Tíminn - 06.09.1987, Side 4

4 Tíminn
Sunnudagur 6. september 1987
Sunnudags-
LEIDARI
Ökumenn og
foreldrar veri vakandi
Um þessar mundir eru skólar aö hefja starfsemi
sína og þúsundir barna streyma út á göturnar þessa
fyrstu daga í september. Þessi mánuður hefur oft
verið okkur dýrkeyptur og tekið sinn toll í gegnum
tíðina. Hugur yngstu barnanna er þrunginn eftir-
væntingu þar sem þau eru að taka sín fyrstu skref
á skólabrautinni. Þeim er gjarnt að gleyma sér í
öllum spenningnum og er því brýnt að ökumenn
fari varlega.
Ekki síður ættu allir foreldrar að vera vakandi
°g fylgja börnum sínum í skólann fyrstu dagana og
kenna þeim að varast hætturnar.
Það hefur margoft sýnt sig, að bestu veðurskil-
yrði eru ekki til þess að fækka slysum. Þvert á móti
virðist sem ökumenn gæti frekar að sér í rigningu
og slæmu skyggni. Septembersólin getur líka verið
varasöm þar sem hún er lægra á lofti og skín þvf í
augu og hamlar skyggni.
Það má segja að á þessu sé hamrað á hverju
hausti, en góð vísa er víst aldrei of oft kveðin. Bílar
hafa heldur aldrei verið eins margir á götum
borgarinnar, en gatnakerfið að sama skapi ekki
fylgt þeirri þróun sem aukinn bílafjöldi útheimtir.
Það er því meiri ástæða en nokkru sinni fyrr að fara
með gát og ættu því allir að taka höndum saman
og fara nú varlega og hafa það hugfast að með því
er hægt að koma í veg fyrir örkuml og jafnvel
dauða.
Það er síðan önnur saga og raunar sér kapítuli
útaf fyrir sig, að foreldrar í þessu vinnusama
þjóðfélagi hafa hreint engan tíma til að vera heima
og styðja börn sín þegar þau hafa hvað mesta þörf
fyrir þau. Ekki er það svo lítið álag fyrir lítil börn
og reyndar er það nokkurskonar vendipunktur í
lífi þeirra þegar þau hefja sitt skólanám.
Að vísu búa einhverjir við þær aðstæður að geta
verið heima við þegar börnin byrja í skóla og
sumar mæður jafnvel hætt að vinna utan heimilis,
en það er ekki öllum gefið. Skólakerfið býður
heldur ekki uppá það langa vistun í skólanum, að
mæður geti unnið utan heimilis hluta úr degi.
Reyndar hefur einn skóli í höfuðborginni tekið
upp það kerfi að gefa börnum kost á sex klukku-
stunda vistun og hefur það gefist vel, og gefið öðru
foreldrinu kost á að vinna utan heimilis hluta úr
degi áhyggjulaust.
Það er því vonandi að fræðsluyfirvöld haldi
áfram á þeirri braut og innleiði slíkt kerfi í alla
skóla, það er víst tími til kominn, því algjör
molbúaháttur hefur tíðkast í þessum efnum hér á
landi til þessa.
Krafa foreldra er samfelldur skóladagur, sem,
myndi gjörbreyta allri aðstöðu þeirra til uppeldis
barna sinna.
Umsjón Helgarblaðs:
Atli Magnússon
Bergljót Davíðsdóttir
Kristján Björnsson

llllllllllllllllll! ERLEND mAl llllllllllllllllllllllillllllllllllllllllllllllllllllllillllllllllllllllllilllllllllllllillllllllllllllllllllPórarinn Þárarinssonl
Þórarinn Þórarinsson:
Helmut Kohl kom Ellemann-
Jensen í opna skjöldu
Vaxandi athygli beinist að flokki Glistrups
Yfirlýsing Kohls kom Uffe Ellemann-Jensen illa
EF MARKA má skoðanakann-
anir í Danmörku hvílir mikil óvissa
yfir fingkosningunum sem fara
fram á þriðjudaginn kemur.
