Tíminn - 29.04.1988, Blaðsíða 4
4 Tíminn
Föstudagur 29. apríl 1988
Aðalfundur Krabbameinsfélags Reykjavíkur:
43 reyklausir grunnskólar
Aöalfundur Krabbamcinsfélags
Reykjavfkur var haldinn í lok
marsmánaðar. Þar baðst Tómas
Á. Jónasson yfirlæknir, formaður
félagsins, undan endurkjöri. Jón
Þ. Hallgrímsson yfirlæknir var kos-
inn formaður í hans stað. Tómas
var í stjórn félagsins frá 1973 og
formaður síðustu 9 árin.
í ársskýrslu félagsins var fjallað
um helstu viðfangsefni félagsins,
fræðslustarf og rekstur á Happ-
drætti Krabbameinsfélagsins.
Fræðslustarfið er fjölþætt og fram
kom að happdrættið hafi gengið
vonum framar.
Félagið hefur að venju haft náið
samstarf við grunnskóla landsins
um tóbaksvarnir. Starfsmenn þess
fara á ári hverju í nær allar deildir
5. til 8. bekkja á höfuðborgarsvæð-
inu og hcimsækja auk þess einnig
fjölda annarra skóla. Skólaárið
1987-88 bárust félaginu staðfestar
yfirlýsingar um 43 reyklausa grunn-
skóla, þ.e. skóla þar sem enginn
reykir. Búist er við að þeir verði
enn fleiri í ár. Nú í vetur er
rcyklausum níundu bekkjum veitt
sérstök viðurkenning í samvinnu
við Bifreiðastöð íslands og Hand-
knattleikssamband íslands.
Framhalds- og sérskólum hafa
að auki verið lánaðar fræðslu-
myndir og útvegað annað fræðslu-
efni. Félagið hefur gefið út smárit
í flokknum „Fræðslurit Krabba-
meinsfélagsins" auk annarra bæk-
linga. Félagið hefur staðið fyrir
.málþingi, námskeiðum og veitt
styrki til að sækja fundi, ráðstefnur
og námskeið erlendis.
Ekki kom til neins samdráttar í
rekstri happdrættis félagsins, þrátt
fyrir aukna fjölbreytni á markaðin-
um og þykir það góðs viti.
í stjórn Krabbameinsfélags
Reykjavfkur eru nú, auk hins ný-
kjörna formanns, þau Baldvin
Tryggvason sparisjóðsstjóri, Erla
Einarsdóttir gjaldkeri, Páll Gísla-
son yfiriæknir, Sigríður Lister
hjúkrunarforstjóri, Sveinn Magn-
ússon læknir og Þórarinn Sveinsson
yfirlæknír. Framkvæmdastjóri fé-
lagsins er Þorvarður Örnólfsson en
aðrir fastir starfsmenn eru fjórir.
Þrjár ályktanir voru samþykktar
á aðalfundinum. Þar var ályktað
um stuðning við reyklausan dag,
um ánægju með sívaxandi starf-
semi Leitarstöðvar Krabbameins-
félags íslands og því var fagnað að
opnuð hefur verið við Krabba-
meinslækningadeild Landspítalans
16 rúma legudcild sem bætir að-
stöðu þeirra krabbameinssjúklinga
sem þurfa á flókinni meðferð og
hjúkrun að halda. Jafnframt fagnar
fundurinn því að fyrirsjáanleg er
bætt aðstaða fyrir ytri geislameð-
ferð krabbameinssjúkra, þar sem
tekið verðurá móti línuhraðli,sem
keyptur var í framhaldi af söfnun
Lions-hreyfingarinnar árið 1985,
um mánaðamótin júní-júlí.
JIH
Gigtarfélagi íslands berst höföingleg gjöf:
Styrktarsjóður
gigtarsjúklinga
Gigtarfélagi Islands barst nýlega
kr. 500.000 gjöf í minningu Þor-
bjargar Björnsdóttur. Er gjöfin
stofnfé að styrktarsjóði gigtarsjúk-
linga.
Það eru fimm konur sem standa
að þessu og hafa þær stutt dyggi-
lega við uppbyggingu Gigtlækn-
ingastöðvarinnar undanfarin ár,
segir í fréttatilkynningu félagsins.
Stjórn sjóðsins skipa Jóhanna
Maggnúsdóttir, einn af stofnend-
um Gigtarfélagsins, Kári Sigur-
bergsson, formaður Gigtsjúk-
dómafélags íslenskra lækna og Jón
Þorsteinsson, formaður Gigtarfél-
ags íslands.
Ráðstefna Bandalags kvenna í Reykjavík:
Tengsl kirkju
við almenning
Boóaú hetur verid til ráðstetnu
um tengsl Þjóðkirkjunnar við al-
menning og málin skoðuð frá ýmsum
hliðum. Meðal umræðuefna verða
leikmannastörf innan kirkjunnar,
afstaða kirkjunnar til þjóðfélags-
mála og hlutverk kirkjufélaga.
Bandalag kvenna í Reykjavík stend-
ur fyrir þessari ráðstefnu sem haldin
verður að Holiday inn á morgun kl.
13.30.
