Tíminn - 05.12.1987, Blaðsíða 14

14 Tíminn
Laugardagur 5. desember 1987
FRÉTTAYFIRLIT
MOSKVA - Embaettismenn
sovéska kommúnistaflokksins
sögðu að geislamengun væri
enn mikið vandamál í nágrenni
kjarnorkuversins í Tsjernóbíl í
Ukraínu. Embættismennirnir
sögðu að þrjú dauðsföll á
þessu ári mætti rekja til geisl-
unarinnar.
LUNDÚNIR - Bandaríkja-
dalur lækkaði í verði gagnvart
öðrum helstu gjaldmiðlum
heims á mörkuðum í Evrópu
og Asíu. Hlutabréf lækkuou
einnig og höfðu t.d. ekki verið
lægri á verðbréfamarkaðinum
í Wall Street síðan á „svarta
mánudeginum" þann 19. okt-
óber. Lækkun vaxta í Evrópu,
sem tilkynnt var um í fyrradag,
virtist því ekki ætla að blása lífi
í peningamarkaði heimsins
eins og sumir höfðu búist við.
Góðu fréttirnar voru þær að
atvinnuleysi í Bandaríkjunum
var 5,9% í nóvember en var
6,0% í október. Hagfræðingar
sögðu að þessar tölur sýndu
að efnahagslífið væri sterkt og
ætti ekki að þurfa að líða fyrir
áhrifin af hruninu á verðbréfa-
mörkuðunum í októbermán-
uði.
KAUPMANNAHÖFN -
Leiðtogar ríkja Evrópubanda-
laasins byrjuðu tveggja daga
viöræður í Kaupmannahöfn í
gær og hófu strax að ræða
leiðir til að draga úr útgjöldum
til landbúnaðarins. Samkomu-
lag um þetta atriði er nauðsyn-
legt eigi að takast að leysa
fjárhagsvanda bandalagsins. í
gær virtist sem stjórnir Vestur-
Þýskalands og Bretlands
hefðu eitthvað gefið eftir í kröf-
um sínum um stjórn útgjaJda til
landbúnaðarins en ágreining-
urinn milli þeirra var þó enn til
staðar.
PERE-EN-TARDENOIS,
Frakklandi - Norodom Si-
hanouk prins og foringi skæru-
liða í Kampútseu og Hun Sen
forsætisráðherra Kampútseu-
stjórnar, sem nýtur stuðnings
Víetnama, skrifuðu undir sam-
komulag í fjórum liðum. Þessu
samkomulagi er ætlað að flýta
fyrir lausn á borgarastríðinu í
landinu. Stjórn Indónesíufagn-
aði samkomulaginu í gær og
stjórnarerindrekar í Asíu voru
yfirleitt bjartsýnir á að friður
gæti komist á í Kampútseu.
PEKÍNG - Deng Xiaoping
hinn aldni leiðtogi Kínverja
endurtók kröfur sínar að Sov-
étmenn yrðu að hvetja Víet-
nama til að draga allan her
sinn frá Kampútseu áður en
viðræður gætu farið fram milli
hans og Mikhaíl Gorbatsjovs
Sovétleiðtoga.
ATLANTA - Einir þúsund
kúbanskir fangar, vopnaðir
hnífum og heimasmíðuðum
vopnum, leystu úr haldi 89
gísla sem þeir höfðu haldið í
ellefu daga. Fangarnir voru þó
enn við stjórnvölinn í fangels-
inu.
Nú er rúmlega ár síðan Reagan Bandaríkjaforseti og Gorbatsjov Sovétleiðtogi áttu viðræður í Höfða í Reykjavík. A þeim fundi var lagður grunnurinn
að viðræðunum í Washington ■ næstu viku.
Hvíta húsið verður Höfði
heimsins á næstu döaum
Rónald Reagan Bandaríkjaforseti
og Mikhail Gorbatsjov Sovétleiðtogi
munu funda í næstu viku, rúmu ári
eftir að þeir áttu viðræður sínar í
Höfða í Reykjavík. Að þessu sinni
verður fundarstaðurinn Hvíta húsið
í Washington, bústaður Bandaríkja-
forseta.
Gorbatsjov kemur til Washington
síðdegis á mánudag að staðartíma
og lendir á Andrews herflugvellin-
um. Hann mun halda til sendiráðs
Sovétríkjanna og eiga þar fund með
samstarfsmönnum sínum um
kvöldið.
Reagan við Izvestia:
Samskiptin
haf a batnað
Rónald Reagan Bandaríkjaforseti
sagði í viðtali við sovéska blaðið
Izvestia í gær að samskipti Banda-
ríkjamanna og Sovétmanna hefðu
batnað en vandamálin væru enn til
staðar vegna þess að hvorugur aðil-
inn treysti hinum til fulls.
