Tíminn - 06.09.1987, Síða 5

Sunnudagur 6. september 1987
Tíminn 5
II VlSNAÞÁTTUR lllllllllllllllllllllllllllllllllllllllllllllll 6. þáttur
Sit með snilli Sauðafjöll
Þegar Haraldur Kristjánsson,
sem lengi bjó að Sauðafelli í
Dölum varð fimmtugur kvað
Ragnheiður Guðmundsdóttir,
húsfrú á Svínhóli til hans svo.
Sit með snilli Sauðafjöll
sólin gylli vegi.
Við skulum hylla Harald öll
hans á tyllidegi.
Þessi vísa er eftir ókunnan
höfund, kröfuharðan.
Peim er ekki gáfan góð
gefin af náttúrunni,
sem að ekki lærir Ijóð
lesið einu sinni.
Næstu tvær vísur eru eftir Þor-
stein Kristinsson á Dalvík.
Á ferð yfír Holtavörðuheiði.
Úr öllum skörðum skefur hér
skyggir á fjörðinn Húna.
Holtavörðuheiðin er
heldur örðug núna.
Á ferð yfír Öxarfjarðarheiði.
Petta er Ijótur djöfladans
drynur Ford af reiði.
Farðu öll til andskotans
Öxarfjarðarheiði.
Maður nokkur var í kunnings-
skap við stúlku, en var tregur til
að bindast henni. Af því tilefni
kvað EgiII Jónasson á Húsavík.
Gegnum blendið blíðuskraf
birtast kenndir tvennar.
Honum stendur uggur af
undirlendi hennar.
Auðunn Bragi Sveinsson var
um skeið skólastjóri í Þykkvabæ.
Þar kvað hann.
Hér er hvorki hóll né barð
né hengifoss er niðar,
en hér má líta garð við garð
og gróður á allar hliðar.
Mjög oft rauluðu konur við
prjónana sína, rokkinn eða barn í
keltu. Oft voru þessar vísur ein-
faldar að gerð og liggur ekki á
Ijósu í hverju lífsmark þeirra var
fólgið. Hér kemur ein slík, örugg-
lega mjög gömul.
Týndi ég prjóni æ æ æ
ekki hafið þið séð ann.
Gekk ég ofan frá Bjarnabæ
beina götu héðan.
Hjálmar Jakobsson er maður
nefndur. Hann var úr Saurbæ í
Dalasýslu. Sagt er að hann hafí
launað næturgreiða með svo-
felldri vísu.
Friðarspillir falskur er
flesta tryllir vinið,
kvennahylli baga ber
Bæjarfyllisvínið.
Þá kemur vísa um lífsglaðan
mann. Ekki veit sá, sem þetta
skráir hver er höfundur eða um
hvern er ort.
Bjarni á Fossi fer á kreik
fer í hrossakaupin.
Gefur koss í lausaleik
lætur fossa í staupin.
Ingibjörg Ingimarsdóttir,
húsfrú á Kaldrananesi á Ströndum
orti um Sigurð Stefánsson bónda
og sjómann á Brúará á Bölum,
þessa vísu.
Hirðir skjóma hugdjarfur
hreystiblóma neytir.
Sels á fróni Sigurður
súðarljóni beitir.
Það skeði á Neskaupstað sem
oft vill henda, að kindur gerðu
garðeigendum gramt í geði. Af
því tilefni orti Jónas Árnason,
fyrrverandi alþingismaður, svo.
Ekki er vitað, hvort hann var
sjálfur fjáreigandi eða orti í orða-
stað annarra.
Garðarollan mín leggur mér lið
í lífsbjargarviðleitni minni.
Hún breytir í hrútspunga,
blóðmör og svið
blómaræktinni þinni.
Þegar sr. Lárus í Miklabæ var
allur, var kveðið.
Santi Pétur var í vanda
vildi fagna gestinum.
Byrjaði strax að blanda handa
Blönduhlíðarprestinum.
BÆNDUR - LANDEIGENDUR
Hliðin sem vöktu svo mikla athygli á syningunni „BÚ ’87“
Hliöið sem opnast þegar ekið er á það og lokast sjálfkrafa að baki
Hliðin eru uppseld í bili, en fleiri sending-
ar væntanlegar
Vegna mikillar eftirspurnar hvetjum við alla
til að gera pantanir strax
G/obus/
okkar heimur snýst um gxdi
Lágmúla 5 Reykjavík Sími 681555