Tíminn - 22.01.1987, Blaðsíða 2

2 Tírííinn
Fimmtudagur 22. janúár 1987
Um 1% hækkun byggingarvísitölu:
fbúð á 3 milljónir
hækkaði um 30.000
Þorvaldur Jóhannsso* Þatjarsljóri ávarpar gesti við vígslu skóla og hei? ;3ustöðvar á Seyðisfirði.
Vísitala byggingarkostnaðar
hækkaði um 1% milli desember og
janúar. Af hækkuninni stafa 0,7% af
verðhækkunum á ýmsu byggingar-
efni, 0,2% af hækkun á útseldri
vinnu rafvirkja um 5,9% og 0,1%
hækkunarinnar vegna gjaldskrár-
hækkana Rafmagns- og Hitaveitu
Rcykjavíkur.
A síðustu 12 mánuðum hefur
vísitalan hækkað um 17,2%. Hækk-
unin undanfarna 3 mánuði hefur
verið 4,6%, sem jafngildir um 20%
verðbólgu á heilu ári. Það er mesta
3ja mánaða hækkun sem komið
hefur fram síðan í apríl 1986. -HEI
Þórdís Bergsdóttir formaður skólanefndar, Albert Geirsson skólastjóri og
Sverrir Hermannsson menntamálaráðherra við vígslu skóla og sjúkrahúss á
Seyðisfirði.
Seyöisfjöröur:
Heilsugæslustöð
og skóli formlega
tekin í notkun
Heilsugæslustöð og fyrsti áfangi
nýs skólahúss voru formlega tekin í
notkun á Seyðisfirði með viðhöfn
fyrir skömmu. Skólahúsið tekur við
hlutverki gamla skólahússins, sem
gegnt hefur hlutverki st'nu með sóma
í 80 ár og enn er í fullri notkun.
Heilsugæslustöðin er áfangi í
sjúkrahúsbyggingunni á Seyðisfirði.
Sú bygging er á þremur hæðum og
er kjallari og efsta hæðin ófrágengin.
Unnið verður í kjallara hússins, en
þar verða eldhús, þvottahús, starfs-
mannaaðstaða, æfingasalir o.fl. Á
efstu hæð er gert ráð fyrir legurými.
Sjúkrahúsið mun leysa af hólmi
gamla sjúkrahúsið sem var tekið í
notkun þann 31. desember alda-
mótaárið og hefur verið í fullri
notkun síðan, þó það svari ekki
lengur kröfum tímans.
Við athafnirnar voru staddir ráð-
herrar menntamála og heilbrigðis-
mála, þingmenn Austurlands, emb-
ættismenn og fleiri gestir. Þórdís
Bergsdóttir formaður skólanefndar
flutti ávarp við vígslu skólans og
Albert Geirsson rakti kafla úr skóla-
sögu Seyðisfjarðar, en menntamála-
ráðherra afhenti húsið. Jónas Hall-
grímsson lýsti byggingasögu sjúkra-
hússins, og heilbrigðisráðherra flutti
ávarp.
-HM
VERÐBREYTINGAR Á FÖLKSBIFREIÐUM Á ÁRINU 1986.
Smásöluverð án ryðvamar (þús. kr.j
Tegund
Ver6 tyrir
Sala 1986, tollalækkun,
fjöldi bifrei&a febrúar
VERÐ EFTIR TOLLALÆKKUN
mars-apríl nóvember-desember Ver6breytlngar í %
BMW 316
746
518
587
13%
CHEVROLET MONZA 265 548 414 451 9%
DAIHATSU CHARADE 615 389 280 314 12%
RAT UNO 332 229 265 16% .
FORD SIERRA 132 499 350 453’1 29%
HONDA CIV1C 151 490 348 376 8%
LADA LUX 410 260 182 203 11%
MAZDA 323 591 442 317 338 7%
SAAB 900 161 798 576 625 8%
SKODA 590 218 152 164 8%
SUBARU 1800 um 700 700 521 581 12%
TOYOTA COROLLA 614 419 309 359 16%
VOLKSWAGEN GOLF 285 568 391 464 19%
VOLVO 244 214 758 550 619 13%
11 Verð frá 1. október 1966.
Erlendar verðhækkanir og hækkanir á gengi erlendra gjaldmiðla voru samtals sem hér segir á þeim bflategundum
sem hækkuðu mest hér á landi: Ford Sierra 35%, Volkswagen Golf 20%, Fiat Uno tæp 17%, Toyota Corolla
rúm 15%, Volvo 244 rúmlega 13% og BMW 316 um 12%.
Verðlagsstofnun:
Eðlilegar skýringar á
verðhækkun nýrra bíla
-jafnvel dæmi um lækkun álagningar
Verðhækkanir á nýjum bílum -
sem algengar eru um 12-16% og
jafnvel allt upp í 29% frá mars/apr-
íl s.l. vor til nóvember/desember
s.l. eiga sér eðlilegar skýringar,
sem fyrst og fremst eru gengis-
breytingar og verðhækkanir er-
lendis, að mati Verðlagsstofnunar,
sem gert hefur ítarlega könnun á
verðbreytingum á bílum árið 1986
og ástæðum þeirra. Almannaróm-
ur, um óeðlilega miklar hækkanir
á verði nýju bílanna, virðast því
hafa logið að þessu sinni.
