Tíminn - 01.09.1987, Blaðsíða 4
4 Tíminn
Þriðjudagur 1. september 1987
Kór Langholtskirkju:
Verkefni vetrarins
mörg og fjölbreytt
Vetrarstarf Kórs Langholtskirkju
hefst nú í byrjun september. Fyrstu
tónleikarnir verða haldnir 25. októ-
ber. Það verða minningartónleikar
um Guðlaugu Pálsdóttur, en hún var
félagi í kórnum um árabil. Minning-
arsjóður hefur verið stofnaður af
foreldrum hennar og systkinum og
er höfuðtilgangur sjóðsins að styrkja
Kór Langholtskirkju. Jafnframt
kostar sjóðurinn tónlistarflutning í
einni messu á ári þar sem hægt
verður að flytja verk með hljómsveit
og einsöngvurum. Á þessum fyrstu
tónleikum verða fluttar þrjár kantöt-
ur eftir J.S.Bach; Actus tragicus
Afrekssjóöi komið á meö
stórmeistarafjölteflinu
Meistari teflir
við meistara
Jóhann Hjartarson, stórmeistari
og námsmaður mun á föstudaginn
takast á við tvo heimsmeistara,
alþjóðlega meistara, íslandsmeist-
ara og sveit Norðurlandameistara,
í þeirri göfugu íþrótt skákinni í
stórfenglegu fjöltefli á Lækjar-
torgi, nánar tiltekið á útitaflinu.
Jóhann mun tefla við heims-
meistara barna, Héðin Steingríms-
son, heimsmeistarasveina, Hannes
Hlífar Stefánsson, þá Þröst Þór-
hallsson og Davíð Ólafsson, sem
báðir hafa náð sínum fyrsta áfanga
að alþjóðlegum meistaratitli, Guð-
fríði Lilju Grétarsdóttur, íslands-
meistara kvenna í skák og nýbak-
aða Norðurlandameistara í skóla-
skák, hina öflugu skáksveit Selja-
skóla. Þetta verður klukkufjöltefli
og hefst klukkan 13.30 á föstudag-
inn.
Með þessu fjöltefli hefst söfnun
í sérstakan afrekssjóð Skáksam-
bands íslands til að styðja við
bakið á ungum og efnilegum skák-
mönnum sem þurfa að berjast á
alþjóðlegum vettvangi fyrir rétti
sínum. Fyrsta verkefni þessa sjóðs
verður að styðja Jóhann Hjartar-
son í undirbúningi sínum fyrir
baráttunni sem framundan er.
Það eru Tomma hamborgarar
og Stjarnan sem halda Reykjavík-
urdaginn á Lækjartorgi og auk
skákmótsins verður boðið upp á
hin ýmsu skemmtiatriði.
- SÓL
Athugasemd frá Sölustofnun lagmetis:
Tilhæfulaus árás
á íslenskan
útflutningsiðnað
nr.106; Mildi Guð, nær mun eg
deyja nr. 8 og Komm, du susse
Todestunde.
29. og 30. desember verður fyrri
hluti Jólaóratoríu Bachs fluttur, en
flutningur hennar er orðin hefð hjá
kórnum. Verður þetta fimmta skiftið
að kórinn flytur verkið.
Eftir áramót hefjast síðan æfingar
á tveim verkum. Annars vegar Missa
Solemnis eftir Beethoven sem kór-
inn syngur ásamt Mótettukór Hall-
grímskirkju með Sinfóníuhljómsveit
Islands í maí, en stjórnandi verður
Reinhart Scwartz frá Þýskalandi.
Hitt verkið er nýtt verk eftir
Gunnar Reyni Sveinsson við texta
Birgis Sigurðssonar,“Á Jörð erfu
kominn". Þetta er kantata með jass-
ívafi. Flytjendur ásamt kórnum
verða Hljómeyki, kvartettinn Emil
og fjórir einsöngvarar, Blásarakvint-
ett Reykjavíkur og fimm jassleikarar
og orgel. Verkið verður frumflutt í
Langholtskirkju á listahátíð hinn 11.
júní.
IDS
Hluti af stjórn Kórs Langholtskirkju ásamt stjórnanda kórsins Jóní Stefans-
syni. Tímamynd Pjetur
Ný markaðsstefna hjá Hótel Sögu:
Gullfoss og Bláa lónið
komið til Reykjavíkur
Gullfoss og Bláa lónið er innan
marka Reykjavíkur samkvæmt mar-
kaðssetningu Hótel Sögu erlendis.
Þó íslendingum finnist þessi stað-
hæfing kyndug í meira lagi þá er hún
meira en góð og gild þegar hótelið
lýsir þeirri aðstöðu sem það hefur að
bjóða.
í kjölfar þeirrar stækkunar á
hótelinu sem nú er orðin og þeirrar
auknu samkeppni sem komin er í
hótelrekstur í Reykjavík hefur
hótelstjórnin tekið upp ákveðna
markaðsstefnu og sérhæfingu. Hótel
Saga leggur nú mikla áherslu að
komast inn á hinn alþjóðlega árang-
ursferðamarkað jafnframt því að að
bjóða upp á mjög fullkomna ráð-
stefnuaðstöðu sem hentar vel fyrir
alþjóðlega fundi og ráðstefnur. Það
er í tengslum við þessa stefnumörk-
un sem Hótel Saga auglýsirfyrrnefn-
da staði innan Reykjavíkur.
