Tíminn - 09.09.1987, Blaðsíða 20
ÍSLENSKA landsliöiö í knatt-
spyrnu leikur gegn Norömönnum í
undankeppni Evrópukeppninnar í
kvöld og hefst leikurinn kl. 17.45 á
Laugardalsvelli. Norðmenn hafaeinu
stigi fleira en íslendingar í riölinum
en hafa reyndar leikiö einum leik
færra.
Sjá íþróttir bis. 11.
M
Þenslan á íslenskum vinnumörkuðum
„Eftirspurnin eftir starfskröftum
er alveg gífurleg og í heild veit ég að
um 2000 manns vantar inn á markað-
inn,“ sagði Eyjólfur Pétur Hafstein
framkvæmdastjóri íslenskrar
atvinnumiðlunar hf. í samtali við
Tímann í gær. „Ég get nefnt sem
dæmi að ég hringdi einn hring á
frystihúsin kringum landið. Pegarég
hafði talað við fimm hús var ég
kominn með óskir um langt yfir
hundrað manns í vinnu.“
Sagði Eyjólfur að þessi gríðarlega
eftirspurn væri talsvcrt miklu meiri
en hann eða aðra hafði órað fyrir.
Hér er aðallega um að ræða ófaglært
fólk í vinnu við fiskvinnslu og iðnað
og verslun, en einnig væri talsvert
um að iðnlærða menn vantaði til
starfa. Ekki hafði hann haft mikið
samband við meistarasamböndin en
Eyjólfur bjóst við að vcgna mikilla
verkefna að undanförnu yrðu
óþreyttar hendur vel þegnar til
starfa. Eftirspurnin væri það mikil
að komið væri út yfir öll yfirboð og
gyllingar. „Fólkið creinfaldlega ekki
til. I þessu þensluástandi hafa ein-
faldlega myndast mjög mörg stört og
þau virðist ekki vera hægt að manna
með íslendingum eingöngu."
íslensk atvinnumiðlun hefur aðal-
lega leitað hófanna á Norðurlöndum
vegna skyldleikans. „Við viljum nú
ekki fara neitt lengra því að cngin
ástæða er til að egna landann á móti
sér svona í byrjun. Við ætlum einnig
að leita á írlandi," sagði Eyjólfur
Pétur. Kvaðst hann viss um að
þangað væri gott að leita vegna þess
að þar er nú mikið atvinnuleysi.
Ekki væri síður mikilvægt að minn-
ast þess að að við erum af Irum
komnir ekki síður en af Norðmönn-
um. Hingað kom jú mikið af
írskurn þrælum í eina tíð.
„Ég á von á að fá góðar undirtektir
á írlandi. Það hringdi í mig íri í
fyrradag og bauðst til að gerast
umboðsmaður fyrirmig. Hann hafði
heyrt um starfsemina hjá fiskútflutn-
ingsfyrirtæki og að hingað vantaði
mikið af fólki. Ég er að fara til að
hitta hann í London í dag (miðviku-
d). Með skjótum viðbrögðum á
þetta að geta gengið með nokkuð
skömmum fyrirvara," sagði hann.
Eyjólfur átti von á að geta strax
innan skamms leyst úr vanda nokk-
urra fyrirtækja. Helst væri að vænta
árangurs í sanrbandi við þaú fyrir-
tæki sem gætu boðið upp á eitthvert
húsnæði. Ekki átti hann von á að
settur yrði steinn í götu hans í
sambandi við atvinnuleyfi þeirra sem
ekki koma frá Norðurlöndum. Hann
bjóst heldur ekki við því að verka-
lýðsfélögin á hverjum stað fyrir sig
nryndu setja sig upp á móti þcssum
ráðningum. Hvert verkalýðsfélag
um sig væri umsagnaraðili um ráðn-
ingarsamningana og hefði þannig
hönd á málinu.