í fyrsta lagi er óvissa um það,
hvort stjórnarflokkarnir fjórir,
ásamt fimmta stuðningsflokknum,
halda meirihluta sínum á þingi,
eða hvort hann fellur stjórnarand-
stæðingum í hlut.
( öðru lagi er óvissa um, hvernig
skiptingin verður milli stjórnar-
flokkanna innbyrðis. Hvað stjórn-
arandstöðuna snertir, þykir það
víst, að sósíaldemókratar muni
tapa, en Sósíaliski þjóðarflokkur-
inn vinna á, og að þriðji stjórnar-
andstöðuflokkurinn, vinstri sósíal-
istar, muni þurrkast út, þ.e. að
hann nái ekki 2% af greiddum
atkvæðum, en það er skilyrði fyrir
því, að flokkur fái þingsæti.
Eftir að kosningabaráttan hófst,
hefur bæst við enn ein óvissan, sem
er sú, hvort Framfaraflokkur Glis-
trups nái úrslitavaldi á þinginu og
borgaralegu flokkarnir geti ekki
myndað stjórn nema með stuðningi
eða hlutleysi hans. Nokkrar líkur
þykja benda til þess, því að fylgi
flokksins fer heldur vaxandi, ef
dæma má eftir skoðanakönnunum.
Tvær fyrstu vikur kosningabar-
áttunnar voru frekar litlausar, en
ef til vill verður þriðja og síðasta
vikan með öðrum svip.
Segja má, að fyrstu vikurnar hafi
það verið tveir menn, sem settu
svip á hana. Annar var Glistrup
vegna þess, að skoðanakannanir
spáðu flokki hans vaxandi fylgi.
Hinn var Helmut Kohl kanslari
Vestur-Þýskalands, sent kom á
óvart, þegar hann tilkynnti, að
stjórn hans væri fús til að eyði-
leggja hinar umdeildu 72 eldflaug-
ar, ef það greiddi fyrir samkomu-
lagi risaveldanna um eyðingu með-
aldrægra eldflauga.
Yfirlýsing Kohls kom Uffe Elle-
mann-Jensen utanríkisráðherra
illa, þvt' að hann hafði varið það af
miklum móði, að það væri nauð-
synlegt vörnum Atlantshafsbanda-
lagsins, að umræddar eldflaugar
væru ekki eyðilagðar. Þetta hafði
leitt sérstaklega til deilna milli
hans og Lasse Budtz, helsta tals-
manns sósíaldemókrata í utanrík-
is- og varnarmálum. Lasse Budtz
gat nú haldið því fram, að hann
hefði haft rétt fyrir sér.
Vörn Ellemann-Jensens var
einkum sú, að bæði hann og utan-
ríkisráðherrar fleiri Natólanda,
hefðu verið búnir að hvetja vestur-
þýsku stjórnina til undanláts, þótt
þeir hefðu talið rétt að segja það
ekki opinberlega. Frá þessu hefði
hann verið búinn að segja á fundi
utanríkismálanefndar þingsins, þar
sem Lasse Budtz átti sæti og vissi
vel um þetta. Síðar upplýstist, að
ráðherrar íhaldsflokksins í stjórn-
inni hefðu viljað fyrir nokkru, að
sagt yrði opinberlega frá þessari
afstöðu dönsku stjórnarinnar, en
Ellemann-Jensen staðið á móti því
og opinberlega varið stefnu vestur-
þýsku stjórnarinnar til síðustu
stundar.
Ellemann-Jensen er ákafur
stuðningsmaður Nató og taldi það
koma Nató best, að ágreiningi
innan þess yrði haldið leyndum.
ELLEMANN-JENSEN er for-
maður Vinstri flokksins gamla,
sem er annar stærsti stjórnarflokk-
urinn. Óljóst er, hvort þessi deila
hefur einhver áhrif á stöðu
flokksins. Hún gæti veikt hann í
vinstri kantinn, en styrkt hann í
hægri kantinn, sem snýr að stærsta
stjórnarflokknum, íhaldsflokkn-
um, sem er undir forustu Schlúters
forsætisráðherra. Þetta gæti orðið
til þess, að íhaldsflokkurinn fengi
minni fylgisaukningu en honum
var spáð um skeið.
