Tíminn - 24.01.1987, Qupperneq 6
6 Tíminn
FRETTAYFIRLIT
BEIRUT — Byssumenn tóku
tvo Vestur-Þjóöverja í gíslingu
I gær að því er haft var eftir
heimildum í Líbanon. Alls hef-
ur því fjórum vestur-þýskum
ríkisborgurum veriö rænt síð-
an lögreglan í Frankfurt hand-
tók Líbana, sem arunaður er
um að hafa átt aðild að flug-
vélaráni, í síðustu viku.
PARIS — Vestrænar þjóðir
sem hafa lánaö Filippseyja-
stjórn fé samþykktu að skipu-
leggja endurgreiðslur af 870
milljón dollara lánum til Filipps-
eyjastjórnar á nýjan leik og
virtist sem ráðamenn þessara
þjóða væru með þessu að
sýna stuðning sinn við ríkis-
stjórn Corazonar Aquino á Fil-
iþpseyjum.
BAHREIN — íranstjórn neit-
aði að verða við friðartilboði
írakstjórnar og her hennar
skaut flugskeytum á borgirnar
Baghdad og Basra. Yfirvöld í
Irak hótuðu miklum hefndarað-
gerðum fyrir flugskeytaárásirn-
ar. Báðir aðilar tilkynntu um
átök á vígstöðvunum.
WASHINGTON - Ný
skoðanakönnun sem gerð var
í Bandaríkjunum sýnir að
meirihluti landsmanna er á þvi
að Reagan Bandaríkjaforseti
segi ekki sannleikann í sam-
bandi við vopnasölumálið. Nú
eru aðeins tæp tvö ár í næstu
forsetakosningar í landinu.
KUWAIT — Stjórnin í Kuwait
reytiir nú að miöla málum í
deilu Chadstjórnar og Líbýu-
stjórnar og vonast til að geta
bundið enda á bardaga í
norðurhluta Chad.
PEKING — Samkvæmt kín-
verskum heimildum mun Hú
Yaobang, sem sagði af sér
stöðu sem flokksformaður í
síðustu viku, verða gerður að
yfirmanni ráðgjafaráðs og á
þetta að vera andlitslyfting fyrir
NÝJA DELHI — Sendiherra
Afganistans í Indlandi sagði
kommúnistaflokk lands síns
munu afsala sér völdum færi
svo að hann tapaði í kosning-
um. Sendiherrann vildi hins-
vegar ekki segja til um hvenær
búast mætti við kosningum í
landinu.
GENF — Undirbúningur undir
lokahrinu GATT viðræðnanna
um frjálsari viðskipti og þjón-
ustu þjóða í milli hófust í Genf
í gær.
Illlllllllllllllllliilllllll ÚTLÖND
Laugardagur 24. ianúar 1987
Grikkland:
Papandreou
vill vera
áfram
Aþena - Reuler
Andreas Papandreou forsætisráð-
herra sósíalistastjórnarinnar á
Grikklandi sagði í gær að hann vildi
halda landi sínu innan Atlantshafs-
bandalagsins (NATO) til að koma í
vegfyrir að stríð brytist út við Tyrki.
Papandreou hafði þetta á orði er
umræður um utanríkismál fóru fram
í gríska þinginu í gær. Hann tók þó
fram að nýtt samkomulag yrði að
gera við Bandaríkjastjórn um fram-
tíð bandarískra herstöðva í landinu.
„Við erum ekki á leiðinni úr
NATO eins og er vegna öryggis-
ástæðna og vegna þess að hversu
fáránlegt sem það hljóðar að tvær
NATO þjóðir geti lent í átökum,
geta slík átök verið áhjákvæmileg ef
við segjum okkur úr bandalaginu“,
INATO
sagði forsætisráðherrann.
Ríkisstjórn Papandreou er nokk-
uð sér á báti miðað við aðrar NATO
þjóðir þar sem hún álítur að mesta
hernaðarógnunin komi frá Tyrk-
landi en ekki frá ríkjum Varsjár-
bandalagsins.
