Tíminn - 03.06.1987, Blaðsíða 15

Miðvikudagur 3. júní 1987
Tíminn 15
ARNAÐ HEILLA
llilill
iiPimiiii

Áttræöur
Leifur Eiríksson,
kennari
í dag er frændi minn Leifur Eiríks-
son, kennari, áttræður.
í tilefni af því langar mig til að
skrifa nokkrar línur á blað, enda
þótt vera megi að það sé honum lítt
að skapi. Veit ég þó að hann mun
færa mér það til betri vegar svo sem
önnur verk hingað til.
Leifur Eiríksson er fæddur á
Harðbak á Melrakkasléttu í Norður-
Þingeyjarsýslu, 3. júní 1907, sonur
hjónanna Eiríks Stefánssonar vita-
varðar og bónda á Rifi og konu hans
Ingibjargar Jóhannsdóttur. Þau hjón
voru síðustu ábúendur á Rifi, sem er
ein af þeim harðbýlu jörðum sem nú
þykir lítt búandi á en framfleytti
áður stórum fjölskyldum með ágæt-
um.
Um Rif á Sléttu og ábúendur þar
hefur Brynjólfur Sigurðsson á Kópa-
skeri skrifað fróðlegan sagnaþátt
sem okkur yngri Sléttungum er þörf
á að lesa. (Bóndi er bústólpi VI).
Fyrir nokkrum vikum heimsótti
ég Leif og gaf hann mér að skilnaði
þennan sagnaþátt ásamt öðrum fróð-
leik um Rif og ættir sínar og að hluta
til okkar beggja.
Þar er m.a. ættartala Leifs í móð-
urætt allt til Ingólfs Arnarsonar
okkar fyrsta landnámsmapns og ætt-
artala í föðurætt (Skinnalónsætt) til
Halfdáns hvítabeins Upplendinga-
konungs. Ættir hans eru því stórar
og sterkar. Einnig fylgdi með vísa
eftir Leif um Rifstanga á Sléttu sem
ég læt hér fylgja:
Klettar sterkir standa
stormi og brimi móti.
Undan aldrei láta,
árásir þótt hljóti.
Eiga sína sögu,
samt þeir flestu leyna.
Nyrzt við íslands odda
Ægir lemur steina.
Leifur fór í Gagnfræðaskóla Ak-
ureyrar og útskrifaðist þaðan 1927.
Kennaraprófi lauk hann frá
Kennaraskóla íslands 1944 en hafði
áður kennt bæði við barnaskólann í
Núpasveit og unglingaskólann á
Raufarhöfn í 10 vetur.
13. nóvember 1932 kvæntist Leif-
ur föðursystur minni Lúðvíku Lund
dóttur hjónanna Maríusar Jóhanns
Lund bónda og póstafgreiðslumanns
á Raufarhöfn og konu hans Rann-
veigar Grímsdóttur Laxdal. Lúðvíka
eða Lúlla eins og hún var ávallt
kölluð, lést fyrir aldur fram 15. ágúst
1977.
Þau Leifur og Lúlla hófu sinn
búskap á Raufarhöfn og byggðu sér
þar hús sem bar heitið Harðangur.
Þar bjuggu þau til ársins 1958 er þau
fluttu að Faxatúni 14 í Garðabæ.
Á Raufarhöfn tók Leifur virkan
þátt í öllu félagsmálastarfi og var
einn af þeim athafnamönnum sem
mótuðu Raufarhöfn á uppgangsár-
um þess staðar. M.a. var hann
oddviti hreppsins í 8 ár eða frá 1950
til 1958. Þá var hann í stjórn lirað-
frystihússins Frosta h/f frá stofnun.
Hann var einn af stofnendum Spari-
sjóðs Raufarhafnar og sat í stjórn
hans frá 1940 eða frá upphafi og þar
af sem formaður frá 1950. Formaður
skólanefndar 1936-1943 og sýslu-
nefndarmaður Presthólahrepps og
Raufarhafnarhrepps í mörg ár.
í þessum trúnaðarstörfum reyndi
mikið á framsýni og framtakssemi
Leifs og á hann þakkir skildar fyrir
sinn þátt í uppbyggingu Raufarhafn-
ar.
