Tíminn - 09.09.1987, Blaðsíða 6

Tíminn - 09.09.1987, Blaðsíða 6
6 Tíminn Miðvikudagur 9. september 1987 Fjórðungsþing Vestfirðinga: Byggðaáætlunin er ekki nógu ítarleg Fjórðungsþing Vestfirðinga samþykkti að óska eftir því við Byggðastofnun að halda áfram samstarfi varðandi endanlegar til- lögur um byggðaþróun á Vest- fjörðum. Byggðastofnun hefur að undanförnu unnið að gerð byggða- þróunaráætlunar fyrir Vestfirði og var áætlunin lögð fyrir Fjórðungs- þingið sem haldið var í Reykjanesi 4. og 5. september. Þingiö féllst á megin niðurstöður áætlunarinnar að undanskildum síðasta kaflanum þar sem tillögu- gerð var „óljós, almennt orðuð og hvergi nægilega sterklega kveðið á um úrbætur í einstökum mála- flokkum", eins og segir í ályktun- inni. Þingið telur að Byggðastsofnun hafi safnað allgóðum upplýsingum um sérmál sveitarfélaga á Vest- fjörðum svo og greinargerð um atvinnu-, félags-. menningar-, heil- brigðis-og samgöngumál. Hins vegar þurfi að setja fram ítarlega og samræmda áætlun um alhliða uppbyggingu á Vestfjörðum og þeirri áætlun íylgi gróf kostnaðar- áætlun. Sveitarstjórnir hafa frest til októberloka að gera athuga- semdir við áætlunina eins og hún liggur nú fyrir en að þeim tíma loknum verði hafist handa við endurritun þannig að endanlegar tillögur verði í samræmi við vilja og óskir Vestfirðinga. Fjórðungsþingið afgreiddi marg- ar ályktanir, m.a. ályktun þess efnis að Fjórðungssambandið geti gegnt hlutverki héraðsnefnda sem samkvæmt nýjum sveitarstjórnar- lögum eiga að taka við af sýslu- nefndum, einnig ályktun þar sem mótmælt er skerðingum stjórn- valda á framlagi til Jöfnunarsjóðs sveitarfélaga og telur brýnt að Samband íslenskra sveitarfélaga og landshlutasamtök sveitarfélaganna krefjist leiðréttingar á þeim í sam- ræmi við samstarfssáttmála ríkis- valdsins og Sambands ísl. sveitar- félaga. Stjórn Fjórðungssambandsins var falið að athuga grundvöll fyrir stofnun þróunar-og fjárfestingar- félags á Vestfjörðum sem yrði í samræmi við Jrær hugmyndir sem Þróunarfélag Islands hefur ákveðið að styrkja. Stjórninni var einnig falið að taka höndum saman við stjórnendur Byggðastofnunar um að athuga möguleika á stjórnsýslu- miðstöðvum í Vestfjarðakjör- dæmi. Fjórðungsþingið í Reykjanesi fjallaði einnig um jarðgöng á Vest- fjörðum og í ályktun um það efni segir að „einungis jarðgöng geti tryggt þær samgöngur sem séu forsenda byggðar á norðanverðum Vestfjörðum". Skýrslum um jarð- göng sem tengja myndu Skutuls- fjörð, Súgandafjörð og Önundarf- jörð sem unnar hafa verið var fagnað á þinginu og var talið að þær yrðu grundvöllur að frekara undirbúningsstarfi. ABS Ný menningarmiðstöö vígð í Nuuk á Grænlandi: Sinfóníuhljóm- sveitin ásamt grænlenskum kór Sinfóníuhljómsveit íslands hélt í fjögurra daga tónleikaferð til Græn- lands í gær. Tilefnið er vígsla nor- rænnar menningarmiðstöðvar í Nuuk, höfuðstað Grænlands, sem norræna ráðherranefndin hefur látið reisa. Sinfóníuhljómsveit ■ hefur aldrei áður spilað á Grænlandi svo hér er um að ræða merkan viðburð í grænlenskri menningarsögu. Við vígsluna munu listamenn frá öllum Norðurlöndunum koma fram. í dag mun sinfóníuhljómsveit ís- lands halda tvenna hljómleika, barnahljómleika og tónleika fyrir íbúa bæjarins, auk þess sem hljóm- sveitin mun æfa dagskrá ásamt græn- lenskum kór, og mun sú dagskrá verða flutt á opnun menningarmið- stöðvarinnar sent verður á morgun. Þar mun sinfóníuhljómsveitin ásamt grænlenska kórnum hefja opnunar- dagskrána með flutningi