Tíminn - 06.08.1988, Blaðsíða 15

Laugardagur 6. ágúst 1988
íllilllllllllillllllll ÚTLÖND
Sovéskar hersveitir hafa nú yfirgefíð borgina Kandahar og eru nú engir sovéskir hermenn í suðurhluta Afganistan.
Hér er vélaherdeild að undirbúa brottför sína.
Sovéskar hersveitir
farnar frá Kandahar
Sovéskar hersveitir eru nú farnar frá hinni hernaðar-
legu mikilvægu borg Kandahar og eru því engir sovéskir
hermenn eftir í suðurhluta Afganistan að sögn sovéska
ríkisútvarpsins. Því verða hersveitir afganska stjórnar-
hersins að verja borgina, en á undanförnum vikum hafa
skæruliðar þyngt mjög árásir sínar á borgina og hafa á
valdi sínu megnið af landsvæðinu sunnan borgarinnar.
Sovésku hersveitirnar yfirgáfu
Kandahar á fimmtudag á sama tíma
og Eduarde Shevardnadze hélt til
Kabúl og hóf viðræður við afganska
leiðtoga um það hvernig endanleg-
um brottflutningi sovéskra her-
manna úr Afganistan skuli háttað.
Daginn áður hafði Shevardnadze
hitt Yaqub Khan utanríkisráðherra
Pakistan að máli í Moskvu. Sakaði
Shevardnadze Pakistana um að veita
skæruliðum liðsinni og brjóta þannig
í bága við Genfarsamkomulagið um
brottflutning sovéskra hersveita frá
Afganistan.
Utvarp Moskva sagði frá því að
sovésku hersveitirnar hefðu yfirgefið
Kandahar og einnig borgina Kunduz
í norðurhluta Afganistan. „Það mun
taka hersveitimar sex daga að kom-
ast til landamærabæjanna Kushka
og Termez" sagði í frétt útvarpsins.
Krasnaya Zvezda málgagn sov-
éska hersins sagði frá því að þyrlu-
sveitir hafi yfirgefið Kandaharsvæð-
ið í hópflugi á fimmtudag og að
vélaherdeildir og fótgönguliðar
hefðu haldið heim á leið í byrjun
vikunnar. í frétt blaðsins var einnig
minnst á að skæruliðar múslíma
hefðu gert harðar atlögur að borg-
inni að undanförnu og vitnaði til
orða N. Oiyumi hershöfðingja
stjórnarhersins á Kandaharsvæðinu.
Hann sagðist gera sér grein fyrir
þeim „hernaðalegu og stjómmála-
Iegu“ erfiðleikum sem steðja muni
að stjórnarhernum á þessu svæði
eftir að sovéskir hermenn héldu
heim og sagðist ekki vera „alltof
bjartsýnn" á framtíðina.
Hins vegar var hann ekki svart-
sýnn um of. „Ég get sagt það með
fullkominni ábyrgð og sannfæringu
að eftir að sovéskar hersveitir yfir-
gefa Kandahar muni hersveitir á
svæðinu geta varist hvaða árás sem
er“ sagði hann.
Tíminn 15
Sumarferð í Lakagíga
Sumarferð framsóknarfélaganna í Reykjavík inn í Lakagíga verður
farin laugardaginn 13. ágúst.
Ferðaáætlun: Lagt af stað frá umferðarmiðstöðinni, Reykjavík kl. 8
f.h. Stoppað á austurleið á Hellu og Hvolsvelli. Áætlaður komutími á
Kirkjubæjarklaustri kl. 13.00. Þar mun utanríkisráðherra, Steingrímur
Hermannsson, ávarpa ferðalanga. Á Kirkjubæjarklaustri mun verða
sagt frá sögu Skaftáreldanna. Inn í Lakagíga er áætlað að verða
komið kl. 16.00. Þar mun Jón Jónsson jarðfræðingur segja frá
jarðfræðilegri sögu Skaftáreldanna. Á leiðinni til Reykjavíkur er
áætlað að stoppa í Vík í Mýrdal. Áætlaður komutími til Reykjavíkur
er kl. 22.00.
Stelngrlmur JónJónsson
Hermannsson jarðfrœóingur
Ferðalangar eru minntir á að hafa með sér nesti. Fararstjórar og
leiðsögumenn verða í hverri rútu. Verð kr. 2.000 fyrir fullorðna og kr.
1.000 fyrir börn.
Tekið á móti pöntunum í síma 24480 og miðar seldir á skrifstofu
framsóknarfélaganna milli kl. 8.00 og 16.00.
Framsóknarfélögin í Reykjavík.
Byggingarfélag
eldri íbúa í Garðabæ
Stofnfundur Byggingarfélags eldri íbúa í Garðabæ
verður haldinn miðvikudaginn 10. ágúst n.k. í
Safnaðarheimilinu Kirkjuhvoli og hefst kl. 20.30.
Tillaga undirbúningsnefndar að skipulagsskrá fé-
lagsins liggur frammi á skrifstofu félagsmálaráðs
Garðabæjar, Safnaðarheimilinu Kirkjuhvoli.
Garðbæingar 60 ára og eldri eru hvattir til þess að
mæta.
Garðabæ 5. ágúst 1988
Undirbúningsnefnd.