Tíminn - 19.05.1987, Blaðsíða 4

4 Tíminn
Þriðjudagur 19. maí 1987
Menntamálaráðuneytið:
Tillögur um heildarstefnu
í tölvuvæðingu skölanna
Menntamálaráðuneytið hefur
kynnt tillögur nefndar um stefnu-
mótun í tölvumálum skólakerfis-
ins. Tillögur nefndarinnar að
stefnu eru í níu meginliðum.
í fyrsta lagi verði stefnt að
því að allar kennarastofur séu
búnar tölvum þannig að kennarar
þjálfist í að nota þær í starfi sínu
eftir því sem tilefni gefast. í því
sambandi verði gerð tilraun í fimm
skólum með verkefna- og námsefn-
isgerð og til þess fenginn sérstakur
búnaður.
í öðru lagi verði lögð sérstök
áhersla á tölvuna sem hjálpartæki
í kennslu. Haldið verði áfram með
tilraunir til að nota vélmálið
LOGO í skólastarfinu. En það er
eina forritið sem þýtt hefur verið á
íslensku og er sérstaklega ætlað
fyrir skóla. Þá verði aflað hugbún-
aðar erlendis frá til skoðunar og
aðlögunar að aðstæðum hér ef
henta þykir. Einnig verði kannað
með hvaða hætti er unnt að nýta
gagnabanka í skólum.
I þriðja lagi verði kannað hvort
sé unnt að efla samstarf heimila og
skóla á sviði tölvufræðslu, en tölvur
í eigu einstaklinga eru trúlega
hvergi fleiri en hérlendis.
í fjórða lagi leggur nefndin til að
tölvunotkun f skólum verði skipu-
lögð þannig að sú þjálfun sem
nemendur fá nýtist þeim í atvinnu-
lífinu.
í fimmta lagi er lagt til að
kennaramenntun á þessu sviði
verði efld, en talsvert hefur miðað
í þá átt undanfarið.
{ sjötta lagi leggur nefndin til að
unnið verði markvisst að því að
nýta tölvutæknina við ýmis verk-
efni tengd stjórnun skóla.
í sjöunda íagi verði lögð áhersla
á að ná sem hagkvæmustum kjör-
um við innkaup á tölvubúnaði.
{ áttunda lagi er lagt til að komið
verður upp tveimur vinnuhópum
til að vinna að framkvæmd tillagn-
anna. Annars vegar er um að ræða
þriggja manna framkvæmdanefnd,
sem þegar hefur verið skipuð. í
henni eiga sæti Hörður Lárusson
skrifstofustjóri í menntamálaráðu-
neytinu, Jóhann P. Malmquist
prófessor og Jón Þór Þórhallsson
forstjóri SKÝRR. Hinn hópurinn
verður ráðgjafahópur skipaður eft-
ir tilnefningu eftirtalinna aðila:
Bandalagi kennarafélaga (2),
Námsgagnastofnun (1), Kennara-
háskóla íslands (1), Háskóla ís-
lands (1) og menntamálaráðuneyt-
inu (1). Hefur verið leitað eftir
tilnefningu frá þessum aðilum.
Loks leggur nefndin til að áætlun
sú, sem unnin verður út frá tilióg-
um nefndarinnar verði endurskoð-
uð á tveggja ára fresti. Telja nefnd-
armenn það nauðsynlegt m.a.
vegna þeirrar öru þróunar sem er í
tölvum og hugbúnaði.
Menntamálaráðuneytið hefur í
ár 7-8m.kr. til að hrinda áætluninni
í framkvæmd og er gert ráð fyrir að
það fjármagn dugi til að hefjast
handa við alla liði hennar. Pá kom
fram að ráðuneytið fjármagnaði
helminginn af kostnaði við kaup
vélbúnaðarins, en allan kostnað af
gerð hugbúnaðarins, sem yrði ef-
laust dýrasti pósturinn. Sveitarfél-
ögin yrðu að taka á sig helminginn
af kostnaðinum við tölvukaupin
eins og reyndar gerist með annan
búnað grunnskóla.
í starfshópnum sem vann tillög-
urnar áttu sæti: Jóhann P. Malm-
quist prófessorogformaður, Hörð-
ur Lárusson deildarstjóri í menn-
tamálaráðuneytinu, Jóhanna Ax-
elsdóttir kennari, Jón Þór Þórhalls-
son forstjóri SKÝRR og Yngvi
Pétursson lektor við Kennarahá-
skólann. Starfsmaður nefndarinn-
ar var Agla Sigurðardóttir tölvun-
arfræðingur. ÞÆÓ
Nýr ferðabæklingur Sögu:
Bæklingur
um ferða-
áætlanir
- skipuleggur m.a.
ferðir til Kína
Ferðaskrifstofan Saga hefur gefið
út bækling með upplýsingum um
áætlunarferðir innanlands í sumar
og um ferðir til fjölmargra staða í
Evrópu, Bandaríkjunum og Asíu.
