Tíminn - 24.01.1987, Síða 14

14 Tíminn
Tilboð
óskast í eftirtaldar bifreiöar og tæki sem verða til
sýnis þriðjudaginn 27. janúar 1987 ki. 13.00-16.00
í porti bak við skrifstofu vora að Borgartuni 7 og
víðar.
1 stk. Ford Bronco 4x4 árg. 1982
1 stk. Isuzu Trooper4x4 árg. 1982
3 stk. Volvo Lapplander 4x4 árg. 1980-81
Land Rover4x4 árg. 1976
1 Pontiac Pariseanne fólksb. sk. e/umferðaróh. árg. 1983
1 stk. Peugout 505 station árg. 1983
1 Mazda 929 fólksb. árg. 1981
1 stk. Volkswagen Golf fólkb. árg. 1981
1 stk. Ford Econoline e-150 fólksfl. 8 farþega árg. 1981
1 stk. Man vörubifreið árg. 1975
3 stk. Vélsleðar Kawasaki Drifter 440 árg. 1980
Til sýnis hjá Vegagerð ríkisins Akureyri
1 stk. Mitsubishi L-300 Mini Bus árg. 1981
Til sýnis hjá Vegagerð ríkisins Reyðarfirði
1 stk. Ford Econoline E-250 fólksfl. 8 farþega árg. 1979
Til sýnis hja Síldarverksmiðju ríkisins Reyðarfirði
1 stk. UAZ 452 4x4 árg. 1979
Tilboðin verða opnuð sama dag kl. 16.30 að viðstöddum
bjóðendum. Réttur er áskilinn að hafna tilboðum sem ekki
teljast viðunandi.
Auglýsing um
starfslaun
bæjarlistamanns
Kópavogs
Lista- og menningarráð Kópavogs auglýsir eftir umsókn-
um um starfslaun til listamanna samkvæmt reglum sem
samþykktar voru 16.12.1986 í bæjarstjórn Kópavogs.
Heimilt er að veita starfslaun fyrir 6-12 mánaðatímabil.
Launin miðast við 8. þrep, 139. launaflokki samkvæmt
kjarasamningi Bandalags Háskólamanna. Að jafnaði
koma þeir einir listamenn til greina við úthlutun starfs-
launa, sem búsettir eru í Kópavogi. Listamenn skulu
skuldbinda sig til þess að gegna ekki fastlaunuðu starfi
á meðan þeir njóta starfslauna. Listamaður sem starfs-
launa nýtur skal að loknu starfstímabili gera grein fyrir
starfi sínu. Starfslaun verða veitt frá 1. júní n.k.
Umsóknarfestur er til 1. mars n.k. Umsóknir um
starfslaun listamanns samkvæmt framanskráðu sendist
Lista- og menningarráði Kópavogs, Hamraborg 12, 200
Kópavogi.
LAUSAR STÖÐURHLIÁ
REYKJAVIKURIBORG
Félagsstarf aldraðra
hjá Reykjavíkurborg
Félags- og tómstundastarf aldraðra hjá Félags-
málastofnun Reykjavíkurborgar auglýsir eftir for-
stöðumanni í Furugerði 1.
Nauðsynlegt er að viðkomandi hafi reynslu og
þekkingu í félagsmálum.
Laun skv. kjarasamningum starfsmannafélags
Reykjavíkurborgar.
Staðan er 50% og vinnutími frá 13:00-17:00.
Umsóknarfrestur er til 2. febrúar.
Upplýsingar gefur Anna Þrúður Þorkelsdóttir í
síma 36040 eða 39225.
Umsóknum ber að skila til Starfsmannahalds
Reykjavíkurborgar, Pósthússtræti 9, 5. hæð á
sérstökum eyðublöðum sem þar fást.
Laugardagur 24. janúar 1987
lllllllM ÁRNAÐ -HEILLA ' llllllllllllilllllllllllllllllllllllllllllllllllllllíilllilllílliiilíllliilllllllllllllllllllliliillilllillllliy
Sextugur
Jóhann Þórðarson
hdl. frá Laugalandi, N.-ís.
