Tíminn - 13.08.1987, Blaðsíða 2
2 Tíminn
Fimmtudagur 13. ágúst 1987
Aöalfundur Sambands eggjaframleiðenda:
Aöalfundur Sambands cggja-
framleiðenda var haldinn að Hótel
Sögu á þriðjudag. Þarvarm.a. rætt
um lélega afkomu bænda og ástæð-
ur hcnnar.
Eggjaframleiðendur telja að það
vcrð sem þeir fá fyrir eggin sé á
bilinu 40 til 80% undir því verði
sem kostar að framleiða þau. Hins
vegar segja þeir að „frjáls" álagn-
ing kaupmanna á egg sé að meðal-
tali um 50% þannig að kaupmaður
sem kaupir cgg af bónda fyrir 100
krónur selur þau síðan á 150
krónur.
Eins og neytendur hafa kannski
tekið eftir kosta egg næstum því
það sama í öllum búðum, hvar sem
er á landinu, þrátt fyrir frjálsa
álagningu á eggjum.
Eggjaframleiðendur telja að
kaupmenn hafi ákvcðið að halda
útsöluverði á eggjum cn láta niður-
boðin bitna á framleiðendum sem
þýðir um leið að neytcndur fá að
njóta lágs verðs á eggjum frá
framleiðendum. Framleiðendur
pakka eggjunum, verðmerkja og
koma ntcð þau tilbúin til sölu til
kaupmanna og eiga meira að segja
grindurnar sem eggjapakkarnir
standa í inni í búðunum. Því telja
þeir álagningu kaupmanna fyrir
neðan öll velsæmismörk.
Á aöallundinum komu fram til-
lögur um að eggjabændur seldu
egg sín sjálfir á markaði beint til
neytcnda, en margir töldu að það
yrði einungis til þess að undirboðið
yrði ennþá meira, vegna þcss að
slíkri samkeppni myndu kaup-
menn mæta tímabundið. Menn
nefndu dæmi þess að framlciðend-
ur hefðu reynt að fá verslanir til að
kaupa egg á enn lægra verði en
gangverði til bænda, gegn því að
lækka verð á eggjurn hjá sér og láta
neytendur njóta lægra eggjaverðs,
en kaupmenn hafi ekki verið til
viðræðu um það.
Á aðalfundinum var stjórninni
cinnig falið að vinna að því að
sameina að nýju Samband eggja-
framleiðenda og Félag alifugla-
bænda, en Félag alifuglabænda
sagði sig úr Sambandi eggjafram-
leiðenda þegar eggjadreifingastöð-
in ísegg var stofnuð sem sölufélag
og öllum meðlimum félagsins var
gert að skyldu að selja þar í gegn.
ABS
Samband eggjaframleiðenda á aðalfundi á Hótel Sögu.
Tímamynd: Pjetur
Alþingismaöur flæktur í kvótasvindl?:
„Ósannindi og uppdiktun
sjávarútvegsráðuneytis“
- segir Skúli Alexandersson, alþingismaöur
Eins og sagt var frá f Tímanum í
fyrradag, hefur sjávarútvegsráðu-
neytið, í samvinnu við flest sölu-
samtökin, unnið að umfangsmikilli
rannsókn á ýmsum fyrirtækjum
varðandi möguleika á kvótasvindli.
Eftir ítarlega könnun gátu öll fyrir-
tæki, nema fimm, hreinsað sig af
gruninum. En það eru ekki allir
sáttir við þessa könnun ráðuneytis-
ins. Einn þeirra sem ósáttur er, er
Skúli Alexandersson, þingmaður
Alþýðubandalagsins, og fram-
kvæmdastjóri Jökuls hf. á Hellis-
sandi. Hann hafði samband við
Tímann út af málinu og hafði ýmis-
legt við athuganir sjávarútvegsráðu-
neytisins að athuga.
„Samkvæmt athugunum ráðu-
neytisins og tilbúnum rökum þess
sjálfs, vantar 120 tonn af þorski til
að Jökull hf. geti staðið undir fram-
leiðslu. Þetta segi ég að séu alger
ósannindi og uppdiktun hjá ráðu-
neytinu. Þeirra rök fyrir þessu eru
tilbúnar reglur, sem þeir hafa sjálfir
búið sér til, svipaðar reglum sem
búnar voru til fyrir austan tjald og
Stalín gamli og Hitler notuðu á sín-
um tíma, og dæma síðan eftir. Þeir
hafa ekki leitað til neinna aðila sem
þcir geta borið fullyrðingar sínar
saman við. Þeir hafa ekki fundið þá
aðila sem hafa landað hjá okkur og
þar af leiðandi hafa þeir ekki getað
sannað hvaðan þessi afli hefur kom-
ið og þeir hafa ekki tekið mark á
mínum fullyrðingum um það að
þeir væru að fara með ranga hluti,“
sagði Skúli í samtali við Tímann.
Hann gagnrýnir mjög aðferðir
ráðuneytisins og segir reglur þeirra
meðalreglur gerðar til að búa til
meðalskussa úr íslenskum sjávarút-
vegi. Hann bendir á að mismunur á
nýtingu fyrirtækja geti verið mjög
mikill og Jökull hf. sé vel rekið
fyrirtæki með góða nýtingu, mun
betri en hjá „sumum skussafyrir-
tækjum" eins og hann orðaði það.
