Tíminn - 29.09.1987, Blaðsíða 15
Þriðjudagur 29. september 1987
Tíminn 15
fllllll!!
Illlllllllll
MINNING
Kristjana Árnadóttir
Grímshúsum
Fædd 21. september 1907
Dáin 11. september 1987
Nú þegar haustlitirnir eru hvað
fegurstir, eða aðfaranótt 11. sept.,
andaðist amma mín og nafna, Kristj-
ana Árnadóttir, á Borgarspítalanum
í Reykjavík, eftir þriggja mánaða
legu.
Hún fæddist í Saltvík í Reykja-
hreppi21. sept. 1907. Húnvardóttir
hjónanna Sigurbjargar Þorláksdótt-
ur og Árna Frímanns Kristjánsson-
ar. Eina systur átti hún, Þorbjörgu
húsfreyju í Hellulandi, sem einniger
látin.
Þann 15. ágúst 1926 giftist amma
afa mínum, Hallgrími Óla Guð-
mundssyni, Grímshúsum. Hann var
fæddur 29. sept. 1897. Þau bjuggu
allan sinn búskap í Grímshúsum.
Pau eignuðust sex börn sem eru:
Eysteinn, f. 19.3 1929, býr í Gríms-
húsum. Sigurbjörg, f. 10.7 1931, býr
í Húsabakka. Guðmundur, f. 26.9
1938, býr í Grímshúsum. Jónína
Þórey, f. 10.8 1941, dó ungbarn.
Jónína Árný, f. 18.1 1943, býr á
Húsavík, yngst er Guðrún Helga, f.
29.12 1944, býr í Reykjavík. Barna-
börnin eru 17 og barnabarnabörnin
10.
Afa missti hún eftir 28 ára hjóna-
band þann 14. sept. 1954. Eflaust
hefur það verið þungt áfall fyrir
ömmu með sum börnin innan við
fermingu. Áfram bjó hún í Gríms-
húsum með börnum sínum.
Amma starfaði mikið að félags-
málum. Hún var í Kvenfélagi Aðal-
dæla til dauðadags, einnig var hún í
stjórn Kvenfélagasambands Suður-
Þingeyinga. Hún var í kirkjukórnunt
og organisti Grenjaðarstaðarkirkju
í mörg ár.
Það var reyndar ekki ætlun mín að
rekja æviferil ömmu hér eða telja
upp allt sem hún starfaði, heldur
minnast þeirra daga, sem við áttum
saman, þegar ég dvaldi hjá henni í
skóla upp við Staði. Það var góð
reynsla fyrir mig. Ég svaf fyrir ofan
hana í rúminu hennar, því ég var
ósköp lítil í mér. Oft spiluðum við
Ólsen, Ólsen og fleiri spil. Hún
kenndi mér bænir, sem ég bý enn að,
sagði mér sögur. Einnig spilaði hún
oft á orgelið sitt og við sungunt
saman.
Fyrir allar þessar stundir, sem við
áttum saman bæði fyrr og síðar vil
ég þakka henni. Ég mun minnast
hennar eins og hún var, hlý og góð
amma. Blessuð sé minning hennar.
„Ég fel í forsjá þína,
guð faðir sálu mína,
því nú er komin nótt.
Um Ijósið lát mig dreyma
og Ijúfa engla geyma
öll börnin þín, svo blundi rótt. “
Matth. Jochumsson.
Kristjana Helgadóttir
og fjölskylda
Námskeið um
stýritækni -
loftstýringar
Ætlað sveinum í greinum málmiðna og öðrum sem
annast loftbúnað. Verður haldið í Vélskóla íslands
og hefst mánudaginn 5. okt. kl. 13.00. Þátttöku-
gjald er kr. 10.000,-. Innifalin er námsgögn og kaffi.
Upplýsingar og innritun í símum 687440 og
687000.
FRÆÐSLUMIÐSTÖÐ IÐNAÐARINS
Námskeið um
vökvakerfi
Ætlað starfandi málmiðnaðarmönnum, einkum
þeim sem fást við uppsetningu, viðhald og umsjón
með vökvakerfum. Verður haldið dagana 8. t.o.m.
16. okt. kl. 8.30-16.00 í féiagssal farmanna- og
fiskimannasambandsins, Borgartúni 16. Þátttöku-
gjald erkr. 15.000,- Innifalið er námsgögn og kaffi.
Upplýsingar og innritun í símum 687440 og
687000.
fm
FRÆÐSLUMIÐSTÖÐ IÐNAÐARINS
Áfengi og heilsa
Áfengi algengasta
vímuefnið
Neysla áfengis, algengasta vímu-
efnis jarðarbúa, gleður margan en
getur skaðað mörg mikilvæg líffæri
sé ekki farið að með fyllstu gát.
Skemmdir á líffærum af þessum
sökum geta ógnað heilsu fólks og
jafnvel lífi segir í einu af upplýsinga-
ritum um áfengisneyslu sem gefin
eru út m.a. af yfirvöldum heilbrigðis-
fræðslu í Bretlandi.