„Ekkert kom fram sem gefur
vísbendingu um að álagning hafi
almennt hækkað á árinu. Dæmi
eru um að álagning hafi hækkað
þar sem hún var lág áður og svo eru
dæmi um lækkun álagningar," segir
í niðurstöðum Verðlagsstofnunar.
Stofnunin segir mikla samkeppni
ríkja á bílamarkaðnum. Þess séu
jafnvel dæmi, að umboð hafi ekki
getað hækkað söluverð á bifreiðum
vegna mikillar samkeppni, þrátt
fyrir erlenda verðhækkun. Komið
hafi í Ijós að ekkert samráð sé á
milli bifreiðaumboða um verðiagn-
ingu, heldur mótist hún af rekstri
hvers einstaks umboðs og mar-
kaðsástæðum. Mismikil hækkun
bílaverðs á árinu skýrist af misjafn-
ri þróun í gengi einstakra gjald-
miðla og erlendra verðhækkana.
Af þeim 14 bíltegundum sem
Verðlagsstofnun kannaði verð á
hækkaði Ford Sierra mest, eða um
29% á tímabilinu 18. mars til 1.
október s.l. (úr 350 í 453 þús. kr.)
Skýringin er sú að í vor voru
bílarnir keyptir á eins konar til-
boðsverði frá Danmörku, en síðar
á árinu var verðið ytra orðið 27%
hærra. Því til viðbótar kom um
6,5% hækkun á gengi dönsku krón-
unnar, þannig að samtals var um
tæplega 35% hækkun að ræða.
Fyrrnefnd 29% verðhækkun hér
heima var því minni en gera mátti
ráð fyrir.
Bent skal á að í lok ársins voru
það bílar af árgerð 1987 sem bíla-
umboðin seldu, sem hafði í för
með sér hækkun á innkaupsverði.
Jafnframt hækkaði gengi á ýmsum
Evrópumyntum og japönsku jeni
verulega á þessu tímabili. Verð-
lagsstofnun bendir á að frá því
könnunin var gerð hefur mikil
röskun orðið á gengi einstakra
gjaldmiðla, þannig að verð á bílum
hefur breyst frá því í nóvember/
desember.
-HEI
Skýrsla OECD um menntamál:
Menntað þjóðfélag
í góðu jafnvægi
Efnahags- og framfarastofnunin í
Parfs (OECD) hefur skilað áliti sínu
á menntamálum á íslandi. Athugun
þeirra fór fram á miðju síðastliðnu
ári, en árið 1984 varð það að sam-
komulagi Ragnhildar Helgadóttur,
þáverandi menntamálaráðherra, og
stofnunarinnar, að úttekt skyldi gerð
hér líkt og í öðrum aðildarlöndum.
Skýrsla OECD er til ábendingar
um hvað megi betur fara og eru
mörg atriði hennar þegar til athug-
unar og úrbóta. Má t.d. nefna að
framhaldsskólastigið þykir of laust í
reipunum, og bent er á að ólík
fjármögnun hinna ýmsu skólagerða
valdi erfiðleikum. Einnig er gagn-
rýnt hve margt í skólakerfinu er
tekið upp eftir öðrum þjóðum án
þess að laga það að íslenskum að-
stæðum.
Dr. Joaquin Arango, talsmanni
stofnunarinnar, fórust þannig orð
um könnunina, að í heildina litið
hafi íslendingar náð mjög góðum
árangri í menntamálum. „Að okkar
áliti og miðað við okkar reynslu er
íslenska þjóðfélagið menntað þjóð-
félag og í meira jafnvægi og heild-
stæðara en flest önnur og þjóðin
líklega meðal þeirra hamingjusöm-
ustu.“ þj
Trésmiöafélag
Reykjavíkur:
Aflar sér verk-
fallsheimildar
Á félagsfundi Trésmiðafélags
Reykjavíkur 15. janúar síðastlið-’
inn var samþykkt tillaga þess
efnis að félagsfundur Trésmiða-
félags Reykjavíkur mæli með,
verði að mati stjórnar, trúnað-
armannaráðs og samninganefnd-
ar félagsins nauðsynlegt að boða
til vinnustöðvunar til að knýja á
um gerð kjarasamninga, að stjórn
og trúnaðarmannaráð boði til
verkfalls.
Sjávarafurðadeild Sambandsins:
Benedikt Sveinsson
gerður sölustjóri
Benedikt Sveinsson, fyrrum fram-
kvæmdastjóri Iceland Seafood Ldt.
í Hull, hefur tekið við starfi sem
staðgengill framkvæmdastjóra Sjá-
varafurðardeildar Sambandsins og
sölustjóri deildarinnar.
Benedikt útskrifaðist frá Fisk-
vinnsluskólanum, sem fisktæknir
árið 1976, en vann með námi hjá
Sambandsfrystihúsunum sem verk-
stjóri. Hann var ráðinn til Sjávaraf-
urðardeildarinnar árið 1977 og vann
þá við framleiðslu- og gæðamál en
síðar við vöruþróun. Hann hóf störf
í Bretlandi árið 1980 við undirbúning
að stofnun Iceland Seafood Ltd.,
sölufyrirtækis Sambandsins þar og
var framkvæmdastjóri þar frá 1.
september 1981.
Benedikt er fæddur 13.7.1953,
kvæntur Sif Haraldsdóttur og eiga
þau eina dóttur.
Benedikt Sveinsson sölustjóri og
staðgengill framkvæmdastjóra Sjáv-
arafurðardeildar.