Stjórnvöld í Grikklandi og Tyrk-
landi hafa lengi eldað grátt silfur
saman og má nefna deiluna um
Kýpur. Tyrkir réðust á eyna árið
1974 til hjálpar tyrkneska minni-
hlutanum þar og hafa enn hermenn
á eynni.
Yfirlýsing Papandreou í gær þykir
vera enn ein sönnunin fyrir því að
andstaða hans gegn verunni í NATO
og gegn bandarískum herstöðvum
fari minnkandi.
Andreas Panandreou forsætisráðherra Grikklands: Farinn að blíðkast í
afstöðunni til NATO
Kosningar í Vestur-Þýskalandi um helgina:
KOHL SIGURVISS
Bonn - Keutcr
Helmut Kohl kanslari Vestur-
Þýskalands var fullur sjálfstrausts í
gær þegar hinni formlegu kosninga-
baráttu lauk og virtist bjartsýni hans
óhagganleg þrátt fyrir fréttir frá
Beirút í Líbanon um að fleiri Vestur-
Þjóðverj ar hefðu verið teknir gíslar.
Samkvæmt skoðanakönnunum
mun samsteypustjórn Kohls vinna
öruggan sigur í kosningunum á
morgun og lét Kohl hafa eftir sér í
gær að stjórnarandstaðan hefði ekki
getað komið fram með stefnu er gæti
ógnað sigri sínum og ríkisstjórnar
sinnar.
Flokkur Kohls, kristilegir dem-
ókratar (CDU), er langöflugasti að-
ilinn í þriggja flokka stjórnarsam-
starfi hægri- og miðflokka.
Kosningabaráttan í Vestur-
Þýskalandi hefur annars þótt vera
daufleg með afbrigðum þótt fréttir
af gíslatöku vestur-þýskra borgara í
Beirút, í hefndarskyni við handtöku
á Líbana í Frankfurt, hafi aðeins sett
svip sinn á hana undanfarna daga.
Ekki er þó álitið að gíslatökurnar
muni hafa áhrif á útkomu kosning-
anna.
Samkvæmt niðurstöðum skoðana-
könnunar sem birtar voru í gær
munu flokkarnir í samsteypustjórn i
Kohls, kristilegir demókratar, syst-'
urflokkur hans í Bæjaralandi undir j
stjórn Frans Jósef Strauss og frjálsir j
demókratarfá53,5% atkvæða. Jafn-
aðarmenn undir forystu Jóhannesar j
Rau munu hinsvegar ekki hljóta
nema 37% atkvæða (fengu 38,2% í
síðustu kosningum) en græningjar fá
8,3% fylgi sem er nokkur aukning
frá kosningunum í mars árið 1983.
Helmut Kohl: Fátt virðist geta varnað
honum sigri í kosningunum um helgina
Ástralía:
Barn fyrir
megrun
Sydney - Reuler
Áströisk hjónakorn, sem yfir-
völd ncituðu um leyfi til að ætt-
leiða bam vegna þess að þau voru
of fcit, hafa nú fengið 'lcyfið
langþráða eftir að hafa farið í
strangan megrunarkúr.
Michael Murnane og kona
hans Sue ætluðu sér að ættieiða
barn frá Sri Lanka en var neitað
um slíkt þann 3. desember á
síðasta ári. Ástæðan var sú að
stjórnvöld á Sri Lanka telja að
fólk um nítíu kíló og þar yfir scu
ekki heppilegir fósturforeldrar.
Sue var 92 kíló og rnaður
hennkr 90 kíló. Þau fóru í
megrunarkúr eftir að neitunin
barst og í vikunni héldu þau
síðan í nýja læknisskoðun. Þar
kom í ljós að hjönakornin höfðu
lést um rúmlega fjögur kíló sam-
an og það nægði til að stjórnvöld
gáfu þeim leyfi til að eignast
barnið sem þau svo heitt þrá.
