Tíminn - 12.07.1988, Blaðsíða 3

:,>rið]íidáöul-Í2vjtilVl 988
Grænlensk yfirvöld vilja ekki rétta í máli Hafþórs RE:
■i'iirniT v
Timinn 3
Hirða tryggingu og
segja málinu lokið
Hafþór RE 40, sem gerður er út frá ísafirði, hefur lent í hinum
mestu hrakningum frá því að hann var tekinn í grænlenskri lögsögu
að meintum ólöglegum veiðum á miðvikudag. Skipið hefur verið
stoppað, því sleppt, það tekið aftur af danska varðskipinu Vædder-
en, því sleppt eftir undirritun samninga og loks þegar bankaábyrgðir
lágu fyrir, vilja grænlensk stjórnvöld hirða féð og neita að rétta í
málinu.
Málið hefur þróast á eftirfarandi
hátt. Rækjutogarinn Hafþór RE 40,
sem áður hét Baldur og var varðskip,
var á miðvikudag tekinn af danska
varðskipinu Vædderen, fyrir meint-
ar ólöglegar veiðar, vestan megin
við miðlínuna milli íslands og
Grænlands. Eftir að hafa skrifað
undir staðfestingu um staðsetningu
skipsins og að það hafi verið við
veiðar, var skipinu sleppt. Mælingar
dönsku Gæslunnar segja skipið hafa
fyrst verið 5,7 sjómílur vestan megin
við miðlínuna og það hafi síðan
verið tekið um 3 sjómílur vestan við
línuna. f>essu er útgerðin að sjálf-
sögðu ósammála og segja skipið
hafa verið austan við, eða rétt vestan
við línuna, sem fellur innan löglegra
skekkjumarka. Hér virðist um
kortalegan misskilning að ræða, þar
sem Hafþór hefur meðferðis þýsk
kort, sem ekki eru sammála kortum
Vædderen um hvar miðlínan liggur.
Vædderen kemur aftur
Eftir undirritunina, hélt Hafþór
síðan áfram veiðum á Dohmbanka
á fimmtudag og fyrri hluta föstudags.
Um hádegisbilið kom varðskipið
aftur á fullri ferð, inn í íslenskri
efnahagslögsögu, og bað skipstjór-
ann leyfis um að fá að koma með
pappíra um borð frá dönsku her-
stjórninni, sem var samþykkt. Þá
„hertóku" Danirnir hins vegar
skipið. Fyrst leyfðu þeir þó skipinu
að halda áfram að draga, þar sem
nýbúið var að kasta trollinu út.
Skipinu var síðan siglt áleiðis til
Grænlands í fylgd Vædderen og ekki
sleppt fyrr en á hádegi á sunnudag,
þegar Landsbankinn á ísafirði lagði
fram tæplega þriggja milljóna króna
tryggingu.
Grænlensk yfirvöld ákváðu .hins
vegar í gær að milljónimar þrjár
væm ekki tryggingarfé, þar til réttað
hefði verið í málinu, heldur sektar-
greiðsla. Þau hafa því ákveðið að
ekki verði réttað í málinu; því sé
einfaldlega lokið.
Teknir, sleppt,
teknir, sleppt
Þessi ákvörðun hefur komið út-
gerðaraðilanum, Landsbankanum á
Isafirði, og ekki síst skipstjóra
Hafþórs, Gunnlaugi Gunnlaugssyni,
í opna skjöldu.
„Ég kem nú bara gersamlega af
fjöllum. Maður einfaldlega veit ekki
hvað skeði. Við erum teknir, okkur
er sleppt, við erum teknir aftur og
okkur sleppt aftur. Svo kemur þetta
ofan á allt saman,“ sagði Gunnlaug-
ur í samtali við Tímann í gær.
Hafþór var þá staddur undan Bjarg-
töngum og var á leið til ísafjarðar.
Samningurinn kveður hins vegar á
um að bankaábyrgð Landsbankans
sé tryggingarfé, þar til réttað hefur
verið í málinu og endanleg sekt, ef
dómur myndi falla svo, yrði ákveðin.
„Það verður sendur bátur eftir
skjölunum, það er að segja samn-
ingnum sem undirskrifaður var, og
útgerðarstjórinn fær þau síðan í
hendurnar," sagði Gunnlaugur.
íslendingar „plataðir“?
Þessi furðulega stefna málsins hef-
ur að sjálfsögðu vakið mikla athygli
og hafa menn rætt hver geti verið
Niðurstaöa deildarfundar félagsvísindadeildar:
Hannes Hólmsteinn
fær ekki að kenna
skyldunámskeiðin
Viðbrögð háskólamanna við ráðningu Hannesar Hólmsteins Gissurarsonar
í lektorsstöðu í stjórnmálafræði við Háskóla fslands, eru öll á einn veg. í gær
samþykkti deildarfundur félagsvísindadeildar einróma að Hannes Hólmste-
inn fengi ekki að kenna skyldunámskeið í stjórnmálafræði við Háskóla
íslands á næsta ári.