Leifur hefur ætíð haft mikinn
áhuga fyrir málefnum ungs fólks.
Hann var um tíma formaður Umf.
Austra á Raufarhöfn og stofnaði
unglingaskóla þar. Leifur gekkst fyr-
ir byggingu sundlaugar á Raufarhöfn
með skátadrengjum og kenndi þar
sund í 14 ár. Sundlaugin var upphit-
uð með gufu frá Síldarverksmiðj-
unni enda laugin á lóð verksmiðj-
unnar.
Ein fyrsta minning mín af Leifi er
einmitt frá þeim tíma. Ég man.eftir
honum þar sem hann stóð á laugar-
bakkanum, með heljarinnar bamb-
usstöng segjandi krökkunum til.
Það var annars ekki ætlun mín að
rekja æviferil Leifs enda ofverk mitt
á allan máta. Miklu fremur vildi ég
minnast á nokkur önnur atriði og
þakka Leifi fyrir skemmtilegar sam-
verustundir á lífsleiðinni sem að
sjálfsögðu hafa verið of fáar.
Allt frá fyrstu tíð hefur Leifur
verið okkur Miðtúnsbræðrum mikill
frændi. Á Raufarhöfn tók hann á
móti okkur sem slíkur og sömu sögu
er að segja héðan að sunnan.
Það er annars svo eins og allir vita
að nú á dögum gefst of lítill tími til
að heimsækja ættingjana og langt er
á milli þeirra stunda sem ég hitti
Leif. Samt sem áður eru þær stundir
ánægjulegar og ætíð fylgja heit-
strengingar af minni hálfu um að
gera betur.
Leifur er ávallt hress á slíkum
fundum og reynir jafnan kraftana
hjá manni. Fyrst voru það glímutök-
in en nú er það handtakið sem hann
prófar. Handtak Leifs er fast og eins
gott að vera viðbúinn ef ekki á að
kveinka sér undan því. Þá segir
Leifur manni gjarnan sögur af Slétt-
unni og fólkinu þar fyrr á tímum. Ég
man að eitt sinn er ég gisti hjá þeim
Lúllu og Leifi í Garðabænum spjall-
aði Leifur við mig fram eftir nóttu.
Lúlla var löngu sofnuð en hann langt
frá því að vera syfjulcgur. Þannig
gekk fram undir morgun, þá bauð
hann gestinum góða nótt. Varla var
ég sofnaður þegar Lúlla frænka mín
kom, að mér fannst fyrir allar aldir,
og bauð góðan dag og nýbakaðar
kökur,- og spjall um Sléttuna hófst
að nýju.
Leifur er ágætlega hagmæltur og
oft leitar hann fanga til þeirra hluta
norður á Sléttu.
Fyrir nokkrum árum barst honum
í hendur sæsorfinn steinn norðan af
Rifstanga. Um þann stein orti Leif-
ur:
Upprunanum aldrei gleymi
er sem hlýir geislar streymi
köldu, gráu grjóti frá.
Oft um vor í unaðs heimi
undradýrð þar mesta sá.
Eitt sinn sagði Lcifur mér að hann
færi aldrei að sofa fyrr en hann hefði
heyrt veðurfregnirnaf kl. 1:00 til
þess að vita hvernig veður væri fyrir
norðan. Já, Sléttan er Leifi kær og
frændur hans þar.
Eftir að þau Lúlla og Leifur fluttu
í Garðabæinn hélt Leifur áfrant
kennslu en hafði síðar umsjón með
bókasafni skólans. Þau ár annaðist
Lúlla kaffið fyrir kennarana ásamt
því að vera virk í mörgum félaga-
samtökum.
Andlát Lúllu var mjög þungt áfall
fyrir Leif enda var hún hans stoð og
stytta gegn um árin. Hún var ekki
síður gestrisin en hann og hvarvetna
hrókur alls fagnaðar.
Börn þeirra Leifs og Lúllu eru 4,
Eysteinn, Rannveig, Ingibjörg og
Erlingur.
Nú býr Leifur að Fannborg I í
Kópavogi.
Honum ásamt fjölskyldu hans færi
ég mínar bestu kveðjur í tilefni
dagsins og vona að ég megi enn um
langa hríð finna sterkt handtak
frænda míns.
