Tíminn - 04.02.1984, Blaðsíða 3

Hvers vegna var ekki strax sagt frá öllum tilboðunum í hlutabréf ríkisins í Eimskip?
.HNHVER NHSTOK SEM
ÉGHEFGERTMRNA"
■ Nú er lítið sem bendir til þess að Albert Guðmundsson
fjármálaráðherra sé um það bil að ganga frá sölu á hlutabréfum
ríkisins í Eimskipafélagi íslands, þó svo að Tíminn hafí sl. miðvikudag
þann 1. þessa mánaðar greint frá því í samtali við fjármálaráðherra
að hann hygðist á næstu dögum ganga frá sölu á hlutabréfum ríkisins
til Eimskipafélags íslands, þar sem hann teldi tilboð Eimskipafélags
íslands í hlutabréf ríkisins vera aðgengilegt. Viðtalið við Albert
Guðmundsson tók Tíminn þann 31. janúar, en einmitt þann dag rann
út tilboðsfrestur í þessi hlutabréf ríkisins, samkvæmt auglýsingu
fjármálaráðuneytisins, en síðar sama dag barst fjármálaráðherra
annað tilboð í sömu bréf, eins og fjármálaráðherra greindi frá
í fjölmiðlum daginn eftir, eða þann 1. febrúar.
Fjármálaráðherra segir nú að honum
hafi borist fleiri tilboð í þessi hlutabréf,
áður en frestur til að skila inn tilboðum
rann út, þ.e. 31. janúar.
Tíminn ræddi þetta við fjármálaráð-
herra í gær, og spurði hann m.a. hversu
mörg tilboðin í hlutabréf ríkisins í
Eimskip væru orðin: „Ég held að þau
séu þrjú, frekar en fjögur," sagði fjár-
málaráðherra. Hann var spurður hvort
hann gæti tekið til greina fleiri tilboð, en
þau tvö fyrstu, sem bárust fyrir 1.
febrúar: „Já, já, ég get það, Þau komu
öll fyrir 1. febrúar."
Fjármálaráðherra var að því spurður
hvers vegna hann hefði sagt í viðtali við
Tímann. sem tekið var 1. febrúar, og
birt í blaðinu þann annan „að það myndi
liggja fyrir í dag hvort tilboðið væri
hagstæðara, en hann sagðist reikna fast-
lega með því að því tilboði sem talið væri
hagstæðara yrði tekið".: „eða með
öðrum orðum að hann hefði aðeins talað
um tvö tilboð, eins og fleiri tilboð hefðu
ekki borist. „Ef þú hefur talað við mig
þann fyrsta um þessi mál, þá er bara um
einhver mistök hjá mér í okkar samtali."
Þriðja tilboðið sem borist hefur í
hlutabréf ríkisins í Eimskip er frá
Sjóvátryggingafélaginu, og sagði fjár-
málaráðherra að hann teldi það vera
betra en hin tvö, því um tvöfalt nafnverð
væri að ræða, og greiðslu á talsvert
skemmri tíma að ræða, en gert væri ráð
fyrir í tilboði Jóns Guðmundssonar, sem
bauð fyrir hönd Fasteignamarkaðarins 5
milljónir 250 þúsund, með 20% útborg-
un, og eftirstöðvar til 10 ára, bundnar
lánskjaravísitölu.
Tíminn spurði fjármálaráðherra hvað
hann vildi segja um þá skoðun manna að
hann sniðgengi eðlilega viðskiptahætti,
með því að taka til greina tilboð, eftir að
frestur til að skila tilboðum væri útrunn-
inn: „Það getur vel verið að þetta sé
einhver feill hjá mér, að hafa ekki greint
frá því að þessi tilboð komu fyrr.”
Fjármálaráðherra var spurður hvort
hann gæti sýnt fram á það að þessi tilboð
hefðu borist honum áður en 1. febrúar
rann upp: „Ég get bara sýnt fram á það
með bréfinu, sem er dagsett þann 31.
janúar, og það komu tveir menn með
þetta tilboð þann dag."
Fjármálaráðherra var þá spurður hver
skýringin gæti verið á því að hann talaði
aðeins um tvö tilboð í viðtali við Tímann
og útvarp þann 1. febrúar, fyrst hann
hafði þá þegar a.m.k. þrjú tilboð í
höndunum og sagði hann þá: „Þetta eru
bara mín mistök og ekkert annað. Þetta
eru bara einhver mistök sem ég hef gert
þarna, það er alveg augljóst."
Fjármálaráðherra var spurður hvort
þessi frásagnarmáti af tilboðunt. benti
ekki einmitt til þess að einhver maðkur
væri í mysunni. og að tilboðið frá Sjóvá
hefði ekki borist fyrir 1. febrúar, en
hann hygðist samt sem áður taka það til
greina: „Tilboðin bárust mér á réttum
tíma, svo ég tek þau til greina.
