Tíminn - 24.07.1986, Blaðsíða 5
Fimmtudagur 24. júlí 1986
Tíminn 5
ÚTLÖND
Umsjón: Heimir
Bergsson
Bandaríkin:
TalaðumTwain
- Borgarar frá stórveldunum tveimur hittast
- Ræða verk Twains og dulítið um frið
Sértrúarhópur að verki?
Stokkhólmur-Reuter
Lögreglumenn þeir í Svíþjóð sem
leita nú morðingja Olofs Palme
fyrrum forsætisráðherra vinna nú
eftir þeirri kenningu að lítill og nær
óþekktur sértrúarhópur hafi staðið
að baki morðinu. Þetta kom fram í
blaðafrétt í gær.
Aftonbladet, sem styður hinn ráð-
andi Sósíaldemókrataflokk, hafði
eftir ónefndum aðila í innsta hring
lögreglunnar að grunur beindist nú
að sértrúarflokk sem hefði álitið
Palme hafa eyðilagt trúræknina í
landinu.
Frétt þessi virðist vera í samræmi
við mjög bjartsýn tilsvör margra
háttsettra lögreglumanna sem
stjórna rannsókninni á morðinu á
Palme sem skotinn var til bana á
stræti Stokkhólmsborgar fyrir einum
fimm mánuðum síðan.
Morðvopnið sem notað var hinn
28. febrúar síðastliðinn hefur ekki
enn fundist. Lögreglan hefur aftur á
móti lýst því yfir að þeir vissu nú
nokkurn veginn hvaða hvatir lágu að
baki verknaðinum.
„Það er nógu mikið brjálæði,
hatur, öfgar og þrjóska innan þessa
hópa tii að framkvæma slfkan
verknað," hafði Aftonbladet eftir
heimildaraðila sínum. Blaðið er
þekkt fyrir að hafa góð sambönd
innan lögreglunnar.
Stóð sértrúarhópur að báki morðinu á Olof Palme heitnum?
Morðiö á Palme:
Washington-Reuter
Austur er austur og vestur vestur
en aðilar frá áttunum tveimur geta
þó alltaf talað urn Twain.
í þessum mánuði munu um tvö
hundruð sovéskir og bandarískir ein-
staklingar gera slíkt. Þeir munu fara
á skipi niður Mississippifljótið fræga
til að ræða um frið og skoða sögu-
slóðir rithöfundarins Mark Twains,
en verk hans eiga sér marga aðdá-
endur í Sovétríkjunum.
Howard Frazier, bandarískur
friðarsinni og skipuleggjandi ferðar-
innar, sagði fréttamönnum að til-
gangur siglingarinnar væri að „kanna
leiðir fyrir venjulegt fólk til að konta
í veg fyrir eyðingu heimsins af völd-
um kjarnorkustríðs, mikilvægasta
málefni í heiminum".
í ferðinni verða 130 bandarískir
borgarar og 46 frá Sovétríkjunum og
verður haldið af stað í hinurn venju-
lega fljótabát frá St. Paul í Minnes-
ota næstkomandi laugardag. Fcrð-
inni lýkur þann 3. ágúst í St. Louis í
Missourirtki.
Vyacheslav Sluzhiv, þátttakandi í
ferðinni og meðlimur sovéska friðar-
ráðsins, sagði: „Við viljum sýna
bandaríska fólkinu að við erum
venjulegt fólk. að Rússar eru fólk
líka, eins og við segjum stundum."
William Mclinn fræðimaður um
verk Twains sagði Sovétmenn dá
rithöfundinn vegna hinnar skemmti-
legu kímni sinnar og einnig vegna
þess að Twain hjálpaði til árið 1906
við að safna féi er nota átti til að
steypa rússneska keisaranum af
stóli.
Bandaríkin:
Mál gegn Landis hafið
Los Angcles-Reuter
Bandaríski leikstjórinn John
Landis og fjórir aðstoðarmenn hans
komu fyrir rétt í vikunni sakaðir um
manndráp fjórum árum eftir að
leikarinn Vic Morrow og tvö börn
létu lífið í þyrluslysi. Spaði þyrlunn-
ar tætti í sundur Morrow og börnin
tvö sem unnu við gerð myndarinnar
„The Twilight Zone“ (Ljósaskipti).
Málsmeðferðinni hefur verið
frestað hvað eftir annað á síðustu
fjórum árum en þetta mun vera í
fyrsta sinn sem lcikstjóri er dreginn
fyrir rétt vegna gerða sinna á upp-
tökustað. Talið er líklegt að málið
geti haft mikil áhrif á kvikmyndaiðn-
að Hollywood sem eyðir milljónum
dollara í sérstök „stórslysaatriði"
eða önnur áhættuatriði.
Morrow, 53 ára, og börnin tvö
Myca Dinh Lee og Renee Chen létu
lifið þegar þyrla féll til jarðar eftir að
sprenging í einu áhættuatriðanna í
myndtnni hafði eyðilagt stjórntæ
hcnnar.
Landis og aðstoðarmenn hans ei
sakaðir um að hafa gengið of langi
því að ná á filniu raunveruleikanu:
og hægt hefði verið að afstýra slysir
með öruggara sjónarspili en því set
olli þyrluhrapinu.