Sovétríkin:
KVIKMYND Á KROSSGÖTUM
Tilkynnt um gagngerar breytingar er auka eiga frjálsræöi
Moskva-Reuler
Hin nýja forysta sovéska kvik-
myndasambandsins tilkynnti í gær
um gagngerar breytingar á kvik-
myndaiðnaðinunt ílandinu. Þar er
meðal annars gert ráð fyrir að
kvikmyndaver sem áður voru rekin
algjörlega af ríkinu fái aukið frjáls-
ræði, bæði fjárhagslegt oglistrænt.
Breytingar þessar voru sam-
þykktar á allsherjarfundi kvik-
myndasambandsins og eru nýjustu
þreifingarnar í átt að auknu frjáls-
ræði í listum og bókmenntum,
frjálsræði sem Mikhail Gorbatsjov
Sovétleiðtogi hefur hvatt til síðan
hann tók við valdamcsta embætti
landsins í mars árið 1985.
Leikstjórinn og hinn nýi yfir-
maður kvikmyndasambandsins
Elem Klimov tilkynnti um breytin-
garnar á blaðamannafundi og sagði
að hér væru á ferðinni mótmæli
gegn sovéskri kvikmyndagerð fyrri
tíma.
„Við viljum gera kvikmyndaiðn-
aðinn lýðræðislegri," sagði Klimov
og bætti við að leikstjórar fengju
nú í hendurnar aukið frjálsræði
sem fylgdi aukin ábyrgð.
Hlutverk Goskino, hins opin-
bera kvikmyndaeftirlits landsins,
verður í framtíðinni einungis bund-
ið við samhæfingu og almenna
skipulagningu kvikmyndaiðnaðar-
ins.
„Það verður yfirvald án eftirlits-
starfsemi," sagði Klimov sem sjálf-
ur á mynd sem Goskino bannaði á
sínum tíma.
Gert er ráð fyrir að öll stærri
kvikmyndaver landsins, þar á með-
al Mosfilm, verði brotin niður í
smærri einingar og geti kvikmynd-
aleikstjórar farið á milli og boðið
fram handrit sín. Slíkt hefur fram
að þessu verið bannað og Goskino
hefur haft það algjörlega í hendi
sér hvaða myndir eru framleiddar
og sýndar.
Rolan Bykov, einn helsti leik-
stjóri Sovétríkjanna, sagði breyt-
ingar þessar ekki eiga sér neina
hliðstæðu í sósíalísku landi.
Tekið var þó skýrt fram á blaða-
mannafundinum í gær að breyt-
ingarnar þýddu ekki að kvik-
myndaver myndu komast í hendur
einkaaðila og raunar sagði Klimov
að mörg þeirra yrðu undir stjórn
félaga í kommúnistaflokknum. Má
gera ráð fyrir að myndir frá slíkum
verum verði ekki í andstöðu við
ríkjandi hugmyndafræði nema síð-
ur sé.
Hinn sovéski kvikmyndaáhuga-
maður má þó eiga von að ýmsum
sjáanlegum breytingum innan
tíðar. Má nefna að miðaverð mun
óhjákvæmlega hækka en það er nú
sem samsvarar um 15 krónur ís-
lenskar á sýningu og einnig verða
teknar upp sýningar á mörgum
þeirra sovésku mynda sem áður
hafa verið bannaðar.
Þá má geta þess að vestrænar
myndir sem bannaðar hafa verið af
ýmsum orsökum verða nú teknar
til sýninga. Þar má nefna banda-
rísku myndirnar “Amadeus" og
„Gaukshreiðrið" (One flew over
the Cuckoo's nest) eftir leikstjór-
ann Milos Forman sem fæddur er í
Tékkóslóvakíu og röð mynda eftir
ítalska leikstjórann Federico Fell-
ini.