á græn- lenska þjóðsöngnum og síðan Fin- Iandia eftir Sibelius, sem verður sungið á grænlensku. Pá eru á dag- skránni norskir dansar eftir Grieg, Miðsumarsvaka eftir Alfen, Quarrt- siluni eftir Riisiger, sem er tónverk, byggt á grænlenskri tónlist og að lokum Hátíðarmars eftir Pál Isólfs- son. Stjórnandi hljómsveitarinnar í þessari ferð er Páll P. Pálsson, en alls eru 63 tónlistarmenn með í förinni, auk starfsmanna hljómsveit- arinnar og fulltrúa íslands í norrænu samstarfi. -HM Ekkert lát á umferðarslysunum: Önnur brú yfir Glerá Á Akureyri er nú unnið að byggingu annarrar brúar yfir Glerá og þegar er búið að steypa báða stöplana undir brúna. Brúin kemur til með að tengja umferð úr neðanverðu Glerárþorpi og Oddeyri enn frekar en gamla brúin yfir Glerá því nýja brúin er staðsett mun neðar en sú gamla. Beggja vegna árinnar hefur ýms þjónustu-og atvinnustarfsemi vaxið á undanförnum árum. Gleráin óx skyndilega á föstudag og tók að grafa burtu stífluna við brúna af miklu kappi. Svo heppilega vildi til að jarðýta var staðsett við brúarbygginguna þannig að ekki hlaust tjón af árvextinum. Tímamynd ABS Fjorir a slysadeild í gærdag Ekkert lát virðist vera á þeirri umferðarslysaöldu sem nú ríður yfir höfuðborgina. f fyrradag voru tæplega þrjátíu árekstrar og einhver slys á fólki og í gær voru tuttugu ogcinn árekstur frá 6 um morguninn til 16. Einnig voru fjögur umferðarslys. Klukkan 7.55 í gærmorgun missti ökumaður bifreiðar stjórn á bíl sínum á mótum Hringbrautar og Ánanausta með þeim afleiðing- um að bíllinn lenti á Ijósastaur og skemmdist. Ökumaðurinn var fluttur á slysadeild. Klukkan rúmlega hálf ellefu lentu tveir bílar í árekstri á gatna- mótunum Kringlumýrarbraut og Bústaðavegur með þeim afleiðing- um að annar ökumaðurinn var fluttur á slysadeild. Tæpri klukkustund síðar var keyrt á ungan mann á léttu bifhjóli á Hverfisgötunni og meiddist hann eitthvað á fæti og var fluttur með sjúkrabíl á slysadeild, en var leyft að fara hcim skömmu síðar. Klukkan 12.30 var síðan keyrt á dreng á reiðhjóli við Tjarnarbrú og var hann fluttur á slysadeild, en meiðsli hans voru mjögóveruleg. -SÓL Forseti íslands í heimsókn til Japans og Frakklands: Vigdís opnar sýningu á nytjalist í Japan Vigdís Finnbogadóttir, forseti ís- lands mun opna sýningu á nytjalist í Japan 14. september. Sýningin er hluti af norrænni menningarkynn- ingu sem haldin er í Japan og er af svipuðum toga og sýningin Scandin- avia Today sem haldin var í Banda- ríkjunum árið 1982. Kynningin í Japan mun standa fram eftir næsta ári. Vigdís mun einnig halda blaða- ntannafund í Japan í tengslum við menningarkynninguna og gerir grein fyrir ellefu sýningum, tónleikum og kynningum sem fyrirhugaðar eru. Áður en forsetinn heldur frá Japan hittir hún Japanskeisara en heldur síðan til Frakklands á íslandskynn- ingu í Bordeaux sem haldin verður dagana 22. til 25. september. Forset- inn dvelur í Frakklandi í boði Jacq- ues chaban- Delmas borgarstjóra Bordeaux og forseta franska þjóð- þingsins. Háskólinn í Bordeaux sæmir Vig- dísi heiðursdoktorsnafnbót við hát- íðlega athöfn þann 25. september. í Bordeaux mun forsetinn ennfremur heimsækja málþing fræðimanna unt íslenskar bókmenntir, heimsækja verslanir þar sem íslenskar vörur verða á boðstólum, halda blaða- mannafundi og knattspyrnukappleik Islands og Bordeaux verður forset- inn viðstödd svo og tónleika og Ijósmyndasýningu íslenskra lista- manna.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.