Tíminn - 22.01.1987, Blaðsíða 4
4 Tíminn
Fimmtudagur 22. janúar 1987
Fulltrúar minnihlutans voru kampakátir á blaðamannafundinum í gær.
FRÉTTAYFIRLIT
TEL AVIV — Arabískurkvik-
myndahúsaeigandi í bænum
Tulkarem, sem er á herteknu
svæði á Vesturbakkanum, hef-
ur lofað bót og betrun, en
honum varð þao á að sýna
djarfar ástarlífsmyndir í húsi
sínu. Bæjarstjórnin sem öll er
múhameðstrúar lokaði fyrir raf-
magn og vatn til kvikmynda-
hússins til að stöðva ósiðlegar
sýningar þar.
Myndirnar fékk arabinn frá
rétthafa í Tel Aviv. Hann aug-
lýsti ekki sýningarnar en fiski-
sagan flaug og örtröð var við
miðasöluna öll kvöld.
Trúarleiðtogarnir í bænum
töldu að verið væri að spilla
vhreintrúuðum, sem kysu frem-
ur að fara í bíó en mosku.
Þegar rafmagnið var tekið af
húsinu var sýningum sjálfhætt
og hefur bíóeigandinn lofað að
sýna ekki ósiðlegar myndir aft-
ur og gegn því loforði fær hann
að halda rekstrarleyfinu.
QUITO — Bandaríski sendi-
herrann í Equador lýsti þung-
um áhyggjum sjórnar sinnar af
því ástandi sem skapast hefur
í Equador, en þingiö hóf þar í
gær umræðu um vantrauststil-
lögu á forseta landsins, Leon
Febres Cordero.
TEL AVIV - Utanríkisráð-
herra ísrael, Simon Peres,
sem er í þann mund að hefja
vikulanga heimsókn til Evrópu-
landa, sagðist í gær ætla að
leita eftir hugmyndum evr-
ópskra þjóðarleiðtoga um leiðir
til að leioa til lykta deilur þær
sem staðið hafa yfir fyrir botni
Miðjarðarhafs.
WASHINGTON — Sovéski
vísindamaðurinn sem stjórn-
aði björgunaraðgerðunum eftir
Chernobyl slysið í Úkraínu
segir að með vorrigningunum
muni aukast hætta á geisla-
virkri mengun á svæðinu.
DUBLIN — Forsætisráð-
herra írlands, Garret Fitzger-
ald hefur rofið þing og þar með
markað upphaf 4 vikna kosn-
ingabaráttu í landinu. Fitzger-
ald og flokkur hans koma nokk-
uð illa út úr skoðanakönnunum
og efnahagsástandið í landinu
er slæmt.
STOKKHÓLMUR
Sænska lögreglan verður nú
að brydda upp á nýjum leiðum
og beina rannsókn sinni á
morðinu á Olof Palme í aðrar
áttir eftir að handtaka nokkurra
Kúrda í fyrradag leiddi ekki til
nokkurs árangurs í lausn þess-
arar morðgátu.
Síöari umræða um fjárhagsáætlun Reykjavíkurborgar fyrir 1987:
Minnihlutinn sameinast
um umfangsmiklar tillögur
- aðaláhersla á „mjúku“ málin
í dag fer fram síðarí umræða um
Qárhagsáætlun Reykjavíkurborgar
fyrír áríð 1987. Fulltrúar minni-
hlutaflokkanna hafa lagt fram um-
fangsmiklar breytingartillögur við
frumvarp meiríhlutans og kom fram
á blaðamannafundi sem minnihluta-
flokkarnir héldu í gær, til að kynna
tillögur sínar, að mjög gott samstarf
hefði tekist með þeim og væri merki
þess sem koma skyldi.
Það eru einkum fjórir málaflokkar
sem minnihlutinn leggur áherslu á;
málefni aldraðra, húsnæðismál, dag-
vistarmál og málefni unglinga. Allt
eru þetta málaflokkar sem snúa að
manneskjunni og fjölskyldunni í
borginni og vildu fulltrúarnir meina
að nýta ætti góðærið fólkinu til
lianda. í tillögum meirihlutans eru
þessir málaflokkar hins vegar aftar á
óskalistanum og þurfa þar að víkja
fyrir ráðhúsi og bílastæðum.
Málefni aldraðra
í tillögum minnihlutans er gert
ráð fyrir átaki í fjárfestingum í
stofnunum aldraðra og er lagt til 100
millj. aukaframlag, þannig að 218
millj. verði varið til þessa mála-
flokks. Lagt er til að þessu auka-
framlagi verði þannig varið að 60
millj. renni í sérstakan öldrunarsjóð
sem nýttur verði í þágu aldraðra á
komandi árum og fyrirsjáanleg
tekjuaukning borgarsjóðs á þessu
ári þannig nýtt til að fjármagna
félagslega þjónustu á næstu árum.
