Tíminn - 23.02.1988, Blaðsíða 20
Sparisjóösvextir
á tékkareikninöa
með
hávaxtakjörum
SAMVINNUBANKI
ÍSLANDS HF
Auglýsingadeild hannar
auglýsinguna fyrir þig
Okeypis þjónusta
686300 Iíniinii
Tíminn
Fiskimenn og farmenn sömdu um orlofsferðir við Flugleiðir*
Fannst tilboðið betra
en fékkst hjá Lion Air
„Það kom til greina að félög
yfirmanna innan Farmanna- og
fiskimannasambands íslands tækju
þátt í samningum þeim sem BSRB
og VR hafa nú gert við Lion Air í
Lúxemborg um orlofsferðir fé-
lagsmanna. En fljótlega eftir að
lokatilboð Lion Air barst varð ljóst
að við myndum heldur semja við
Flugleiðir," sagði Þórður Svein-.
björnsson, framkvæmdastjóri
Skipstjóra- og stýrimannafélagsins
Öldunnar. Á föstudag gengu félög
yfirmanna innan Farmanna- og
fiskimannasambandsins frá samn-
ingi við Flugleiðir um orlofsferðir í
sumar.
Félögin cru auk Öldunnar, Skip-
stjóra- og stýrimannafélagið Bylgj-
an á ísafirði, Stýrimannafélag
fslands, Vélstjórafélag fslands og
Vísir, félag skipstjórnarmanna á
Suðurnesjum. Félagsmenn eru á
bilinu 2500 til 3000, en búist er við
að 400 geti nýtt sér tilboðið í
sumar. •
Þórður sagði ástæðuna fyrir:
höfnun þátttöku í samningum við
Lion Air vera þá helstu, að þeir
væru eingöngu bundnir við fjórar
3ja vikna ferðir. Félögunum gæfist
aukið svigrúm með samningi við
Flugleiðir. Tíu sumarhús skammt
frá bænum Saarburg, 30 km sunnan
við Trier í V-Þýskalandi, hafa
verið tekin á leigu. í hverju þeirra
er svefnpláss fyrir 6 eða 7 fullorðna
og öll nauðsynleg þægindi í fríinu.
„Við sömdum við Flugleiðir um
flug til Lúxemborgar og við bíla-
leiguna Lux Viking um leigu á
rúmgóðum bílum. Frá flugvellin-
um í Lúxemborg er um klukku-
stundar akstur til Saarburg," sagði
Þórður. „Ég bar saman verð hjá
ferðaskrifstofu og því sem við
Sumarhús ■ Saarburg í V-Þýskalandi, sem tekin hafa verið á leigu fyrir
félög yfirmanna í Farmanna- og fiskimannafélagi fslands.
bjóðum og komst að því að verðið
erum 40 til 50% lægra hjáokkur."
Boðið er upp á tveggja vikna
leigu í húsunum, en hægt er fram-
lengja ferðina og vera á eigin
vegum í allt að hálfan mánuð í
viðbót. Miðað er við 5 einstaklinga
í húsi. Flug og hús í tvær vikur
kostar 16.545, flug, hús og bíll kr.
20.157 og flug og hús í tvær vikur
en bíll í þrjár vikur kr. 21.963.
Innifalin eru öll gjöld. „Þetta er í
raun ekki ósvipað þeim samning-
um sem BSRB og VR gerðu við '
Lion Air,“ sagði Þórður. en hann
vildi ekki gefa upp fargjaldið, sem
sæst var á við Flugleiðir. „Okkur
finnst tilboð Flugleiða koma betur
út en tilboð Lion Air.“ þj
Heimatilbúin sprengja
sprakk í tilbúningi:
Einn drengjanna
enn á gjörgæsiu
Tveir drengir slösuðust og tveir
sluppu naumlega, þegar heimatil-
búin sprengja sprakk í bílskúr í
Hafnarfirði í gær.
Drengirnir fjórir voru að bora
fyrir kveikjuþráð á sprengjuna, þeg-
ar sprengjan sprakk og slösuðust
tveir drengjanna. Annar þeirra var
fluttur á gjörgæslu og var þar enn í
gær og hinn liggur á sjúkrahúsi. Sá
sem fór verr út úr ævintýrinu, fót-
brotnaði og handleggsbrotnaði, auk
þess sem hann fékk skurði á höfuð
og víðar á líkamann. Hinn skarst illa
á hendi og á báðum handleggjum.
Sprengjan var búin til úr járnhólki
og var notað púður úr áramótaflug-
eldum.