Meðal þeirra aðila scm leitað hafa
til Eyjólfs Péturs, eru allmargir aðil-
ar í fiskiðnaði, Sölumiðstöð hrað-
frystihúsanna, Vinnuveitendasam-
band samvinnufélaganna, Félag ís-
lenskra atvinnurekenda og töluvert
mörg stórfyrirtæki á höfuðborgar-
svæðinu.
Starfssamningarnir sem gerðir
verða eru allir til sex mánaða hið
minnsta. Erþámiðaðviðað viðkom-
andi atvinnurekandi kosti ferðir
fólksins á milli landanna. Auðvitað
verða þessir samningar uppsegjan-
legir rétt eins og aðrir samningar, en
þessir sex mánuðir eru lágmarks
tími ef atvinnurekandi á að fást til að
borga ferðirnar.
Islensk atvinnumiðlun. Icejob,
hefur aðallega sett sig í samband við
opinberar vinnumiðlanir á Norður-
löndum. Samt er það svo að yfir
tuttugu einstaklingar hafa haft sam-
band við skrifstofuna hér heima og
látið skrá sig áður en eiginleg skrán-
ing hefur hafist. KB
Halldór Laxness
hættur að skrifa
Halldór Laxncss, rithöfundur og
Nóbelsverðlaunahafi f bókmennt-
um, hefur lýst því yfir að hann
skrifi ekki lengur. Þetta kemur
fram í viðtali við hann scm frétta-
stofa Reuters scndi út í gær. Viðtal-
ið er tekið af fréttaritara hennar í
Reykjavík, Þóri Guðmundssyni.
Halldór varð 85 ára garnall fyrr á
árinu.
í fréttaskeytinu er frá því skýrt
að verk Halldórs séu enn meðal
söluhæstu bóka hér á landi. en nú
orðið séu bækur frá hendi haris
mestpart safnrit af eldri ritsmíðum.
Hann skrifi ckki lcngur, og við
fréttamann Reuters á hann að hafa
komist að orði á þessa leið:
- Þegar menn hafa skrifað 50
eða 60 bækur um ævina, og margar
þeirra mjög þykkar, þá kemur að
þeim áfanga að þeir hafa ckki
meira að segja. Þcgar menn hafa
skrifað svo niikið getur komið að
því að þá langi til að fara út og
njóta góða veðursins.
í viðtalinu er komið víða við,
m.a. vikið að kaþólsku Halldórs á
unga aldri og síðan að umskiptum
hans yfir til sósíalisma. I framhaldi
af því er greint frá skrifum hans urn
réttarhöldin yfir Bukharin og öðr-
um nteintum andstæðingum Stalíns
seint á fjórða áratugnum í Sovét-
ríkjunum, en um þau er haft eftir
honuni hér að f þeim skrifum hafi
hann ekki komist að kjama
málsins.
Þá scgir hann þarna frá því aö
meöan hann var búsettur í Banda-
ríkjunum hafi fslendingur nokkur
kært hann til þarlendra yfirvaida
sem bolsévíka og mjög hættulega
persónu. Lögreglan hafi síðan
komið og yfirheyrt hann. Frá þessu
hafi hann sagt vini sínum Upton
Sinclair rithöfundi, sem hafi óbeð-
inn brugðist hart við, „og ég heyrði
aldrei ncitt meira um það" er haft
eftir Halldóri þarna.
Þá kemur fram í þessu viðtali að
Halldór og Ernest Hemingway rit-
höfundur hafi orðið góðir kunn-
ingjar, þótt þeir hafi aldrci hist.
Um Hemingway segir Halldór að
hann hafi getað tekiö upp á því aö
hringja í sig þegar hann hafði
ekkert þarfara að gera. Heming-
way hafi fundið símanúmer sitt,
sama hvar Halldór hafi veriðstadd-
ur í veröldinni. sem hann segist
aldrei hafa skilið fullkomlega.
Eins og kunnugt er hefur Hall-
dór þýtt tvær bækur Hemingways
á íslensku, Vopnin kvödd og
Veislu í farangrinum. -esig
Halldór Laxness rithöfundur