Þess má geta að þessi sjóður er
samkvæmt tillögum íhaldsins ætlað-
ur til framkvæmda við ráðhús.
Þá leggja minnihlutaflokkarnir til
að 10 millj. verði varið til hönnunar
nýs mannvirkis fyrir aldraða á lóð
BÚR við Meistaravelli en þar rísi
þjónustuíbúðir með svipuðu sniði
og við Dalbraut. Þá er gert ráð fyrir
15 millj. til kaupa á húsnæði sem
hentað gæti sem sambýli fyrir aldr-
aða. Ljóst er að það mun líða
talsverður tími þar til nýjar leigu-
íbúðir eða vistheimili fyrir aldraða
verða tekin ínotkun. Hinsvegareru
nú á biðlista ellimáladeildar 1100-
1200 manns og þar af búa um 250 í
leiguhúsnæði á almennum markaði.
Að lokum er svo gert ráð fyrir að
keypt verði hús í einhverju af eldri
hverfum borgarinnarsem breytt væri
þannig að þar mætti reka dagþjón-
ustu fyrir aldraða. Gert er ráð fyrir
að verja um 15 millj. til þessa
verkefnis.
Þegar hefur verið samþy kkt í borgar-
stjórn að setja á laggirnar sérstakan
vinnuhóp til að gera tillögur um
heildarskipulag öldrunarmála og
áhersluverkefni næstu ár. Hins vegar
gerir meirihlutinn í borgarstjórn
ekki ráð fyrir að veita fé til þessa
verkefnis en minnihlutinn leggur til
að 2 millj. renni til framkvæmda
verkefna á þessu sviði.
Eins og sést á þessu er gert ráð
fyrir að hægt sé að fara mismunandi
leiðir til að mæta húsnæðisþörf
aldraðra, en það hefur m.a. komið
fram í könnun sem Félagsmálastofn-
un gerði á högum og húsnæðisþörf
aldraðra að um helmingur þeirra
sem eru á biðlista ellimáladeildar
vilji komast í þjónustuíbúðir, en
einungis fimmtungur í vistheimilis-
pláss.
þrátt fyrir mikilvægi stofnanaupp-
byggingar í þágu aldraðra er einnig
mikilvægt að fólki sé gert kleift að
búa á'heimilum sínum ef það svo
kýs. Minnihlutinn gerir því tillögu
um að 2,5 millj. verði veitt til
sérstakrar helgarþjónustu við aldr-
aða, en mjög erfitt hefur verið að fá
fólk til starfa í heimilishjálp, vegna
þess hve krefjandi og illa launuð þau
störf eru. Er það hugmynd minni-
hlutans að betur gangi að fá fólk til
starfa hluta úr viku og þá um helgar
þar sem kaupið væri þá hærra vegna
vaktaálags.
Húsnæðismál
Varðandi húsnæðismálin sérstak-
lega þá gerir minnihlutinn tvær meg-
in tillögur. Annars vegar að borgin
veiti 9 millj. til sérstaks tilraunaverk-
efnis um 30 íbúðir með búseturétti.
Gert er ráð fyrir að íbúar myndi með
sér félag sem sjái um reksturinn
þannig að frekara tillegg frá borginni
þurfi ekki að koma til. Þessi tillaga
er m.a. fram komin í Ijósi þess að
Öryrkjabandalagið, Sjálfsbjörg,
Þroskahjálp, Félagsstofnun stúd-
enta, Bandalag íslenskra sérskóla-
nema, Samtök aldraðra, Búseti og
Leigjendasamtökin hafa komist að
þeirri sameiginlegu niðurstöðu að
búseturéttaríbúðir væru kjörin
lausn. Gert er ráð fyrir að heildar-
kostnaður verði um 90 millj. og
verði 85% fjármögnuð með láni frá
Byggingarsjóði verkamanna, 10%
verði framlag borgarinnar og íbúar
kaupi svo búseturéttinn fyrir þau
5% sem á vantar.
Þá leggur minnihlutinn til að fram-
lag borgarinnar til kaupa leiguhús-
næðis verði 35 millj. í stað þeirra 20
millj. sem gert er ráð fyrir í tillögum
meirihlutans. Er þessi tillaga flutt í
ljósi þess ástands sem er á leigumark-
aðnum, en tillaga meirihlutans gerir
ráð fyrir sömu krónutölu og í fyrra.
Dagvistarmál
Dagvistarmálin eru einn merkileg-
ur málaflokkur í tillögugerð íhalds-
ins. Þar er nú gert ráð fyrir að taka
í gagnið 89 dagvistarpláss á þessu
ári. Á árinu 1986, sem vel að merkja
var kosningaár, voru hins vegar
tekin í notkun 236 pláss, þó sum
þeirra séu nú reyndar tóm núna
vegna manneklu sem rekja má til
lágra launa.
