Tíminn - 29.07.1983, Blaðsíða 5
FÖSTUDAGUR 29. JÚLI1983
f réttir
ÞYRFTl LOGGILD-
INGU A STARFINU”
Rabbad við brunaverðina Baldur Baldursson og
Sigurjón Kristjánsson
■ „Það kom fram í könnun sem gerð
var á vegum borgarinnar að talsverður
meirihluti brunavarða er því fylgjandi að
aldursmörkin verði lækkuð. Við teljum
að hér sé á ferðinni öryggismál - líkam-
legt ástand brunavarða verður að vera
gott. Enda hefur það um árabil verið
óskráð regla hjá slökkviliðinu að menn
yfir 40 ára aldri fara ekki í ýmis erfið
verkefni, eins og til dæmis reykköfun.
Það þýðir í reynd með óbreyttu fyrir-
komulagi, að erfið verkefni færast á
færri hendur.“
Þetta sögðu brunaverðirnir Sigurjón
Kristjánsson og Baldur Baldursson í
viðtali við Tímann. Nýlega fjallaði borgar-
ráð um eftirlaunaaldur brunavarða í
slökkviliðinu í Reykjavík. f gögnum
sem fyrir lágu kom fram að í öllum
höfuðborgum Norðurlanda gilda sér-
stakar reglur um eftirlaunaaldur bruna-
varða.í Helsinki, Oslo og Stokkhólmi"
eru þeir látnir hætta sextugir og halda
fullum eftirlaunum. f Kaupmannahöfn
eru brunaverðir hvattir til að hætta um
sextugt með ýmsum ívilnunum. En í
Reykjavík gilda sömu reglur um slökkvi-
liðsmenn og aðrar starfsstéttir hjá hinu
opinbera.
„Okkur finnst 60 ár eðlilegur aldur til
að láta af störfum, þó að auðvitað hafi
margir eldri menn staðið fullkomlega
fyrir sínu hjá okkur,“ segja brunaverð-
irnir. „Samkvæmt kjarasamningi hætta
menn 55 ára í sjúkraflutningum. Á sama
tíma geta þeir farið fram á að sleppa við
næturvaktir. Reyndin hefur þó verið sú,
að fæstir hafa beðið um það - einfaldlega
vegna þess að næturvaktirnar gefa meira
í aðra hönd en dagvaktir og menn hafa
ekki efni á að sleppa þeim. En það er
nauðsynlegt að menn geti farið í sem
flest.“
- Nú eru mörg störf á vegum slökkvi-
liðsins sem ekki krefjast þess endilega að
menn séu í eldlínunni. Geta ekki eldri
menn sinnt þeim?
„Það er auðvitað margt sem fullorðnir
menn geta sinnt alveg jafn vel og ungir.
En ef svo heldur áfram sem horfir verður
meðalaldurinn í slökkviliðinu í Reykja-
vík orðinn allt of hár eftir nokkur ár og
þá verða allt of margir sem eiga að sinna
tiltölulega fáum störfum. Einnig má
benda á til dæmis að það þarf margra ára
þjálfun til að verða góður eldvarnaeftir-
litsmaður og því yngri sem menn hefja
störf við eldvarnareftiriit því betra.“
- Nú er mikið talað um neyðarbíl, sem
verið hefur í notkun um nokkurt skeið.
Hver er reynsla ykkar af honum?
„Það er óhætt að fullyrða að hann
veitir mun meiri þjónustu en litlu bílarn-
ir. Hann í mörgum tilfellum flytur slysa-
varðstofuna á slysstað og við höldum
að allir séu sammála um nauðsyn þess að
halda rekstri hans áfram. Það kemur
líka til að með neyuðarbílnum eru að
jafnaði fjórir sem fara á slysstað, tveir
sjúkraflutningamenn, læknir og hjúkr-
unarfræðingur. Átta hendur geta veitt
miklu meiri aðstoð á slysstað en fjórar.
Það hafa komið fram hugmyndir um
að breyta fyrirkomulaginu á rekstri
bílsins, þannig að ráðnir verði á hann
sérstakir menn, sem ekki eru úr slökkvi-
liðinu í Reykjavík. Það teljum við af og
frá. Við búum yfir langri reynslu af
sjúkraflutningum og það á við um þá
eins og svo margt annað að það tekur
mörg ár að þjálfa mannskapinn. í vetur
sem leið fengum við mjög góða tilsögn í
næstum öllu sem upp getur komið í
svona bíl. Það kemur sér líka mjög vel
á hinum bílunum og einmitt þess vegna
meðal annars væri fráleitt að aðskiija
þetta.
Það sem vefst fyrir sumum, er að það
þurfa að vera tveir menn frá okkur á
slysavarðstofunni meðan neyðarbíllinn
er í notkun. Vegna skorts á mannafla í
slökkviliðinu eru þessir menn á auka-
vöktum. En það vill gleymast í þessari
umræðu að bíllinn sparar heilmikið í
kerfinu. Það kemur iðulega fyrir að farið
er beint af slysstað á sjúkrahús og þar
með sparast vinna á slysadeild. Einnig
kemur fyrir að sjúklingum er ekið beint
heim; þeir fara ekkert á sjúkrahús eða
slysadeild. Á litlu bílunum verðum við
að fara með alla sem slasast, burtséð frá
hvað þeir eru lítið slasaðir, á slysavarð-
stofu.“
Brunaverðirnir Baldur Baldursson og Sigurjón Kristjánsson. Tímamynd Ari.
-Var ekki talað um það einhvern tíma
að fækka yrði á bílnum, þið kæmuð í
stað hjúkrunarfræðings?
„Það stóð til upphaflega. Fram-
kvæmdin strandar á því að okkur skortir
réttindi. Eina svarið við því er náttúru-
lega að settur verði á stofn einhverskon-
ar sjúkraflutningaskóli, sem gæfi okkur
réttindi til að sinna ýmsum verkefnum
hjúkrunarfræðinga. Þannig fyrirkomu-
lag tíðkast í mörgum löndum, en það
þýðir eðlilega að allir sem sjúkraflutn-
inga stunda, hvort sem er í afleysingum
eða föstu starfi, verði að sækj a skólann.
í framhaldi af þessu þyrfti að fá
löggildingu á starfi brunavarða og
sjúkraflutningamanna. Eins og málum
er háttað núna geta menn hlaupið í starf
brunavarðar beint af götunni. Að vísu
þarf að gangast undir einhvers hæfnis
próf og hafa meirabílpróf, en það er allt
og sumt.“ -Sjó.
Skeljungur h.f.
SheHstöðin Kleppjámsreykjum
ómlegasta bensínstöðin
á íslandi!
Nýja Shell-stööin Kleppjárnsreykjum er engin venjuleg bensín-
stöö. Aö sjálfsögöu er þar á boðstólum allt sem tilheyrir Shell-stöð;
s.s. bensín, olíur, bifreiðavörur, gas, grillvörur, öl, gos og fleira
góögæti, en aö auki er fjölbreytt úrval pottablóma og græn-
metis á mjög góðu verði. Ennfremur ýmsar vörur til blóma-
ræktunar.
Shell-stöðin Kleppjárnsreykjum er miðsvæðis í Borgarfirði,
skammt frá Reykholti og Deildartungu. Hún er því tilvalin áninga-
staður í skoðunarferðum um héraðið. Vegalendirfrá helstu sumar-
húsabyggðum eru:
Bifröst
Húsafell
Munaðarnes
u.þ.b.
31 km. Skorradalur
- 32 km. Svignaskarð
- 26 km. Vatnaskógur
22 km.
25 km.
40 km.