Tíminn - 05.11.1986, Blaðsíða 20

V
I KVOLD veröa seinni
leikirnir í 2. umferö Evrópu-
keppninnar í knattspyrnu á
dagskrá.
Steua Búkarest þarf aö
vinna upp 0-3 tap gegn Arnóri
og Anderlecht en tveir aðrir
Islendingar verða einnig í eld-
línunni, Ásgeir Sigurvinsson
oq Atli Eðvaldsson.
SJÁ ÍMtÓTTffi BLS11.
Borgarráð: ' '
T ökum á f íknief namynd
fyrir unglinga frestað
- búið að eyða langt umfram heimild
Borgarráð ákvað á fundi sínum í
gær að stöðva tökur á myndinni „Þitt
er valið“, þar til könnun hefur farið
fram á kostnaði við myndina, en
samkvæmt nýrri fjárhagsáætlun er
ljóst að kostnaður við hana tvöfald-
ast frá því sem gert var ráð fyrir. Að
sögn Sigrúnar Magnúsdóttur borg-
arfulltrúa var þessi ákvörðun tekin
einróma í borgarráði þar sem gerður
hafi verið samningur við Tákn sf.
eftir að farið hafði fram áður útboð
um gerð kvikmyndahandrits. Samn-
ingurinn hafi hljóðað upp á 1750
þúsund og kostnaður væri orðinn
einar 4 milljónir og ekki hafi verið
haft samráð við neinn. „Það er
vitanlega ekki við það unandi að
einhver eyði meira en helmingi
meira en heimild er fyrir, einfaldlega
í trausti þess að borgin borgi,“ sagði
Sigrún.
Myndin „Þitt er valið“ er gerð af
Tákni sf. fyrir borgina og fjallar um
fíkniefnavandamálið og unglinga og
hefur verið hugsuð sem efni til
sýningar í skólum landsins, en gerð
myndarinnar er langt komin. Skipuð
var sérstök nefnd til að hafa umsjón
með verkinu en formaður hennar er
Ómar Einarsson framkvæmdastjóri
íþrótta- og tómstundaráðs. Ómar
sagði í samtali við Tímann í gær að
nefndin hefði komið saman þann 27.
október og var það fyrsti fundur
nefndarinnar síðan í vor. Á þessum
fundi var lögð fram ný kostnaðar-
áætlun þar sem fram kemur að
myndin yrði þetta mikið dýrari en
gert var ráð fyrir. „Skothandrit, sem
kallað er var ekki lagt fram fyrr en
24. október, og það handrit var
talsvert frábrugðið þeim drögum
sem lögð voru fram í vor sem
handritsgrunnur. Bæði er þetta
öðruvísi og lengra," sagði Ómar
Einarsson.
Tökur á myndinni fóru í gang
áður en þessi nýja kostnaðaráætlun
hafði verið kynnt nefndinni og eftir
að málið hafði verið borið undir
borgarstjórann í Reykjavík fyrir-
skipaði hann að tökum yrði frestað
þar til málið hefði fengið umfjöllun
íborgarráði. -BG
GuðmundurG.
Þórarinsson
í prófkjör
Guðntundur G. Þórarinsson
hcfur nú bæst í hóp þeirra sem
gcfa kost á sér í prófkjöri Fram-
sóknarflokksins í Reykjavík.
í viðtali við Timann sagðist
Guðmundur hafa tekiö þessa á-
kvörðun eftir vandlcga yfirvcgun.
Það sem réð úrslitum voru
áskoranir yfir fimm hundruð
manna, sem cinstaklingar færðu
Guðmundi á mánudaginn.
Áður hafa tilkynnt þátttöku
sfna í prófkjörinu þau Ásta Ragn-
heiður Jóhannesdóttir, Finnur
Ingólfsson, Haraldur Ólafsson og
Helgi S. Guðmundsson, en fram-
boðsfresturinn rennur út á mið-
nætti. ÞÆÓ
r*«í*87
Hér sjást þeir Gunnar M. Hansson, forstjóri IBM á íslandi og Þráinn Magnússon, forseti Skáksambands
íslands bera á milli sín merki mótsins, sem bera mun enska heitið Super Chess Tournament '87. Verður
þetta mikil hvalreki á fjörur skákáhugamanna, enda vcrður þetta sterkasta skákmótið sem hér hefur verið
haldið og von á úrvals skákmeisturum. Tímamynd Svcrrír
IBM og Skáksambandiö efna til stórmóts í febrúar:
Sterkasta skákmótið
hérlendis til þessa
Fimm af tólf sterkustu skákmönnum heims keppa.
Kasparov heimsmeistari kemur sennilega.
Fyrirtækið IBM og Skáksam-
band fslands efna í febrúar nk. til
sterkasta skákmóts sem haldið hef-
ur verið á landinu til þessa. Verður
mótið í 14. styrkleikaflokki, sem
þýðir að meðalskákstig keppenda
verða 2588. Verða fimm af tólf
sterkustu skákmönnum heims
meðal keppenda auk fjögurra.
ungra íslenskra stórmeistara.
