Tíminn - 16.09.1986, Blaðsíða 4

4 Tíminn
Þriðjudagur 16. september 1986
Ástaratriði Barbra Streisand og
Roberts Redford í „The Way We
Were“ voru mjög sannfærandi, en
þegar kvikmyndavélin sá ekki til
vildu þau ekkert hafa af hvort öðru
að segja. Fleiri karlleikarar hafa
óskemmtilega reynslu af að vinna
með Barbra.
Yul Brynner og Steve McQueen
börðust fyrir sameiginlegum mál-
stað í „The Magnificent Seven“ en
áttu lítið sameiginlegt þegar þeir
voru ekki að sýnast.
STJÖRNUSTRÍD
Fátt gefur notalegri tilfinningu
en að sitja í bíó og fylgjast með
ástarsögu sem hefur farsælan endi.
Áhorfendur samgleðjast elskend-
um sem fá að njótast til eilífðar-
nóns og eru sannfærðir um það að
leikararnir séu ekki alveg lausir við
að dragast hvor að öðrum í alvöru
líka.
En það sýnir líklega best hvað
leikarar eru hæfileikaríkt fólk að
geta talið áhorfendum trú um
þetta, því að þess eru fjölmörg
dæmi að einmitt þeir leikarar sem
hvað best tekst upp í ástaratriðum,
eiga í megnustu erfiðleikum með
að umgangast utan kvik-
myndaversins. Einhver hugljúf-
ustu ástaratriði á hvíta tjaldinu er
t.d. að finna milli þeirra Barbra
Streisand og Roberts Redford í
myndinni „The Way We Were“,
en staðreyndin er sú að þau þoldu
ekki hvort annað og hafa aldrei
leikið saman í mynd síðan.
Annar frægur karlleikari sem
ekki féll fyrir töfrum Barbra Streis-
and er Walter Matthau, sem lék á
móti henni í Halló Dolly. Þá átti
Barbra aðeins eina mynd að baki
en var samt ófeimin við að láta ljós
sitt skína og gefa góð ráð á báða
bóga. Leikstjórinn Gene Kelly fór
ekki varhluta af þessum góðu ráð-
leggingum, en sá sem varð verst úti
var hinn gamli góði Walter Matt-
hau. Síðar meir lýsti hann sam-
skiptum þeirra þannig, að hann
ætti svo sem ekki í neinum deilum
við Barbra Streisand. „Ég gat bara
ekki þolað tilhneigingu hennar til
stórmennskubrjálæðis!"
Önnur kvenstjarna sem hefur
lag á því að koma meðleikurum
sínum í vont skap er Raquel
Welch. James Mason lýsti henni
þannig eftir samvinnu við myndina
„The Last Of Sheila": „Hún er
eigingjarnasta, ósiðaðasta og til-
litslausasta leikkona sem ég hef
nokkurn tíma orðið fyrir því óláni
að þurfa að vinna með!“ Og fræg
erusamskipti hennarogMae West,
hinnar öldnu stórstjörnu þöglu
myndanna. Þær léku saman í
„Myra Breckinridge". Strax á
fyrsta degi mætti Raquel til vinnu
í svörtum kjól með hvítum pífum,
vel vitandi að Mae hafði tryggt sér
einkarétt á að bera þá liti. Raquel
var rekin af vinnustað og sást ekki
næstu 3 dagana. Þegar hún mætti
aftur til vinnu var hún klætt svört-
um kjól - með Ijósbláum pífum,
svo ljósbláum að liturinn var varla
greinanlegur!
Þegar Gæjar og píur voru kvik-
mynduð hreppti Marlon Brando
hlutverk Sky Masterson, sem var
þá óskahlutverk Franks Sinatra.
Frank varð hins vegar að láta sér
nægja hlutverk Nathans Detroit,
Marlon Brando og Frank Sinatra léku saman í Gæjum og píum. En
samkeppnin og öfundsýkin lék aðalhlutverkið í samskiptum þeirra og
spillti vinnuandanum við upptökurnar.
sem langt í frá fullnægði hugmynd-
um hans um eigin stjörnuhæfileika.
Samstarfsmenn þeirra urðu svo
sannarlega varir við óvildina milli
þessara tveggja hrokagikkja og
þeir hafa aldrei síðan komið saman
fram í kvikmynd.
