Tíminn - 09.09.1987, Blaðsíða 5

Tíminn - 09.09.1987, Blaðsíða 5
Miðvikudagur 9. september 1987 Lausn hvalveiðimálsins virtist í augsýn: Bandaríkjamenn sviku óformleg loforð sín „Það er alls ekki rétt sem komið hefur fram að það sé búið að ákveða að hætta hvalveiðum. Það hefur enginn ákvörðun verið tekin nema að við ætlum að verða við þeim tilmælum að við bjóðum upp á viðræður við Bandaríkjastjórn um málið. Það hefur verið stungið upp á Kanada sem viðræðustað, en þegar við tókum ákvörðun um þetta á sínum tíma í ríkisstjórn- inni, þá kom fram í þeirri ákvörðun að við værum tilbúnir til viðræðna og samráðs við aðrar þjóðir um þessa ákvörðun okkar og við það munum við standa" sagði Halldór Ásgrímsson, sjávarútvegsráðherra eftir sjö klukkustunda langan ríkis- stjórnarfund sem haldinn var í gær. Halldór sagðist ekkert vilja segja um hvort til greina komi að hætta hvalveiðunum, en sagði að málið væri komið á mjög alvarlegt stig og því væri best að segja sem minnst á þessu stigi og bíða átekta í tvo til þrjá daga. „Það hefur alltaf skipt megin- máli hver framtíð hvalveiðanna yrði. Á það hefur verið lögð áhersla og hvert skref í málinu hefur verið þáttur í því. Þetta er ekki spurning um tuttugu hvali eða fjörutíu. Þetta er spurning um hvort við getum komist að þeim niðurstöðum sem við höfum ætlað okkur að komast að með rannsókn- aráætlunum okkar, þannig að við getum tekið ákvörðun til lengri tíma“ sagði Halldór ennfremur. Halldór sagðist ekki vita til þess að svar Bandaríkjastjórnar um fundartíma ríkjanna tveggja hefði borist íslenskum stjórnvöldum, en sagði að það yrði að gerast á næstu dögum. Hann sagði að viðræður við Japana um kaup þeirra á hval- kjöti héðan væru á döfinni, í Ijósi þess sem nú hefði gerst. „Komið hefur fram að það er mikil hætta á að Bandaríkjamenn leggi fram staðfestingarkæru á Is- lendinga. Það hefur legið í loftinu í langan tíma, þó svo að við höfum vonast til þéss að af því yrði ekki og við höfum viljað koma í veg fyrir það. Við förum í þessar viðræður ef af þeim verður, og á meðan verður ekki veitt. Það þýðir ekkert að segja ef þetta gerist og ef hitt gerist. Við höfum barist í þessu máli á undan- förnum árum. Við höfum barist fyrir réttum málstað og munum halda því áfram. Hitt er annað mál að við höfum alltaf vitað að and- staðan er öflug og við höfum ekki látið það á okkur fá og ég vona að við getum haldið áfram að berjast fyrir réttmætum málstað eins og hingað til“ sagði Halldór einnig. Hann sagði það Ijóst að margir sem sögðu að taka ætti nýja ákvörðun eftir 1990 um hvalveiðar, hefðu ekki meint neitt með þeim orðum og ætluðu sér að berjast fyrir því 1990 að veiðunum yrði enn frestað. Ætlun þeirra væri að koma í veg fyrir að hvalveiðar hæfust nokkurn tímann aftur. „Aðalatriði málsins er að við getum haldið áformum okkar áfram og það er ætlun okkar og fyrir því erum við að berjast. Ég verð að játa, að svo virðist sem það hafi ekki gerst, að málamiðlunartil- laga okkar um færri veidd dýr hafi borið tilætlaðan árangur. Við höfð- um fengið þær upplýsingar að slík málamiðlunarlausn væri mjög lík- leg til þess að koma málinu í höfn, en ljóst er að það hefur nýr hnútur