Gera aðstandendur mótsins sér
vonir um að Gary Kasparov,
heimsmeistari í skák verði meðal
keppenda. Hefur ekki borist
endanlegt svar um hvort hann
verði meðal þátttakenda, en líkur
eru taldar góðar á að svo verði.
Aðrir keppendur verða þeir
Viktor Kortsnoi, Sviss, Jan Timman
frá Hollandi, Niegel Short, Eng-
landi, Ljubomir Ljubojevic, Júg-
óslavíu og Símon Adgestein frá
Noregi. íslenskir keppendur verða
stórmeistararnir Helgi Ólafsson,
Jóhann Hjartarson, Jón L. Árna-
son og Margeir Pétursson.
Þá hafa mótshaldarar tryggt sér
þátttöku Lajos Portisch, stórmeist-
ara frá Ungverjalandi, fari svo að
Kasparov heimsmeistari mæti
ekki.
Það er IBM á íslandi sem stend-
ur l'yrir mótinu í tilefni af 20 ára
afmæli fyrirtækisins hér á landi.
Stendur það fyrir öllurn kostnaði af
mótinu, þar á meðal verðlaunafé
sem er um 1.2 milljónir kr., en
Skáksambandið sér um alla
framkvæmd. Þá mun Skáksam-
bandið njóta aðgangseyris og mun
það gefa út veglegt mótsblað. Mót-
ið hefst hinn 19. febrúar og lýkur
sunnudaginn l.mars. -phh
Þungarásakanirum
fjármálamisferli
Stefán Benediktsson hættir við framboð
„Rétt ákvörðun," segir Jón Baldvin
Stefán Benediktson. þingmaður
tilkynnti Jóni Baldvin Hannibals-
syni, formanni Alþýðuflokksins í
gær, að hann hygðist ekki gefa kost
á sér í prófkjör Alþýðuflokksins.
Ástæðan eru ásakanir um meint
fjármálamisferli þingmannsins á ár-
unum 1984 og 1985."
í fréttum Stöðvar 2 í gærkvöldi
var vitnað í fyrrum liðsmcnn BJ, og
haft eftir þeim að Stefán hefði fengið
200 þús. kr. lán úr sjóðum BJ og lagt
á móti innistæðulausa ávísun. Auk
þess hafi Stefán, um áramótin 1984-
85 tekið tvö ávísanablöð úr ávísana-
hefti BJ og fyllt þau út að upphæð
100 þús. kr. Til þess hafi hann hins
vegar ekki haft heimild.
Stefán Benediktsson sagði í frétt-
um Stöðvar 2 að öll málsatvik væru
röng. Hann hafi fengið fé frá BJ á
umræddu tímabili, en greitt það til
baka með vöxtum. Hann hafi því
ekki til saka unnið. Hins vegar væri
erfitt að hreinsa sig af þessum róg-
burði og ekki rétt að láta saklausa
aðila gjalda þess. Því hefði hann
ákveðið að gefa ekki kost á sér í
prófkjör.
Jón Baldvin Hannibalsson gaf í
samtali við Tímann í gær, frá sér
eftirfarandi yfirlýsingu um málið:
„Það er ekki á mínu valdi að kveða
upp úr um sekt eða sýknu varðandi
sakargiftir Stöðvar 2 á hendur Stef-
áni Benediktssyni. Það er annarra,
enda er mér með öllu ókunnugt um
fjármál BJ. Málsatvik koma Alþýðu-
flokknum ekki við. Sakargiftir varða
þann tíma þegar BJ var starfandi
stjórnmálahreyfing á eigin reikning.
Þetta mál verður því ekki með réttu
notað Alþýðuflokknum til ófræging-
ar. Þegar stjórnmálamaður er borinn
svo þungum sökurn, er það eðli
málsins samkvæmt, burtséð frá sekt
eða sýknu, að traust hans bíður
hnekki. Þess vegna er það rétt
ákvörðun hjá Stefáni Benediktssyni
að gefa ekki kost á sér til framboðs
á vegum Alþýðuflokksins, meðan
málið verður til lykta leitt. Þar með
hefur hann brugðist við á réttan
hátt, að láta ekki aðila sem hér bera
enga sök, gjalda málsins að ósekju."
Stefán Benediktsson, þingmaður
hefur nú ákveðið að hætta við þátt-
töku í prófkjöri Alþýðuflokksins,
eftir að ásakanir á hendur honum
um fjárntálamisferli voru birtar í
gær. Hefur Stefán borið af sér allar
sakargiftir og telur að unt rógsher-
ferð á hendur sér sé að ræða.
Aðspurður unt hvenær Stefán
hefði tilkynnt honurn þá ákvörðun
sína að fara ekki fram í prófkjöri,
sagði Jón Baldvin að það hefði verið
um tveim stundum áður en Stefán
birtist á sjónvarpsskjá. Sagði Jón
það ekki liggja Ijóst fyrir hver kæmi
í stað Stefáns í fyrirhuguðu prófkjöri
flokksins.
Ekki tókst að ná í Stefán Bcne-
diktsson í gærkvöldi til að tjá sig um
málið. -phh