Þegar mér barst til eyrna í haust,
að góðvinur minn Jóhann Þórðarson
frá Laugalandi í Dj úpi, yrði sextugur
á þessu ári, nánar tiltekið 25. þ.m.
varð það mér enn ein sönnun þess
hve tíminn rennur skjótt í sínum
hljóðleik. Jóhann er af grónum ætt-
um hér við Djúp, bæði af Snæfjalla-
strönd í móðurætt og Langadals-
strönd og var Halldór á Rauðamýri
afi hans í föðurlegg.
Leiðir okkar lágu fyrst saman
síðla vetrar 1947 og lukum við
saman gagnfræðaprófi er voraði það
ár frá M.A. Engin kynni tókust þó
með okkur að sinni og eigi heldur í
háskóla og vorum við þó samtíða
þar nokkur ár. En er ég tók brauð
við Djúp 1956, með aðsetri í Vatns-
firði og kom að Melgraseyri minna
erinda var hann þar mættur og flest
sumurþaðan upp. Þeirgömlusögðu,
að römm væri taug sú, er rekka
drægi föðurtúna til og fannst mér
þetta sannmæli áþreifanlega sannast
á Jóhanni. Alla tíð mun hann hafa
fylgst með málum hér og framgangi
þeirra hluta, er nauðsyn eru hverju
byggðarlagi og kemur hér fram vænt-
umþykja hans um það hérað og þá
sveit, sem hann er úr runninn,
taugin sem þeir gömlu vissu, að ekki
er neinn bláþráður í innra Iífi margs
mannsins, heldursnarþáttur, römm,
lifandi, aflvaki góðra hluta. Vil ég í
því sambandi minna á mikinn og
góðan stuðning hans við kirkjú á
Melgraseyri, er byggð var og mun
aðstoð hans vera nokkru þyngri á
metum en almennt er vitað. Minnist
ég þess með gleði, er hið nýja hús
var vígt fámennum söfnuði til notk-
unar við hið bjarta Djúp, að þar var
mættur Jóhann Þórðarson við altari
að lesa úr helgum ritningum svo sem
kirkjulegt ritúal útheimtir á slíkum
stundum. Man ég eigi hver orð
okkar hafa í miilum farið við það
tækifæri á Melgraseyri, sennilega fá:
við höfum báðir skilið án orða það
sem þarna var að gerast. Skal honum
nú þakkað ailt hans framlag til
kirkjunnar og alla aðstoð við söfnuð-
inn fyrr og síðar. Vil ég færa þér
hinar bestu þakkir vorar, prests og
safnaðar svo og allra velunnara Mel-
graseyrarkirkju nær og fjær fyrir þitt
óeigingjarna starf, sem þú engin
laun hefur hlotið fyrir utan þá gleði
að sjá rísa af grunni gamla bænahúss-
ins, er varð vindum að bráð, nýtt og
veglegt guðshús, prýði sveitar
þinnar.
Fleira mætti til tína er speglar
áhuga Jóhanns á velferð héraðsins
og íbúa þess, m.a. mátti stundum sjá
í blöðum ábendingar í greinum hans
um vegi og brýr, en fáum byggðar-
lögum er nú meiri nauðsyn á góðum
samgöngum, er voru, og kunnum
vér þakkir öllum þeim er þar að
huga eða að vinna og gildir slíkt eigi
síður nú á tímum nokkurra erfið-
leika í búskap og uggs nokkurra um
búsetu. - Það gladdi mig, að vera
staddur á æskuheimili þínu - Lauga-
landi í Skjaldfannardal, - þann 3ja
jan. síðstliðinn, degi Enoks, að vígja
í hjónaband ungt par, brúðurin af
þinni ætt, og söfnuðurnir báðir á
„Ströndinni" þar saman komnir að
verulegu leyti auk gesta aðkominna,
finna að hér hafði ekkert breyst er
máli skiptir. Fólk að vísu færra, en
við vígslu er við báðir voru viðstadd-
ir vetrardag einn fyrir 3 áratugum
eða svo, er faðir þinn sat í öndvegi,
nú bróðir þinn. Húsið traust sem
fyrr með sínar gömlu bækur á loft-
inu, dalurinn fagur, tunglið samt við
sig og jökullinn í nánd. Hvað vill
maðurinn á þessari jörð? - En
sleppum frekari hugleiðingum um
guð og eilífð að sinni.