Ferðaskrifstofan hefur skipulagt
fjölda ferða á vörusýningar erlendis
á þessu ári og yfirlit yfir þær er að
finna í bæklingnum. Bæklingnum
fylgja verð á flugfargjöldum, hótelg-
istingu og bílaleigubílum í hinum
mismunandi löndum.
Saga hefur einnig skipulagt nokkr-
ar sérferðir í sumar og í haust og eru
þar m.a. ferðir til Kína og verða þær
ferðir farnar í samvinnu við kín-
versk-íslenska-menningarfélagið
Ferðast verður með lestum, ferjum
og flugvélum. Einnig eru skipulagð-
ar nokkrar ferðir til höfuðborga í
Austurlöndum fjær.
Ferðaskrifstofan Saga hóf starf-
semi í október 1986, en um miðjan
júní flytur hún í nýtt húsnæði í
Suðurgötu 7 samfara stækkun fyrir-
tækisins.
Framhaldskór Tón-
listarskóla Rangæinga:
I söng-
ferð til
Banda-
ríkjanna
Framhaldskór Tónlistarskóla
Rangæinga er nú í viku söngferð í
borginni Charlotte í Carolina í
Bandaríkjunum. Kórinn mun syngja
í kirkjum þar vestra og skólum. í
kórnum eru 14 ungmenni áaldrinum
16-21 árs en stjórnandi er Sigríður
Sigurðardóttir skólastjóri. Farar-
stjóri er Sveinn Elíasson.
Söngferð þessi er til komin fyrir
milligöngu Ingva K. Jónssonar sem
er í tónlistarnámi í Charlotte.
Framhaldskór Tónlistarskóla Rang-
æinga áður en hann hélt utan.
Tímamynd Fjetur
Halldór Ásgrímsson:
Nýjar reglur um
uppsetningu trolla
- hugsanlegur möguleiki
Hafrannsóknarstofnun mun á
næstunni skila sjávarútvegsráð-
herra niðurstöðum úr þorskrann-
sóknum sem voru í gangi í vetur.
Sjávarútvegsráðuneytið hefur beð-
ið í nokkurn tíma eftir að fá
niðurstöðurnar úr hinum svo köll-
uðu togararallý rannsóknum.
Niðurstöðunum seinkaði talsvert
vegna verkfalls náttúrufræðinga,
en í þeim kemur fram ástand
þorskstofnsins.
Tíminn hafði samband við Hall-
dór Ásgrímsson, sjávarútvegsráð-
herra út af þessu máli og bar undir
hann í leiðinni hvernig ráðuneytið
tæki áskorun útgerðarmanna um
lokun stórra svæða um langan
tíma, til verndar smáfiski.
„Eitt af því sem við höfum verið
að athuga hér er að breyta reglum
varðandi trollin. Það er vitað mál
að þessi stóri möskvi hefur ekki
skilað þeim árangri sem menn
vonuðust eftir og það er vegna þess
að möskvinn lokast þegar verið er
að taka trollið inn. Við höfum
verið að athuga með hvaða hætti
mætti halda möskvanum meira
opnum, þannig að smáfiskurinn
slyppi meira út. Við erum með í
athugun hvort ekki megi setja
nýjar reglur um uppsetningu á
trollinu. Það er þá verið að hugsa
Lögun venjulegs poka og leggpoka í drætti.
um leggpoka“ sagði Halldór.
Leggpokinn virkar þannig að
leggurinn heldur möskvanum opn-
um og trolli. Það veikir trollið og
ekki er hægt að hafa jafn mikið í
því og það er ekki híft inn af jafn
miklum krafti og þar með verður
minna í því þegar það er tekið inn.
„Þetta þarf náttúrlega frekari
rannsókna og athuguna við og
síðan þarf að setja einhverjar regl-
ur með fyrirvara, þannig að menn
geti breytt því. En við höfum
mikinn áhuga á því,“ sagði Halldór
að lokum.
í 17. tölublaði Fiskifrétta er
grein eftir Guðna Þorsteinsson um
leggpoka og kemur þar fram að
það hefur verið sagt að leggpokarn-
ir hafi minna slitþol en felld net og
þoli síður snögg átök. Því hefur
cinnig verið haldið fram að meiri
hætta sé á festun í botni, þar sem
trollið er dregið þvert á aðra leggja-
röðina í pokanum og að leggpok-
arnir verði dýrari en aðrir vegna
verri nýtingar. En Kanadamenn
hafa notað leggpoka í vetur með
góðri reynslu. Fiskurinn sem fæst í
leggpokann er greinilega stærri en
sá sem fæst í venjulega poka, en
aflinn að sjálfsögðu minni.
En það er rétt að bíða eftir
nánari niðurstöðum frá Kanada
áður en frekari ákvarðanir verða
teknar. - SÓL