð þessara sam-
taka, og unnið þar til verðlauna.
Hátíðin hefur hins vegar ekki
verið haldin fyrr hér á landi.“
Að sögn Guðbjörns eru mynd-
irnar sem sýndar eru á hátíðinni
gerðar af áhugamönnum, og eru
þær allar leiknar. Þær skiptast í
tvo flokka, yngri og eldri, eftir
því hvort kvikmyndagerðar-
menn eru yngri en 25 ára eða
eldri. Hvert aðildarland hefur til
umráða 76 mín. í hverjum
flokki. Tveir dagar eru teknir í
að sýna myndirnar og eru þær
dæmdar jafnóðum af dómnefnd
sem í eiga sæti tveir fulltrúar frá
hverju Norðurlanda. Þegar allar
myndir hafa verið sýndar úthlut-
ar dómnefndin verðlaunum og
viðurkenningum. í fyrsta lagi er
valin besta mynd í báðum
flokkum; í öðru lagi eru veitt
sérstök gull-, silfur- eða brons-
verðlaun ef ástæða þykir til; í
þriðja lagi er veitt viðurkenning
fyrir tiltekin atriði sem góð rækt
þykir hafa verið lögð við í
einstökum myndum, s.s. hljóð
og lýsingu. Það aðildarland sem
flest verðlaun fær í efsta flokki
hreppir flest stig og sigrar.
Samhliða hátíðinni er efnt til
námskeiðs um kvikmyndagerð
fyrir áhugamenn. Það fyrra er
haldið fimmtudaginn 21. júlí og
hefur Karl Jeppesen umsjón með
því. Það síðara sem haldið er
föstudaginn 22. júlí nefnist
„Kvikmyndir um og af börnurn"
og hefur Tomas Knutsson frá
Svíþjóð umsjón með því.
Guðbjörn Guðbjörnsson
sagði að þátttaka í þessum nám-
skeiðum og aðgangur að kvik-
myndasýningunum væri ókeypis
og væru allir velkomnir. „Margar
þær myndir sem þarna eru sýnd-
ar eru síst lakari en þær sem
gerðar eru af atvinnumönnum í
kvikmyndagerð,“ sagði
Guðbjörn.
Þeir sem afla vilja frekari upp-
lýsinga um hátíðina, námskeiðin
og Samtök áhugamanna um
kvikmyndagerð geta haft sam-
band við Svein Aridra Sveinsson
forseta samtakanna í síma
31164. GM
■ Þinghúsið í Washington að næturlagi.
Tveir amerískir þingmenn
víttir fyrir siðferðisbrot
Framhjáhald mælist verr fyrir en kynvilla
■ Gerry E. Studds og Daniel B. Crane
■ SIÐAN uppvíst varð, að að-
stoðarmenn Reagans hefðu náð
í minnisblöð Carters fyrir sjón-
varpseinvígi þeirra haustið 1980,
hefur annað mál ekki verið nteira
á dagskrá hjá bandarískum fjöl-
miðlum.
Þó dró nokkuð úr þessu um
helgina, því að á föstudaginn
birtu blöðin frásagnir af því, að
siðanefnd fulltrúadeildarinnar
hefði vítt tvo þingmenn fyrir
siðferðisbrot. Samkvæmt venju
mun það síðar borið undir full-
trúadeildina, hvort hún villstað-
festa víturnar eða ekki.
Siðanefndin hefur mælt með
því, að deildin staðfesti víturnar.
Það er hlutverk siðanefndar-
innar að fylgjast með hegðun
þingmanna og rannsaka kærur
eða orðróm, sem kann að berast
henni um brot þingmanna á
velsæmisreglum. Þetta gildir um
hin margvíslegustu efni, eins og
fjármálalegt misferli, mútur,
hjúskaparbrot, kynvillu o.s.frv.
Nefndin fær allmörg slík mál
til athugunar, en oftast eru þau
afgreidd í kyrrþey eða lognast út
af. Það er yfirleitt ekki fyrr en
málin verða opinber, að nefndin
lætur hendur standa fram úr
ermum ogsamþykkir vítur, þeg-
ar ekki verður undan því vikizt.
Þessar vítur eru það sjaldgæfar
eða af svo litlu tilefni, að þeirra
er yfirleitt að litlu getið.
Víturnar, sem hafa verið sam-
þykktar nú, eru hins vegar
sprottnar af atvikum, sem fjöl-
miðlum þykir álitlegt fréttaefni.
Þess vegna hafa þær í bili sett
minnisblaðamálið í skuggann.
Ólíklegt er þó að það verði
lengi, því að minnisblaðamálið
getur átt eftir að fá söguleg
endalok. Að vísu er ekki reiknað
með, að Reagan dragist sjálfur
inn í það á annan hátt en þann
að hann verði að víkja einum
eða fleiri aðstoðarmönnum sín-
um úr starfi.
ÁVÍTUR þær, sem siðanefnd-
in hefur samþykkt, eru í báðum
tilvikum sprottnar af ákærum,
sem henni hafa borizt um að
tveir þingmenn hafi átt mök við
17 ára gamla sendla, sem störf-
uðu í þinginu, annar við 17 ára
gamla stúlku, en hinn við 17 ára
gamlan pilt.