Jóhann lauk prófi í lögum frá
Háskóla fslands á vordögum 1958 og
hefur síðan stundað lögfræðistörf.
Hafa margir héðan úr héraði til hans
leitað með sín mál, og þótt ég sé
ókunnugur störfum hans á lögfræði-
legu sviði er mér eigi erfitt um þá
ályktun af kynnum mínum við ætt-
menn hans, að hann mun snjall vera
í sinni fræðigrein og halda fast á því
máli er hann að sér tekur.
Jóhann gekk að eiga myndarkonu,
Guðrúnu Halldórsdóttur frá Isafirði
1959 og eiga þau hin mannvænleg-
ustu börn. Kveðjur til ykkar allra á
afmælinu! Lifið heil!
Vatnsfirði á Antóníusarmessu 1986,
síra Baldur Vilhelmsson.
Illllllllllllllllllll MINNING
Björn J. Blöndal
í Laugarholti
Fæddur 10. septcmber 1902
Dáinn 14. janúar 1987 ,
Að minnast þín vinur á vegamótum
er vandi, sem kallar á mig.
I sjötíu ár er samleiðin orðin
við sólskin um gengin stig.
Hugurinn mœtir þar heiðríkjumyndum
sem hvarvetna minna á þig.
Þarersvo margháttuð minningsem gleður
svo margt þar sem gleymist ei.
Hugur þinn átti svo víðfleyga vœngi
og víðreist þitt siglandi fley.
Heimili bernskunnar brœðurnir allir
allt bundið við StaPioltsey.
Þú áttir svo mikið af áhugamálum
um eilífðar spurnir og svör.
Blómjurtir allar og fuglarnir fleygu
um farkost sem lætur úr vör.
Um frceið sem dafnar, um ferðir og œfi
um forlög og torskilin kjör.
Og tímarnir líða og vandamál verða
og veröldin slík sem hún er.
Ef gáta er ráðin hefst önnur upp aftur
um undrin sem blasa við þér.
Það bendir svo margt á langferðaleiðum
um löndin sem maðurinn fer.
Svo namstu þér land og byggðir þér býli
og bjöst þar til akurlönd.
Þar blessast þitt starf og búið þróast
og brúðurin gékk þér á hönd.
Þú skráðir myndir af minningum þínum
sem minna oss á rósavönd.
Til leigu
Til leigu er einstaklingsíbúð í kjallara í Smáíbúða-
hverfi. Leigutími eftir samkomulagi.
Fyrirframgreiðsla.
Upplýsingar í símum 688608 og 53809.
Innilegar þakkir færum við öllum þeim, sem glöddu
okkur á afmælum okkar 30. desember og 2. janúar
sl.
Guð biessi ykkur öll
Jóhanna St. Guðjónsdóttir og
Halldór D. Gunnarsson,
Króksfjarðarnesi
En alltaf var spurnin í augum þínum
um aðskilin vandamál.
Þú gœttir að lífí við götu þína
°g greindir þar leitandi sál.
En frœgastur varstu með fiskilínu
viðfljótsins blikandi ál.
Nú ertu farinn til fjarlœgra stranda
þar sem fegurðin bíður vor.
Þar trúðum við báðir að biði okkar
hið blikandi eilífa vor.
Nú ber þig leiðið að landinu helga.
Við leysum öll festar við Skor.
Nú skiljum við vinur á vegaótum,
vinirnir horfnu fagna þér,
semfóru á undan þéryfirhafið
sem okkar á milli ber.
Við þökkum þér árin og árnum þér heilla
um undrið sem kemur og fer.
Með hluttekningu til vandamanna.
Þorsteinn Guðmundsson.