Tíminn - 11.07.1987, Blaðsíða 3

Laugardagur 11. júlí 1987
Tíminn 3
Ríkisstjórnin brettir upp ermarnar:
Bráðabirgðalög um
efnahagsaðgerðir
Kynnt voru bráðabirgðalög um
samræmdar aðgerðir í peninga- og
ríkisfjármálum á blaðamannafundi í
gær.
Þorsteinn Pálsson forsætisráð-
herra sagði markmiðið með aðgerð-
unum vera að styrkja stöðu ríkis-
sjóðs og ná jafnvægi í efnahagsmál-
um. Forsætisráðherra sagðist vænta
þess að verðbólgan á þessu ári yrði
um 19%, sem er nokkuð fyrir ofan
spá Þjóðhagsstofnunar um 15%-
16% verðbólgu, vegna áhrifa sölu-
skattshækkana á framfærsluvísitölu-
na, en úr því drægi þegar viðskipta-
jöfnuður batnaði.
Ef það verður þá getum við búist
við verðbólgu innan við 10% á næsta
ári sagði Þorsteinn.
í fyrsta lagi er um að ræða bráða-
birgðalög, sem fjármálaráðherra
hefur gefið út til að auka tekjur
ríkissjóðs á þessu ári og því næsta.
Jón Baldvin Hannibalsson fjár-
málaráðherra sagði að aðgerðir sínar
væru bæði á sviði fjármála og pen-
ingamála til að treysta stöðu ríkis-
sjóðs og draga þar með úr lánsfjár-
þörf úr Seðlabanka og erlendis frá
og loks draga úr eftirspurnarþenslu.
Aðgerðir Jóns eru eins og öllum er
kunnugt fækkun undanþága frá sölu-
skatti, 25% söluskattur á tölvum og
farsímum; 10% söluskattur á mat-
vörum ýmis konar og þjónustu, sem
tekur gildi í upphafi ágústmánaðar.
Þá kemur bifreiðaskatturinn til
framkvæmda og verður hann lagður
hálfur á í ár, en 4 krónur á kíló á því
næsta.
Þá hefur fjármálaráðherra hækk-
að ríkisábyrgðargjald og lagt á lán-
tökugjald á erlend lán til þess að
draga úr eftirspurn lánsfjár.
Til að vega á móti þessum hækk-
unum eru aðgerðir til kjarajöfnunar.
Elli- og örorkulífeyrir verður hækk-
aður og tekjutrygging og heimilis-
uppbót þannig að þessi framlög
ásamt greiðslum úr lífeyrissjóðum
nái lágmarkslaunum. Þá verður
barnabótauki hækkaður úr 25.000
kr. í 30.000 kr. og kernur það til
framkvæmda við álagningu tekju-
skatts á þessu ári.
Enn hafa ekki verið teknar
ákvarðanir unt hækkun vaxta á spar-
iskírteinum ríkissjóðs, en verður
fljótlega. Mikið vantar á að salan
hafi verið í samræmi við markmið
um tekjuöflun á þessu ári eða um
einn milljarður. Vaxtahækkun á
þeim gæti jafnvel orðið meiri en þau
1,5%, sem talað cr um í málefna-
samningnum
Nettótekjur ríkissjóðs af þessum
aðgerðum eru áætlaðar 840 m.kr. í
ár og rúmlega 2,7 milljarðar á næsta
ári.
Reglur um fjármögnunarleigu, af-
borgunarviðskipti og krítarkortavið-
skipti eru einnig væntanlegar frá
viðskiptaráðuneytinu, en þær að-
gerðir eru ekki hugsaðar sem
tekjuöflun til ríkissjóðs heldur
bremsa á eftirspurnarþensluna.
I öðru lagi er um að ræða bráða-
birgðalög sem sjávarútvegsráðherra
gefur út um aðgerðir í sjávarútvegs-
málum. Halldór Ásgrímsson sagði
að um tvíþættar aðgerðir væri að
ræða. Frystar verða eftirstöðvar
endurgreiðslna söluskatts, sem veitt-
ar voru á fjárlögum 1987 til sjávarút-
vegsins. Áætlað er að upphæðin
nemi 200 milljónum það sem eftir er
ársins og verður hún látin renna til
Verðjöfnunarsjóðs og bundin þar til
ársloka 1988, en greidd út eftir það
í samræmi við reglur sjóðsins. Af
fjárveitingu til endurgreiðslu upps-
afnaðs söluskatts var ráðgert að 220
rn.kr. rynnu til Fiskveiðasjóðs. Hluti
af þessu fé eða um 100 milljónir
verða nú frystar á reikningi í Fisk-
veiðasjóði íslands. Pykir nú gott
svigrúm til að frysta þessar fjárhæðir
og minnka þcnslu, þar sem nýlega
hefur verið dregið úr greiðslum í
Verðjöfnunarsjóð og fiskverð einnig
gefið frjálst.
