Tíminn - 23.02.1988, Blaðsíða 2
2 Tíminn
Þriðjudagur 23. febrúar 1988
a slrandstað, langl uppi í fjöru, en þar endaöi hann á háflóöinu á sjiilla tímanum á lau|>ardagsm(>rgun. Hann er talinn ónýtur og hans bíöa þau örlög ein aö láta undan veðri og vindum.
limamynd. Pjefur
Strand viö innsiglinguna í Þorlákshöfn:
Ofeigur III talinn
gersamlega ónýtur
Á sjötta tímanum á laugardag,
strandaði vélbáturinn Ófeigur III
VE 325, við innsiglinguna í Þorláks-
höfn. Háflóð var þegar strandið átti
sér stað, vindur var af suðvestri og
mikið brim.
Fjórir menn voru um borð, og
bjargaði þyrla Landhelgisgæslunnar
þeim öllum. Landhelgisgæslan fékk
tilkynningu um strandið rétt eftir 6,
fór t loftið rúmum hálftíma síðar,
kom á strandstað 15 mínútur í sjö og
voru allir úr áhöfninni komnir á land
um tveimur tímum eftir strandið.
Björgunarsveit Þorlákshafnar var þó
komin á staðinn áður og skaut
björgunarlínu út í bátinn. Ekki var
þó talið rétt að áhöfnin færi þá leið
í land, enda slóst báturinn mikið til
og sjór kominn í hann. Línan var þó
nauðsynleg trygging ef eitthvað færi
úrskeiðis.
Báturinn var á leið á kolaveiðar,
en áætlað var að koma við í Þorláks-
höfn og sækja fimmta áhafnarmeð-
liminn sem þar var í landi. Báturinn
komst aldrei svo langt, heldur hafn-
aði langt uppi í fjöru og þaðan varð
honum ekki haggað. Mennirnir voru
aldrei í lífshættu og biðu þeir björg-
unar rólegir, en höfðu þó íklæðst
björgunarvestum.
Þegar báturinn strandaði kölluðu
áhafnarmeðlimir á Vestmannaeyja-
radíó og tilkynntu atburðinn, og var
strandið tilkynnt Landhelgisgæsl-
unni þaðan. Þyrlan kom síðan á
strandstað rétt eftir sjö, og hálftíma
síðar voru allir áhafnarmeðlimirnir
komnir á þurrt, og höfðu þá ekki svo
mikið sem blotnað í fæturna.
Ófeigur III er smíðaður í Hollandi
1954, og var eitt af fyrstu stálskipum
íslenska fiskiskipaflotans og alltaf
verið hið mesta happafley og mikið
aflaskip. Hann var einnig fyrsti stál-
báturinn sem sérstaklega var smíð-
aður fyrir íslendinga. Ófeigur III var
lengdur fyrir 23 árum og er mikill
missir að bátnum.
Á sunnudag og í gær var unnið að
því að bjarga því sem bjargað varð
úr bátnum og var m.a. notaður til
þess krani.
Ekki verður reynt að bjarga
bátnum, en hann er talin ónýtur, og
bíða hans þau dapurlegu örlög að
verða vatni og vindum að bráð.
Sjópróf munu fara fram í dag í
Vestmannaeyjum. -SÓL
5% verðmunur:
Ferðaskrifstofur með
tvenns konar verðlag
Loðnuveiðar:
Loðnan veiðist
<r
í skjóli lands
Loðnuveiðar gengu vel um helg-
ina og í gær. Á laugardag veiddu 16
bátar samtals 11.190 lestir, á sunnu-
dag veiddu 28 bátar 21.560 lestir og
um miðjan dag í gær höfðu 10 bátar
tilkynnt um tæplega sjö þúsund lesta
afla.
„Þeir eru nú aðallega við Ingólfs- '
höfða, en eru alla leið til Hornafjarð-
ar. Þeir eru alveg upp í harðalandi,
þeir eru eiginlega bara upp í fjöru,“
sagði Ástráður Ingvarsson hjá
Loðnunefnd í samtali við Tímann í
gær.
Loðnufrysting er enn ekki hafin,
en beðið er eftir að loðnan komi nær
landi og átan í hcnni minnki.
Ágætisveður var á miðunum, enda
veiðin í skjóli lands. Fimm bátar
voru eftir á miðunum í gærdag, en
búist var við að þeim myndi fjölga
með kvöldinu. -SÓL
Gcngið fiefur verið frá nánara
samkomulagi greiðslukortafyrir-
tækja og sjö ferðaskrifstofa. í sam-
komulagi þessu felst að nú er í
fyrsta sinn leyfilegt að auglýsa
tvenns konar verð á sömu þjón-
ustu, annars vegar er auglýst verð
ferðanna ef staðgreitt er. en hins
vegar ef greitt er með greiðslukorti
cða skuldabréfi. Munur á verði
þessu er um 5%.
Helgi Jóhannsson, fram-
kvæmdastjóri Samvinnuferða-
Landsýnar, sagði að upphlaup það
sem varð í síðustu viku hafi stafað
af mismunandi túlkun á samkomu-
lagi sem búið var að ganga frá. Nú
um helgina hafi hins vegar verið
gengið frá nánari útfærslu á sam-
komulagi þessu. Samkomulaginu
hefur því ekki verið rift heldur
hefur verið sest að samningaborð-
inu að nýju vegna þess að í Ijós hafi
komið mismunandi túlkun á samn-
ingnum. Allar helstu ferðaskrif-
stofurnar eru því aðilar að sama
samkomulaginu gagnvart greiðslu-
kortafyrirtækjunum og enginn
munur á greiðslutilboðum þeirra.
Sagði Helgi að hér væri jafn-
framt stigið nokkuð stórt skref í átt
til þess að viðurkenna kostnaðar-
auka af notkun greiðslukorta. Þá
hefur það verið samþykkt hjá Sam-
vinnuferðuin-Landsýn að bjóða
viðskiptavinum sínum upp á að
njóta lægra verðsins ef Ijóst verður
að viðkomandi peningagreiðsla
berist til skrifstofunnar minnst
mánuði fyrir brottför. KB