Önnur hætta og meiri vofir þó
yfir íhaldsflokknum. Það er ekki
talið útilokað, að tveir hinir stjórn-
arflokkarnir, Kristilegi flokkurinn
og miðdemókratar, missi svo mikið
fylgi, m.a. til íhaldsflokksins, að
þeir falli út úr þinginu, og dragi fall
stjórnarinnar með sér á þann hátt.
Einkum hefur Kristilegi flokkurinn
verið talinn í fallhættu. Það er ekki
ósennilegt, að einhverjir, sem ella
hefðu kosið íhaldsflokkinn, telji
hyggilegra að kjósa Kristilega
flokkinn eða miðdemókrata undir
Íiessum kringumstæðum. Fylgi
haldsflokksins gæti því orðið
minna af þessum ástæðum en ella.
EINS OG ÁÐUR segir, spá
skoðanakannanir Framfaraflokki
Glistrups auknu fylgi og jafnvel
það miklu, að hann fái oddavaid á
þinginu, og núverandi stjórn geti
ekki haldið áfram nema með stuðn-
ingi eða hlutleysi hans. Það mun
aftur á móti kosta, að stjórnin
missir stuðning Róttæka flokksins.
Foringjar flokksins hafa lýst yfir
því, að þeir vilji ekkert nálægt
stjórninni koma, ef hún verður á
einhvern hátt háð flokki Glistrups.
Leiðtogar Glistrupsflokksins
hafa skilið þetta. Helst hefðu þeir
viljað losna við Glistrup, en fylgi
hans reynst það mikið í Kaup-
mannahöfn, að hann náði öruggu
sæti á framboðslista flokksins þar.
Glistrup sóttist eftir því að verða
talsmaður flokksins á sjónvarps-
fundi flokkanna, sem verður hald-
inn fáum dögum fyrir kosningarn-
ar. Hann beið lægri hlut fyrir helsta
keppinauti sínum, sem var Pia
Kjærsgaard, en hún hefur verið
helsti talsmaður flokksins á þingi
síðustu árin og þótt reynast vel.
Glistrup hefur nú fengið þá sára-
bót að hann verður fulltrúi flokks-
ins þegar talsmenn flokkanna ræða
um úrslit kosninganna.
Ýmislegt bendir til, að þéssi
fundur geti orðið örlagaríkur, og
margir kjósendur ákveði sig ekki
fyrr en eftir hann.
Bæði af hálfu Piu og Glistrups er
lýst yfir því, að Framfaraflokkur-
inn muni ekki bregða fæti fyrir
stjórn borgaralegra flokka, því að
flokkurinn vilji ekki stuðla að því,
að sósíaliskir flokkar nái völdum.
Flokkurinn muni því ekki greiða
atkvæði með vantrausti né fella
stjórnina í atkvæðagreiðslum varð-
andi deilumál hennar og stjórnar-
andstöðunnar. Þessum loforðum
flokksins virðist illa treyst almennt,
því að Glistrup sé til alls trúandi,
ef hann sjái sér hag í því.
Af hálfu stjórnarflokkanna er
lýst yfir því, að flokkur Glistrups
muni ekki undir neinum kringum-
stæðum fá sæti í stjórninni. Ekki er
talið ólíklegt, að uppgangur flokks
Glistrups reynist óbeinn stuðning-
ur við stjórnarandstöðuflokkana.
Það einkennir talsvert kosninga-
baráttuna, að allir flokkar virðast
viðurkenna, að horfur séu uggvæn-
legar í efnahagsmálum Dana. Dan-
ir þarfnist því traustrar stjórnar
eftir kosningarnar, en ekki virðast
miklar líkur á, að þeir fái slíka
stjórn hver sent úrslitin verða.