Landis var einn af fjórum leil
stjórum myndarinnar „The Twiligl
Zone“ er sýnd var hér á landi
síðastliðnu ári.
Þetta hafðist allt
Andrew og Sara gengu í hjónaband í gær
Lundúnir-Reuter
Andrew Bretaprins, annar elsti
sonur Elísabetar drottningar, giftist
Söru Ferguson í gær og fór athöfnin
fram í Westminster dómkirkjunni í
Lundúnum. Talið er að um 350
milljónir manna víða um heim hafi
fylgst með athöfninni í sjónvarpi.
Sá nýgifti var útnefndur hertoginn
af Jórvík í tilefni dagsins og var það
móðir hans sem það tilkynnti tveim-
ur klukkustundum áður en hjóna-
komin lofuðu hvort öðru ást og trú.
Það táknar að Sara, sem starfar við
bókaútgáfufyrirtæki í Lundúnum,
verður framvegis hertogynjan af
Jórvík. Þetta titlaverk allt saman ku
vera siður er kóngafólk giftir sig.
Mikið var um að vera í miðborg
Lundúna þegar kóngafólkið ók til
Westminster. Veður var ágætt, þó
rigndi dulítið um morguninn en tugir
þúsunda manna létu það ekki hafa
áhrif á sig og fylgdust með öllum
herlegheitunum standandi á strætum
Lundúnaborgar. Öryggisgæsla var
gífurleg og voru t.d. um fjögur
þúsund lögrcglumenn og hermenn á
leið þeirri sem Andrew og Sara fóru
um.
Ótti við hermdarverk reyndist
ekki á rökum reistur. Sá eini sem illa
fór út úr sýningunni allri var 25 ára
gamall hestur, ncfndur Bugle boy,
sem þoidi ekki álagið er hersingin
hélt til Westminster og dó.
Hjónakornin halda nú í brúð-
kaupsferð og reyna að losa sig við
blaðasnápa bresku blaðanna. Það
gæti reynst þeim erfitt.
Það hefur varla farið framhjá mörgum að þessi tvö giftu sig í gær.
Bretland:
Sviss:
Orka sólar
lýsir upp
jarðgöng
Bern-Reuter
Bílgöng 110 metra löng í sviss-
nesku Ölpunum munu verða upp-
lýst með hjálp sólarorku í fram-
tíðinni. Hér er um fyrstu jarð-
göngin að ræða þar sem sólarorka
lýsir upp veginn. Þetta kom fram
í tilkynningu héraðsyfirvalda í
vikunni.
Samkvæmt upplýsingum frá
héraðsstjórninni í hálöndunum
við Bern munu sólarrafhlöður
verða settar upp við göngin og
mun orkusparnaður verða all-
nokkur.
Hugmyndin að þessari ráðstöf-
un kom að nokkru upp í fyrra þegar
hin árlega kappaksturskeppni
bíla knúinna með hjálp sólarorku
var haldin í Sviss.
Feneyjar:
Ekki mun borga
sig að slæpast
Feneyjar-Reuter
Ferðamenn sem ráfa um á sund-
fatnaði í Feneyjum, stinga sér oní
einhvern vatnaskurðanna ellegar
sofa á götum úti verða sektaðir á
staðnum frá og með deginum í dag.
Þetta kom fram í tilkynningu yfir-
valda í þessari frægu ferðamanna-
borg.
Nereo Laroni borgarstjóri Fen-
eyja hefur skrifað undir reglugerð
sem koma á í veg fyrir að „túrhestar"
vanvirði hina sögulegu borg.
Ferðamenn sem ekki taka mark á
viðvörunum um að sofa ekki á sjálfu
Markúsartorgi ellegar á öðrum al-
menningsstöðum, klæða sig í
eða úr á almannafæri og ganga ekki
í sundfötum geta átt von á að vera
sektaðir um sem samsvarar rúmum
sex hundruð krónum íslenskum.
Um þessar mundir er verið að
dreifa upplýsingarbæklingum um
nýju reglurnar og þar er einnig bent
á hvar best sé að fara um í Feneyj um.
„Hin sögulega miðstöð má ekki
verða að tjaldstæði," sagði einn
embættismaður borgarinnar.
Fólkið sem ekki
vildi sjálfstæði
Wellington-Reuter
íbúar hinna litlu Tokelaueyja í
Suður-Kyrrahafi hafa sagt sendi-
nefnd frá Sameinuðu þjóðunum að
þeir vilji ekki öðlast sjálfstæði frá
Nýja-Sjálandi. Þetta var haft eftir
einum sendimannanna í gær.
Ammar Amari frá Túnis, sem er
formaður þess hóps innan sjálf-
stæðisnefndar SÞ er hugar að mál-
efnum lítilla svæða, sagði frétta-
mönnum að íbúar Tokelaueyja virt-
ust vera hinir ánægðustu með að
vera undir stjórn Nýja-Sjálands.
Sendinefndin sem Amari fór fyrir
var sex daga á þeim þremur kóraleyj-
um sem mynda Tokelaueyjar. íbú-
arnir á eyjunum eru alls 1600 og hafa
þeir allir nýsjálenskan ríkisborgara-
rétt.