Tíminn - 21.07.1983, Blaðsíða 4
4
FIMMTUDAGUR 21. JÚLÍ 1983
Framljós:
FIAT127
FIAT128
FIAT131
FIAT132
FIAT ARGENTA
FIAT PANDA
FIATRITMO
AUTOBIANCHI A 112
ESCORT
FIESTA
VWGOLFH4
Afturljós:
FIAT127
FIAT132
FIAT PANDA
FIATRITMO
AUTOBIANCHI
LANCIA A 112
ALFASUD
CORTINA
BENZ VÖRUBÍLA
VW — Transporter
Aurhlífar mikiö úrval. Loftnet kr. 240.—
Kertaþráða sett, 4 cyl. verö aöeins kr. 158,—
Tjakkar & búkkar.
Allar vörur á mjög hagstæðu verði.
Póstsendum.
MÓDELBÚÐIN
SUÐURLANDSBRAUT 12.
SÍMI 32210 — REYKJAVÍK.
Sími 44566
RAFLAGNIR
Nýlagnir — Breytingar — Viðhald MKKKM' Mjf
samvirki áv
Skemmuvegi 30 — 200 Kópavogur.
IB Bflaleiga ^AÞJÓ*
PD Carrental
Dugguvogi 23. Sími 82770 Opið 10.00-22.00. Sunnud. 10.00 - 20.00
Sími eftir lokun: 84274 - 53628
Leigjum út ýmsar Þvoið, bónið og
gerðir fólksbíla. gerið við bílana
Sækjum og sendum ykkar í björtu og rúmgóðu húsnæði.
OPIÐ ALLAN SÓLARHRINGINN
GLUGGAR
0G HURÐIR
Vönduð vinna ú hagstœðu verði.
Leitið tilboða.
ÚTIKURÐIR
Dalshrauni 9. Hf.
S. 54595.
f réttir I
„Man varla eftir ad
sláttur hafi byrjad
svo seint og nú
— sagdi Theódóra í Skarði á Landi
Landsveit: „Ég held að ég muni varla
eftir því að sláttur hafi byrjað svo seint
hér í sveit - þeir fyrstu byrjuðu að slá
núna um helgina.“, sagði Sigríður
Theódóra húsfreyja í Skarði á Landi í
samtali við okkur á mánudaginn. í
Skarði var sláttur ekki hafinn. Theó-
dóra kvað það þó m.a. vera vegna
anna við að rýja féð og koma því á
fjall. Þar eru um 800 fjár og sagði
Theódóra það 10-12 daga vinnu að
rýja og koma fénu á fjall. Eftir síðasta
Heklugos hefur ekki verið hægt að
reka féð á afrétt heldur verður að aka
því.
Theódóra kvað gróðurinn hafa tekið
nokkuð vel við sér að undanförnu
þannig að sæmilega líti út með sprettu.
Komi þurkur ætti heyskapur því að
ganga nokkuð vel.
Við spurðum Theódóru hvort alltaf
væri jafn eftirsótt af borgarbörnum að
komast í sveit þar um slóðir og hvort
sveitaheimili tækju alltaf jafn marga.
Það er að minnka mikið held ég. Að
vísu eru alltaf margir hjá okkur -
vinnuaflið hjá okkur er unglingarnir.
En almennt held ég að það fari fækk-
andi. Sveitavistin er þó alltaf jafn
eftirsótt - gætu verið margir í hverju
plássi samkvæmt minni reynslu. En
kannski fer þörfin minnkandi. Það er
t.d. orðið stórhættulegt að vera með
yngri börn við heyvinnu og þær vélar
sem við það eru notaðar. Það þurfa að
vera eldri unglingar og þá þarf orðið
að borga þeim svo mikið kaup auk frís
uppihalds. Maturinn er orðinn svo
dýr, að það kostar mikið að hafa mörg
börn í sveit. Auk þess væri skólatími
nú orðinn svo langur að krakkarnir ná
jafnvel ekki að vera allan heyskapar-
tímann hvað þá meira, sagði Sigríður
Theódóra. - HEI
Fyrsta
fólks
í heilum
kaupstað
á fslandi
Borgarfjörður: Sögufélag Borgarfjarð-
ar hefur sent frá sér annað bindi af
Æviskrám Akurnesinga og tekur það
yfir æviskrár þeirra, sem bera nöfn
með upphafsstöfunum G-í. Bókin er
alls 534 bls. að stærð. Þar af eru 757
myndir á 120 blaðsíðum. Bókin er
prentuð í Prentverki Akraness. Fyrsta
bindi þessa mikla ritverks kom út
nokkru fyrir síðustu jól og hefur verið
vel tekið.
Vert er að vekja á því athygli, að
með Æviskrám Akurnesinga er í fyrsta
sinn hafizt handa um ritun og útgáfu
æviskráa fólks í heilum kaupstað á
íslandi. Með þessu verki er því brotið
blað í útgáfu ættfræðirita hér á landi.
- Ritun æviskránna hefur annazt Ari
Gíslason ættfræðingur á Akranesi.
- Auk Æviskráa Akurnesinga hefur
Sögufélag Borgarfjarðar gefið út á
undan förnum árum sex stór bindi af
Borgfirzkum æviskrám og sjöunda
bindi þess mikla ættfræðirits kemur út
seint á þessu ári.