„Stjórnir okkar hafa tekið mikil-
væg skref fram á við í málefnum er
lúta að afvopnun, mannréttindum
og samskiptum ríkjanna," sagði Re-
agan.
Bandaríkjaforseti tók þó fram að
tortryggnin sem hlaðist hefði upp í
gegnum árin væri enn til staðar og
ætti sér rætur í sögunni og nútíma
veruleika.
Sovéskt sjónvarp hefur sýnt glefs-
ur úr ræðum Reagans forseta en
sovésk blöð hafa ekki átt viðtal sem
þetta við bandarískan forseta í lang-
an tíma. hb/Reuter
Reagan tekur formlega á móti
sovéska leiðtoganum við suðurhlið
Hvíta húsins kl. 10 á þriðjudags-
morgni og síðan hefst fyrsti fundur
þeirra. Eftir hádegi munu þeir undir-
rita samkomulagið um eyðingu með-
aldrægra og skammdrægari kjarna-
flauga og flytja sjónvarpávörp af því
tilefni.
Síðar á þriðjudag halda þeir annan
fund sinn og um kvöldið er kvöld-
verður í austurenda Hvíta hússins.
Á miðvikudagsmorgun mun Gor-
batsjov hitta leiðtoga þingsins á
Capitol Hill og jafnvel getur svo
farið að hann tali til fleiri þing-
manna.
Þriðji fundur leiðtoganna hefst
kl.ll á miðvikudagsmorgun og
fjórði fundurinn verður síðdegis. A
miðvikudagskvöld býður Gorbat-
sjov síðan til kvöldverðar í sovéska
sendiráðinu.
Á fimmtudag verður fundarhöld-
unum haldið áfram en síðdegis mun
Gorbatsjov formlega kveðja Reagan
og halda frá Hvíta húsinu. Á eftir
fylgir blaðamannafundur sovét-
manna og um kvöldið mun Reagan
ávarpa bandarísku þjóðina í sjón-
varpi.
Gorbatsjov og fylgdarlið hans
heldur síðan frá Washington á
fimmtudagskvöldið. hb
Pozdnjakov við Tímann:
Áhrifa-
miklar
tillögur
„Ég held að ekkert óvænt komi
upp á í samkomulaginu um eyðingu
meðaldrægra og skammdrægari
kjarnaflauga. Þann sáttmála er búið
að klára og aðeins formleg undirrit-
un er eftir. Hins vegar verður athygl-
isverðara að fylgjast með hvað kem-
ur út úr viðræðunum um helmings-
fækkun langdrægra kjarnorkuflauga
og þar gætum við fengið að sjá
áhrifamiklar tillögur frá báðum aðil-
um.“
Þetta sagði Evgení Pozdnjakov
hjá APN fréttastofunni sovésku þeg-
ar Tíminn hafði samband við hann
til Moskvu í vikunni og spurði hann
hvort hann byggist við einhverjum
„óvæntum" tillögum á fundi Rónalds
Reagans Bandaríkjaforseta og
Mikhail Gorbatsjovs Sovétleiðtoga í
næstu viku. Evgení er í yfirritstjórn
Norður-Ameríkudeildar fréttasto-
funnar og bjóst hann við að viðræður
leiðtoganna um langdrægar flaugar
tækju upp mestan tímann á þeim
þremur dögum sem þeir þinga í
Washington. hb
Leiötogafundur Reagans og Gorbatsjovs:
Hvað, eru þessi
vopn í Evrópu!
Mikhaii Gorbatsjov Sovétleið-
togi kemur til Washington nú á
mánudaginn og fyrsti fundur hans
með Rónald Reagan Bandaríkjaf-
orseta hefst á þriðjudagsmorgun.
Eins og vænta má eru fjölmiðlar
mjög uppteknir af þessum fundi og
hafa margar skoðanakannanir litið
dagsins Ijós í sambandi við kom-
andi viðræður, leiðtogana sjálfa og
afvopnunarsamkomulagið sem
þeir hyggjast undirrita.
Blaðið The Washington Post og
ABC sjónvarpsstöðin gerðu skoð-
anakönnun í þessari viku meðal
bandarískra þegna og niðurstöður
hennar sýndu að 52% Bandaríkja-
manna voru samþykkir sáttmálan-
um um eyðingu allra meðaldrægra
og skammdrægari kjarnorku-
flauga. Aðeins 8% voru á móti en
39% höfðu ekki gert upp hug sinn.
Þrátt fyrir að meirihlutinn væri
fylgjandi samkomulaginu virtist
fólk lítið hafa kynnt sér málið, alls
viðurkenndu 72% aðspurðra að
þeir vissu lítið eða ekkert um
ákvæðin í samkomulaginu um
meðaldrægu flaugarnar og aðeins
46% vissu að flest þessara vopna
eru staðsett í Evrópu. hb/Reuter