Að lokum vil ég birta eina vísuna
enn eftir afmælisbarnið sem hann
orti fyrir nokkrum mánuðum:
Aukið göfgar ættir við,
örvið frændræknina.
Allra heilla eg þeim bið,
sem efla mannkostina.
Lifðu heill, kæri frændi.
Níels Árni Lund
Illllllllllllllllllll LESENDUR SKRIFA lllllllllllllllllllllllllllllllllllllllllÍIIIIIIIIIIIIIIIIIIIIll ÖLL ALMENN PRENTUN LITPRENTUN
QtranrlhAfln
TÖLVUEYÐUBLÖÐ
virciiiuiiuyy • Hönnun
á Reykjanesi • Setning • Filmu- og plötugerð
Þegar Steingrímur Hermannsson hafði unnið sinn mikla sigur í • Prentun
kosningunum, 25. apríl s.l. á Reykjanesi, kvað undirritaður þessa stöku: • Bókband
Frægur að sér fylgi dró, fyrr þó öndvert blési, Steingrímur þá strandhögg hjó, stæltur að Reykjanesi! PRENTSMIÐJAN | (^lÁÁcL hf.
Til hamingju, Steingrímur! Auðunn Bragi Sveinsson SMIÐJUVEGI 3, 200 KÓPAVOGUR
SÍML 45000
Grasfræ
Grasfræ
Höfum til afgreiðslu strax:
ADDA-vallarfoxgras
í 50 kg. sk., kr. 83.- pr. kg
LEIK-túnvingull
í 25 kg. sk., kr. 130.- pr. kg
PIMO-vallarsveifgras
í 50 kg. sk., kr. 288.- pr. kg.
Gerið verðsamanburð.
Hafið samband við sölumenn
til að tryggja tímanlega
afgreiðslu.
Bygging K á Landspítalalóð
Tilboð óskast í innanhússfrágang á hluta byggingar K á Landspítala-
lóð í Reykjavík. Húsið, sem er fjórar hæðir, auk þakhæðar, er nú
uppsteypt með ísettum og glerjuðum gluggum og fullfrágengið að
utan.
Stærð hússins er 19.060 m3 og heildargólfflötur um 4.600 m2.
Verkið felur í sér fullnaðarfrágang á tveimur neðstu hæðum hússins,
innrétting og lagnir, einangrun og múrhúðun útveggja tveggja efri
hæðanna með ofankerfi og fullnaðarfrágang á þakhæð sem lagna-
rými.
Auk þess uppsteypu á lagnastokk og loftinntaki. Verkinu á að skila í
tvennu lagi, svæði A, sem skilgrein er nánar í útboðsgögnum, skal
skila fullgerðu og lögnum að því svæði, eigi síðar en 1. maí 1988, en
verkinu öllu fulllokið 1. september 1988.
Útboðsgögn verða afhent á skrifstofu vorri Borgartúni 7, Rvk. gegn
30.000,- kr. skilatryggingu.
Tilboð verða opnuð á sama stað þriðjudaginn 7. júlí n.k., kl. 11.00.
Lausar stöður
Við námsbraut í hjúkrunarfræði við læknadeild
Háskóla íslands eru lausar til umsóknar eftirtaldar
stöður:
1. ) Staða dósents í hjúkrunarfræði, 50% staða.
Aðalkennslugrein: Hjúkrunarstjórnun
2. ) Staða dósents í sýkla- og ónæmisfræði, 37%
staða til fimm ára.
Laun samkvæmt launakerfi starfsmanna ríkisins.
Umsóknir ásamt rækilegri skýrslu um vísindastörf
umsækjenda, ritsmíðar og rannsóknir, svo og
námsferil og fyrri störf, skulu sendar til mennta-
málaráðuneytisins, Hverfisgötu 6, 150 Reykjavík,
fyrir 1. júlí 1987.
Menntamálaráðuneytið,
1. júní 1987.
PÓST- OG SÍMA
MÁLASTOFNUNIN
óskar að ráða
Loftskeytamann/
símritara/ritsímaritara
til starfa í Vestmannaeyjum. Nánari upplýsingar
verða veittar hjá stöðvarstjóra Pósts og síma í
Vestmannaeyjum.