Og þá var ekki vináttunni fyrir að
fara milli Steve McQueen og Yul
Brynner sem sýndu góðan samleik
í „The Magnificent Seven“. Sumir
kenndu því um að Yul Brynner
væri ekki í essinu sínu í villta
vestrinu og á hestbaki, en þar var
Steve McQueen eins og heima hjá
sér.
En hvað þá með sígildar ástar-
senur á borð við þær sem finna má
í Casablanca milli Ingrid Bergman
og Humprey Bogart? Þvf miður
verður að viðurkennast að þau
löðuðust ekki hvort að öðru.
Löngu síðar sagði Ingrid: „Ég er
oft spurð um Humphrey Bogart og
ég verð alltaf að svara á sama hátt.
Ég þekkti hann ekki neitt. Eg
kyssti hann, en ég þekkti hann
ekkert.“
Raquel Welch er fögur kona og
veit vel af því. En samstarfsmenn
minnast hennar ekki með hlýhug!
í marga áratugi hafa áhorfendur
hrifist af samspilinu milli Humprey
Bogart og Ingrid Bergman í Casa-
blanca. En þar var ekkert annað á
ferðinni en góður leikur beggja.
Illlllllllllllll ÚTLÖND llllllllllllllllll
FRÉTTAYFIRLIT
MUNCHEN - Lögreglan
sagði sprengju þá er skemmdi
skrifstofubyggingu í Munchen
í fyrrinótt líklega hafa verið
komið fyrir af vinstrisinnuðum
skærulioum og beint að fram-
leiðendum Tornado árásar-
flugvélanna í Evrópu.
SEOUL — Juan Antonio
Samaranch forseti Alþjóða Ol-
ympíunefndarinnar (IOC)
sagðist vera fullviss um að
Asíuleikarnir í Seoul myndu
fara vel fram þrátt fyrir spreng-
inguna á flugvelli Seoulborgar
sem banaði fimm manns og
meiddi þrjátíu aðra.
JÓHANNESARBORG
— Stjórn Suður-Afríku skipaði
mann af indverskum uppruna
sem sendifulltrúa sinn hjá Evr-
ópubandalaginu og er það í
fyrsta skipti sem stjórnvöld
skipa litaðan mann í sendifull-
trúaembætti.
HELSINKI Hinn finnski
stjórnandi friðargæslusveita
Sameinuðu þjóðanna, sem
Jacques Chirac forsætisráð-
herra Frakklands gagnrýndi
fyrir að taka sér leyfi er sveitir
hans voru í hættu, mun snúa
aftur til starfa nú þegar að því
er hernaðaryfirvöld tilkynntu.
JÓHANNESARBORG
— Haröir bardagar brutust út
milli baráttusinna gegn að-
skilnaðarstefnu Suður-Afríku-
stjórnar og Zúlúmanna. Átökin
áttu sér stað í Soweto, stærstu
svertingjabyggð Suður-Afríku,
og tilkynnti fréttastofa landsins
um alls fjórtán dauðsföll í
skærunum.
MANILA erinn á Filipps-
eyjum var settur í viðbragðs-
stöðu til að koma í veg fyrir
allar hugsanlegar byltingatil-
raunir á meðan á stendur átta
daga heimsókn Corazonar Aq-
uino forseta til Bandaríkjanna.
PUNTA DEL ESTE, Ur-
uguay - Ráðherrar f rá 74 lönd-
um komu til ýtarlegra viðræðna
um breytingar á verslunarsam-
skiptum í heiminum.
STOKKHÓLMUR - Full-
trúar á afvopnunarráðstefn-
unni í Stokkhólmi,. bjartsýnir á
að ríki austurs og vesturs séu
á góðri leið meo að minnka
hættuna á að stríð brjótist út í
Evrópu vegna mistaka, komu
saman til áð ganga endanlega
frá samkomulagi er verður að
vera fullfrágengið fyrir næst-
komandi föstudag.
WASHINGTON - Reagan
Bandaríkjaforseti hvatti til
þjóðareiningar, svipaðrar og
gerðist á stríðstimunum, í bar-
áttunni gegn eiturlyfjavandan-
um. Reagan sagði i sjónvárps-
ræðu í fyrrinótt að hann myndi
leiða baráttuna með tillögum
ermiða að því aðdragaúrsölu
og notkun ólöglegra vímuefna
í Bandaríkjunum.