Að sögn sprengjusérfræðings
Landhelgisgæslunnar, eru allar þær
sprengjur sem þeir hafa komist yfir,
og þær skipta tugum, búnar til úr
flugeldapúðri og verður seint nóg
brýnt fyrir foreldrum að fylgjast
með hvar afgangsflugeldamir lenda.
Þessi sprengja var tiltölulega lítil,
en sýnir vel hve krafturinn er mikill.
-SÓL
Harmleikur í Keflavík um helgina:
Vóg konu sína og
síðan sjálfan sig
Tuttuguogsjö ára gamali kefl-
vískur sjómaður svipti sig iífi, með-
an hann talaði við lögregluþjón í
síma aðfaranótt sunnudags, en
hafði áður orðið jafngamalli konu
sinni að bana. Frá því greindi hann
þó ekki í símtalinu. Þau láta eftir
sig tvö börn, 5 og 10 ára gömul.
Lögreglan í Keflavík ansaði sím-
hringingu klukkan 03:35 aðfara-
nótt sunnudags og í símanum var
maður sem óskaði eftir lögreglu að
heimili sínu þegar í stað. Því næst
heyrði lögreglumaðurinn skothvell
í símanum og síðan varð allt hljótt.
Þegar lögreglumenn komu á
staðinn urðu þeir að brjótast inn í
húsið. Þeir komu að manninum
látnum í forstofu, þar sem hann
hafði skotið sig með haglabyssu,
og fundu síðan eiginkonu hans
látna í hjónarúminu. Hún hafði
verið skotin haglabyssuskoti í
höfuðið.
Börnin voru ekki á heimili sínu
þegar harmieikurinn átti sér stað.
Þau gistu hjá afa sínum og ömmu,
en foreldrar barnanna höfðu verið
á dansleik um kvöldið. Engin vitni
urðu að atburðinum. Nágranni,
sem býr í sama húsi á hæðinni fyrir
ofan, heyrði fyrri skothvellinn og
forðaði sér úr húsinu með börn sín.
Svo virðist, sem maðurinn hafi haft
samband við lögreglu þegar eftir
verknaðinn. Þj
w Gönguhraði í viðræðum VSÍ og VMSÍ:
Ottalegur þæfingur
Um tíma í gær héngu viðræður í
Garðastræti milli vinnuveitenda og
Verkamannasambandsins á blá-
þræði. Engu að síður slitnaði þó
ekki alveg upp úr og verður trúlega
áfram þæft í dag.
Menn vildu lítið segja í gær-
kvöldi um stöðu mála. Einn við-
mælenda Tímans hafði á orði að
ekki væri gott að átta sig á stöð-
unni, þetta væri óttalegur þæfing-
ur. En Svo virtist sem þrátt fyrir
veika von væru menn sammála um
að halda áfram í von um að nýr
flötur mála kæmi upp á yfirborðið.
í gær var ekkert byrjað að ræða
um launamálin sjálf, en rætt lítil-
lega um orlofsmál o.fl.
Ennþá hafa samningsaðilar ekki
fengið klár skilaboð um aðgerðir
til að rétta hag fiskvinnslunnar. En
fastlega er gert ráð fyrir að eitthvað
heyrist frá ríkisstjórninni í dag eða
á morgun. Ólíklegt er að stór
tíðindi verði úr Garðastræti þang-
að til. óþh
Þrátt fyrir þungan róður í samningaviðræðunum slá menn á léttari
strengina. Guðmundur Joð og Þröstur Ólafsson.
Ráðhúsröflið
enn framlengt
Félagsmálaráðherra hefur staðfest
deiliskipulag af miðbæ Reykjavíkur,
en framlengir nokkuð röflið um
ráðhúsið þar sem borgarstjóra láðist
að kynna deiliskipulag á ráðhúsblett-
inum eins og lög gera ráð fyrir.
Félagsmálaráðherra beindi því til
borgarstjóra að hann stæði fyrir
viðbótarkynningu á ráðhúsinu og
gefi almenningi kost á athugasemd-
um við ráðhúsbygginguna. Að því
loknu verði skipulag ráðhúsreitsins
ásamt athugasemdum og umsögn
skipulagsnefndar lagt fyrir borgar-
stjórn til endanlegrar ákvörðunar.
í bréfi félagsmálaráðherra til
borgarstjómar segir að borgarstjóri
hafi fallist á að beita sér fyrir þessari
málsmeðferð sem lokið yrði fyrir
miðjan apríl.