Biskup íslands, herra Pétur Sig-
urgeirsson, mun ávarpa ráðstefnuna
eftir að Kristín Guðmundsdóttir,
formaður Bandalags kvenna hefur
sett hana formlega. Framsögumenn
verða þau Ragnheiður Sverrisdóttir,
djákni, dr. Björn Björnsson, pró-
fessor, Guðrún Ásmundsdóttir, leik-
ari, Guðrún M. Birnir, formaður
Safnaðarfélags Ásprestakalls, og
Kristján Valur Ingólfsson, sóknar-
prestur.
Pallborðsumræður verða að lokn-
um erindum og kaffihléi og mun sr.
Bernharður Guðmundsson, upplýs-
ingafulltrúi, stýra þeim. Ráðstefnan
mu verða öllum opin er láta sig
kirkju- og þjóðfélagsmál einhverju
varða, eins og segir í tilkynningu
kvennanna. Þátttökugjald með inni-
földum veitingum er fimm hundruð
krónur. KB
Útgáfa bæklings hjá Almannavörnum ríkisins:
Hvar og hvenær
falla snióflóð?
Samkvæmt lögum um almanna-
varnir og lögum um varnir gegn
snjóflóðum og skriðuföllum, ber AI-
mannavörnum ríkisins að sjá um
almenningsfræðslu á sviði náttúru-
hamfara og þar með talin snjóflóð.
Almannavarnir hafa nú gefið út
bækling sem kallast Snjóflóð, og er
það liður í þeirri viðleitni að taka
saman handhægar upplýsingar fyrir
almenning um hvenær snjóflóð falla
og hvar, hvort hægt sé að spá fyrir
um snjóflóð, dæmigerð snjóflóða-
veður og hvernig eigi að bregðast við
flóðinu.
Bæklingurinn, sem er litprentaður
og 18 síður, er sendur til almanna-
varnanefnda um land allt og verður
dreift inn á öll heintili undir næsta
vetur.
Höfundar bæklingsins eru Hafþór
Jónsson, aðalfulltrúi, Helgi Björns-
son jarðeðlisfræðingur, og Ingvar F.
Valdimarsson, formaður Flugbjörg-
unarsveitarinnar í Reykjavík.
-SÓL
Ýmislegt kennt sem lýtur að ferðamennsku á hálendinu:
Björgunarskólinn
fyrir almenning
Landssamband hjálparsveita
skáta hefur um árabil rekið sérstak-
an Björgunarskóla og hafa björgun-
armenn sótt þangað fræðslu. Nú
hefur landssambandið ákveðið að
opna skólann fyrir almenning og
bjóða ferðafólki að sækja sérstakt
námskeið í ferðamennsku.
Þessi ákvörðun er tekin eftir þau
óhöpp og slys, sem urðu á hálendinu
um síðustu páska.
Námskeiðið stendur í fjögur kvöld
og er ýmislegt kennt sem lýtur að
ferðamennsku, s.s. um útbúnað,
áætlanir, veðurfræði, fjarskipti og
búnað fyrir jeppa og vélsleða. Enn
fremur er kennd notkun áttavita og
korta. Þar að auki er námskeið í
meðferð Loran C staðsetningar-
tækja.
Námskeiðið er haldið í húsnæði
Landssambands hjálparsveita skáta
að Snorrabraut 60.
Rafmagnsveita Reykjavíkur stóð fyrir opnu húsi:
Þrátt fyrir verkfall VR:
Þrautakóngur fyrir
yngstu kynslóðina
Rafmagnsveita Reykjavíkur stóð
fyrir „þrautakóngi" í opnu húsi Raf-
magnsveitunnar sunnudaginn 17.
apríl s.l. Þetta uppátæki var í tilefni
norræns tækniárs og komu 2000
gestir til Rafmagnsveitunnar að
Suðurlandsbraut 34 og um 500 gestir
í Rafstöðina við Elliðaár.
Þrautakóngurinn var í formi
spurningaleiks fyrir yngstu kynslóð-
ina og tengdust spurningarnar ýms-
um þáttum í starfsemi Rafmagns-
veitunnar.
Verðlaun voru veitt tíu vinnings-
höfum við athöfn sem fór fram í
mötuneyti starfsmanna föstudaginn
22. apríl. Rafmagnsstjóri, Aðal-
steinn Guðjohnsen, afhenti verð-
launin sem voru reiðhjól, svefnpok-
ar og segulbandstæki.
Sérleyfin rúlle
áfram frá BSl
Að gefnu tilefni skal fólki á það
bent að þrátt fyrir verkfall Verslun-
armannafélags Reykjavíkur leggst
þjónusta sérleyfishafa, sem leggja
upp frá Umferðarmiðstöðinni,
ekki niður. í stað þess að greiða
fyrir farmiða í afgreiðslu, er við-
komandi bílstjóra greitt fargjald
beint.
Hinsvegar leggst sú þjónusta
niður á Umferðarmiðstöðinni að
svara fyrirspurnum símleiðis um
áætlanir sérleyfanna. Þær liggja þó
frammi á BSI eins og fyrr.
Rétt er að minna á að veitinga-
sala verður opin eins og endranær
á Umferðarmiðstöðinni. óþh