Tíminn - 10.04.1984, Síða 3

Hardar deilur QTinDNADPnDMAn idinn nr
í stjórn aiiufl nMnrufl nutu ' mmn uu
Lánasjóds r ■■
ísl. RilUHD Tll UATIin i 1 lirOAAII
námsmanna: ANNAK TIL H0TUÐ 1 1 AFSUGN
ef ekki yrði fallist á tillögu þeirra umafturvirka skerdingu á námslánum frááramótum
■ Snarpar deilur urðu á fundi í stjórn
Lánasjóðs námsmanna þar sem Sigurður
Skagfjörð Sigurðsson formaður sjóðs-
stjórnar og Arni Vilhjálmsson varafor-
maður hótuðu að segja sig ór stjóminni
væri ekki farið að vilja þeirra. Tillaga frá
þeim þess efnis að skerðing sú sem
ákveðin er á námslánum með nýlega
afgreiddum lánsfjárlögum verði gerð
afturvirk til síðustu áramóta eins og
lögin gera ráð fyrir var samþykkt með
atkvæðum þeirra sjálfra en Ragnar
Arnason, einn ríkisfulltrúinn og Emil
Bóasson fulltrúi íslenskra námsmanna
erlendis sátu hjá. A móti voru fulltrúar
stúdenta við Háskóla íslands og ís-
lenskra sérskólanema. Tillagan var því
samþykkt með tveimur atkvæðum gegn
tveimur en formaður hefur oddaaðstöðu
í slíkum tilvikum. Námsmannasamtökin
hafa nú boðað til formannafundar og
íhuga málshöfðun á hendur ríkinu á
þeim forsendum að afturvirkni lánsfjár-
laga og þar með að skerðing á lánum sem
þegar hefur veríð úthlutað standist ekki
lög.
„Við meintum það sem við vorum að
segja. Ef ekki er hægt að fara eftir þeim
lögum sem sjóðnum eru sett þá er ekki
hægt að vinna þarna. Það er ekki
sjóðsstjórnarinnar að skera úr um hvort
þau lög sem sett eru standist. Dómstólar
eiga að skera úr um það. Þó svo að við
Sigurður getum vel tekið undir að ekki
sé gott að það skuli vera krukkað í þessu
þá verðum við að fara að lögum," sagði
Árni Vilhjálmsson stjórnarmaður í LIN
í stuttu spjalli við Tímann. Blaðamaður
sneri sér einnig til Emils Bóassonar
fulltrúa Sambands íslenskra námsmanna
í stjórninni en afstaða hans hefur vakið
undrun margra því svo sýnist að hann
hafi haft í hendi sér að koma í veg fyrir
að stjórnin samþykkti afturvirkni skerð-
ingarinnar.
„Við hefðum aldrei komið í veg fyrir
þessa skerðingu. Starfsmenn voru langt
komnir í því að reikna út lánin miðað við
afturvirka skerðingu og fyrir lá yfirlýsing
framkvæmdastjóra þar sem fram kom að
hann taldi sér ekki stætt að vinna á móti
viljayfirlýsingu frá ráðherra og í trássi
viðjlög. Mér þótti því ekki tímabært að
skipta um æðstu valdamenn sjóðsins þó
ég hefði náttúrulega kosið að menn
tækju ekki svona barnalega afstöðu að
bera upp tillögu og hóta afsögn um leið,“
sagði Emil Bóasson.
Þú hefðir þá ekki setið hjá við at-
kvæðagreiðsluna ef flutnignsmenn hefðu
ekki hótað afsögn?
„Nei. Ég gerði það einungis vegna
þess að ég taldi ekki tímabært að skipta
um æðstu menn í stjórn sjóðsins. Þessari
skerðingu verður svo náttúrulega svarað
með málshöfðun þar sem við fáum fram
hvert réttmæti þessarar afturvirkni
skerðingarinnar er,“ sagði Emil Bóas-
son fulltrúi SINE í stjórn Lánasjóðs
íslenskra námsmanna.