Fjórum sinnum hefur Sögufélagið
gefið út íbúatal fyrir héraðið og Akra-
nes. Hið síðasta kom út árið 1981 og
er byggt á alisherjarmanntalinu, sem
fram fór það ár. fbúatalið nýtur mikilla
vinsælda og þykir ómissandi uppslátta-
rit á flestum heimilum í héraði.
- Árið 1981 hóf Sögufélag Borgar-
fjarðar útgáfu á sérstöku ársriti, er
nefnist Borgfirðingabók, og hefur séra
Brynjólfur Gíslason í Stafholti annazt
um ritstjórn þess. Þegar hafa komið út
tveir árgangar af ritinu. Borgfirðinga-
bók flytur annála úr byggðum Borgar-
fjarðar, fréttir frá félögum og félaga-
samtökum í héraðinu, vísnaþætti, frá-
sagnir af atvinnulífi, félags- og menn-
ingarlífi, merkum atburðum o.fl. Ritið
gegnir m.a. varðveizluhlutverki. Það
á að varðveita frá gleymsku og leggja
í lófa framtíðar ýmislegt af því, sem er
að gerast í héraðinu á líðandi stund
hverju sinni og getur haft gildi fyrir
þær kynslóðir, sem á eftir koma og
byggja Borgarfjörð. Þannig gegnir rit-
ið margþættu menningarhlutverki.
-Bækur og rit Sögufélags Borgar-
fjarðar fást hjá umboðsmönnum og í
bókaverzlunum.
(Fréttatilkynning)
Kennsla í Húsmædraskólanum
Ósk áfram meö svipuðum hætti
Gefur hótelfólki
kost á námskeiði
ísafjörður: Um 140 nemendur stund-
uðu nám í Húsmæðraskólanum Ósk á
ísafirði s.l. vetur. Kennsla í skólanum
var þannig háttað að námskeið voru
haldin til áramóta, en þá byrjaði 5
mánaða hússtjórnarnámskeið með
heimavist, þar sem kennd voru öll
venjuleg hússtjórnarfög svo sem mat-
reiðsla, fatasaumur, vefnaður, þvottur
og ræsting. Námskeiði þessu lauk með
prófi þar sem Ingibjörg Júlía Þorbergs-
dóttir Gerði í Suðursveit hlaut hæstu
einkun og verðlaun úr Camillusjóði.
Næsta vetur er fyrirhugað að skólinn
starfi með svipuðum hætti, þ.e. stutt
námskeið til áramóta, sem auglýst
verða í byrjun sept., og 5 mán. hús-
stjórnarnámskeið með heimavist eftir
áramót. Skólastjóri, Þorbjörg Bjarna-
dóttir bendir á að samhliða hússtjórn-
arnámskeiðinu sé möguleiki á að sækja
kvöldnámskeið í tungumálum í kvöld-
skóla ísafjarðar. Þá kom fram að um
miðjan síðasta vetur var tekinn í
notkun leirbrennsluofn í skólanum og
hafin kennsla í leirmunagerð. Kennari
var Kolbrún Björgólfsdóttir frá Búðar-
dal. Fólki á ísafirði og nemendum
skólans verður framvegis gefinn kostur
á námskeiðum í keramik og postulíns-
málningu. Þá er og í athugun að halda
námskeið fyrir verðandi þjónustufólk
á hótelum og mötuneytum ef næg
þátttaka fæst.
Húsmæðraskólinn Ósk hefur yfir að
ráða minningarsjóði um Gyðu Marías-
dóttur f.v. skólastjóra, sem veittir eru
úr styrkir til framhaldsnáms í heimilis-
fræðum. Nokkrum nemendum úr
Kennaraháskóla íslands og fleirum
hefur verið veittur styrkur úr sjóðnum
á undanförnum árum. Umsækjendur
þurfa að vera af Vestfjörðum og helst
að hafa stundað nám í Húsmæðraskól-
anum Ósk.
- HEI
Um 4 gráðu nætur-
frost á Norðurlandi
Norðurland: Aðfaranótt 15. júlí s.I.
fór hitastig niður í 3,9 gráðu frost við
jörð, samkvæmt hitamælingum á
Möðruvöllum í Hörgárdal, en víða
hefur verið mikill næturkuldi að
undanförnu miðað við árstíma.
Guðmundur Gunnarsson ráðunaut-
ur hjá Búnaðarsambandi Eyjafjarðar
sagði hitastigið eflaust víða hafa farið
svo neðarlega þar nyrðra undanfarnar
nætur, enda geti slíkt gerst hvenær sem
er við viss veðurskilyrði, þó menn
verði sjaldan varir við það. Sé norðan-
átt og 3-4 stiga hiti og síðan skíni upp
og komi logn yfir nóttina þá verði
oftast frost við jörð.
Guðmundur kvað aðeins hafa séð á
kartöflugrösum í görðum, en vissi ekki
til að þau hafi neins staðar fallið
þannig að draga muni úr sprettu og
valda þannig tjóni. Frostið hafi staðið
svo stuttan tíma um nóttina - meira
þurfi til, til þess að grös falli.
- HEI