myndast í málinu og við eigum eftir að fá útskýringar hvernig á því Matthías Á. Mathiesen og Halldór Ásgrímsson ganga af ríkisstjórnarfundi Friðrik Sophusson og Þorsteinn þungbrýndir að loknum ríkisstjórnarfund- í gær. Halldór varð fertugur í gær og var kappinn glaðbeittur. inum. limyndir Pjétur stendur" sagði Halldór og sagði þessar upplýsingar liafa borist eftir óformlegum hætti frá fulltrúum Bandaríkjastjórnar. Halldór sagði ekki koma til greina að minnka kvótann enn frekar. Þorsteinn Pálsson, forsætisráð- herra, skrifaði Ronald Reagan, Bandaríkjaforseta bréf í gærmorg- un þar sem hann lagði til að viðræður um hvalamálið færu fram á næstu dögum og þær færu fram undir forystu Steingríms Her- mannssonar, utanríkisráðherra, af hálfu íslensku þjóðarinnar. Enn hefur ekki verið tekin ákvörðun um hvar eða hvenær þessi fundur verður haldinn, og heldur ekki hver verði fulltrúi Bandaríkja- stjórnar. Hvalamálið var lagt fyrir örygg- isráð Bandaríkjanna í síðustu viku og þaðan gekk málið til Reagans og af þeim sökunt sendi forsætis- ráðherra íslands honum bréf til áréttingar sjónarntiðum íslend- inga. -SÓL Utanríkisráðherra ræðir við bandarísk yfirvöld: Engin eftirgjöf af okkar háífu Steingrímur Hermannsson, utanríkisráðherra. bíður niðurstöðu fundar Stein- gríms og bandarískra stjórnvalda. Ekki eru taldar standa vonir til þess að afstaða bandarískra stjórn- valda breytist nokkuð í hvalamál- inu, því bréf Bandaríkjaforseta um málið er það afdráttarlaust. Steing- rímur Hermannsson, utanríkisráð- herra mun leggja áherslu á það, að við ákveðum hér heima að nýta hvali á skynsamlegan hátt með til- liti til þeirra langtíma sjónarmiða, að það verði gert undir eftirliti í framtíðinni og gætt verði jafnvægis í náttúrunni. Þetta eru okkar lang- tíma sjónarmið og hvort sem við tökum þessar tuttugu sandreyðar eða ekki skiptir ekki máli. Það er framtíðin sem verið er að ræða um. Utanríkisráðherra mun reyna að gera eins góða grein fyrir þessum sjónarmiðum eins og honum er fært, og einniggera grein fyrir þeim pólitísku áhrifum, sem svona of- beldi getur haft, m. a. á almenn- ingsálitið hér, þannig að bandarisk stjórnvöld geti gert sér grein fyrir því hvert þau eru að stefna. Steingrímur Hermannsson, utanríkisráðherra, fór í gær til Ott- awa til að sitja þing Alþjóðasam- bands frjálslyndra flokka. í þessari ferð mun hann ræða hvalveiðimál- ið við bandarísk yfirvöld, en Tím- inn hefur frétt að af íslands hálfu muni ekki vera um neina eftirgjöf að ræða, jafnvel þótt að ekki verði af veiðum á sandreyði í ár. Stein- grímur Hermannsson mun dvelja fram til 18. þ.m. í Kanada og Bandaríkjunum ogm.a.komavið í íslendingabyggðum vestra. Þýðingarmesta erindi utanríkis- ráðherra vestur eru viðræður um hvalveiðimálið við bandarísk stjórnvöld. Þar mun Steingrímur ræða þá alvarlegu stöðu, sem kom- in er upp í sambúð þessara þjóða ef Bandaríkjamenn fara að beita okk- ur ofbeldi í málinu. Heimildir Tím- ans herma að alls ekki verði gefið eftir, heldur verði málið sótt af fullri ákveðni og einurð. Ákvörðun um hvað gert verður í framhaldi af þessari ákveðnu afstöðu íslendinga

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.