í lögum um námslán frá 1982 var gert
ráð fyrir að hlutfallstala námslána af
reiknaðir fjárþörf hækkaði úr 95% í
100% frá og með 1. janúar 1984. Eftir
þessum lögum hefur sjóðurinn starfað
við úthlutun lána eftir áramót. 20. mars
síðastliðinn voru svo samþykkt lánsfjár-
lög frá Alþingi þar sem segir orðrétt að
„þrátt fyrir 1. lið ákvæðis til bráðabirgða
í lögunum nr. 72/1982, um námslán og
námsstyrki, skal hlutfallstala lána af
reiknaðri fjárþörf námsmanna eigi
hækka í 100% fyrr en 1. janúar 1985“.
Þarna er með öðrum orðum ekki tekið
tilllit til þess að lánin hafa þegar hækkað
í 100% fyrir nær þremur mánuðum
þegar lögin eru samþykkt og því eðlileg
túlkun að ætla að lögin skuli vera
afturvirk. Námsmenn telja aftur á móti
að þessi lög standist ekki lög og hyggja
því á málshöfðun.
-b.
Fengur afhentur
Gestir ganga um borð í Feng á laugardag. Skipið kostaði 49,3 milljónir króna.
Tímamynd Árni Sæberg.
— fer innan skamms til
Grænhöfðaeyja á tún-
fiskveiðar
■ Á laugardaginn var afhent í Reykja-
víkurhöfn fiskiskipið Fengur, sem Þró-
unarsamvinnustofnun íslands hefur látið
smíða til fiskveiða á Grænhöfðaeyjum
við vesturströnd Afríku. Skipið var
smíðað í Slippstöðinni á Akureyrí. Það
er 157 brúttótonn að stærð og er sér-
hannað til fiskveiða og rannsókna í
hitabeltinu.
Frá því á árinu 1980 hafa íslendingar
veitt Grænhöfðaeyingum þróunaraðstoð
á sviði fiskveiða. Var í fyrstu notaður
báturinn Bjartur, 200 smálesta skip.
Stundaði skipið veiðitilraunir og þjálfun
sjómanna til síðari hluta árs 1981. Þá var
ákveðið að selja Bjart og láta smíða skip
er betur hæfði aðstæðum. Ný og aukin
vitneskja hafði fengist um fiskistofna og
fiskistærðir við Grænhöfðaeyjar með
Bjarti og á grundvelli þeirrar reynslu var
Fengur hannaður.
Fengur mun innan skamms fara til
Grænhöfðaeyja, og mun það stunda
túnfiskveiðar, veiðar á beitufisk til tún-
fiskveiða, tilraunir með togveiðar, fiski-
leit og mat á stofnstærðum, þjálfun
fiskimanna og uppbyggingu fiskirann-'
sókna. Þrír íslenskir skipstjórnarmenn
verða á’ skipinu hverju sinni, og er
skipstjóri Halldór Lárusson. Einn Græn-
höfðaeyingur, Julio E.S. Goto, hefur
lokið prófi héðan úr Vélstjóraskólanum,
og mun hann verða á skipinu.
Verkefnisstjóri er Jóhannes Guð-
mundsson skipstjóri. -ÁDJ.
Nú blásum við í sönglúðra og opnum
Alþjóóleg bílasýning - international motor show
glæsilegustu bílasýningu sem haldin hefur verið frá því Ing-
ólfur og Hjörleifur flúðu hingað undan skattrannsóknardeild
Haralds hárfagra.
Alþjóóleg bílasýning -- international motor show
Viö bjóöum öllum afkomendum þeirra og heimsbyggðinni líka, ef hún á leið framhjá, á
stórsýninguna sem hefst kl. 18.00 í dag og stendur næstu 10 daga í
HÚSGAGNAHÖLLINNI BÍLDSHÖFDA OG ÁRNA GÍSLA-
SONAR-HÚSINU 7000 FERM. SÝNINGARSPRENGING