Tíminn - 06.08.1988, Blaðsíða 2

2 Tíminn
l
Laugardagur 6. ágúst 1988
Heyfokiö á Vesturlandi:
Leitað eftir
fyrirgreiðslu
Ekkí er ljóst hvort það foktjón, sem fjöldi bænda varð fyrir
í rokinu fyrir um hálfum mánuði þegar ilmandi taða fauk í
stórum stíl út í veður og vind, fæst bætt. Eins og Tíminn hefur
skýrt frá fauk hey víða af túnum á sunnan- og vestanverðu
landinu. Tjónið mun mjög mismunandi, sumir bændur hafa
tapað allt að 2000 böggum, aðrir nokkru minna.
Örn Einarsson, bóndi Miðgarði í
Stafholtstungnahreppi í Mýrasýslu
tapaði tugum hesta af heyi í rokinu.
Hann segist hafa séð á eftir um 1000
böggum út í himinhvolfið, en tekist
hafi að bjarga umtalsverðu magni af
heyi úr skurðum og girðingum.
Hann áætlar það hafa numið 5-600
böggum.
Guðmundur Sigurðsson, ráðu-
nautur hjá Búnaðarsambandi Borg-
arfjarðar, segist hafa spurst fyrir um
möguleika á fyrirgreiðslu fyrir þá
bændur sem verst urðu úti í óveðr-
inu. Enn sem komið er hafi ekkert
komið út úr þeirri athugun. Guð-
mundur sagðist ekki gera sér miklar
vonir urn að þetta tjón fengist bætt.
Það eru einkum tveir tjónasjóðir
sem mögulega koma til greina í
þessu sambandi. Annarsvegar Við-
lagatrygging Islands og hinsvegar
Bjargráðasjóður.
I fljótu bragði virðist ekki mikill
möguleiki á aðstoð frá Viðlagatrygg-
ingu íslands. í lögum um hana segir
að trygging nái yfir beint tjón af
völdum eftirtalinna náttúruhamfara:
eldgosa, jarðskjálfta, skriðufalla,
snjóflóða og vatnsflóða. Ekki er
getið um tjón af völdum foks.
Bjargráðasjóður skal lögum sam-
kvæmt bæta tjón vegna búfjárdauða
af völdum sjúkdóma eða af slysum,
grasbrests af völdum kulda, kals eða
óþurrka til að afstýra óeðlilega
mikilli förgun búfjár. Þá skal sjóður-
inn bæta tjón af völdum uppskeru-
brests á garðávöxtum og veita fjár-
hagsaðstoð vegna afurðatjóns á
sauðfé og nautgripum.
Magnús Guðjónsson, hjá Bjarg-
ráðasjóði, segir að þrátt fyrir að ekki
sé skýrt lagaákvæði um bætur fyrir
tjón af völdum foks, séu fordæmi
fyrir slíku. Hann segir ekki óeðlilegt
að bændur, sem orðið hafi fyrir
miklu tjóni, sendi inn umsóknir um
bætur úr Bjargráðasjóði. Magnús
tók frain að ásamt umsókn beri
mönnum að senda vottorð frá við-
komandi ráðunaut um tjónið. óþh
Gunnar Bergsteinsson, forstjóri Landhelgisgæsl-
unnar, um skortinn á mannskap:
„BÍÐUM OG
SJÁUM TIL“
„Við ætlum að bíða og sjá til
fram yfir helgi en þá á annar
flugstjóri að koma á vakt,“ sagði
Gunnar Bergsteinsson, forstjóri
Landhelgisgæslunnar, aðspurður
um hvort gripið yrði til ráðstafana
til að manna stærri þyrlu gæslunn-
ar, TF-SIF.
Eins og Tíminn greindi frá í gær
tilkynnti flugstjóri sá, sent átti að
konta á vakt í fyrradag, forföll og
var því ekki tiitækur mannskapur
á TF-SIF. Margir eru í sumarfríi og
voru aðeins þrír af níu flugmönn-
um gæslunnar þá tiltækir, tveir á
Fokkcr vélina, og einn á minni
þyrluna, en flugstjóra og flugmann
þarf til að rnanna TF-SIF. Launa-
deilur flugmannanna og ríkisins
fara harðnandi og má rekja þessa
röskun á starfsemi hennar til
þeirra.
„Á meðan ekkert aðkallandi
kemur upp munum við bíða um
sinn. Ef hins vegar kærni upp
neyðartilfelli mundum við reyna
að manna þyrluna. Það hefur ekki
reynt á það ennþá,“ sagði Gunnar.
Að öðru leyti hafði hann lítið um
málið að segja, honum var ekki
kunnugt um neinar viðræður deilu-
aðila á milli tii að koma starfsem-
inni í eðlilegt horf. JIH
Tímamynd: MM
Víða fuku hey á Vesturlandi. Hér sést glöggt dæmi um ástandið sem skapaðist.
Stjórnarfundur Framkvæmdasjóös íslands:
Stofnlánadeild fær
125 milljónir til
að lána refabændum
Framkvæmdasjóöur íslands samþykkti á stjórnarfundi
sínum sl. fimmtudag að verða við þeim tilmælum ríkisstjórn-
arinnar að lána 125 milljónir króna til Stofnlánadeildar
landbúnaðarins. Þessi upphæð mun standa að mestu undir
lánveitingum Stofnlánadeildar til refabænda, sem samþykkt-
ar voru á stjórnarfundi deildarinnar 18. júlí sl. Eins og áður
hefur komið fram í Tímanum samþykkti stjórn Stofnlán-
adeildar þá að veita skuldbreytingalán til refabænda, allt að
10.000 krónur á hverja refalæðu í landinu.