„Þeir eru að ráðast á þetta fyrir-
tæki með ósönnum hlutum. Ráðast
á mig, sem er alþingismaður og
jaðrar við að gera mig óvirkan í
mínum störfum og sérstaklega í
þeirri stöðu sem ég hef verið í sem
einn aðalgagnrýnandi kvótakerfis-
ins, sem ráðuneytið hefur beitt sér
mjög fyrir. Með áburði ráðuneytis-
ins eru þeir að gera mig óvirkan í
ákveðinn tíma þar til ég er búinn að
hrista þetta slyðruorð af mér, sem
verður erfitt fyrir mig vegna þess að
ráðuneytið mun leggja sig allt fram
við að halda sínum heiðri og sínum
fullyrðingum gildum, hve rangar
sem þær eru. Það er mjög auðvelt
að kippa úr hópi landsmanna,
ákveðnum hópi og það að laumast
með óþverrann í stað þess að nafn-
greina fyrirtækin, er enn verra. Mér
barst tilkynningin um þetta fyrst í
rnorgun" sagði Skúli að lokum.
Sjávarútvegsráðuneytið vildi ekki
tjá sig um þetta mál að svo stöddu.
-SÓL
Svisslendingur viö
Landmannalaugar:
Fékk hjarta-
áfall og
sóttur af
Gæslunni
Lögreglan á Hvolsvelli til-
kynnti Landhelgisgæslunni rétt
eftir 19 á þriðjudagskvöldið um
brátt hjartaáfall við Landmanna-
laugar og bað um að þyrla gæsl-
unnar, TF-SIF yrði send á staðinn
með lækni.
Þyrlan fór í loftið fimm mínút-
um fyrir átta og lenti á Borgar-
spítalanum fimmtán mínútum
fyrir tíu með manninn innan-
borðs. Maðurinn er svissneskur
ferðamaður og er hann nú á
Landsspítalanum.
Fiskitölur júlímánaöar:
Heildarafli eykst
íslenski fiskiskipaflotinn heldur
áfram að moka fiskinum á land og
samkvæmt nýútkomnum fiskitöl-
um Fiskifélags íslands um júlímán-
uð hefur heildarafli landsmanna
aukist um tæp 170 þúsund tonn
milli ára.
Heilarþorskafli landsmanna í
mánuðinum var 43.227 tonn, á
móti 30.864 tonnum í sama mánuði
í fyrra. Þar af veiddu togararnir
28.392 tonn í júlí, en veiddu 19.023
tonn í sama mánuði 1986.
Heildarafli landsmanna það sem
af er árinu cr orðinn 969.333 tonn.
cn var 799.978 tonn fyrstu sjö
mánuði ársins 1986. Togarar hafa
veitt 244.463 tonn, en veiddu
224.911 tonn frá janúar til júlí í
fyrra. Bátar hafa hins vegar aukið
afla sinn úr 575.067 tonnum 1986 í
724.870 tonn í ár.
Sem fyrr eru það Vestmannae-
yingar sem eru atkvæðamestir í
fiskeríinu, veiddu í júlí samtals
6.100 tonn, síðan Reykvíkingar
með 4.411 ton,n og í þriðja sæti cru
ísfirðingar með - 4.069 tonn.
Heildarafli Vestmannaeyinga er
orðinn 135.342 tonn á árinu 1987,
en var 112.728 tonn á sama tíma í
fyrra. -SÓL
Hreindýraveiðar í Norðfjarðarhreppi:
Deilur seinka veiði
I Norðfjarðarhreppi er hreindýra-
veiði nú fyrst að hefjast eftir að
deilur innan hreppsins hafa tafið
talsvert fyrir. Veiðitímabilið átti að
hefjast 1. ágúst og standa til 15.
september. Þó er allt útlit fyrir að
hægt verði að veiða öll 52 dýrin sem
Menntamálaráðuneytið hefur heim-
ilað hreppnum.
Deilurnar fólust í því að menn af
nokkrum bæjum tóku sig saman um
að óska eftir því að annar skotmaður
yrði fenginn til veiðanna. Skipulag
þessara mála er með ýmsu móti eftir
hreppum en í Norðfjarðarhreppi
hefur Svavar Björnsson í Neskaup-
stað verið hvort tveggja eftirlitsmað-
ur veiðanna og skotmaður. Þóttu
þeim er hófu deilurnar full hátt gjald
að greiða honum 3000 kr. fyrir hvert
dýr og vildu lækka verðið og skipta
inn nýjum mönnum. Einn þeirra er
bóndi í sveitinni. Orsök þess að ekki
var hægt að taka vilja þessara manna
til greina, að sögn oddvitans Hákon-
ar Guðröðarsonar, var aðallega sú
að hann var ekki birtur hreppsnefnd
fyrr en s.l. föstudag, eftir að veiði-
tíminn hófst.
Eftirlitsmaður er skipaður af
menntamálaráðherra eftir tilnefn-
ingu hreppsnefndar og í smærri
hreppum er víða gripið til þess að
hafa einn og sama manninn í báðum
embættum. Það eina sem mælirgegn
því er að eftirlitsmaðurinn á m.a. að
hafa eftirlit með skotmanninum.
Hefur Svavar gegnt báðum störfun-
um að undanförnu og allt útlit er
fyrir að svo verði áfram um sinn.
Samkvæmt ákvörðun Mennta-
málaráðuneytis er hreppum veitt
veiðiheimild á ákveðinn fjölda dýra
og skal veiðin gerð út á kostnað
sveitarsjóðs. Sveitarsjóður sér síðan
um að úthluta tekjunum er ganga af
til lögbýla. Það er gert á grundvelli
þess að í lögum er kveðið á um að
tekjur af veiðum þessum skuli renna
til þeirra lögbýla sem verða fyrir
tjóni af ágangi hreindýra. Ekki er
um það að ræða í Norðfjarðarhreppi
og þess vegna er tekjunum deilt
jafnt út á öii 15 lögbýlin eftir að
kostnaður við veiðarnar hefur verið
greiddur.
KB