Fjármálaráðherra var þá spurður
hvort hann hefði einfaldlega gleymt því
að honum hefðu borist fleiri tilboð en
þau tvö, sem hann hafði þegar greint frá:
„Ja, cg bara átta mig ekki á því hvernig
á þessu stendur, - þetta hefur bara
dottið úr mér, og það þykir mér mjög
leiðinlegt."
- Fjármálaráðherra varspurður hvort
hann hefði tekið afstöðu til þess hvaða
tilboði yrði tekið og sagði hann þá: „Það
er ekkert víst að við teljum neitt þessara
tilboða nógu há, og ef einhver heldur að
það sé maðkur í mysunni, hvað varðar
þessi útboð, þá mun ég ekki telja þetta
viðunandi tilboð. Þá mun enginn aðil-
anna fá þessi hlutabréf, og ég verð þá að
bjóða þau út á nýjan lcik."
- AB
Tónlistarskólinn
á Akureyri:
Arlegir fjáröfl-
unartónleikar
■ Tónlistarskólinn á Akurcyri heldur
í dag sína árlegu fjáröflunartónleika
fyrir Minningarsjóð um Þorgerði S.
Eiríksdóttur.
Undanfarin ár hafa 14efnilegirncm-
endur skólans hlotið styrki úr þessum
sjóði.
Tónleikarnir verða í Borgarbíói í
dag kl. 17.(K). Flytjendur að þessu
sinni verða bæði úr röðum kennara og
nemenda Tónlistarskólans og flutt
veröur fjölbreytt efnisskrá. Ekki verð-
ur unt ákveðinn aðgangseyri að ræða,
en tekið viö frjálsum framlogum sem
renna óskipt til styrktar nemendum.
Skilyrði f'yrir styrkveitingu er að nem-
andi hafi lokið VIII stigi og hyggi á
framhaldsnám í tónlist.
Sá síðasti
laus i Lag-
arfossmálinu
■ Maðurimvsem sat í gæsluvaröhaldi
vegna Lagarfossmálsins var látinn laus
í gær. Maðurinn, sem mun hafa fjár-
rnagnað að hluta kaup í fíknicfnum,
sem skipverji á Lagarfossi reyndi aö
smygla til landsins í desember. hefur
setið í gæsluvaröhaldi í bb dagn.
Fíkniefnadcild lögreglunnar hefur
þar mcð lokið frumrannsókn á þessu
máli. Það veröur síðan scnt Sakadómi
í ávana og fíkniefnamálum sent tekur
síðan ákvörðun hvort máliö verður
þegtir sent RíkissaksókAara eða hvort
frekari rannsókn verður óskað.
- GSH
HVERS VEGNA VARÐ UNO BÍLL ÁRSINS
Þaö er ekki nóg crð vera ,,bara” íallegur og
sparneytinn til þess aö nákjöri, sem bíll ársins.
Áöur en atkvœöagreiöslan íer íram eru allir
helstu þœttir hvers bíls grandskoöaöir aí
bílasérfrœöingum og lokaniöurstaöa þeirra er
byggö á gaumgœfilegu mati á hverju atriöi.
Grundvallarþœttir í slíku mati eru heildar-
hönnun, þœgindi, öryggi, akstursþœgindi og
aksturseiginleikar, dugnaöur og sparneytni,
notkunarmöguleikar og ánœgja viö akstur.
FIAT UNO var þvíkjörinn bíll ársins vegnaþess
aö hann fékkbestu útkomunaþegar tillit haföi
veriö tekiö til allra þeirra kosta, sem góöan bíl
mega prýöa.
TVEIR BÍLAR FENGU 10 í EINKUNN,
FIAT UNO OG MERCEDES BENZ
f atkvœöagreiöslunni um bíl ársins eru gefnar
einkunnir frá 1 uppí 10. Aöeins tveir bílar fengu
einkunnina 10 hjá hinum 53 sérfrœöingum,
UNO tvisvar og MERCEDES BENZ einu sinni.
FRÁBÆRT FIAT-UNO-VERÐ
Þó lof og hrós hlaöist á UNO bjóöum viö hann
enn á sama frábœra veröinu. UNO er dýr og
vandaöur bíll en vegna hagstœörar gengis-
þróunar undanfarnamánuöi kostar hann ekki
fleiri krónur en raun ber vitni.
FIAT UNO 45. SUPER. 3 DYRA lu. 233.000.-
OPIÐ VIRKA DAGA 9- -19
LAUGARDAG 10- -17
aaaa
Unol
VIL.njALM£>Z>UN Mh.
Snvðjuvegi 4. Kópavogi. Símar 77200 - 77202