Jafnframt kom þó fram á þeim
fundi að ekki yrði unnt að afgreiða
lánin fyrr en ljóst yrði hvaðan fjár-
magnið kæmi til að sinna þeim.
Stofnlánadeild hafði fengið vilyrði
fyrir því að Framkvæmdasjóður
mundi aðstoða við fjármögnunina
en fram að stjórnarfundi hans í
fyrradag lá það ekki ljóst fyrir.
Stofnlánadeild mun nú hefja af-
greiðslu lánanna eftir helgi.
„Málið hafði ekki fengið formlega
meðferð hér fyrr en á fundinum en
við vorum búnir að vita af því í
langan tíma. Við ákváðum að veita
fyrirgreiðslu að þessari fjárhæð til að
lánveitingar Stofnlánadeildar næðu
fram að ganga, enda er það gert með
stuðningi og meðmælum ríkisstjórn-
arinnar," sagði Guðmundur Ólafs-
son, forstjóri Framkvæmdasjóðs, í
samtali við Tímann. „Frá okkar
Flugleiöir tengjast dreifikerfinu AMADEUS, sem býöur upp á ótal möguleika í
feröatilhögun:
FLUGMIÐAR, GISTING
OG KAVÍAR VID KOMU
Flugleiðir hafa gerst aðilar að
alþjóðlega dreifikerfinu Amadeus
sem gert er ráð fyrir að verði eitt
fjögurra stærstu farskrárkerfa í
heiminum þegar það kemst í gagnið
í lok næsta árs. Með tilkomu kerfis-
ins geta farþegar fengið betri upplýs-
ingar um ferðalög milli landa, auk
þess sem hægt er að bóka allt sent
viðkemur ferðalaginu, strax á ferða-
skrifstofum Flugleiða, eða öðrum
ferðaskrifstofum sem væntanlega
verða allar í beinum tengslum við
Amadeus.
Með þátttöku í kerfinu komast
Flugleiðir inní markaðskerfi, sem
býður vörur fyrirtækisins til sölu í
tugum landa í Evrópu, Norður-,
Suður- og Mið-Ameríku, Vestur
Indíum, Afríku og Asíu. I gegnum
kerfið verður hægt að kalla fram
upplýsingar um allt sem viðkemur
millilandaflugi, innanlandsflugi,
hótelum og/bílaleigum félagsins á
tölvuskjám í yfir 15.000 ferðaskrif-
stofum vítt og breitt um heiminn.
betta þýðir í raun að dreifikerfið
gerir kleyft að bóka fyrir upphaf
ferðar alla ferðaþjónustu, fram-
haldsflug, hótel, bílaleigubíla,
morgunmat, jafnvel kampavín og
kavíar við komuna á hótel ef því er
að skipta, svo eitthvaö se nefnt. Auk
þess sem tölvukerfið velur einföld-
ustu leið milli ákvörðunarstaða og
sinnir óskum ferðalanga um verð-
flokka.
Önnur flugfélög sem eiga aðild að
kerfinu eru Lufthansa, Iberia, Air
France, Air Inter, SAS, JAT, Finn-
air, Brathens og Adria, og eru fleiri
flugfélög að íhuga þátttöku. -ABÓ
Sigurður Helgason t.v. og Curt Ek-
strom forstjóri Amadeus við undir-
ritun samningsins. (Tímamynd Gunnar)
hálfu var þetta ekki fjárhagslegt
vandamál, það er Stofnlánadeildar
að meta hversu góð þessi lán eru.
Þetta voru bara skipti á milli stofn-
lánasjóða."
Ekkidregiðúr
lánum til fiskeldis
Fiskeldismál voru einnig til um-
ræðu á fundi Framkvæmdasjóðs.
„Fréttir af trega okkar til að veita
fiskeldi fyrirgreiðslu eru úr lausu
lofti gripnar. Það er engan bilbug á
okkur að finna og við erum ekki að
draga úr lánveitingum. Sem sönnun
fyrir því nefni ég að Framkvæmda-
sjóður hefur veitt lánsloforð að upp-
hæð 230 milljónir króna á þessu ári,
þar með talið 30 milljóna króna lán
sem ákveðið var að veita á stjórnar-
fundinum. Við vorum með aðra
umsókn um 40 milljónir til um-
fjöllunar og það var ágæt umsókn en
það var bara um vistun málsins að
ræða milli funda. Það kom upp
skoðanamunur á því hvort lánið ætti
að afgreiða hér eða úr öðrum sjóði,“
sagði Guðmundur.
„Allar góðar framkvæmdir sem
uppfylla eðlilegar kröfur hafa fengið
góða fyrirgreiðslu hjá Framkvæmda-
sjóði. Það eru kröfur um eiginfjár-
framlög, um að framkvæmdir séu
álitlegar og að trygging sé fyrir
bankaviðskiptum til að standa undir
rekstrinum. Vandamálið er ekki það
að stofnframkvæmdir fái ekki fjár-
mögnun, vandinn er með rekstur
stöðvanna. Það er nefnd að fjalla um
þá hlið mála og á að skila skýrslu
fljótlega. Það er brýnt að finna lausn
á rekstrarvandanum en það er hins
vegar ekki á okkar sviði að veita
rekstrarlán," sagði Guðmundur.
___________________ JIH
Leiðrétting
I grein minni Úr Japansferð II,
sem birtist í blaðinu í gær, hefur
orðið sú villa í tilvitnun í kvæði að
þar stendur „lúta að“ þar sem á að
vera lúta. -Þetta leiðréttist hér með.
I.G.