Þriðjungur sjúkrarúma
tepptur vegna
áfengisneyslu
Um allan heim hvíla útgjöld vegna
sjúkdóma og heilsutjóns, sem rekja
má til áfengisneyslu, þungt á efnahag
þjóða.
f það fara fjármunir sem sárlega
skortir til að koma í veg fyrir heilsu-
tjón og sjúkdóma almennt. í sumum
ríkjum Évrópu er þriðjungur plássa
á sjúkrahúsum einungis notaðurfyr-
ir þá sem spillt hafa heilsu sinni með
einhverjum hætti með áfengis-
neyslu. í þróunarlöndum fer heilsu-
tjón vegna áfengsineyslu vaxandi.
Með sama áframhaldi munu þjóðir
þróunarlandanna neyta jafnmikils
áfengis og þjóðir iðnríkjanna eftir
mannsaldur eða svo, jafnvel meira.
Því munu fylgja aukin vandamál og
álag á veikburða efnahag og þjóð-
félagsástand.
Drykkja skaðar öll líffæri
nema þvagblöðru og lungu
Þeir sem neyta áfengis reglulega
geta skaðað öll líffæri sín nema
þvagblöðru og lungu. Heili, taugar,
lifur, vöðvar, nýru, magakirtlar,
kynfæri, vélindi, magi og garnir eru
meðal þeirra líffæra sem geta
skemmst. Næst á eftir hjartasjúk-
dómum og krabbameini kemur
skorpulifur sem helsta dánarmein
miðaldra karla í mörgum iðnríkjum.
Lífslíkur eru undir því komnar
hversu snemma sjúkdómurinn
finnst.
Heilinn í baði
Sérfræðingar hafa komist að því
að við mikla drykkju skerðist starf-
semi heilans sem er þá í bókstaflegri
merkingu í vínandabaði. Það má
m.a. sjá á skertu jafnvægi og stjórn-
un vöðva. Því má ekki heldur gleyma
að áfengi er slævandi (depressant)
og áfengisneytendur sem eru þung-
lyndir fremja oft sjálfsmorð.
Áfengi og krabbamein
Meltingafærin verða mjög fyrir
barðinu á áfengi og vísindamenn
hafa komist að því að áfengi tengist
krabbameini í munni, hálsi og vél-
inda, en dauði vegna þess hefur
færst í vöxt frá 1950. Ein af ástæðun-
um fyrir því að þeir sem neyta mikils
áfengis deyja fyrr en aðrir er hár
blóðþrýstingur vegna áfengis, sem
einnig skemmir hjartavöðvana og
hindrar hjartað í að slá eðlilega.
Kynhvötin í hættu
Kynhvöt karla getur spillst við
mikla drykkju. Dregur úr fram-
leiðslu kynhormóna en við það
minnkar áhugi á kynlífi og hæfni til
ásta og leiðir jafnvel til getuleysis.
Áhrif áfengisneyslu á konur að þessu
leyti eru minna rannsökuð en margt
bendir til að úr áhuga þeirra á kynlífi
dragi við mikla áfengisneyslu líkt og
hjá karlmönnum.
Því minna sem drukkið er,
því betra
Ýmsum aðferðum hefur verið
beitt til að draga úr heilsutjóni vegna
áfengisneyslu. Meðal aðferða sem
flestir sérfræðingar eru sammála um
er fræðsla, hvatning til þeirra sem
neyta áfengis um að halda drykkju
sinni í skefjum, takmörkun á að-
gengi og verðlagning sem geri áfeng-
isneyslu að munaði. En þrátt fyrir
allt þetta er ábyrgðin hjá hverjum og
einum og hafa ber í huga að því
minna sem drukkið er því betra fyrir
líkamann.
(Úr: World Health - The Magazine of the World
Health Organization. Júní 1987.)
Tilkynning
til þeirra sem reka mötuneyti
Athygli þeirra sem reka mötuneyti er vakin á því
aö frá og meö 1. október nk. ber þeim aö skila 25%
söluskatti af fæðissölu sinni. Á sama hátt og
veitingahúsum er mötuneytum heimilt aö draga frá
heildarveltu sinni áöur en söluskattur er reiknaður
fjárhæö sem svarar til 75% af innkaupsverði
hráefnis til matargeröar og skila söluskatti af
þannig fengnum mismun. Þau mötuneyti sem ekki
hafa þegar tilkynnt skattstjórum um starfsemi sína
ber að gera það fyrir 5. október nk.
Fjármálaráðuneytið
25. september 1987.
t
Ástkær eiginmaður minn, faðir, tengdafaðir, afi og langafi
Páll Sigfússon,
fyrrv. bóndi á Hvíteyrum, Lýtingsstaðahreppi, Skagafirðl, til heimilis að
Álftamýri 44, Reykjavík
lést þann 20. sept. s.l.. Jarðarförin fer fram frá Fossvogskirkju í dag
þriðjudaginn 29. september kl. 13.30.
Kristín Kristjánsdóttir
Kristján Pálsson
Sig. Steindór Pálsson
Alla B. Albertsdóttir
barnabörn og barnabarnabörn.
t
Þökkum innilega auðsýnda samúð við fráfall og útför eiginmanns
míns, föður okkar, tengdaföður og afa
Sveins Jóhannssonar
Varmalæk, Skagafirði
Herdís Björnsdóttir
Lovísa Sveinsdóttir
Ólafur Stefán Sveinsson
Björn Sveinsson
Gisli Sveinsson
Sigríður Sveinsdóttir
og barnabörn
Jóhann Pétur Sveinsson,
Sólveig Sigríður Einarsdóttir
Ásta Begga Olafsdóttir
SigþórSmári Borgarsson