Nemendur við deildina höfðu sent
kennurum bréf þar sem þess var
krafist að kennsla í grunnnámskeið-
um í faginu yrði í höndum hæfra
kennara og að Hannes Hólmsteinn
yrði þar ekki með talinn þar sem
hann hefði ekki hlotið ótvíræðan
hæfnisdóm dómnefndar. Samþykkt
deildarfundar í gær er í samræmi við
þessa kröfu. Deildin ákveður sjálf
kennsluskrá sína, hvaða námskeið
eru í boði og hverjir kenna þau. f
yfirlýsingu fundarins í gær segir að
hún muni engum fela að kenna
námskeið sem ekki er til þess hæfur.
Lektorsstaðan, sem Hannes
Hólmsteinn var skipaður í, mun því
ekki nýtast eins og í upphafi var
ráðgert. Eðlilegt hefði talist að ný-
skipaður lektor tæki að sér kennslu
í grunnfögum, en ljóst má nú vera
að deildin mun leita annarra leiða til
að fullnægja þeirri kennslu. Ef fer
sem horfir mun deildin þurfa að ráða
stundakennara til að gegna þeim
skyldum, sem Ólafur f>. Harðarson,
einn umsækjenda um stöðuna, hefur
reyndar gegnt síðustu árin. Óvíst er
hvort Ólafur muni sætta sig við það
hlutskipti lengur, þ.e. að vera
stundakennari.
Samkvæmt niðurstöðu deildar-
fundar mun Hannes Hólmsteinn því
einungis fá að kenna valnámskeið,
annaðhvort þau sem fyrir eru og
henta Hannesi, eða ný námskeið
sem búin yrðu til.
Ekki náðist í Birgi ísleif Gunnars-
son, menntamálaráðherra, í gær-
kvöldi þegar niðurstaða deildarfund-
ar félagsvísindadeildar lá fyrir.
JIH
Vaknaði við eld
Maður sem svaf vært í bifreið á
Patreksfirði á sunnudagsnótt vakn-
aði upp við vondan draum, það
logaði nefnilega glatt í húddinu á
bifreiðinni.
Manninum tókst að koma sér út
úr bifreiðinni áður en hún brann til
kaldra kola og meiddist ekkert.
Bifreiðin, sem var eign bflaleigu,
er ónýt og er ekkert eftir nema
rústir einar. Ekki er vitað um
eldsupptök, en fullyrt er að ekki
var um íkveikju að ræða.
Þá valt bifreið á Dynjandisheiði
við Patreksfjörð um helgina, engin
meiðsl urðu á fóiki en bifreiðin er
mikið skemmd. -gs
ástæðan fyrir áðurnefndri hegðun
grænlenskra yfirvalda. Hafa menn
velt þeim möguleika fyrir sér að
orðalag samningsins sé loðið og
flókið og að íslendingar hafi einfald-
lega verið „plataðir" í málinu.
Birgir Valdimarsson, útgerðar-
stjóri Hafþórs, vildi í gær ekkert tjá
sig um málið.
„Ég get ekkert sagt um þetta fyrr
en ég sé samninginn milli skipstjór-
anna. Það stendur að vísu skýrum
stöfum í orðsendingu Dana að um
tryggingu sé að ræða, ekki sekt,“
sagði Birgir í samtali við Tímann.
Gunnlaugur skipstjóri sagðist
heldur ekki geta gefið efni samnings-
ins upp.
„Þetta er trúnaðarskjal,“ var það
eina sem Gunnlaugur vildi segja.
Tap minnst fjórar mill jónir
Það er hins vegar ljóst að útgerð
Hafþórs hefur orðið fyrir miklum
skaða vegna málsins. Skipinu var
siglt á fullri ferð til Grænlands af
Vædderen, og segir Gunnlaugur
olíueyðsluna muna að minnsta kosti
fjórum dögum að veiðum, auk þess
sem það var frá veiðum meðan það
var í “vörslu“ Dana. Hefur verið
áætlað að tapið nemi að minnsta
kosti fjórum milljónum króna. Við
það bætist síðan ef milljónirnar
þrjár, sem áttu að vera trygging, fást
ekki endurgreiddar. -SÓL
Vinningstölurnar 9. júlí 1988
Heildarvinningsupphæð: Kr. 4.398.744,-
1. vinningur var kr. 2.202.746,-
Aðeins einn þátttakandi var með fimm réttar tölur.
2. vinningur var kr. 660.060,-
og skiptist hann á 190 vinningshafa, kr. 3.474,- á mann.
3. vinningur var kr. 1.535.938,-
og skiptist á 6.047 vinningshafa, sem' fá 254 krónur hver.
Sölustaðirnir eru opnir frá
mánudegi til laugardags
og loka ekki fyrr en 15 mínútum
fyrir útdrátt.
Milljónir á hverjum laugardegi! Upplýsingasími: 685111