Minnihlutaflokkarnir gera tillögu
um að 4% af útsvarstekjum, eða kr.
106.880.000 verði varið til fram-
kvæmda við dagvistarheimili en það
hækkar framlagið um rúmar 46 millj.
kr.
Þá gerir minnihlutinn tillögu um
að 5 millj. kr. verði varið til að koma
leiksvæðum í eldri borgarhlutum í
viðunandi horf og gera ráð fyrir að
fjármagna það að mestu með því að
fresta fyrirhuguðum framkvæmdum
við Arnarhól. Er talið nauðsynlegra
að koma leiksvæðum í viðunandi
horf áður en ráðist sé í fjárfrekar
nýframkvæmdir.
Málefni gangandi vegfaranda eru
ekki síst málefni barna og gerir
minnihlutinn tillögu um að 10 millj.
verði varið sérstaklega til að auka
öryggi gangandi vegfarenda.
Máiefni unglinga
Fulltrúar minnihlutans gera þá
tillögu að Völundarhúsið verði gert
að unglingahúsi og ætla 5 millj. til
þeirra framkvæmda. í greinargerð
með þessari tillögu segir svo:
„Fái reykvískir unglingar Völ-
undarhúsið til afnota sem unglinga-
hús getur draumur þeirra um æsku-
lýðshöll ræst á skömmum tíma. Víða
á hinum Norðurlöndunum hafa ung-
lingar fengið til afnota göniul hús,
miðsvæðis í borgum og eru þá sjálfir
hæstráðendur, og þá um leið þeir
sem bera ábyrgð á rekstrinum. Það
er fyrir löngu tímabært að gera
tilraun með sams konar starfsemi
hér á landi og húsið á lóðinni nr. 1
við Klapparstíg er ágætlega fallið til
þess, og að auki ■ eigu borgarinnar.“
Önnur mál
Auk þeirra málaflokka sem að
framan hefur verið getið gerir
minnihlutinn auðvitað tillögur um
hin ýmsu mál, hvort sem er til hækk-
unar eða lækkunar útgjalda.
Þar má m.a. nefna sérstakt fram-
lag upp á rúmar 30 millj. til að mæta
launahækkunum í kjölfar endurmats
á störfum kvenna, en það vekur
athygli að meirihlutinn gerir ekki
ráð fyrir neinu fjármagni í þessu
skyni.
Þá gera minnihlutamenn tillögur
um að veita 1 millj. króna til rann-
sókna á lífi og starfi kvenna í
höfuðborginni en 80 ár eru nú liðin
síðan Alþingi veitti konum kosn-
ingarétt og kjörgengi til bæjarstjórn-
ar Reykjavíkur.
Gerð er tillaga um að lækka
bifreiðakostnað borgarinnar um því
sem næst 10 millj., en um þessa
tillögu segir í greinargerð:
„Kostnaður borgarinnar vegna
leigubifreiða og bifreiðastyrkja hef-
ur aukist verulega á undanförnum
árum og hækkað umfram almennar
verðhækkanir. í fjárhagsáætlun árs-
ins 1983 var þessi kostnaður áætlað-
ur 12.500.000 kr. og í fjárhagsáætlun
ársins 1985 30.900.000. Ef kostnaður
ársins 1985 væri framreiknaður til
meðaltals þessa árs næmi hann ca.
45.000.000 kr. Það er því ríflegt að
áætla 44.300.000 kr. til aksturs á
þessu ári, sérstaklega ef tekið er mið
af lækkandi bensínverði frá árinu
1985.“
Varðandi forsendur fjárhagsáætl-
unarinnar er rétt að það komi fram
að minnihlutinn gefur sér ekki sömu
forsendur og meirihlutinn varðandi
aukningu tekna, fjölgun útsvars-
greiðenda og hækkun álagningar-
stofns aðstöðugjalda. Upplýsingar
minnihlutans eru frá Hagstofu og
Þjóðhagsstofnun og gera ráð fyrir
2,5% fjölgun útsvarsgreiðenda og
35% hækkun tekna á milli áranna
1985 og 1986. Hækkun álagningar-
stofns aðstöðugjalda er áætluð
33%.
Heildarrekstrartekjur eru því
3.786.554.000, þar af útsvarstekjur
2.672.000. Það kom fram í máli
fulltrúa minnihlutans að áætlun
þeirra gerði ráð fyrir meiri tekjuaf-
gangi borgarsjóðs, en tillögur meiri-
hlutans, þrátt fyrir heldur meiri
heildarútgjöld. Skýringin er sú að
áætlun þeirra gerir ráð fyrir rneiri
tekjpm, en meirihlutinn virðist vera
eitthvað varkár í því sambandi og
var það hald manna að hann vildi
eiga eitthvað til góða til að mæta
sérstökum hugðarefnum sem upp
kynnu að koma.
RR
(Tímamynd: Sverrir)