Það þykir nokkuð eftirsóknar-
verð staða að vera sendill í
þinginu og keppast þingmenn
við að koma skjólstæðingum sín-
um í slíkar stöður. Venjulega
starfa þeir ekki lengur en í 1-2
ár. Meðan þeir gegna störfum í
þinghúsinu, ganga þeir í sérstak-
an skóla, sem þingið kostar, og
þykja það meðmæli að hafa
stundað nám þar.
Sérstakt eftirlit er haft með
sendlunum, því að það hefur
ekki þótt óvenjulegt að þeir eða
a.m.k. sumir þeirra væru litnir
hýru auga.
Þau brot, sem vítt var fyrir að
þessu sinni, voru orðin 3 ára og
10 ára gömul. Sennilega hafa
þau verið um hríð til meðferðar
hjá nefndinni, en hún talið sig
tilknúna að draga afgreiðslu
þeirra ekki lengur.
Það hefur vakið aukna athygli
á þessum vítum, að þær varða
þingmenn, sem hafa verið í góðu
áliti. Mjög er nú rætt um, hvort
ávíturnar verða til þess, að þeir
láti af þingmennsku eða bjóði sig
ekki fram aftur, en kosið verður
til fulltrúadeildarinnar haustið
1984.
ANNAR þeirra þingmanna,
sem hlaut vítur, var Daniel B.
Crane, sem hefur verið þingmað-
ur fyrir kjördæmi í lllinois síð-
an 1978. Hann er 47 ára, tann-
læknir að menntun.
Þegar Daniel Crane tók sæti í
fulltrúadeildinni, var bróðir
hans, Philip M. Crane, búinn að
eiga þarsæti í nokkurárogvinna
sér svo mikið álit, að hann gaf
kost á sér til framboðs fyrir
repúblikana við forsetakosning-
arnar 1980. Bróðir hans studdi
hann eindregið, en það nægði
þó ekki. Þeir bræður báðir eru
íhaldssamir repúblikanar og
íhaldssamir repúblikanar fylktu
sér um Ronald Reagan.
Framboð Cranes reyndist því
vonlaust. Hann fékk ekki nema
fimm atkvæði á flokksþinginu.
þegar forsetaefnið var valið.
Daniel Crane sagði síðan í
spaugi, að hvert atkvæði hefði
kostað eina milljón dollara, en
Philip Crane eyddi 5 milljónum
dollara í prófkjörsbaráttuna.
Það bendir til að hann hafi átt
efnaða stuðningsmenn.
í fulltrúadeildinni hefur Dani-
el Crane skipað sér í raðir íhalds-
samari og siðvandari repúblik-
ana. Hann hefur beitt sér gegn
fóstureyðingum, stutt bænahald
í skólum og stutt allar tillögur
um aukin útgjöld til hermála.
Hjónaband hans og heimilislíf
hefur verið talið gott, en þau
hjón eiga sex börn.
Daniel Crane er borinn þeirri
sök, sem hann hefur viðurkennt,
að hafa fyrir þremur árum átt
mök við 17 ára stúlku, sem þá
var sendill í þinghúsinu. Hún
hefur ekki verið nafngreind, en
frá henni hefur borizt sú játning,
að þetta hafi ekki verið minna
sér að kenna.
HINN þingmaðurinn, sem var
víttur, var Gerry E. Studds, sem
hefur átt sæti í fulltrúadeildinni
fyrir kjördæmi í Massachusetts
síðan 1972.
Studds, sent er 46 ára gamall,
er lögfræðingur að menntun, út-
skrifaðurfrá Yale háskóla. Hann
var starfsmaður í Hvíta húsinu,
þegar Kennedy var forseti, en
hóf síðan kennslustörf við merk-
ar skólastofnanir og kenndi eink-
um ameríska sögu og stjórnmál.
Kennslustörfum gegndi hann
þangað til hann var kosinn á
þing.
í fulltrúadeildini hefur Studds
skipað sér í vinstri arm demó-
krata. Hann hcfur unnið sér gott
álit í deildinni.
Studds var víttur fyrir það, að
hann hefði fyrir 10 árum haft
mök við 17 ára gamlan pilt, sem
þá var sendill í þinginu. Studds,
sem aldrei hefur kvænzt, viður-
kennir að hann sé haldinn kyn-
villu. Þetta komst á dagskrá fyrir
kosningarnar 1978, þegar hann
sótti umendurkjör. Hannsigraði
samt með yfirburðum.
Studds er sagður mjög vinsæll
í kjördæmi sínu, enda sinnir
hann því vel. Þegar hann bauð
sig fyrst fram þar, hafði demó-
krati ekki náð kosningu þar síð-
ustu 50 árin. Hann vann allgóðan
sigur og hefur jafnan verið
endurkosinn.
Blaðamenn hafa heimsótt
kjördæmi þeirra Cranes og
Studds síðan þeir hlutu ávíturni-
ar. Niðurstaða þeirra virðist sú,
að þungt geti orðið undir fæti
hjá Crane, ef hann sækir um
endurkjör, en Studds sé líklegri
til að halda velli, ef hann gefur
aftur kost á sér. Svo virðist þvt',
sem kjósendur dæmi framhjá-
hald stærra brot en kynvillu.
Crane segist samt viss um, að
kona sín og börn muni fyrirgefa
sér. Fjölskyldan tók líka á móti
honum, þegar hann heimsótti
kjördæmi sitt eftir að hafa verið
víttur.
Þórarinn
Þórarinsson,
ritstjóri, skrifar