Síðari aðgerðin er að jafna að-
stöðu innan sjávarútvegsins með því
að leggja sambærilegt gjald á útflutn-
ing ísfisks í gámum og á unnar
fiskafurðir til útflutnings, sem er 25
aurar á hráefniskíló frysts fiskjar og
1,35 kr. á hráefniskíló saltfisks.
Verðjöfnunarsjóður á eftir að fjalla
um þetta mál og taka ákvörðun um
upphæð gjaldsins. En það verður í
nánd við dæmin að ofan. Lögin ná
ekki til fiskiskipa, sem sigla með
aflann.
Halldór sagði að gjaldið á ísfiskinn
mundi trúlega hafa einhver áhrif á
útflutning en vart mikil. Ekki færi
króna af þessu í ríkissjóð, heldur í
Verðjöfnunarsjóð, sem væri eign
sjávarútvegsins. Óeðlilegt væri að
fiskkaupcndur í Evrópu gætu keypt
hér fisk í salt án þess að borga í
Verðjöfnunarsjóð á meðan innlend-
ir verkendur gerðu það.
Loks gefur landbúnaðarráðherra
út bráðabirgðalög um aðgerðir í
landbúnaði þar sem lugt verður á 4
króna grunngjald á hvert kíló inn-
flutts kjarnfóðurs og rennur það allt
í ríkissjóð. Jón Helgason sagði að
verð á korni til útflutnings hcfði
lækkað mjög að undanförnu eða um
25% vegna niðurgreiðslna viðkom-
andi ríkja, sem er hlutfallslega meira
en nemur kjarnfóðurgjaldinu. Ekki
er gert ráð fyrir að þetta gjald valdi
hækkun á kjarnfóðurlið mjólkur- og
sauðfjárafurða, þar sem þessar og
aðrar aðgerðir stjórnvalda muni
draga úr notkun erlends kjarnfóð-
urs, sem þá vegur þar á móti.
ÞÆÓ
Banaslys í
umferðinni
Einn maður lést og annar slas-
aðist alvarlega þegar fólksbíll og
jeppi rákust saman á blindhæð í
grennd við Þórisvatn í fyrradag.
Farþegi í fólksbílnum var lát-
inn þegar að var komið og öku-
maður bílsins var alvarlega slas-
aður. Hann var fluttur á slysa-
deild Borgarspítalans með þyrlu
Landhelgisgæslunnar. Tveir
menn voru í jeppanum og sluppu
þeir báðir með minniháttar
meiðsli. - ES
Missti hand-
legg í dráttar-
vélarslysi
Þrettán ára stúlka missti handlegg
í vinnuslysi í Gnúpverjahreppi í
fyrrakvöld. Slysið varð með þeim
hætti að stúlkan fór með handlegg í
drifskaft milli dráttarvélar og hey-
vagns, með þeim afleiðingum að
upphandleggur fór í sundur. Þá
meiddist stúlkan talsvert á höfði.
Leiðrétting
Leiðinleg mistök urðu íTíman-
um í gær. f frétt þar sem sagt var
frá höfðinglegri gjöf til Háskóla
íslands var rangt farið með nafn
annars gefandans. Gefendur voru
hjónin Margrét Finnbogadóttir
og Sigurgcir Svanbergsson. Sig-
urgeir var nefndur Sigurður í
blaðinu í gær, en það er bróðir
hans. Biðjum viö hlutaðeigendur
afsökunar á þessum mistökum.
Laugardaginn 18. júlí nk.
Farin verður
FJALLABAKSLEŒ) SYÐRI
upp úr Fljótshlíð um Emstrur og Mælifellssand og
komið niður í Skaftártungu
Ávörp flytja: Guðmundur G. Þórarinsson og
Jón Helgason
Lagt af stað frá Nóatúni 21 klukkan 8.

f
Verðkr. 1.200,-fyrirfullorðna,
kr. 700,- fyrir 7-15 ára og
ókeypis fyrir þá yngstu.
Mætið stundvíslega
og munið eftir að
taka með ykkur nesti
Nánari upplýsingar og
skráning í síma 24480.
FRAMSÓKNARFÉLÖGIN í REYKJAVÍK