Tíminn - 23.03.1984, Blaðsíða 12
BLAÐAUKI
HAFNARFJORÐUR
Kristinn Guðnason form. körfuknattleiksdeildar Hauka:
.4RANGURINN kemur okk
UR EKKERT A ÖVART
■ Eins og margir vita náði Hafnarfjarðarliðið Haukar mjög langt í úrvalsdeildinni
í körfuknattleik í vetur, eftir að hafa unnið 1. deildina á síðasta ári. Formaður
körfuknattleiksdeildar Hauka er Kristinn Guðnason. Við náðum tali af honum í
tilefni af árangrinum.
- Hvað hefur þú verið lengi formaður
körfuknattleiksdeildarinnar?
„f fjögur ár.“
- Nú hafa Haukar náð langt í körfu-
bolta að undanförnu. Hverju þakkarðu
það?
„Körfuboltaáhugi í Hafnarfirði er
ekki eins nýtilkominn og menn virðast
halda. Það var 1956 sem fyrst kom fram
vísir að körfuboltaáhuga í Hafnarfirði,
og það voru þeir Eiríkur Skarphéðinsson
og Rúnar Brynjólfsson sem stóðu fyrir
því. Eftir það náðu yngri flokkarnir
sæmilegum árangri. Á áratugnum 1960-
1970 kom lægð í körfuboltaiðkun í
Hafnarfirði, en svo kom aftur trukk í
þetta eftir 1970.
Síðan þá hafa mörg þekkt nöfn komið
við sögu. Guðmundur Þorsteinsson var
fyrsti þjálfarinn. Meðal annarra má
nefna þá Einar Ólafsson, Einar Bolla-
son, Jón Sigurðsson og Birgir Örn Birgis.
Jóhannes Eðvaldsson var meira að segja
með okkur fyrir 10-12 árum, alveg
þangað til hann fór í atvinnumennskuna.
Grunnurinn að velgengninni núna var
lagður fyrir 10 árum. Þá voru strákarnir
sem nú eru á toppnum í meistaraflokki
að byrja. Þetta eru allt okkar menn, sem
hafa fæðst og alist upp, ef svo má segja
í félaginu og hafa verið þar síðan. Það
var Ingvar Jónsson sem var potturinn og
pannan í starfinu, eftir að hann gerðist
íþróttakennari í Hafnarfirði. Hann var
þjálfari hjá yngri flokkunum og þjálfaði
þessa stráka. Þeir urðu síðan margir
hverjir margfaldir íslandsmeistarar í
yngri flokkunum.
Það er Einar Bollason sem hefur
þjálfað meistaraflokk undanfarin tvö ár,
og við hefðum ekki náð þessum árangri
nema af því að hafa hann. Hann er
toppþjálfari og hefur náð að skila sinni
þekkingu vel í gegn um þessa stráka."
DALSHRAUNI 14 PÓSTHÓLF 283. HAFNARFIROI ^ SÍMI 5 35 88
Tímamynd Róbert
„Okkur var ekki spáð verulegum
frama í vetur í úrvalsdeildinni. Aðrir
telja að við höfum komið á óvart, en það
kom okkur ekkert á óvart hve góðum
árangri við náðum. Við erum með það
góða körfuboltamenn að árangurinn
þurfti ekki að koma á óvart."
- Hafiði haft útlenda körfubolta-
menn?
„Það voru gerðar fáránlegar sam-
þykktir á þingi Körfuknattleikssam-
bandsins í fyrra til að koma í veg fyrir að
Webster, sá sem hefur leikið með okkur,
fengi að spila með okkur í vetur. Það var
samþykkt að enginn fengi að spila með
körfuboltaliði nema hann hefði íslensk-
an ríkisborgararétt. Við töldum og telj-
um þetta mikið mannréttindabrot fyrir
mann eins og hann, því að hann er giftur
hér og á barn, og fær svo ekki að iðka þá
íþrótt sem hann hefur lifað og hrærst í
alveg frá barnsaldri. En hann fær að
öllum líkindum ríkisborgararétt fyrir
vorið og leikur líklega með okkur næsta
vetur.“
„Það er oft einblínt á velgengni topp-
anna, en við erum það heppnir að hafa
toppmenn í yngri flokkunum, þannig að
velgengnin hjá okkur er ekkert stundar-
fyrirbrigði. Við höfum mjög efnilega
yngri flokka. Hafnarfjörður hefur hing-
að til verið þekktari fyrir handbolta, og
það er kannski ekkert skrýtið því að
hafnfirskur handbolti hefur verið mjög
framarlega. En velgengni körfuboltans
hefur ekkert dregið frá handboltanum,
og það er mikil lyftistöng fyrir bæjarfé-
lagið þegar margar íþróttagreinar ná
góðum árangri. Handbolti, fótbolti, fim-
leikar og nú körfubolti, allt eru þetta
íþróttagreinar sem Hafnfirðingar hafa
náð langt í.“
- Og þið stefnið á meistaratitil á næsta
ári?
„Að sjálfsögðu."
- Verður Einar þjálfari áfram?
„Það er ekki búið að ganga frá því, en
það er mikill áhugi á að hafa hann með
þriðja árið.“
- Eitthvað að lokum.
“1 þessu, eins og í öllum greinum
íslenskra íþrótta eru gífurlegir fjárhags-
erfiðleikar. Það fer mestur tíminn í það
að ná endum saman í peningamálum. Ég
vil segja að allir þeir sem hafa stutt
okkur í vetur eiga þakkir skildar. Og
árangurinn er kannski ekki því síst að
þakka að við höfum fengið stuðning
margra fyrirtækja í Hafnarfirði.
Ég hef haft mikið yndi af því að vera
innan um þetta unga fólk, sem sumir
telja tryllt og taumlaust. En frá minni
hendi er ekkert nema gott um það að
segja og ég vil undirstrika það að
samstarfið hefur verið ánægjulegt.
-ÁDJ
4?
co
%
a í
sjálfra okkar
vegna!
yujgEnQW