Að sögn Bjarna Sigtryggssonar
markaðsstjóra Hótels Sögu eru
svokallaðar árangursferðir fyrir-
tækja sífellt að verða algengari. Þá
verðlauna stórfyrirtæki bestu sölu-
menn sína með sérstökum ævintýra-
ferðum til staða sem þeir annars
ferðuðust síður til og hvetja sölu-
menn sína þannig til aukinna af-
kasta. Sem dæmi um það var hinn
700 manna hópur sem kom hingað
til lands í sumar á vegum IBM
stórfyrirtækisins. Að sögn Bjarna er
Reykjavík og Hótel Saga kjörinn
staður fyrir slíkar ferðir. Á Hótel
Sögu sé allt sem til þyrfti í gisti og
fundaraðstöðu og frá Reykjavík væri
stutt á athyglisverða staði eins og
Gullfoss og Bláa lónið sem er mjög
vinsælt af útlendingum.
Nú hefur Hótel Saga tekið í notk-
un fjóra nýja fullkomna ráðstefnu-
sali með fullkomnum tæknibúnaði
sem uppfyllir fyllstu kröfur sem
gerðar eru í þeim efnum. Þá sé í
hótelinu ný heilsuræktarstöð, ný
skemmtileg kaffi og matarstofa auk
þeirrar aðstöðu sem fyrir var. Þegar
Háskólabíó hefur lokið við byggingu
á nýjum sýningarsölum sem nýtast
munu til fyrirlestra í Háskólanum
sagði Bjarni að við Hagatorg væri
komin aðstaða til stórráðstefnuhalds
sem uppfyllti vel skilyrði sem
gerð væru til ráðstefnuhalla í stór-
borgum erlendis.
- HM
Tíminn hefur verið beðinn um að
birta eftirfarandi athugasemd:
f frétt fréttatíma Stöðvar 2, mið-
vikudagskvöldið 26. ágúst s.l. var
afar ómaklega vegið að íslenskum
matvælaiðnaði og þó sérstaklega lag-
metisiðnaði landsmanna, þegar fjall-
að var um dós af gaffalbitum sem
gefin var í Alþjóðlegu fjölmiðlamið-
stöðinni í tengslum við leiðtogafund-
inn fyrir tæpum 11 mánuðum. Af
þessu tilefni vill Sölustofnun lagmet-
is koma eftirfarandi á framfæri:
Á meðan leiðtogafundurinn stóð
var starfrækt sérstök íslandsmiðstöð
fyrir erlenda fréttamenn í Haga-
skóla, þar sem lögð var áhersla á að
kynna m.a. ferðaþjónustu, útflutn-
ingsvöru og íslensk matvæli undir
stjórn Útflutningsráðs íslands. Sölu-
stofnun lagmetis sýndi þar útflutn-
ingsvörur sínar og var erlendum
blaðamönnum gefinn kostur á að
smakka' ýmsa rétti og fengu ef þeir
óskuðu, sýnishorn með sér heim.
Áletranir voru á ýmsum erlendum
málum, þ.á m. rússneskar á þeirri
vöru sem ætluð er fyrir sovéskan
markað, en sú vara var sett fram
sérstaklega fyrir sovéska blaðamenn
sem hér voru.
Dósin sem fréttamaður Stöðvar 2
sá ástæðu til að nota til að kasta rýrð
á íslenskan útflutning, innihélt gaff-
albita og áletrunin var á rússnesku.
Þar stóð skýrum stöfum að vöruna
bæri að geyma við lágt hitastig í kæli
og að líftími hennar væri 6 mánuðir.
Umrædd vara er einvörðungu fram-
leidd fyrir sovéskan markað.
Fréttamaður sá er hlut átti að máli
gerði enga tilraun til að afla sér
upplýsinga hjá S.L. um þessa dós,
sem verið hefur í eigu viðkomandi í
tæpt eitt ár, eða til að fá einhvern til
að þýða rússneska vörulýsinguna
fyrir sig. Heldur var tækifærið notað
til þess að sverta íslenskan mat-
vælaiðnað að tilefnislausu.
Sölustofnun lagmetis vill upplýsa
eftirfarandi um niðurlagningu gaffal-
bita:
1. Líftími niðurlagðra gaffalbita
er 6 mánuðir eftir framleiðslu, að
því tilskildu að þeir séu geymdir í
kæli.
2. 11-12 mánaðagamlirgaffalbitar
eru orðnir ónýt vara, jafnvel þótt
geymdir séu í kæli. Við þetta langa
geymslu eyðist fiskmetið í sósulegin-
um, þannig að innihald dósarinnar
líkist dökkri sósu.
Þetta hefði fréttamaður Stöðvar 2
getað fengið upplýsingar um ef hann
hefði viljað vanda vinnubrögð sín og
segja satt og rétt frá, fremur en að
gera tilhæfulausa árás á íslenskan
útflutningsiðnað.
Konráð Sigurðsson hótelstjóri ó Hótel Sögu tekur léttan sprett á þrekhjólinu í nýju heilsuræktarstöð-
inni á hótelinu.