Tíminn - 18.08.1983, Blaðsíða 3

FIMMTUDAiGUR 18/ ÁGÚST 1983
3
fréttir
Hradfrystihúsið á Hellissandi sem brann til kaldra kola ígærdag:
„HEFIIR VEITT 60% ÞEIRRAR
ATVINNU SEM HÉR ER AD FÁ"
— segir Auðunn Ólafsson,
sveitarstjóri Neshrepps
■ „Þetta er auðvitað geysilegt áfall fyrir þorpið,
þar sem þetta er eina frystihúsið á staðnum og hefur
veitt um 60% þeirrar atvinnu sem er hér að fá í
byggðarlaginu. Hér hafa verið um 60-70 manns í
vinnu þegar mest er að gerast og síðan er auðvitað
ýmislegt sem tengist því“, sagði Auðunn Bjarni
Olafsson sveitarstjóri Neshrepps, í samtali við
Tímann í gær.
■ Auðunn Bjarni Ólafsson sveitar-
stjóri Neshrepps utan Ennis.
Tímamynd Ari
„Þetta er ef til vill öllu meira áfall
þegar hugsað er til þess að hér hefur
verið óvenju mikil bjartsýni í fólki
undanfarið og fólk hefur verið að byggja
umfram það sem það hefur gert áður.
Þegar þetta kemur svo upp á verður
áfallið heldur stærra en annars hefði
verið. Og maður er satt að segja ekki
farinn að gera sér grein fyrir hvað tekur
nú við.“
- Er hraðfrystihúsið alveg ónýtt eftir
brunann?
„Öll hraðfrystilína er ónýt, það er
ekki hægt að sjá ncina heila brú í henni.
Það tókst að verja saltfiskverkunina en
frystigeymslur og verkunarsvæðið fyrir
hraðfrystiiðnaðinn er allt farið.
- Hefur ekki nýlega verið bætt við
húsið og það endurbyggt?
„Það er ekki langt síðan bætt var við
frystigeymslurnar og það var stór áfangi.
Síðan hefur stöðugt verið að betrumbæta
húsið.
- Hcfur nokkuð verið athugað hvaða
ráða er hægt að grípa til?
„Það er ómögulegt að gera sér grein
fyrir því. Það verður hreppsnefndar-
fundur í dag og þar verður þetta mál
tekið fyrir, en það er enginn farinn að
gera sér grein fyrir hvað tckur nú við.“
- GSH
■ Um 20 lestir af fiski voru í móttökunni og eyðilagðist allt í eldinum.
Tímamynd Ari.
■ Slökkviliðið hressir sig á kaffi þegar stund gafst en konur á Hellissandi voru
óþreytandi við að færa björgunarmönnum hressingu.
Tímamynd Ari
- segir Ómar Lúðvíksson,
slökkviliðsstjóri á Hellissandi
■ „Ég held satt að scgja að slökkvi-
starfið hafi gengið vcl miðað við allar
aðstæður og ég er ánægður með að
þegar upp er staðið skyldu ekki hafa
orðið nein slys á mönnum. Það var mikil
sprengihætta hér útaf ammoníaki og
gaskútum og öðru þessháttar,“ sagði
Ómar Lúðvíksson slökkviliðsstjóri á
Hellissandi í samtali við Tímann í gær.
„Eldurinn kom upp um kl. 9.30 og við
komum á staðinn skömmu síðar. Þá
logaði ekki uppúr þekjunni en stuttu
seinna stóð allt í björtu báli. Gamla
frystiklefaloftið var einangrað með sagi
og þama var einnig gömul umbúðageymsla
'sem eldurinn komst í mjög fljótlega
og það varð ekki við neitt ráðið. Það
björguðust þó roðfletti- og flökunarvélar
og það tókst að varna því að eldurinn
kæmist í beinaverksmiðjuna og söltunar-
stöðina hér fyrir neðan en hefði hann
verið að sunnan eða suðaustan hefði það
allt farið líka.“
„Ég held að við höfum verið lánsamir
að þetta gerðist á þessum tíma en ekki
t.d. að vetrarlagi. Ef lækurinn hér hefði
t.d. verið frosinn hefði ekki verið að
sökum að spyrja, það þarf mikið vatns-
magn undir þessum kringumstæðum.
Það skorti því ekki vatn en þetta var
þannig bygging að það var tómt mál að
tala um að verja hluta af henni því þetta
varð allt að einu eldhafi á skömmum
tíma.“
„Tjónið hér er alveg gífurlegt,“ sagði
ómar ennfremur, „sérstaklega fyrir
svona lítið þorp þegar það missir burðar-
ás atvinnulíísins. í stærri stöðum er það
ef til vill ekki eins tilfinnanlegt tjón þó
eitt fyrir tæki lamist en hér er það öllu
alvarlegra, sérstaklega þar sem Hrað-
frystihúsið hefur haldið uppi atvinnulíf-
■ Ómar Lúðvíksson slökkviliðsstjóri á Hellissandi.
Tímainynd Ari
„TJÓNIÐ HÉR ER ALVEG
GfFURLEGT”
■ Slökkviliðið dælir vatni inn í húsið og fremst freistar reykkafari inngöngu.
Tímamynd Sigurjón