Tíminn - 04.02.1984, Blaðsíða 4
4
LAUGARDAGUR 4. FEBRUAR 1984
Toyota Crown diesel árg. i98i
Chrysler LeBaron
árg. 1979 Með öllu
Mercedes Benz 300 diesel
árg. 1976 Skipti möguleg Bíll í sérflokki
Bílasala Guðfinns
sími 81588
Fjórðungssjúkra-
húsið á Akureyri
óskar aö ráöa hjúkrunarfræðing í stööu DEILDAR-
STJÓRA Á SÓTTHREINSUNARDEILD.
Umsóknir sendist hjúkrunarforstjóra fyrir 1. marz
n.k.
Ennfremur eru lausar stööur hjúkrunarfræöinga
á ýmsum deildum sjúkrahússins.
Upplýsingar veitir hjúkrunarforstjóri, sími 22100.
Fjórðungssjúkrahúsið á Akureyri
Læknastofa
Hef opnað stofu að Álfheimum 74.
Tímapantanir í síma 86311.
Sigurður Stefánsson,
sérgrein: Háls-, nef- og eyrnalækningar
■ Örkin í smíðum.
íslenska óperan frumsýnir í dag
NÓAFLÓÐW EFTIR
BENJAMIN BRITTEN
■ Islenska óperan frumsýnir í dag
barnaóperuna Nóaflóðið eftir breska
tónskáldið Benjamín Britten. Þetta er
önnur barnaóperan, sem íslenska óperan
setur upp eftir þennan merka höfund og
tónlistaruppalanda, margir muna eftir
barnaóperunni Litla sótaranum, eða
Búum til óperu, sem flutt var í Gamla
bíói í fyrra.
í Nóaflóðinu notar Britten nær
óbreyttan texta ensks undraleiks frá
miðöldum, sem varðveist hefur í handriti
síðan á 15. öld. Undraleikirnir voru
leikþættir sem hefð var að sýna árlega á
Dýradeginum í Englandi á miðöldum og
fjölluðu um tiltekin efni úr heilagri
ritningu. Dýridagurinn var annars annar
fimmtudagur eftir hvítasunnu og var
haldinn til minningar um heilaga kvöld-
máltíð. Leikurinn sem Britten tók upp
kallaðist á miðaldaensku Noyes Fludde,
og svo nefndi hann óperu sína.
Söguþráðurinn í Nóaflóðinu er óþarft
að rekja, allir sem komnir eru til vits og
ára þekkja söguna um Nóa og örkina
hans. En það ætti að vera ómaksins vert
að lýsa því hvernig þessi saga tekur á sig
form óperu í meðförum Brittens.
Aðeins örfáir af öllum þeim fjölda
sem fram kemur í óperunni í hlutverkum
manna og dýra eða sem undirleikarar í
hljómsveitinni eru atvinnumenn í
tónlist, eða þjálfaðir tónlistarmenn.
Þannig taka þátt í flutningi Nóaflóðsins
56 börn í kórnum, þar af fara 10 með
einsöngshlutverk, og í hljómsveitinni er
fjöldi barna misjafnlega langt á veg
komin í tónlistarnámi sínu. Flest hlut-
verkin eru tvísetin og taka alls á þriðja
hundrað börn þátt í sýningunni.
Óperan hefst með einföldu sálmalagi
sem áhorfendur syngja með flytjendum.
Því næst heyrist rödd guðs, sem skipar
Nóa að byggja örk. Nói kveður fjöl-
skyldu sína saman og í sameiningu
smíðar hún örkina. Þar næst hefst mars
dýranna, börn í ýmsum dýragervum
streyma inn á sviðið og um borð í örkina
og syngja Kyrie eleison (Drottinn mis-
kunna þú oss), en synir Nóa og konur
þeirra telja dýrin inn í örkina. Kona Nóa
þráast hins vegar við og vill heldur
skemmta sér með skrafskjóðum en
ganga í örkina. Að lokum er hún borin
um borð og hljómsveitin líkir eftir
löðrungnum, sem hún gefur manni
sínum í bræði sinni.
Þá hefst fárviðrið með regni og vindi.
Hljómsveitin líkir eftir sjávarhljóðinu
og örkin hrekst um í vaxandi öldugangin-
um. Þegar fárviðrið nær hámarki er
sunginn sálmur sem alltaf er sunginn á
sjómannadaginn í Bretlandi, bæn um
vernd öllum sjómönnum til handa. Síðan
lygnir. Nói sendir fyrst hrafn út af
örkinni, en hann kemur ekki til baka. Þá
sendir hann dúfu, sem .kemur aftur til
arkarinnar með ólífugrein. Rödd guðs
skipar Nóa að ýfirgefa örkina, menn og
■ Dýrin marséra í örkina, Nói og fjölskylda hans telja um borð.
Tímamyndir Róbert
dýr yfirgefa hana og ganga á land og
dýrin syngja lofsöng. Guð setur regnbog-
ann á himininn og sem tákn um að reiði
hans muni ekki framar ógna lífi á
jörðinni snýr strengurinn til jarðarinnar
en boginn er spenntur til himins. Síðan
kemur sálmalag sem Nói og fjölskylda
hans syngja og loks taka dýrin öll undir.
Sól tungl og stjörnur birtast á festingunni
og Nói stendur einn frammi fyrir guði
sem blessar hann. Verkinu lýkur með
bjölluhljómi og trompettleik.
Benjamin Britten fæddist í Englandi
árið 1913 og starfaði þar alla tíð og sótti
fyrirmyndir sínar oft til genginna landa
sinna í hópi tónskálda. Hann var undra-
barn og þegar hann var 10 ára hafði hann
samið 6 strengjakvartetta og 10 píanó-
sónötur. Hann samdi mikið af verkum til
söng, m.a. þrjústórverk sem hannsamdi
sérstaklega fyrir vin sinn, tenórsöngvar-
ann Peter Pears. Fræg er einnig styrjald-
arsálumessa hans, War Requiem. Þá
samdi hann allmargar óperur. Mörg
verka hans eru til vitnis um að hann vildi
vera jafnt leiðbeinandi sem tónskáld án
þess, að slaka á listrænum kröfum má
þar nefna bamaóperur hans og hljóm-
sveitarverkin Simple Simphony. Einföld
sinfónía, og A young Persons Guide to
the orchestra, Leiðsögn um hljómsveit-
ina fyrirþá ungu. Britten lést árið 1976.
Leikstjóri Nóaflóðsins í íslensku óper-
unni er Sigríður Þorvaldsdóttir og hljóm-
sveitarstjóri Jón Stefánsson. Halldór
Vilhelmsson fer með hlutverk Nóa og
Hrönn Hafliðadóttir syngur konu hans.
Syni Nóa syngja Guðmundur Hafsteins-
son, Lárus ísfeld og Júlíus Pálsson.
Tengdadætur Nóa, syngja Hrafnhildur
Björnsdóttir, Bergdís Eysteinsdóttir og
Þórunn Lárusdóttir. Leikmynd gerði
Gunnar Bjarnason og búninga Hulda
Kristín Magnúsdóttir. Brynhildur Þor-
geirsdóttir hannaði dýragervin. Jón Hjör-
leifur Jónsson þýddi óperuna, lýsingu
gerði Ai ni Baldvinssonogsýningarstjóri
er Guðný Helgadóttir. - JGK